十勝牛和食料理

营业中

休息中

【元朗區】【十勝牛】喺天水圍嘅濕地公園嗰頭有新樓入伙，有幾個舖位對住輕鐵站，開咗啲餐廳。之前經過一次見到呢間十勝牛有人排隊，明明之前食過佢哋其他分店麻麻哋。今次嚟到就有位喇，我可以入去一探究竟。其實裏面都幾多人，我一位就易啲搵位嘅，有張二人檯。我去嗰陣已經有啲夜，有得叫「夜食」，我叫咗 $43 嘅「什錦壽司配日式烏冬」，包括三文魚壽司兩件、墨魚壽司兩件同加州卷兩件，味道就認真麻麻，過吓口癮咁囉。嘢飲就揀「熱菊花蜜」，又真係好熱，攤咗好耐先飲到，味道就正常啦，冇乜特別嘅。為咗寫多啲嘢，叫埋 $38 兩串嘅「牛舌串」，揀咗鹽燒，薄切嗰隻，唔係牛舌芯，好一般。再用 $55 叫「網燒牛扒」，茶記薄牛扒嗰個味，加啲照燒汁咁，唔係好慣咁食，難怪會咁平。不過我叫咗個宵夜餐再加兩個嘢食，再加一埋單先 $150，係咁上下啦。。。（地址：天水圍濕地公園路1號Wetland Seasons Bay地下8A號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious

如果你正在考慮去十勝牛」用餐，我建議你三思而後行。以下是我在這家餐廳的真實體驗，與其說是享受，不如說是一場「挑戰」。食物質素:1. 慢煮牛肉炒飯 牛肉的質感非常差，咬起來筋多且硬，完全沒有預期中的嫩滑感。炒飯的油是油浸，問了店員情況只說會反映2. 壽司 壽司飯的口感像是隔夜的，乾硬無味，魚生的質素更是災難，切片不均勻，還有幾片散發不新鮮的腥氣，令人懷疑其食材的保存是否得當。天水圍的「十勝牛」無論是環境、服務還是食物，都令人極其失望。

在濕地公園站附近，此店午市勁多客人，比較欣賞的是此店的訂價，午市套餐四十多元有交易，就算加一都抵，是次輕嘗淺試了白菌汁雞柳濶麵拼鰻魚飯配醋汁菜沙律連凍飲(不加凍飲費)，餐來得比較搶眼擺款悅目，濶麵偏淡有點失色，但甜香的鰻魚飯確實不錯，菜沙律夠華麗和鮮爽，而飲品凍鴛鴦多奶亦算可取，最後加點了兩顆壽司都不過不失此餐共$62兩人吃算是高級屋苑區内超平之選，難怪其門如市駱驛不絶。在北上潮盛行的今天，此店質素好取價進取公道令人有意留港消費，值得一眾食肆借鏡。

自從十勝牛係天耀廣場搬左去濕地公園路之後仲未去幫襯過，如果去開濕地公園既話一定要食，因為係濕地公園要行過去濕地公園路既十勝牛好近。不過十勝牛同之前係天耀廣場一樣，繁忙時間點要排下隊先有得食，所以盡可能避開係繁忙時間去食就唔需要排隊排咁耐先有得食。去十勝牛必食既係$40芝士炙四味，有三文魚、帶子、蝦同埋蟹柳，雖則要$10件壽司唔係特別平，但係其他地方食唔到。金龍蝦皇飯卷（6件）$44，飯卷入面既餡料炸蝦炸到卜卜脆，飯卷上面仲有蟹籽，全部餡料夾埋一齊出奇地夾！

無論係平日定假日，黎十勝牛呢度幫襯下午茶性格比都好高！選擇又夠多有焗飯炒飯，拉麵烏冬米粉，仲有質素 ok 既壽司添。所以附近餐廳冇咩客既時間，呢度都一直keep住好多人幫襯👍佢既扒芝士照燒雞多士仲幾足料，多士烘得夠脆，咬落夠厚肉又夠芝士味。拉麵同烏冬雖然唔係好出色，不過正常水準，份量夠飽，一個字“抵”壽司都算有驚喜，紫菜夠脆，應該係即叫即整，而且蟹子咬落都好爽口，夠哂新鮮。下次可以嗌埋其他款壽司試下🤤

係天水圍開業多年的十勝牛由天耀搬至濕地公園已有一段時間。當日去一嚐晚市，都見唔少人等候，4人等候了三張枱，約10分鐘。前菜叫了一份蟹籽沙律及雜錦三文魚，一如既往大份抵食。另外，卷物同天婦羅都有叫，包括三文魚風沙卷、海膽手卷、辣三文魚手卷，及火炙壽司，味道不過不失，但係價錢嚟講算係唔錯。

每次搭輕鐵經過濕地公園站都見到呢間用「牛牛🐮」做logo既餐廳，今次就去試下先。今次點左龍蝦汁海鮮燴珍珠飯套餐配咖啡涼粉冰，另外再點了三文魚壽司和鰻魚壽司，一人前份量十分足夠，海鮮方面有帶子、青口和蝦兩隻，龍蝦汁配上珍珠米十分match，飯入邊用上了蘑菇、青欖、黑欖和洋蔥，令整個飯的味道提升。呢個套餐可以免費選擇特飲，例如：鴛鴦紅豆冰、抹茶紅豆冰、黑白涼粉冰和咖啡涼粉冰或者咖啡或茶，性價比高。晚市時間座無虛席，食物選擇種類很多，例如：壽司、刺身、卷物、天婦羅、一品料理、燒物、拉麵、米事、溫野菜等等，見到很多家庭客或者朋友相聚，服務員也很快手的擦乾枱子和擺餐具。下次要約埋啲朋友再嚟食。📍十勝牛和食料理 (天水圍)天水圍濕地公園路1號Wetland Seasons Bay地下8A號舖⏰06:30-00:00

黎到星期三，又係時候食好野犒勞一下努力工作既自己。突然很想食日本野，於是就約左同事一齊黎十勝牛食野金龍蝦皇反卷🍣壽司飯包裹著三文魚，再配搭三文魚籽，一口下去，很是滿足😋6串拼盤有冬菇，雞軟骨串，雞翼，豬頸肉，雞腎，小青椒🫑串燒揀左汁燒，表面焦脆，口感鮮嫩多汁4品刺身盛合有三文魚，油甘魚，吞拿魚，八爪魚🦑刺身每一塊都好厚身，咬下去,肉質軟嫩彈牙,配合著醬油配料,刺身的風味層次也變得更加豐富。

首先，讓我來講講蕃茄通粉。這道通粉以蕃茄醬為基礎，唔會太酸，搭配著各種蔬菜和香料，味道鮮美。通粉本身煮得恰到好處，保持了彈牙的口感，而且完美吸附了蕃茄醬的風味。蕃茄醬本身帶有微酸的味道，與通粉的配搭非常協調。整體而言，這道蕃茄通粉給人一種濃郁而又清新的口感，非常適合作為主菜或主食。接下來係蜜糖厚多士炒蛋腸仔。這是一道創意十足的配菜。厚多士切成三角形，經過油炸後變得酥脆。炒蛋腸仔則是用鮮嫩的蛋和香腸炒製而成，口感豐富多樣。蜜糖的添加為這道菜增添了一絲甜味，與鹹香的厚多士和蛋腸仔形成了完美的對比。整體而言，這道配菜給整體的餐點帶來了更豐富的層次感，使得整體的口感更加多樣化。對於這道蕃茄通粉配蜜糖厚多士炒蛋腸仔，我非常滿意。蕃茄通粉的鮮美和蜜糖厚多士炒蛋腸仔的創意搭配使這道菜成為一道令人難忘的美食體驗。我會毫不猶豫地推薦這道菜給喜歡探索新口味的食客們。沙嗲牛肉公仔麵配炕多士炒蛋首先，讓我來談談沙嗲牛肉公仔麵。這道麵條以沙嗲醬為基礎，搭配著嫩滑的牛肉公仔和各種香料，口感豐富。沙嗲醬本身帶有濃郁的香料風味，經過與麵條和牛肉公仔的結合，味道更加豐富。麵條煮得剛好，彈牙有嚼勁，而牛肉公仔則鮮嫩多汁，

下午茶時間嚟都好滿，因為真係太抵，最平三十幾蚊已經食到個so called 日式嘅粉麵飯，仲要唔洗加一，仲想點，難怪平日下晝都咁爆。揀左日式湯麵或烏冬系列嘅醬燒豬軟骨拉麵$36個豬軟骨唔係整到好腍嗰隻，食落仲有咬口，會發出聲嗰種。好驚食到太腍，腍到好似啫喱咁嘅軟骨，十勝牛呢個口感就啱心水。熱奶茶+$0個茶底比較澀，茶多過奶，所以比較深色，最終叫左店員俾啲奶我自己落。見其他評論講侍應啲服務態度，我覺得都係一般香港餐廳有嘅態度，唔可以期望好似啲高級日式餐廳。

有日想同朋友係附近想食下啲性價比較高的餐廳，呢間就啱啦。之前有光顧過呢間餐廳，佢啲出品都唔錯。我地坐低叫左燒魷魚，先唔講味道，份量都算多，起碼每舊魷魚都有一隻手掌咁大。味道甜甜鹹鹹，非常滋味燒多春魚上菜個陣仲冒緊煙，魚身都好香脆，同檸檬汁配搭都幾惹味。軟殼蟹手卷性價比都算高，因為街邊食軟殼蟹都比較貴，每件手卷都有半隻軟殼蟹。手卷味道唔錯，蟹味都幾濃郁，又脆又香口。燒牛舌厚度都厚，燒牛舌的肉汁都好多，外邊有少少脆口，味道唔錯。石鍋五目飯的顏色非常飽滿，齊睇都覺得好好味。飯底有少少飯焦，對我黎講有飯焦的石鍋飯先係好食的飯。飯的份量非常多，食完之後大滿足。滑蛋浦燒鰻魚石鍋飯賣相都唔錯，蛋整得滑滑地又多汁，同埋甜甜的鰻魚真係好搭。飲料有好多選擇，餐廳主打健康飲料，我同朋友都叫左杯雪梨紅棗桂圓茶，健康得黎又好味。總括而言，餐廳整體食物質素真心抵讚，可能有啲朋友覺得佢好茶記feel，但價錢真係對得住食客。廚師係食物擺盤上真係有花心思做設計。餐廳的餐具款式都好多，如果客人係點日式菜式，好似鰻魚飯咁，佢會配個日本鰻魚飯個盒俾你。每當晚市間餐廳都會大排長龍，有時都要等位。上菜速度都OK，唯一的缺點係坐位

第一樣我地坐2張4人枱拍住，叫咗個火鍋，一到時，侍應已經想將火煱同GAS爐放係1歲幾嘅小朋友前面，我叫住佢先放係我地大人果邊。呢樣好小事 但想交代下侍應有求奇第二樣！ 想分享嘅重點。我個人擰左邊夾嘢比屋企人時 夾果陣都未有杯熱嘢係我枱面，但係我一擰返轉頭就倒瀉咗成杯嘢！ 衫同裙同對鞋都濕曬仲要係熱嘅!侍應妹妹，叫你放個火鍋係我地果邊 都唔係是但擺完就算嘛 枱面嘅嘢隨便亂塞 無啦啦隊杯熱嘢係我睇唔到嘅位？ 成件事同我企起身你拎走張凳有咩分別呀？唔想影響屋企人心情所以繼續食。都無叫佢地沖返杯嘢 只係埋單時同個貌似經理嘅人講返 可能太客氣 佢勁hea勁唔想理 講咗句唔好意思 話無事就好。眼神都幾乎無 就繼續做自已嘢成杯熱嘢倒落嚟！我仲大住個肚 成身濕曬 無事就好？無事只係客唔追究喳 咁樣倒瀉杯熱嘢都想話唔好發脾氣 唔好嚇親侍應呀妹 結果走時成肚氣我認黑仔 有無負責人睇到呢一段 真係同你地同事講返小心啲啦😤

咁正嘅嘢竟然第一次食！事緣今日嚟到濕地公園，其實地方都偏僻，見到樓下有間料理心諗應該冇乜人等位，點知全部滿座！一睇緊Menu好多選擇，有一件壽司去到鍋物都有得叫。實在太耐冇食過芝士火炙嘅手卷，加埋沙律醬真係冇得輸！牛肉麵貪佢$44幾平，點知份量都好多，牛肉食唔晒！ 我一個人食到好飽都係$100，如果同埋其他朋友一齊share咁多嘢食一定更加抵！再講多啲入得去嘅應該都係附近嘅居民真係男女老少都有，可以平食可以貴食，環境又未至於好高檔真係好平民嘅日本餐廳⋯

以前成日食嘅舖頭 搬左過黎濕地公園依邊之後 好似都冇咩再幫襯·石鍋麻辣海鮮手打烏冬哈哈 這個麻辣湯 真的沒有想過會在日本餐廳可以食到都幾多海鮮 烏冬都幾好味·鹽燒多春魚這個多春魚真的好食 特別惹味·螺肉 芝麻八爪魚 蟹子沙律份量很多的沙律 新鮮的青瓜絲 口感真的超正·烤雞軟骨雖然有D鹹 但個人超級喜歡這個雞軟骨真的好好味·壽司🍣都係好抵食

性價比好高，早餐Q有多士～漢堡扒～炒滑蛋～辣肉醬米粉～熱菊蜜五樣嘢加埋$32 滑蛋～食落口嫩滑～夠熱多士脆口～辣肉醬米粉辣到就唔係幾辣，肉碎都好多熱菊蜜就比較偏甜