十勝牛和食料理

营业中

休息中

【元朗區】【十勝牛】喺天水圍嘅濕地公園嗰頭有新樓入伙，有幾個舖位對住輕鐵站，開咗啲餐廳。之前經過一次見到呢間十勝牛有人排隊，明明之前食過佢哋其他分店麻麻哋。今次嚟到就有位喇，我可以入去一探究竟。其實裏面都幾多人，我一位就易啲搵位嘅，有張二人檯。我去嗰陣已經有啲夜，有得叫「夜食」，我叫咗 $43 嘅「什錦壽司配日式烏冬」，包括三文魚壽司兩件、墨魚壽司兩件同加州卷兩件，味道就認真麻麻，過吓口癮咁囉。嘢飲就揀「熱菊花蜜」，又真係好熱，攤咗好耐先飲到，味道就正常啦，冇乜特別嘅。為咗寫多啲嘢，叫埋 $38 兩串嘅「牛舌串」，揀咗鹽燒，薄切嗰隻，唔係牛舌芯，好一般。再用 $55 叫「網燒牛扒」，茶記薄牛扒嗰個味，加啲照燒汁咁，唔係好慣咁食，難怪會咁平。不過我叫咗個宵夜餐再加兩個嘢食，再加一埋單先 $150，係咁上下啦。。。（地址：天水圍濕地公園路1號Wetland Seasons Bay地下8A號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious