十字冰室 (恆陞大樓)

营业中

休息中

今日見屋企附近開左間新既茶室，叫十字冰室，咪諗住去試下味道，點知竟然要排隊，心諗一定幾好食，如果唔係點會咁的人排隊！但其實食物種類唔多如果想食飯嗰啲就唔使諗，不過既然嚟到，就試吓囉！唔知係咪期望太高，有d失望用辛辣麵底加左芝士、午餐肉、腸仔，真係自己返屋企都煮到，腸仔仲有些煎窿左，但價錢成$44另一個係辛辣撈麵，又係冇特別，基本上自己屋企可以煮得到，而且價錢太貴Ice lemon tea, 完全冇茶既香味，唔合格熱奶茶，普普通通！

十字牌牛奶就飲得多，知道開左間十字冰室就特登黎試吓，2點幾黎到都有幾多人排隊，門口設計特別，最後排左30分鐘左右先入到去今次兩個人食，分別叫左個常餐同英式早餐，另外再叫左個菠蘿包常餐：奶茶夠茶味，唔太澀吉烈豬排味道幾好，唔會太油多士幾鬆化，不過個炒旦熟左啲意粉湯底有牛奶味，唔錯英式早餐：份量好足，有雞排、煙肉、腸仔等等，帶啲港式味道，一個女仔多數食唔晒，性價比高個菠蘿包拎黎個陣都夠熱又鬆化，值得推介

聽同學講得多，今日終於有時間嚟朝聖。下午茶時段去，只叫左個芝士漿爆西多加紅豆冰。十級邪惡的食物！一黎嚇親，賣相唔錯，夠哂炸，但洗唔洗咁厚吖？而且堅多cheese, 係勁多、多得滯，好似唔洗錢咁。味道係正嘅，炸得鬆軟香口、芝士味濃，但真係唔洗咁多cheese , 塊麵包減一半都夠啦。紅豆冰都不錯，但冰粒太大，如果係碎冰應該會好啲。

撒嬌是人類與生俱來的本能。還記得幼稚園的時候，每當經過玩具店，也會向父母撒嬌，嚷着買洋娃娃嗎？還記得小學的時候，每天放學之後，也會向父母撒嬌，嚷着要看卡通片嗎？而我小時候甚少撒嬌買玩具，但最愛撒嬌賴床，睡多5分鐘？3分鐘？1分鐘？最後每天早上只能喝一包鮮奶便匆忙跑去上學，因此從小便成為十字鮮奶的忠實粉絲。記得當年茶餐廳一份早餐大約＄15至＄25左右，每逢星期天早上，家人也會帶我去吃一份超大火腿奄列加玻璃樽裝十字鮮奶餐套餐＄26，想起來也覺得挺誇張奢侈。最近看到網上介紹西環開了十字冰室，我已急不及待相約朋友到這裏吃個豐富早餐才上班去。西營盤站開通之後，真的多了到這邊吃飯，由第二街出口向上行兩條街便可到達，若果揸車的朋友更方便，高街有大量兩小時咪表位可供泊車，平日早上八時更不缺呢！十字冰室的大門招牌用了紅色的霓虹光管，外牆用了懷舊黑框配落地玻璃，餐廳內放了復古的餐牌，還有不同形狀的餐枱，有三張三人圓枱，兩張四人方枱，還有三大張長巴枱，最體貼的是牆上有插蘇可供客人叉電。我們點了一份十字營養餐＄39，包括有牛奶麥皮（轉芒果木瓜麥皮加＄5）配牛奶炒滑蛋及牛油方包。另外一份英式全日早餐＄59，包括

Lunchtime 去左高街試下十字冰室，因為見到有香濃蕃茄牛尾湯通粉就即刻諗都吾諗揀左皇牌餐。當個牛尾湯通粉嚟到，見到大大舊牛尾，好吸引。牛尾好入味又夠淋，而蕃茄湯底好香濃，食得出吾係用茄膏，又見到蘿蔔粒，整體不錯不錯。套餐配黑松露炒滑蛋及方包，我叫左烘底。黑松露炒滑蛋有黑松露味，炒蛋都夠滑。個人覺得味道不錯，份量足夠，價錢都合理，皇牌餐盛惠$53 仲有熱飲一杯 整體不錯，會再來幫襯，下一次會嚟試下甜品。

嗰日下午去食咗個唔記得咗乜餐，真係非常好味，冇得頂，當中有蕃茄牛尾通粉，舊牛尾好大舊，好好味，黑松露炒蛋同多士都good, 再加多一杯奶昔冇得頂！臨走仲叫咗個十字軟雪糕外賣，一定有下次！

星期六下午4.00到, 門口排左6,7人, 等左10分鐘到就入得, 點左一份常餐(多士炒蛋+豬扒意粉)炒蛋唔錯,多士正常,豬扒得幾舊仲要係叉燒size, 最敗筆係兜意粉, 個牛奶湯麻麻, 意粉偏硬. 另一份係皇牌餐,黑松露炒蛋好味, 不過松露味唔重, 牛尾通份量同價錢($53)相比有d過份, 重點係通粉好硬. 杯咖啡幾好.服務方面, 以茶仔黎講出餐算慢, 等左15分鐘左右先上炒蛋, 再過10分鐘上通粉, 點知拉開櫃桶冇餐具, 等侍應比隻匙羹又等左幾分鐘, 碗粉都涼晒, 其實本身都唔算熱.總括黎講, 試一次ok啦

大熱天時都排左半個鐘方可入坐，星期六黎食既人都特別多行遲半步可能要等成個鐘。原本最想試既係流心芝士西多士，點知落單時店員告知3點後才有（心諗早講麻總之唔等啦）最後因非常肚餓既關係隨便叫左。。。。火腿爆蛋菠蘿包 － 只不過係菠蘿包夾火腿雞蛋。我個人不喜歡又鹹又甜所以覺得一股，但友人覺得幾特別新嘗試麻，總要試下既。薯條配松露蛋黃醬－ 薯條一般冰室都有冇咩特別但令到個薯條出色既就非這個松露蛋黃醬莫屬啦，可謂係一個新嘗試。咁講米姐係蛋黃醬好味羅～奶茶紅豆冰－ 原本以為係用十字奶制，點知問店員原來係普通奶咋。不過而杯野都算不過不失，唔係特別好飲其實其他冰室都可以做到一樣水準。總結一下，唔算特別好味會亦唔令人有食完想再食既感覺。但如果想飲玻璃樽既十字奶咁就一定要去啦，因為出面冇啦麻～

今天下午茶時間滿懷希望去試一試十字冰室的食物，下午三時左右去到，不用等位，冰室內比較舒適的枱只有三張，其餘的位置都是不大舒適的冇椅背的椅子。感覺上一點都不像兒時的冰室感覺，但到來亦不是為裝修，幸好有舒適靠背位置。作為茶餐廳食品，價格偏貴，點了一個常餐$49，常餐有吉列豬扒配牛奶炒滑蛋，豬骨湯意粉，牛油方飽及飲品。詢問侍應改牛油多士需要加兩元，這個常餐就盛惠$51！先來熱奶茶，不過不失。接着的半塊厚牛油多士，相信麵包不太新鮮，多士偏硬。吉列豬扒又肥又硬，不好吃，真失望！😥仲有個迷你版湯意粉，份量少得驚人，意粉很硬，不是煮不透，而是意粉本身質素差！😰一定不會再來！

平日黎到尼間冰室，唔洗等位。最喜歡係懷舊同冰室，所以無理由唔到訪一下雖然已知十字冰室並非真懷舊，但十字主題倒是很吸引我門面好靚必影既影相位入到餐廳，裝修側沒有太大既驚喜感。去十字餐廳當然要飲十字奶。本來想飲冰鎮奶茶但賣晒，本來樽裝奶同樽裝朱古力奶都賣晒但突然又有番，想飲奶的心點左個火腿爆蛋菠蘿包，size唔算太細。食落好實在唔係空氣感既菠蘿包，仲好重牛油味入面隻蛋係全熟的，如果流心蛋會更更更吸引菠蘿包略為硬左小小而且偏甜左小小，整體不過不失。菠蘿包系列仲有黑松露牛油菠蘿包同黑松露炒蛋菠蘿包。唔食菠蘿包仲有大量包類選擇例如厚多士類、三文治類、西多士類都好吸引，當然唔一定食包只係我特別喜歡

[ 十字牌，細細個就聽佢個名... ]星期曰下晝2點幾黎到～以為過左lunch，又未到下午茶，呢段時間唔洗排隊呱～原來都要排，前面有８個人左右，我地等左約１５分鐘就可以入去了～都算快～我地order左1) 牛尾湯通餐 ，配黑松露蛋及多士$55:  隻碟好大，但份量好少，男仔幾啖已經食完~湯底不過不失，但毫無特別之處~同出面茶餐廳質素差唔多~但價錢貴好多，唔抵食!黑松露蛋&多士，一上台我已經第一時間食，但蛋唔熱，多士又淋又un~勁失望呢~(2) 普通凍奶茶+$3 (無叫冰鎮奶茶，因為無得跟餐~要比正價~) : 有d似華嫂既凍奶茶~有茶香~唔錯呀~(3) 午餐肉煎蛋撈辛辣麵 $44:  兩塊午餐肉煎得幾靚，幾好味~但敗筆在於隻半熟蛋黃，撈麵時d蛋黃汁令辛辣麵變淋.....口感變差，似食緊蛋黃汁撈麵多過辛辣麵~(4) 冰鎮咖啡 $19:  有點甜，咖啡味唔夠濃~2個人食左$121，貴又唔值~但貴都唔緊要，比返d有質素、值$121既食物就可以~所以我覺得今次好失望~未能品嚐到「十字」獨特之處~更搵唔到一個令我「翻兜」既理由~

裝修典雅，環境恬靜~有啲似bar既setting 有得叉電 似cafe~唔多人既話，我諗坐係到hea都不成問題。始終對手都cafe多，所以環境不錯既，夠餐牌中英對照👍🏻不過唔係好多options，早餐得兩個set，一係就散叫。叫左兩個豐富早餐，滑蛋不錯。另外叫左個波蘿油，正👍🏻略嫌牛油細塊，不過個包熱辣辣，又夠脆~熱奶茶不過不失，夠滑既。

家附近開了此冰室，逢假期都大排長龍，其實看門面不太吸引，落雨天時入口還有積水，在門口排隊又無野遮擋雨水。今早見未有人排隊，唸住試下，叫了個豐富早餐，真的好油膩，質素非常一般，相比這個價錢又不是太值得，座位迫夾不舒適，無乜可取，比起其他都係以用奶做菜式的食肆，佢有排都未追得上。而家佢哋話係試業中，唔知幾時先至真正營業，見佢哋裝修都攪咗好耐先開張，但估唔到D野無驚喜，有點令人失望。如閣下想增肥不妨多D去，我就住咁近都不會有下次。

周记点心关门装修了，特意来吃，白跑一趟。转战十字冰室早就想尝试西多士，看着特别油，一直没勇气尝试！今天下午两点左右路过十字冰室，居然排起了长队！感觉一定是味道不错，但是炎炎烈日，实在提不起劲头排队。去Instagram pier和 sai wan swimming shed玩了一圈，回来已经六点了。又来了这，没有排队。但是感觉看起来并不诱人，吃起来也说满口油腻，要了推荐的芝士心，不好吃，感觉西多士还是适合甜的，芝士的咸味吃起来非常怪！牛奶中规中矩啦不推荐

叫左碗燉奶同奶油多，本來想叫雪糕，見到推廣價都$20，不如食dryers。本身自己好鍾意煉奶，但份奶油多士既奶油只係佔塊包既1/5，成塊野好乾。於是我問佢可唔可以加多少少煉奶。佢話要加$4! 真係令我o 左。一支煉奶＄20唔使，依家唔係叫你成支比我，只係想塗滿塊麵包，咁都要索價$4。本來已經貴  $16一塊，又唔足料，叫佢加返足，就要加$4。最好笑係係嗰度飲一支十字奶要$12，我不如去隔離7仔買。呢間野，試一次貪得意，以後唔會去。