十勝牛和食料理

下午茶時間嚟都好滿，因為真係太抵，最平三十幾蚊已經食到個so called 日式嘅粉麵飯，仲要唔洗加一，仲想點，難怪平日下晝都咁爆。

揀左日式湯麵或烏冬系列嘅醬燒豬軟骨拉麵$36

個豬軟骨唔係整到好腍嗰隻，食落仲有咬口，會發出聲嗰種。好驚食到太腍，腍到好似啫喱咁嘅軟骨，十勝牛呢個口感就啱心水。

熱奶茶+$0
個茶底比較澀，茶多過奶，所以比較深色，最終叫左店員俾啲奶我自己落。

見其他評論講侍應啲服務態度，我覺得都係一般香港餐廳有嘅態度，唔可以期望好似啲高級日式餐廳。