十八座狗仔粉

营业中

休息中

辣菜脯太辣，黑白丸表皮炸得太硬，丸身太乾身，如有汁配撘會更好，狗仔粉味道夠,粉條軟硬適中，但店舖環境細，店內的膠凳坐到屁股痛，服務員好似唔想招呼人，有點趕客，這方面能改善就讚!

朋友話睇電視介紹裡度嘅火鴨翅同埋狗仔粉。嚟咗深水埗當然要嚟試一下啦。朋友話佢已經諗咗呢個店好耐喇。尋日食咗佢哋嘅丸。好食。推薦下。「招牌火鴨翅」我同朋友都食嘅係火鴨翅細份。啱啱食咗劉森記。轉戰裡度。已經飽到行唔郁啦，仲係食咗一晚細份嘅火鴨翅，可想而知，係有幾好食。睇起個個樣黏黏D。有一種入口即化嘅感覺。。幾得意嘅係，佢哋個個公雞碗。突然就諗起TBB喇

今晚我們分別去咗深水埗兩間食店食晚飯，首先我們去咗福榮街嘅「十八座狗仔粉」！我們叫咗馳名狗仔粉嘅份量都幾大碗，狗仔粉嘅質感極之腍身，完全唔煙韌彈牙，湯羹超級稠身，稠到好似漿糊咁！招牌火鴨翅亦都係非常稠身，火鴨絲同木耳絲都相當足料豐富，味道就鹹咗啲！翅滾火鴨脾有上脾同下脾之分，價錢亦唔同，我們選擇咗要下脾，火鴨脾放喺火鴨翅入面煲煮，味道相當入味，肉質非常嫩滑！

想食平野深水埗都有唔少選擇，十八座狗仔粉係我比較常黎既~!見到牆身都有幾多明星幫襯過黎到呢到，狗仔粉係必食，其他魚皮餃果D我就覺得可以唔洗試，因為無咩特別。狗仔粉要左大碗，上面鋪滿左好多蔥花&菜脯，呢到既菜脯好爽口嫁! 狗仔粉就比較淋身，個湯底杰撻撻咁，同我細個o係屋企食既好似。加上冬菇既香味，雖然食材簡單，但我地細個既時候食既野都係咁簡單，而家反而覺得好懷念。翅滾火鴨髀如果有貨的話就記得要嗌下髀，成隻髀同火鴨翅一齊煲，所以D肉都入晒味。面頭果層皮脆脆地，$30一隻可以兩個人share黎食，都唔錯~

无意中看了一个深水埗美食攻略 正好晚上有点饿了就去吃吃 点了狗仔粉火鸭翅黑白丸子 个人感觉狗仔粉味道一般般 但里面的萝卜干真是赞的 火鸭翅 黑白炸丸里的黑椒牛丸不错 其他还好…

久聞“十八座狗仔粉”大名，佐敦總店是車軚人的推介食肆之一，上月經過其深水埗分店順便一試。點了兩款招牌貨：狗仔粉(細)及火鴨絲翅(大)，另加豬皮小食。狗仔粉：湯底及狗仔粉質地很稠(杰身)，似是已預先煮過一段時間，內有豬肉絲及冬菇絲，伴以蔥粒及咸菜莆，賣相一般，屬典型的粗糙小吃，味道則完全是傳統家庭小吃般，建議另外加入店方提供辣菜莆一起吃才夠惹味。火鴨絲翅：見有食客另外點了原隻火鴨脾，不過本人當日胃納有限，只點了湯翅。質感頗稠(杰身)，賣相看似豐富足料，味道充斥著火鴨絲本身的醃料味道，內含有大量碎碎的火鴨絲及爽脆幼身的木耳絲，口感不俗，當然亦越吃越咸。豬皮：非常淋身但不入味，欠缺豬皮的爽口，辣味醬料應該是上桌前店員後加的，這款小食不點也沒可惜。未曾試過“十八座狗仔粉”佐敦總店主理的招牌貨，或許值得推介；但其深水埗分店的貨色味道，僅是普通不過，平凡中的平凡，不試亦不算損失。

因為早左晚餐，經過呢間十八座狗仔粉所以外賣左一碗返屋企當宵夜，外賣一定要大碗的$28蚊，菜譜可以分開裝，返到屋企即刻食，真係唔錯！一定會再黎食！ 佢d菜譜好爽口，辣辣地！

狗仔粉（細） $20每次都要過九龍先食到，今次經過絕唔放過。狗仔粉好似被切成細段既烏冬。佢有蝦米 菜甫 青蔥 肉碎 只要撈埋一齊就食。如果嫌味道唔狗，可以加入放在枱上既蔬葡。但我記覺得味道夠，仲令多蒜粒令湯變得咸。

十八座狗仔粉 呢個咁特別既名真係一次就記得第一次食係元朗 因為個名得意同埋食到飽都唔貴 幾抵食所以一見佢係深水埗開都覺得 岩晒我呢啲要又平又抵食既人一小碗其實都夠我食 話小其實都同平時食飯個碗差唔多大佢有蝦米 菜甫 青蔥 肉碎 只要撈埋一齊就食得 如果食到辣可以加佢最有名既辣菜甫 小小都已經好夠味 惹味非常!!!叫左個魚皮餃佢呢個應該係四海個隻魚皮餃黎唔知係自家制定外購 不過呢隻魚皮餃係最好味 外皮夠厚有咬感 入面係魚肉豬肉肥瘦比例好 爽口又夠鮮味加埋佢個自家制醬汁 個味道岩岩好 (佢本身係辣汁既 要求唔辣佢會走辣)食飽先係30蚊 有時食呢個好過食啲油炸食物吖

星期六下午特地去試試米芝蓮小吃十八座狗仔粉原來十八座鴨翅同樣出名所以點了全店最出名的十八座狗仔粉+十八座鴨翅可能時間好不用等位上菜速度也神速狗仔粉味道：其實我覺得好似家鄉銀針粉！長條狀的粉團加入特製湯底再配以葱花、菜圃等食用十分惹味粉團本身是沒有味道的它只能帶出QQ的口感靠的是那個湯底及配菜鴨翅味道：碗仔翅加強版因為真的有鴨肉+鴨味真的很足料的一碗「翅」不過味道偏咸食完有點口渴

話説mr. monster收工好攰無胃口 但我又勁肚餓1定要食d野～咁我就建議不如去食碗狗仔粉！黎到門口 好彩唔洗排隊～但已經坐滿食客 ！鋪頭好多明星相 好受明星歡迎的狗仔粉啊～店內大概有二十多個座位～食客源源不絕～Mr. monster order了魚肉湯，而我每次1定要食狗仔粉(走蔥)～今次order了細粉！食物極速送上 等都唔洗等～吃狗仔粉必加辣菜蒲♡♡是我的至愛！！狗仔粉的粉仔是每天新鮮制造的 似短版烏冬～而一碗粉內有冬菇 肉碎 蝦米等！令一碗狗仔粉更添美味！！辣菜蒲也是每天自家炒的，我是看到牆上的雜志海報得知。1碗細狗仔粉 多重心機 只賣$20 真是超抵 難怪深得街坊們愛戴♡

之前已係佐敦店食過, 出開深水埗買腦嘢又見到佢, 有位坐又有冷氣, 就入去享受我既下午時間入得去食, 點會唔叫碗馳名狗仔粉同火鴨翅呢碗係細粉($20) - 份量適中, 一上枱已見到有葱粒同菜甫粒係粉面, 唔食葱既朋友可以一早揚聲"走葱"! 講返碗粉仔, 入面有一至兩舊豬油榨, 湯底幾好味, 個人覺粉仔口感過軟, 唔駛點咀嚼就可吞下!見到枱面有辣同唔辣既菜甫任加, 雖然辣菜甫都幾辣, 但加少少落去味道又變得非常吸引, 店內增設飲品, 頂唔住大可以叫罐汽水減下辣友人點了火鴨翅(細) ($20) - 食落有少少火鴨肉絲, 配埋木耳絲一齊食都OK, 但食完都覺幾口渴!最後點埋呢個大雜燴, 我地點左雙拼($13), 有豬肚同蘿蔔, 加埋聲稱既秘製"千味醬", 甜甜地又幾好味, 可惜份量少左D, 每款得2-3舊!2人埋單都係$53, 黎一個另類下午茶選擇都確係經濟實惠!!!

上次去食狗仔粉時唔記得叫佢個火鴨翅,今次點都要試下招牌火鴨翅以為味道似普通碗仔翅,點知食落有好濃既火鴨味仲食到一絲絲既火鴨,再加埋啲木耳,食落有啲爽口係幾好味既不過個翅比較杰身,食食下覺得好漏,都係要2人share先食得哂

同朋友仔見狗仔粉好出名，決定同朋友一試。一入去，見到真係好多人好受歡迎於是就叫左最出名既狗仔粉走辣加魚皮餃。一試魚皮餃，其實真係唔錯幾好食，加上佢個醬汁同魚皮餃係出奇地match推薦大家可以一試呢個小食。咳咳！至於狗仔粉，其實佢好貼心，每張枱都有得自助式加蔥油醬等等，但一試狗仔粉就覺得唔太特別，口感都唔係我中意既比我既感覺似 粗短版烏冬，又要浸糊左dd咁對我而言真係怪怪唔太喜歡。而個湯底淡又普通，好有客家style(?哈)

每次經過十八座都會有陣香味飄過，好似呼換我去食碗狗仔粉咁。。今日又經過，又俾陣味勾引左過去買左碗辣狗仔粉反去食~唔辣同辣之差別在於個菜莆，要辣既話，面頭就會有陣量辣菜莆+少量唔辣菜莆„不過真係唔好睇少呢個辣菜莆，好辣下架！個湯頭杰杰地，有陣獨特既咸香味，或許是豬油渣既香味？狗仔粉好似短短既上海麵，質地軟腍，滑嘟嘟，吸左湯既精華好好味！菜莆好爽脆，青蔥，豬肉碎，蝦米，豬油渣，等等既配料全部都係香口野，混埋狗仔粉一齊，一匙一匙咁食的確好好味，睇落細幼碗，原來食完一碗都非常有飽足感，又暖胃