十八座狗仔粉

营业中

休息中

原本見到以為狗仔粉一pat pat口感會好粉質同軟綿綿，點知食落幾chewy,成碗野有埋冬菇蝦米好夠味。買個陣好貪心叫個店員落多d菜脯，但佢好細心叫我怕太鹹，食個陣拎番d菜脯出來，不過菜脯又唔會一味得個鹹字同太鹹，有少少甜。總之令人食上癮，下次要試火鴨翅😋😋😋👍🏻👍🏻👍🏻

今日企鵝哥帶大家黎食十八座狗仔粉，企鵝自己身平亦係第一次食，就當作係企鵝哥遊歷香港美食第一站。食開魚都想換下新口味，見人頭湧湧就黎襯襯熱鬧 細狗仔粉($20) 一條條幼而短既而麵，好似狗既尾巴咁，難怪叫狗仔粉。菜莆味道夠出，唔會太過咸，食過之後就落勁多，粉麵軟身，湯汁鮮香好食，對佢第一印象良好，份量雖細但飽肚好食！評分味道：8/10賣相：4/10抵食：7/10 黑白炸丸($13)四粒唔同既肉丸，有墨魚、牛肉、豬肉、貢丸依四種。味道各有不同，炸丸偏油，但頗有創意，亦係第一次嚐試，企鵝哥較偏好墨魚＞貢丸＞牛肉＞豬肉評分味道：6/10賣相：6/10抵食：5/10 火鴨下脾($30)等候需時，不過煮出黎既鴨肉非常軟淋，下脾香濃多肉，火鴨翅煮得好入味，不過相對地貴。但初來報導又緊係要乜都食下，大家可以試試！評分味道：8/10賣相：7/10抵食：6/10企鵝哥遊歷香港美食報導完畢，多謝收睇！

大清早在深水埗游走，見此舖貼有明星相，名店似的，也就跑進去探過究竟。 兩張紙已圖文並茂概括了此店的所有產品。 跟招牌同名的主打項目太多澱粉質，不感興趣，挑了招牌火鴨翅一試。羹底濃稠得可以，不似是以茨粉調出來的，不知是否因其自我標榜，用四隻火鴨煲足六小時的結果。火鴨𢇁非常幼細，無甚咬口，味道充滿了火鴨的羶味，如不是重口味之輩，可能接受不了此美味。 要了雜燴和雙併，帶回家送酒。 大腸主要用比較少脂肪的部分泡製，減少了食膽固醇的罪惡感。豬肚也是薄薄的。兩款都預先醃製過，加了可選大中小辣的醬汁，味道比一般街頭小食優勝。豬皮蘿蔔則一般，可以不試。

每次經過深水埗都冇機會試，但又睇到好多報導、電視、明星都去，今次連米芝蓮都選佢，一於就去試吓懷舊小食佢有幾好味 入到去望見大约十張枱，牆身貼滿介紹食物既相片和好多明星相 由於是下午茶時段，唔想食太多，所以我坐低後就選左十八座狗仔粉、翅滾火鴨脾狗仔粉都係第一次食，個粉好滑，咬落軟綿綿，但個冬菇、蝦米、菜脯好有咬囗，個汁濃淡稀杰識中，所有结合一齊個粉就剛剛好 但如果唔食蔥，要早揚聲，因為碗碗都落，另外放在枱面既兩款菜脯係任食 原味已好好食，但辣味更野味，不過唔食得辣就小心，幾辣！之於翅滾火鴨脾,個翅食入囗幾滑，木耳絲、冬菇絲、素翅比例剛剛好,同街邊碗仔翅味道一樣，隻鴨脾好有肉，不太肥好好味，撈個翅一齊食真係美味無窮 還有其他地道小食，魚蛋、燒賣、大雜燴……不過就留返下次再試，總括一句，能夠令懷舊食物狗仔粉沒有消失 另到我可以試到佢既味道，值得一讚

喺石籬長大嘅我，一直認為粉仔係石籬邨屋邨名物，小學雞回憶窮人恩物。今時今日鯉躍龍門升價十倍，仲勁到攞埋米芝蓮。一碗粉仔，細$20，大$27(實質都唔係好大)，價錢已不再屋邨，加多碗碗仔翅同嘢飲，分分鐘六七十蚊先落到樓，一啲都唔少嘢。粉仔係我朋友點，我無食到，評唔到。我點咗魚皮餃+朋友點的魚旦，要辣，一齊上，$10有五粒魚皮餃，我感得算抵。個汁叫「千味汁」，係招牌之一，重口味，辣味慢慢出，後勁好強，隊哂成罐涼茶都頂唔住。魚旦好細粒，炸得好老巢哂皮縮哂水嗰隻，如果配個汁，魚皮餃夾啲。

我試咗兩啖狗仔粉，試咗個火鴨翅同埋大腸豬肚雙拼。狗仔粉啲粉有啲潺，冇乜嚼口，但碗粉嘅溫度啱啱好，唔會太熱太凍，個湯嘅味道都唔錯。火鴨翅啲湯太多同埋稠咗啲，但啲粉比狗仔粉有嚼口好多，都算多料，有木耳，3種唔同嘅粉撈埋等等。最難忘係佢個雙拼，啲大腸豬肚都整到好稔，好似入口即溶咁。

食慣西餐,間中都想食返D街頭小食.好少過九龍區, 經過見到店入面好多人,又好多明星既相. 直覺應該唔差得去邊,所以試下.叫左個狗仔粉 同 炸丸, 的確好好味. 希望香港多D尼類小食店.炸丸十分爽口彈牙! 而且唔會感覺好酒.狗仔粉食落好得意. 好滑口,唔會好似D浸左好耐既粉咁,發到槳住曬個口.

等太太收工都已經10pm，知佢係深手埗番工，當然收工之後試下十八座狗仔粉，個個朋友話好好食，聞名不如見面，其實都唔係傳說中咁好食。過左10點出面都唔少人，不過只係等左唔多過5分鐘。坐底叫左3樣野﹕ 狗仔粉、黑白炸丸同魚肉湯。可能期望太大，其實都係一般貨色。平時食下無壞。

最好味係4種丸，尤其墨魚丸同牛丸魚蛋好味又夠辣但係狗仔粉唔好味既..D狗仔粉太淋同味道唔好！燒賣非常差、完全唔係魚蓉.....全部粉嚟既不過D丸好味都令我食得好開心♡

前後試過幾次，第一次係食狗仔粉，個人覺得冇乜特別....因為好'傑'，而且唔夠熱，令整體感覺麻麻。😢之後再試火鴨翅，又係唔夠熱。過左一星期再去食，今次個翅超熱，好足料！值得一提係啲辣菜甫，同個翅好夾，勁香口！正！👍🏻佢地個魚蛋都不錯，係香港少有嘅細粒，實魚蛋！不過如果唔食得辣，就唔好叫辣，因為個辣汁持久度好高！🙀

This place is famous for the doggie noodles with the first branch in Jordan and now they have branches everywhere.Although I have not tried it, I tried their modern joint in Causeway Bay called GUM JENG for other snacks but not the soup.Went here and tried the duck soup for $20 which is really cheap and it was quite a big bowl.It was really nice, basically thick gravy in my definition with fine strands of duck in it.Personally I would rather dip chips in it.The soup was loaded with shredded blac

火鴨翅下脾（$30）成日都賣晒，次次去都只有上脾（$22）可以嗌，今次就試一次上脾啦。隻鴨脾都幾大隻同估唔到咁入味，值得一試！另外叫鴨脾會跟大概1/4碗翅，唔駛另加一碗食，宵夜份量啱啱好。

早2年在佐敦返工已聞說過狗仔粉的大名因為Aminn非常鍾意銀針粉(又名老鼠粉) 一直以為是同鄉...周末本身是到深水埗另外2間店搵食路經見到招牌【十八座狗仔粉】才突然加入行程我們點了狗仔粉、火鴨翅、翅滾火鴨上脾、黑白炸丸各一全部都是鎮店小食一碗狗仔粉 加上豬肉碎、冬菇、蝦米、葱花的味道配合菜脯一起吃 咸香惹味非常傳統秘方應該功不可沒枱面還有辣味菜脯 麻辣味十足不吃得辣的朋友試一粒好了XD至於火鴨翅 很濃郁的燒鴨肉味表面上是較多料的碗仔翅店方每天將燒鴨的脾拿開之外 肉就全放下去翅滾火鴨脾 用火鴨翅翻熱鴨脾這樣會令燒脆的皮冧曬不過特色記是鴨脾啖啖肉每天數量有限架！黑白炸丸 其實只是4粒不同的丸應該是外購的 不同表面炸得蠻脆回看今天的香港 已經失去好多特色狗仔粉這個傳統街頭、屋邨小食好值得我們的守護是次小分享完畢 有興趣可按aminn本站內其他分享

食過佐敦、旺角，試埋深水埗18座狗仔粉，估唔到深水埗分店水準同佐敦有得揮！唔洗坐後巷，感覺舒服好多，落雨都可以幫襯！狗仔粉配上蔥花、冬菇片和自家製菜甫。菜甫實在畫龍點睛。狗仔粉真係好好味！一些店的碗仔翅為慳成本，茨汁太多，每啖只覺把嘴漿住，像喝粟粉水。但十八座的火鴨翅每啖都滲出火鴨獨有的香味，真材實料。食過佢既火鴨翅，已經再唔想食一般碗仔翅了。至晚上十時，火鴨脾只剩上脾。河馬太不覺特別。記得佐敦店貼著嚴拿偷取菜甫的吿示，當時河馬太心想，菜甫都偷？事實上辣菜甫真的惹味，越辣越想吃。不過對我而言，太辣我受不了。

平靚正狗仔粉!用料十足,大大碗勁鍾意多蔥。香氣十足。記得落辣蘿蔔脯,勁辣勁好味。湯頭好濃郁。火鴨比,下脾。勁推薦。火鴨比浸係碗仔翅入面,熱食!掂!無限翻兜再翻兜。回味無窮呀!