十二味 X Bamboo Bar (德己立街)

营业中

休息中

十二味之前都有食過，依家愈開愈多分店，難得去開中環做野，順路就去食個午餐，除左堂食之外，都幾多外賣單同埋步兵係到等侯，香港人鍾意食酸菜魚既熱潮仲未淡😌秘制醬香鍋我每次去都會叫呢個醬香鍋🤤因為可以自己揀配唔同既餸，好似食車仔麵，咩餸都有，最少要點五款餸，叫既時候可以要求少鹽、走芫荽、黃豆等我今次點了魚腐、大腸、娃娃菜、嫩牛肉、雞翼同埋豬手，真係幾吸引，每樣食物都幾入味👍🏻特別係娃娃菜，吸哂鍋入精華，不過醬香鍋內食物剪成細件，方便撈同進食，豬手膠質幾重，不過骨偏大件，雞翼係單邊雞翼，啖啖肉，我幾鍾意嫩牛肉，唔韌而且份量多😋酸菜魚酸菜魚可以自己揀辣度，酸菜幾開胃，湯幾爽口，魚肉質不錯

疫情下打擊左好多餐廳小店，但十二味竟然可以係呢個時間再開分店，選址仲要係中環既德己立街，裝修風格同其他分店差不多，富中國風，仲有一個「民以食為天」既燈，打卡都唔錯😌－－－－－－1. 酸菜魚午餐 $76餐廳係用QR code下單，叫左5至10分鐘左右就到，午餐會配有一配白飯同酸梅湯，加$5仲有汽水，酸菜魚熱辣辣，冒哂煙，睇落唔錯🙈酸菜同魚份量都唔少，魚冇骨之餘唔腥，魚肉唔會散開，幾滑嫩，湯內仲有菇，一人份量夠哂飽👍🏻

中環開了一間日式超級市場，放假帶阿女去逛逛，順便食午餐。行到近蘭桂坊附近，見到有一間新開的十二味，之前去過荃灣和尖沙咀的分店，味道很好，所以就決定吃川菜！入到店內，雖然地方不是很大，大約有十多張枱左右，但店內的佈置仍然是充滿中國特色。午餐有多款選擇，而且點餐十分方便，用QR code就可以用手機點餐。我們各自點了一個午餐！酸菜魚（小辣）配白飯和前菜 $76魚肉嫩滑無骨，很多酸菜令到湯底非常入味，配料有切得很薄的萵筍（爽口入味），又有香香菇，點了小辣對我來說剛剛好！川式口水雞（小辣）配白飯和前菜 $63雞肉煮到剛剛熟，所以肉質鮮嫩。小辣的辣味適中，沒有蓋過肉味！每款午餐都跟白飯和前菜，我很喜歡呢份前菜，酸酸的木耳（爽口）令人非常開胃！跟餐奉送酸梅湯，但我們加錢點了汽水！午餐沒有加一服務費，在中環區可以食到高質的川菜午餐，兩位都只是$152，超值！

今個星期新開，見到超多人在門外等位，所以便叫外賣番公司吃。去到原來發現可以用Foodpanda 同Deliveroo送，唔洗行咁遠。店舖不是好大，可以坐20個客人左右，午飯時段超多人等位，12點去到便不用等位。今次同同事一起叫外賣，她點了酸菜魚午餐$76，由於午餐是跟白飯，但她又想食寬粉，所以便加了$28轉寛粉。外賣的味道都ok,當然沒有堂食的野味，但不過不失。我就叫了我最喜愛的香辣鍋（五種配菜），田雞x2, 肥腸，萵筍同雞軟骨（$250）。午餐其實有干鍋的，但只得一餸，比較單調。胃食的我，當然想試多幾樣。干鍋的味道好香口，為一缺點是炸過的肥腸及田雞，耐了就比較油一些，下次再試堂食。飲品方面，最喜歡他們的酸梅湯，好清甜！