十和田總本店

营业中

休息中

食lunch想搵間日本野食下，呢間餐廳其實成日行過見到麵想食。趁難得出開尖沙咀就同朋友入去食個午飯。餐廳氣氛幾好，有居酒屋嘅氣氛，木調色既配色，幾溫暖。午市都多選擇，有平有貴。刺身拼鰻魚飯(配飯,蛋) $118 呢個套餐幾豐富，一碗鰻魚飯加埋刺身，刺身有三款每款有兩片，勁厚切又夠新鮮。 鰻魚飯唔算特別肥啖啖肉，所以食晒成個餐都唔會覺得太過油膩。個餐另外仲有蒸蛋同埋麵豉湯，非常抵食。火炙左口魚邊丼(配飯,蛋)$148呢個火炙左口魚望落都好食，因為唔止有火炙左口魚，仲有海膽。左口魚火炙過之後d油份出晒黎，入口有即溶既感覺。加埋d海膽，食落都幾鮮味，落左少少豉油已經覺得好好食。

今晚晚市都係叫返我地大愛性價比高既三文魚親子丼同雜錦魚生丼。唯一同午市唔同既，就係晚市呢2個丼飯係唔包湯同茶碗蒸嫁。每次黎食佢地呢2款既雜錦魚生丼都好滿足，今次睇到粒粒魚生都好大粒，份量好大份，雖然雜錦魚生唔算好多款，但樣樣都好鮮甜味美，最中意係三文魚同吞拿魚粒，啖啖口感都好豐富。不過如果魚生數量可以再多D / 款式再多D就更好了最平既丼飯百零蚊已經有一碗，舒服既環境同任飲既綠茶，可以慢慢坐係到食閒聊下。

今日同朋友去尖沙咀行街經過見到呢間十和田總店，諗起都有好多朋友推介過佢哋嘅丼飯，之前一直訂唔到位，今日見到walk-in有位就決定試下！環境都唔錯，座位寬躺，叫咗以下幾款菜式：牡丹蝦刺身$124 兩隻赤蝦刺身$76 兩隻刺身三點 $198日本刺身入邊我最鍾意就係食刺身蝦！所以試咗佢幾款嘅刺身蝦，全部都珍寶size！蝦肉鮮甜！而三點包括有吞拿魚、鯛魚、間八，每款都有三片。三文魚子壽司一件$64超鍾意食三文魚子，一嚟到就急住食所以冇影到相 haha 但係好食！紫菜都脆！三色丼 $188將呢個丼飯最啱我呢啲三心兩意嘅人，有唔同口味，三個迷你丼飯，海膽新鮮，吞拿魚蓉香，蟹膏加蟹肉又夠晒澎湃，推介！鯛魚湯$42食得多生冷嘢都會想飲兩啖湯，呢個湯有有驚喜，有魚味唔會腥。時令生蠔$128兩隻見到店員推介就叫咗兩隻試吓，味道就一般般。整體都唔錯，丼飯幾抵食嘅。

好耐都嚟依頭食嘢，成條街都多咗好多新舖，唯獨十和田都開左好耐仲咁好生意，所以同朋友入去試吓先我哋分別叫左 一個火炙海鮮丼同海鮮刺身丼佢嘅飯底係赤醋飯，唔同一般丼飯嘅飯底，幾開胃。特別一讚，佢嘅所有刺生都非常新鮮，油甘魚帶子蝦超鮮甜！佢每一款刺身都好厚好肥美，食到停唔到口。另外我哋再加左生鮑魚刺身，$29好爽甜！值得一提，鯛魚湯好好好味，雖然$42份量唔大碗，但真係feel有好多魚去煲，無味精好鮮味👍🏻

有日lunch同同事一齊去試下 晏晝黎講份量係超級多 而且仲好高欣質😚😚🐽午市壽司套餐 $108好有誠意 最抵食既壽司套餐🥹絕對唔係淨係比三文魚 玉子 青瓜手卷比你🫣呢set壽司total有10件 分別係吞拿魚 油甘魚 赤蝦 炙燒三文魚 炙燒粒貝 榮螺軍艦 蟹籽軍艦 香蔥吞拿魚蓉軍艦 同 吉列炸蝦卷三件🤤留意壽司set只係包麵豉湯唔包茶碗蒸架🥲壽司好有質素‼️吞拿魚食落有少少魚既油脂香味 口感唔會似擦子膠🙊油甘魚入口都好有鮮味 好厚身 特別鍾意件赤蝦🤤上面仲放左蟹膏架😍隻蝦好大隻 好爽口彈牙 好鮮甜😋三文魚都好肥美 用火炙燒迫左啲魚油出黎 好邪惡😈火炙粒貝 炙燒過既粒貝好爽脆又鮮甜 蟹籽軍艦食落滿口卜卜脆好過癮🤣香蔥吞拿魚蓉軍艦 入口即溶既感覺 最後有三件吉列炸蝦卷物有驚喜🤤個炸蝦仲係好脆好熱😚整體黎講呢10件都幾抵食 啲壽司飯都係用左赤醋飯 好特別😋🐽香蔥吞拿魚腩丼 $128超邪惡既香蔥吞拿魚腩丼😈份量超驚人 成塊吞拿魚腩扒咁 勁厚😛仲有兩塊酸蘿蔔開胃一下 吞拿魚腩好肥美 好有油脂香味😋口感偏向魚蓉嗰種 撈飯一流🤤另外仲有香蔥同芝麻做點綴 令到食落更加有層次感😚🐽北海道帆立貝松葉蟹丼

上網見呢間評價唔錯咁，所以就同朋友兩個人嚟試吓😋 呢間餐廳喺金馬倫道，都幾方便同幾易搵，平日13:00入去都算易搵位～🍣 壽司拼叉燒湯烏冬 $118呢個套餐超級豐富😋 有一碗叉燒湯烏冬、六件壽司、茶碗蒸同麵豉湯。叉燒湯烏冬嘅湯底甜甜哋，配合埋啲烏冬食晒成碗都唔覺得漏。一碗裏面有兩舊叉燒，叉燒肥瘦啱啱好，而且好入味👍🏻 啲壽司都好新鮮，最鍾意就係佢嚿三文魚壽司，三文魚好厚身🍣 茶碗蒸嘅配料都好豐富，而且個蛋好滑🤪🍳 滑蛋牛小扒丼 $118朋友就叫咗呢個滑蛋牛小排丼，同上面嗰個套餐一樣，都係跟茶碗蒸同麵豉湯😙 呢個整體醬汁偏甜，好開胃，如果鍾意甜啲嘅話就啱晒！啲牛都好入味，配埋滑蛋，整體口感配合得好好。裏面仲有啲菇，令味道冇咁單調👍🏻整體嚟講，呢間嘅午市套餐性價比幾高，小編同朋友兩個女仔嚟食，多到差啲食唔晒😂 而且食物質素都好好，餐廳環境都好乾淨同坐得好舒服👍🏻 -味道: 8/10服務: 9/10環境: 8.5/10回頭率: 8.5/10總評: 8.5/10

呢間應該係我食過性價比最高嘅日本餐廳，今晚喺附近趕住開會，但又唔想Hea食，個腦即刻就諗到呢度。傍晚五點幾，比較早嚟食，所以未見人流。呢間餐廳地點方便，內裏又夠光猛同寬敞，坐得好舒服。，而且餐廳仲好貼心咁每張凳下面都有個籃俾人擺袋。食物方面係用QR code落單，有食物相參考，而紙本就比較一目了然，個人覺得佢嘅午市套餐同丼飯都好抵食。我黎親都係食海鮮丼，$128有大概四款魚生，每款都肥美又大粒，重點係好難得刺身仲多個飯！朋友揀嘅火炙魚生飯，好香！哈刺身好大條，其他刺身都係厚切，好新鮮好滿足！

📍 十和田總本店 （TsT)性價比高既日本晚餐🥣簡簡單單又一餐，嗌個丼飯回味下先～環境係日本風，服務殷勤親切，重點係食材非常新鮮高質～爽盡日本風味～好耐冇食刺身啦😍！🔸三文魚親子丼漬三文魚籽偏大粒，鮮味足鹹味夠，肥美厚切三文魚細嫩爽滑，切成細細粒，好滿足😌配赤醋飯很可口呢，而且飯量十足。🔸 鰻魚飯香濃嘅鰻魚汁🐟配上厚身嘅鰻魚再燒至焦糖色每一啖都勁juicy！停唔到口呀😋口感層次一之棒😍

今天忽然下起毛毛雨，氣溫降到23度，感到有點涼意，特別令人感到肚餓。十和田總本店剛剛開店不久未有太多顧客，服務員很貼心的遞上雨傘套，方便客人張雨傘放於椅子下的藤籃中。 聞到好香的炙燒味道，原來是鄰坐客人叫的套餐，不用多想我也喜歡「火炙左口魚邊丼」。左口魚裙邊是左口魚背鰭和臀鰭之間的一條邊，相當肥美又軟滑，更因含大量魚油，經炙燒後釋放出魚油香食落更濃郁。飯量可以自己調節，如果怕太飽，下單時可選少飯以免浪費。這個丼是用赤醋飯，味道帶少少酸，配襯上肥美的左口魚邊又取得個平衡，還有新鮮肥美的海膽啊。味噌湯和茶碗蒸都很充料，一頓美味可口的午餐。

—-午市壽司套餐配湯—-多種壽司壽司好有特色，首先魚生同埋飯嘅比例係有計算過，好容易夾起同埋入口。魚生又厚又大，好新鮮。因為最近好多寄生蟲事件，我都好留意呢入面有冇蟲呀，入面係冇事㗎～另外。飯係有特別處理過，用嘅醋應該係佢特有嘅醬汁。——唐揚炸雞湯烏冬配壽司——午市套餐有三文魚壽司兩件炸雞好多料，佢嘅皮呢特別薄，唔會好多炸粉，雞肉堅實。烏冬啦湯底呢亦都好清幽。午市lunch set幾抵食，送壽司，星期六日要散叫

尖沙咀區食肆多不勝數，要找抵食質素好的午市套餐，日系十和田總本店係一個好選擇。餐廳以木系裝修為基礎配上綠色作點綴，給人清新平和的感覺。現在大多餐廳都以手機掃QR code 點餐，午市套裝選擇很多，最終決定來一客鰻魚飯配湯和蛋。鰻魚味道濃郁肥美好大件，差不多放滿整個盒子，外皮跟魚肉融為一體上面灑上芝麻，蒲燒汁再搭配晶瑩的白米飯，非常可口。茶碗蒸香滑的蛋中還有各菇、蟹柳、銀杏等，材料簡單味道一流，再配上暖笠笠的麵豉湯，完美的一個午餐。

今日同朋友去尖沙咀行街，因家大家都未食晏晝，所以決定揾日本野食下。我諗起十和田總本店的午市套餐幾抵食，位置又啱啱喺金馬倫道附近，好方便。可能啱啱過咗午飯時間，我哋去到都1:30，所以好容易就有位。午市套餐都有好多選擇，價錢大約$80多至$150左右。最多人揀應該就係午市壽司套餐。呢度嘅茶係自己用抹茶粉沖，所以口味自己調教。午市壽司套餐$108賣相非常吸引，總共有11件壽司。套餐配有味噌湯，一人份量啱啱好。壽司飯帶有醬油，所以本身都有些少調味。刺身新鮮，我見晚市的話一件都大約$20幾，所以午市呢個套餐真係好抵。火炙三文魚壽司，燒完所有魚油都出晒嚟，有溶化的感覺。蔥吞拿魚腩壽司香蔥味濃郁，吞拿魚腩軟滑，一啖入口好滿足。吉列炸蝦卷炸蝦十分香脆，外面裹上蟹籽，更增添鮮味。壽司拼叉燒烏冬$118整個套餐加一碗叉燒烏冬，仲有茶碗蒸，麵豉湯，所以都幾飽肚。壽司有6件，有帆立貝，三文魚，吞拿魚，墨魚，赤蝦同油甘魚。赤蝦壽司，爽脆，鮮甜。油甘魚壽司，魚味唔算濃郁，但質感唔錯。茶碗蒸蛋蒸得好香滑，裏面有蟹柳，菇菌等等，加上上湯，不錯。叉燒烏冬叉燒有兩大片，有少少焦香。烏冬係用咗日本凍烏冬，所以入口彈牙滑溜

之前係尖沙咀附近做完嘢，同媽咪想搵間舒服嘅舖頭坐底食個lunch，係金馬倫中心地舖旁見到十和田，見都乾淨同位置唔會太迫就入左去試下。入到去係木製嘅裝修有日式嘅感覺，都有bar枱位置。我地入去個陣12點都未洗排隊，但過左一陣12.30左右就開始多人。Oder左三文魚腩刺身，勁厚身，食落都好新鮮。仲有鰻魚壽司，櫻花蝦壽司呢啲。個櫻花蝦壽司好特別。食落好有層次感。叫左3個mini丼飯，好少舖頭有得咁叫，一次過食曬3款唔同嘅款式。總括嚟講食物性價比係唔錯，但當日上菜速度好慢，叫左半個鐘都未黎一樣野食，同埋員工服務態度有待改善。

好耐之前都食過呢間，今日就黎食個lunch set~坐低即刻開杯綠茶🍵飲下先👉🏼午市壽司套餐 $108套餐總共有11件壽司以及麵豉湯，壽司有唔同款式，熟食同刺身都有，壽司飯已經點好醬油。我最鍾意食既係啖啖肉既吞拿魚壽司同埋蟹醬蝦壽司😻。👉🏼汁燒雞扒定食 $108唔食生冷野既話，lunch set都有唔少選擇，我地叫左雞扒定食，定食包括麵豉湯、沙律菜🥗、茶碗蒸以及珍珠米飯。雞扒外皮煎得香脆👍🏻

去開尖沙咀購物，中間想搵個地方食lunch，搵左呢間十和田日本料理。午市套餐真係上班人士嘅恩物，用合理價錢食到高質素嘅食物，選擇又多。餐廳闊落，好多上班人士都會過嚟食，座位雖然唔大，不過每張椅子下邊都有一個籃可以放自己啲隨身物品，都好貼心。食物方面，好多午市套餐都有包麵豉湯或者蒸蛋，我為咗想食個蒸蛋，我就叫咗雞扒定食，雖然等得有啲耐，服務員解釋係因為佢個醬汁係即刻整，食入口有驚喜，因為除咗個汁好味之外，佢個雞扒個皮係真係好脆，整得非常好食。