十字冰室 (恆陞大樓)

营业中

休息中

Cross cafe is originated from the famous brand of milk cross brand in hong kong, it states that all the milk product is from hong kong. It has all the hype when it first opened in a year ago. The food are fair with the taste and the drinks are quite special crediting to their own supply of milk. I tried the sandwich and the ice chilled milktea, the look is tempting and the taste is good. However it's slightly overpriced.

香港開埠咁多年，有好多好多的本土自家品牌的用品及食品出現過在市面。有的，追不上時代而消失了；有的，後人加入新的思維，搞搞新意思，令老品牌得以再次發揚光大；更有一些，不太出名，也不會沒有生意，一直守護著品牌同高質素。說牛奶，香港的有 "牛奶公司"，"維記"，"維他"，同 "十字牌"。再數可能要說是產量很少的 "農場鮮奶"。各有各的千秋，各有各的擁躉。細細個我我，四本地大品牌都飲過了，而我最喜歡的，是源至大嶼山神樂院的 "十字牌" 鮮奶。今時今日， "十字牌" 已經發展到各大小超市便利店都有售，已經由一個小品牌變成大品牌。不過，其別稱 "神父牌" 依然令 "十字牌" 增添了一份不一樣的本地味道，縱使現在已經不在大嶼山生產，"十字牌" 堅持在元朗生產，保持香港製造的精神。而，此牛奶品牌的母公司，在西環開設了一間主題懷舊冰室。把早已經家傳戶曉的 "十字牌" 擺入餐廳主題，並用 "十字牌" 牛奶設計出多款的懷舊茶記美食。名字簡單就叫《十字冰室》，吸引到我這一個間唔中愛懷舊一下的偽文青前來。 餐廳是新，但是故意地製造出一個六、七十年代的感覺。喜歡懷舊的人也許會感覺到這一家餐廳有趣的地方。然而，在飲

今日難得放低個女，同老公去撐枱腳。自從地鐵站通車後，西營盤高街多左好多新餐廳，本來想試米芝蓮推介嘅台灣野請坐，點知大排長龍，結果就去試下開左一段時間嘅十字冰室。去到門口，已經覺得個招牌幾靚幾懷舊，而高街附近大部分都係新式西餐廳，個人比較鐘意懷舊嘅感覺。入到店內，牆上面嘅裝修都係參照舊式冰室，連牆上餐牌嘅字體都係舊式字體！同老公一人叫左一個常餐，每位$58。奶茶幾香幾滑；牛油方包可以免費轉做牛油多士，佢用嘅呢隻牛油都幾香；炒蛋都好滑，不過份量可以多返少少；至於豬扒意粉，塊豬扒醃得幾好味，而且唔會醃到淋晒，幾有口感；意粉呢，比較硬身，唔似其他茶餐廳意粉浸到發漲嘅感覺；湯底係十字牛奶湯底，食完都唔係覺得好口渴。整體來說都唔錯，服務唔會好似同類型冰室澳牛華星個d咁差咁chur。

十字牌冰室🍼😋平安夜早餐😚同寶寶叫左常餐同皇牌餐。常餐係普通十字牛奶炒蛋配包，同豬骨湯豬排意粉。皇牌餐有黑松露炒蛋配包，同牛尾湯通粉😉餐包可以免費轉多士。炒蛋超級細份，黑松露味唔係好香😐+$6叫左十字牌朱古力奶，好滑好濃朱古力味😋好滿足既早餐💕住附近可以一試，專登去就冇呢個必要啦

11:20到達沒有人的 已經心想還要試嗎？還是坐下了～點了焗豬排飯和熱朱古力 和常餐朱古力味道普通 焗豬排飯唯一好處是夠熱 但飯底是濕濕的 沒有先準備好炒飯 鮮茄味不夠然後常餐多士皮硬到切不開 炒蛋沒什麼蛋香奶香至於豬骨湯意粉是沒味道的 還有淋得像浸水了一夜一樣 豬排是薄得很所以淋 整體味道是不合的整體來說 不難食但不值得一試裝修雖然特別 但坐在一角好多蚊仔還要吃了百多元 覺得～真的不要相信宣傳廣告如果用一個十字牌來做冰室 不應該是呢個質數失望

記得剛開張的時候人山人海，食個早餐都要等既。嗰時食過菠蘿油就念念不忘，覺得佢比西環某間老字號更好食。由於佢算開得晏（西環好多餐廳都係630am既），好難得先有機會黎，又唔洗驚要等位。菠蘿包凍既，牛油細到好似初生嬰兒隻手咁細塊個包既味重要似隔夜🤦🏻‍♀️芒果木瓜麥皮呢個算係最好架喇~ 味道均勻，好足料既係！朋友食既深海魚柳餐因為佢好鍾意食魚柳，所以對魚柳嘅早餐非常之有研究。滑蛋我覺得始終唔夠滑，而且佢所有麵包都唔知點解係凍嘅，仲要有好大陣隔夜味。要用隔夜麵包都唔該叮下佢，至少唔好俾我食到呀🤦🏻‍♀️🤦🏻‍♀️🤦🏻‍♀️奶茶都係一般

1️⃣Nutella 朱古力榛子醬厚西多士🍫 $38 評分: 7/10 見到都覺肥🤣🤣切開後就是滿滿既Nutella🍩西多士幾厚身，口感唔錯🤘🏻但怕肥滯既人就唔好玩命啦 2️⃣火腿爆蛋菠蘿包🍍 $24 評分: 6/10 爆蛋原來係流心既煎蛋🍳賣相有點頹😂好扁好扁🤣但菠蘿包本身不錯吃，夠脆口 3️⃣黑松露蛋菠蘿包🍳 $29 評分: 7/10 隻蛋望落好似好dry，但食落又幾滑😬黑松味唔係話好重，但幾香 4️⃣冰鎮奶茶☕️ $19 評分: 6/10 十字牌既樽，賣相幾正👻但茶味唔太重 5️⃣十字雲尼拿焦糖奶昔🍨 $34 評分: 7/10 好香好甜🤤焦糖味加牛奶，入面仲有餅碎😍係令人上癮既味道 6️⃣十字雪糕新地🍦 $35 評分: 6/10 用十字奶整既牛奶雪糕，食落奶味幾香，有d似雲呢拿，口感幾滑

暢遊西環第一站，十字冰室，這是隨意走進去，探探十字牛奶。看到皇牌餐有牛尾通粉，即被吸引。黑松露旦，軟滑適中，有黑松露粒子，愛吃人仕不防一試！麵包新鲜，如是烘多士更好！這裏的牛尾湯通粉真的有一件牛尾！而好立克味亦夠濃，但較细杯，只有2/3杯！炸魚柳薯条，魚柳大塊又香脆，有兩件。薯条炸得刚刚好，脆而不腻。燉鮮奶，夠滑，不太甜，但味道不知欠什麽，不及澳牛甘香。突然看到有五天快閃，又有免费雪糕吃，多幸運！雪糕入口奶味濃，朱古力脆筒勁脆，好吃！小店很細心，有叉電座位，方便用電子器材的食客！又是開心的一頓飯！

星期日中午專誠嚟到十字冰室。唔係太多人等位，大慨5至10分鐘就有位啦！外面巳經有個大餐牌，等位時巳經可以揀定野食！由於巳經過咗早餐時間，我就叫咗個常餐。我改咗個意粉做通粉。個豬扒好食，好入味個湯底有驚喜！仲有冰室一定要食嘅炒蛋，但係有啲太熟，唔太滑，有進步嘅空間！加咗個菠蘿油，反而幾好食最後當然唔小得十字牌牛奶製品啦！呢杯十字朱古力奶昔先係主角睇落去好似好甜咁，但其實一啲都唔甜，仲好有奶味！鐘意飲朱古力奶嘅朋友一定唔可以錯過！推介比大家

今日去了西營盤的十字冰室吃早餐，此店剛剛開張營業就來過一次，由於當時安排混亂，侍應也未熟習運作兼有錯單，所以今次再來試下應該掂，一行三人叫了三文治餐，港式早餐。港式早餐有仿鮑魚火腿通心粉配牛奶炒滑蛋及牛油方包（＄38） ,還有一杯飲品。同行的兩位長者選擇飲熱十字鮮奶（加＄6）。一直都見門外有人龍排隊，亦有年青人周末踢對人字拖就落樓吃辛辣麵餐，看見別人吃五香肉丁煎蛋辛辣麵呀！口水都留了。下次再來還想試吓他的十字牛奶豬骨湯通粉配香煎雞扒+牛奶炒滑蛋及牛油方包這個都是＄44不是太貴，而且十字排自家出的鮮奶很有口碑。

個通粉味道有點似羅宋湯 味道買可以接受 一整舊牛骨放在中間，但可惜，應該都5係真係用舊嘢淆成湯，欠缺牛味。黑松靈味多重，不過比起華記的校張多士，其實買差得遠。不過多士牛油落重料，補返數。個麵都幾好食，唔會太重味精。豬扒煎得夠香，相信喺張圖大家都感受到的。炒蛋多士第2次食。比第一次進步多了。今次看得見蛋絲，唔會炒得太過老。都幾入口，不過有得揀，還是會選擇澳記，因為味道喊啲又濃啲！但其實2者嘅質感相若。西多，平時自己都唔食芝士的，有朋友叫到都食返嘮。朋友加蜜糖喺面，食落口又咸又甜，感覺幾特別呀。同埋炸得不錯，夠邪惡。Yinyeung, 感覺其實好潔，唔係太滑口。朋友叫了杯凍的，完全跟熱的不同味，太過甜。最後，叫了咸牛多士。要比負評了！咸牛不夠多！仲有，完全5咸兼無味的，食落口同普通蛋治無分別的。勸勸老細換下咸牛罐頭吧。

香港有好多特色既冰室，無論係老店定係新開既小店，都係行懷舊、復古晚風格。眾多冰室當中，十字冰室最近人高企, 皆因佢地有潮味濃既霓虹燈打卡位，又有自家製軟雪糕，成為賣點之一。皇牌餐 $58 比較豐富，有香濃蕃茄牛尾湯通粉配黑松露炒滑蛋及牛油方包，個通粉味道調得幾好，唔錯。黑松露炒好滑！而且非常滑呀！😍好正！加$5 轉左熱牛奶，牛奶好淡🤔 火腿爆蛋菠蘿包 $26荷包蛋煎得好好😍 夠嫩，入面真係流心架！菠蘿包都夠脆，呢個配搭好好食😋 士多啤梨奶 $19好少冰室會有士多啤梨奶，好好飲😋👍🏼粉紅色好靚呀！見到都開心呢😍 而且個杯好靚！復古風格，岩晒中意相機食先既朋友。自家製雪糕有牛奶味、朱古力味同兩溝 $28 兩溝味道都幾濃郁，不過溶得好快😣拎住個雪糕係霓虹燈前影相一流呀😎

某天去複診，完了複診，鎖定了早餐目標，十字冰室。地點系西營盤高街。典型懷舊裝修。晨早流流，吃不到十字軟雪糕。點了陽光早餐。多土只有半件，太陽蛋也很靚仔。但腸仔實在太咸。奶茶也算香滑！看過餐牌，午餐及晚餐價錢不太便宜。但有興趣嘗試他們的西多，黑松露炒蛋等。

一肚氣。。。 晨早瞓醒， 見今日天氣咁好，諗住嗌個醒神早餐 。。 點知個聽電話個男仔不知所謂 ，第一次打去，佢叫我一分鐘後打回來， 好我一分鐘後又打回來。 第二次再打去 ，佢完全答唔到你問題 ， 問佢有冇餐, 佢話冇, 我問係冇炒蛋定係冇通粉， 佢話係冇餐，但係散叫又有，跟住我話咁散叫，跟住又話冇得散叫， 再問多幾次 原來係冇 蕃茄湯底 ，問佢有冇其他介紹 ，佢問我有冇外賣紙， 我話冇，跟住佢就唔出聲。跟住我要同佢老闆對話，仲要cut埋我線。 我今日全日個心情 就畀呢條 接線生教壞了。如果唔想做生意，唔好做喇! 😤😤😤😤😤😤

週五晚上跟公主在西營盤附近，本身喜歡試食不同的冰室，加上之後有工作，便試試十字冰室吃個快的晚餐。我們兩人點了：皇牌餐（$58）番茄湯牛尾通心粉番茄湯味道不錯，番茄味和鹹度適中。以冰室通粉來說，牛尾分量不少。黑松露炒蛋配牛油方包個人覺得炒蛋不錯，黑松露香氣跟味道俱備，炒蛋不會過硬起粒亦不是太水，可以再「流」多一點點。方包不太熱，把炒蛋放上去一齊吃味道更佳。火腿爆蛋菠蘿包就是菠蘿包火腿蛋治，一甜一鹹的組合效果不錯。「爆蛋」卻有點名不符實，沒有流心。薯條OK，夠熱，脆，不太鹹。但以$38來說，有點被騙的感覺，因為那個醬完全沒有松露味，更像普通沙律醬。朱古力奶，從玻璃樽裏喝是挺有風味，但味道當然都是普通朱奶。冰鎮奶茶，公主說太苦，我覺得OK，因為是冰鎮的，保留到茶的原味埋單$150兩個人，冰室來說有點貴，但試了幾樣食物都OK，而且它應該已是高街唯一還是平民的餐廳了。走的時候沿路走去地鐵站發現整條街都變了開放式的西餐，形成強烈的對比。