十八座狗仔粉

营业中

休息中

差唔多夜晚12點，我人在深水埗，見到有間野賣狗仔粉，令我好好奇，究竟咩係狗仔粉？好似有好耐歷史，而且間店都係開左2日，客似雲來，我當然要試下啦！一入去吸引我既唔係食物，唔係餐牌，係貼係門口既相，嘩，陳奕迅？吳浩康？咁多明星黎食既？睇黎真係好出名，令我更加想食！個老板落手落腳整野食同收錢，態度親切，仲建議我應該點食，抵讚！我買左碗大既狗仔粉唔辣，28蚊，細細碗，深水埗黎講算係幾貴！裡面既狗仔粉只係碎d短d既粘米粉，口感並無特別，上面加左d蔥，蔥味又唔算好出喎～反而菜圃撈勻左之後令碗麵幾開胃，因為菜圃都幾咸，撈埋d麵就岩岩好！d蝦米冬菇都令到個粉更加惹味，口感層次更豐富！但你話係咪真係咁難忘咁好食，我又唔多覺，覺得佢都ok 啦，不過唔特別。