十二味 X Bamboo Bar (德己立街)

营业中

休息中

本來約咗朋友去蘭桂芳飲啤酒，但行過德己立街，見到有新店開業，原來是十二味四川菜，朋友心思思想食酸菜魚，那麼我們就改去十二味食晚餐。入座後侍應提醒是要用手機下載程式落單。朋友當然第一時間叫了酸菜魚，上菜都好快， 一大鍋份量十足，酸菜加上少許紅辣椒，酸酸辣辣十分開胃，魚肉於香濃的酸辣湯底內，吃起上來魚肉特別嫩，酸菜清爽，酸辣得宜，惹味十足。蔥油拌麵，蔥油拌麵是傳統的上海特色小吃﹐雖然簡單樸實﹐彈牙的麵伴上蔥油味道香濃的醬汁，卻是讓人回味無窮也吃不厭的美好滋味。

因為疫情關係，喜歡食酸菜魚的女兒，常常說不能如常放假去深圳食川菜，今日聽到同事話中環有間食川菜好好味的十二味，一於叫埋女兒去試吓！餐廳採用手機程式下單，方便又環保！人見人愛酸菜魚：用上雲南老埕酸菜、四川酸菜同廣東鹹酸菜炮製，特別好味，魚肉嫩滑，份量又多，而且仲有得揀辣同唔辣，湯底是用魚骨熬成，味道鮮甜。川式口水雞：亦有辣度選擇，口水雞味道層次豐富，有麻辣鮮香嫩爽等味，忍不住一口接一口。女兒也讚不絕口！

Weekend Happy之前要醫下肚😏，就係蘭桂坊入口就見到依間川菜野，一望原來係十二味🤤，之前食過其他分店都唔錯，所以食的野先😂🔻人見人愛酸菜魚（配粉條）$276🔻2人份量幾足夠，湯底酸辣惹味🤤，係可以飲既湯😋。魚肉幾滑，有超多既酸菜，麻香酸辣🌶真係好鬼正🤩，萵苣好入味，酸辣又爽口真係好好味😋。仲有個寬粉，又係正喎，一定要試👍🏻🔻蔥油拌麵$38🔻脆炸蔥絲，每條麵都沾均醬油👍🏻，咸味足夠。拌勻後，蔥油味好香，雖然係蔥油拌麵，但係食落一啲都唔油膩🤤，麵質軟身彈牙，幾好食😋。🔻慾望酸梅$28🔻一大杯既酸梅湯，真酸梅嘅酸梅湯，冇藥材味，正👍🏻。杯中有一片檸檬🍋，想酸的既可以篤佢兩下😌，酸梅湯帶少少檸檬嘅香味又係另一個層次，如果淨係想試嘅話可以飲到尾先篤下個檸檬🍋。

原來中環最近開了十二味！同區來說，真的算是少有的lunchtime抵食之選，而且有質素保證。前排同朋友經過見到才發現的，剛巧我們也很喜歡吃辣，就決定去吃了。這間店設計頗有心思，沒錯「民以食為天」，所以要吃點有質素的食物。午市套餐的價錢好抵，完全無expect過在中環會吃到這個價錢的lunch🌟川式口水雞：一向都好鍾意食口水雞，12味嘅口水雞算是幾出色，雞肉嫩滑之餘底下的辣椒好香麻，最適合同飯一齊食。🌟川香回鍋肉：回鍋肉肥瘦適中，肉炒得好乾身同香，仲有好多蓮藕配菜。🌟蒜泥青瓜：12味的冷盤做得幾好，好香蒜味，青瓜亦爽脆。喜歡吃辣，又想在中環吃得經濟點的，這裡是不錯的選擇。menu👇🏻（自助掃碼點餐）ps 其實我有點想試個火鍋醬料～

天氣開始凍，就會好想食啲辣去暖下身。見最近公司附近有新食肆進駐，仲要喺蘭桂坊，價錢又好似唔貴，就去食呢個四川風味嘅麻辣菜。🍽水煮牛肉小辣$168超大碗，有一半係辣椒，真係落足料，煮到好出味，又唔會太辣，因為辣椒關係令到成個菜式好香。牛肉嘅份量亦都好多，雖然辣味重，但係牛肉唔會煮好鞋，好值得一贊。🍽干扁四季豆$78每次食辣野都會必叫嘅小菜，四季豆炒得剛剛好，唔會太淋，保持到佢嘅爽口。🍽蔥油拌麵$38又係濃味野，但真係好好味，好中意麵的質感，彈牙爽口之餘，到口之後又有少少油膩感。雖然好邪惡，但真係好好味😋食物質素係絕對對得住價錢，喺蘭桂坊來講佢算平。午市會有些套餐會比較抵食，難怪平時午市比較多人。

太耐沒有跟媽媽外出食飯，於是今個週末就打算找間好的中餐館，跟媽媽撐枱腳。我們在中環區購完街，走到上蘭桂坊附近，碰好就見到有間新開張的「十二味」，媽媽對此感到好奇，而且又想食辣，實在太好。餐館的隔板有一隻大熊貓，令人很容易就辨識到是四川菜式的餐廳。餐廳是用QR CODE 來落單的，我和媽媽都是想食這裡的小炒，順便辣一下身體。⥓ 1.酸辣土豆絲薯仔絲要去這些四川餐館才能食到其真正的風味。我們選了少辣，十二味將薯仔絲炒得爽口，少少辣得來卻不會帶濃油，而且份量十足，兩人食的話絕對充分有餘。⥓ 2.川香回鍋肉 （加白飯）媽媽就點了川香回鍋肉，因為在家很難炒得好食。我們同樣點了少辣，十二味用上大量紅椒、青椒、大蔥等惹味材料來炒回鍋肉，使得回鍋肉充分吸收味道，鹹香帶辣，愈食愈過癮。食川式小炒，就當然要配碗白飯，我和媽媽二人share，用川香回鍋肉來送飯簡直一流。如果在中環區想找間川式小菜館，這間「十二味」的確是一間好選擇。

中環耐不耐就有新食肆開張 為打工一族帶嚟新鮮感 今日去間新近開張嘅川館食午市套餐 唔收加一-🐔#武隆尖椒鷄 ($68）入鄉隨俗 叫個川辣小菜 賣相有啲似辣子雞丁 鷄肉帶小辣而且份量足 雞件去骨嘅話就更好-🐟#酸菜魚（$76)魚片嫩滑 燉湯🥣滾燙 泡辣椒🌶️浸喺湯中 越食辣勁越強 做火鍋湯底又得 加埋爽口酸菜 又湯又餸咁用嚟送飯仲滋味-🎋#乾煸四季豆（$58）豆條乾身而外皮帶微焦 肉碎吸收醬汁 非常入味 撈飯食仲正 雖然有唔少紅椒片 食落唔辣-🍹#熱情果梳打 (跟餐加$8）大杯又抵飲 梳打水加入青檸片🍋 甜甜酸酸加倍解渴 味道清新-🥥#椰青水 (跟餐加$8）食辣嘢飲佢 舌頭👅冇咁㷫烚烚 人都冇咁熱氣-📍#十二味中環德己立街地下G21號舖

川菜必點麻辣菜式😛不過酸菜魚就香港人的口味 不會太辣酸辣爽口 桂花魚片滑嫩 魚肉不腥鮮嫩魚湯鮮美微辣不膩調料下了乾辣椒 泡椒 花椒 酸菜 很夠味 令人食慾大增配料也很慷概 但沒有Q彈薯粉 下次要加小菜涼拌土豆絲 不辣的 酸甜酸甜很是開胃 好爽口好脆至於麻辣牛展 牛展片沾滿紅油 麻辣鹹香✿ ⊹ ✿ ⊹ ✿. 𝚈𝚞𝚖：👅👅👅👅/𝟻𝚁𝚎𝚟𝚒𝚜𝚒𝚝﹕💃🏼💃🏼💃🏼💃🏼/𝟻𝙿𝚛𝚒𝚌𝚎﹕ $200/𝚑𝚎𝚊𝚍.˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞☞ ☞ 十二味中環德己立街21號號地下˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞

🐈：今次係食晚市，價錢即刻Double左，不過夜晚食又有唔同嘅感覺，始終係會開心啲滿足啲，大家可以自己衡量下。餐廳設計大致上同其他分店都係一樣，sell中國特式。———————————————🌟川式口水雞 $𝟽𝟾個汁好惹味💕，又甜又辣咁，有好多花生同白芝麻,好香！啲雞今次唔算好滑，凍冰冰的，應該係想夾返個汁！喜歡食辣既你要試，唔鍾意食辣既都可以試，因為我朋友唔食辣但呢個餸令佢食晒成碗飯🤣。𓂀推介度：8/10_🌟干扁肥腸 $𝟷𝟶𝟾估唔到都幾大碟，肥腸大塊又厚肉，都幾脆口有口感，公道講句，呢個價錢算合理！但係我始終都係鍾意食細隻啲嘅肥腸，會入味啲👍🏻。個個口味不同吧！𓂀推介度：8/10

今日就同黃會長食飯，去到中環啦唔係佢就蔡瀾啦。並預祝唔黃會長就快上位，食餐好少少都無所謂啦！咁就諗過想食辣野，我就話不如試吓啦幾好食呢一間。人哋開得連鎖店當然有佢原因，品質可以做到多間味道都差不多，係成功之處。很多中菜館都無法做到！可以看到他們嘅標準確實做得好。今次照舊食乾扁豆，加咗個毛血旺！講真毛血旺好考功夫，要煮得好食好困難！今次想講就係嗰個嘢飲，睇落係咪好似酒壺呢？查實佢完全唔係酒，係甜甜地！都幾解得下辣，未飲過可以試吓

我記憶中十二味在旺角左近有店，曾經食過酸煮魚，好味又抵食。今晚來到中環店，捨棄喜愛的酸煮魚，試吓麻婆豆腐，只要小辣。賣相一看便知小辣都有辣度。豆腐好滑溜，又麻又辣勁惹味。配白飯一流。如果喜歡嚐辣的話，可挑戰中辣，大辣，定有另一番風味。土豆絲有勁強蒜味，麻油味。絲絲爽脆有嚼口。係涼拌之選。蔥油拌麵簡簡單單，麵條有彈性，調味恰到好處，滋味！冰粉是我最想食的甜品，甜而不膩，清涼透心，無論夏日炎炎，亦或寒冷天氣，都一樣適合。

水煮魚就食得多，酸菜魚之前食過一次，印象好差，就無再食過了。朋友話帶我去食十二味，會令我改觀，一試無妨啦。因為之後會去食糖水，所以就只嗌咗一份酸菜魚，本來都驚會唔夠飽，點知一上菜係好大一份，香氣撲鼻，我就知道無中伏了。我哋叫嘅係中辣，但食落口又唔覺太辣，反而好夠酸，酸菜好開胃，用嚟送飯一流。魚好滑，唔腥。下次再嚟嘅話，可以再嗌多啲其他餸。

十二味中環德己立街21號地舖我食過在灣仔的分店，覺得不錯。 在老蘭同朋友路過它的新店，就入去試下，都保持到水準。毛血旺（$178）好多朋友食川菜會鍾意揀水煮魚，我就鍾意毛血旺多啲，因為豬皮、豬血同埋其他配菜都比牛肉同魚會更加入味，食落更辣！🔥酸豆角炒肉末（$88）+白飯2碗（$24）呢味菜堪稱係中式嘅泰式生菜包，必須要配大大碗白飯，撈埋一齊食先好味。鍾意食酸嘅朋友一定要試，好開胃😚😋桂花冰釀（$28）傳統十足嘅飲品，隔離枱唔知以為你飲緊茅台，細細隻杯，可以慢慢飲🍻

想喺中環食辣，其實唔係好多選擇見到開咗間十二味，而午市有抵食套餐，所以就同家姐過左嚟試下其實之前喺黃埔都成日食呢間，但係平日午市太多人排隊，呢排都好少去中環呢間喺正蘭桂坊前面😲星期六都有午市套餐👍🏻因為今日行完街遲食飯，所以唔洗等就入得我哋一人嗌咗一份酸菜魚套餐$76，套餐有一碟好大份嘅酸菜魚，一碗白飯，一杯飲品，同埋一碟前菜前菜係拍青瓜，味道正常酸菜魚一如既往咁好食，超大份😲👍🏻 魚肉好滑又夠大片，份量亦好多， 而且入面有好多酸菜同埋有啲菇片佢既湯唔會太酸，中辣我地都可以接受，唔會話食得辛苦而且因為落咗菊花，有淡淡清香，亦令碟酸菜魚唔會有太油膩嘅感覺飲品係酸梅汁，夠凍，解辣之選一份白飯實在太大碗，所以我哋兩個女仔share一碗飯算😝最後仲嗌咗佢個冰粉，甜甜地又唔滯又唔肥👍🏻喺中環嚟講，佢嘅午市套餐真係冇得輸我諗平日午市應該超級多人排隊，因為真係好抵食

太久沒有 回深圳吃到 地道川菜 😂😂得知在蘭桂坊公司附近 開了一家正宗的酸菜魚店💕💕十二味！當然要過來朝聖一下😝😛找回我的川菜 味道🤤🤤新開張店員很有禮，地方亦都寬敞 ，而且裝修很有味道 🥰🥰好一句民以食為天 ，真係打動了我 ！當然要試試見人愛酸菜魚加寬粉 ，非常正宗的味道而且份量超大呢👍👍魚肉均勻不厚不薄，剛好熟透，非常嫩滑，肉質紮實！鮮甜！真正吃到魚的鮮味 😋😋但也把酸菜的獨特香味滲入其中，非常到位，寬粉滑捋捋 呈透明，真係見到都想吃呀，湯汁鮮味深入其中，不錯不錯 👍大盤花菜也是川菜的另一個代表作，講求火候，出來效果爽脆 ，油而不膩，加小小醋點綴，便把他的特色表露無遺 😎😎可以參加會員優惠，隨便送你一盤人見人愛酸菜好已經值回票價了🤭🤭以後午餐晚餐都可以來，還有其他很多菜式 ，干鍋也是很想試的 下次再試