十二味 (謝斐道)

营业中

休息中

我對酸菜魚要求勁高，呢間當然做不到最好味個d,但都唔差既...味道都夠濃，但方方面面好似都差左dd，如果未食過酸菜魚的話一定已經好滿足架啦！今日同朋友去食，佢地都已經覺得好好食！！所以真係可以一試架👍🏻👍🏻另外叫左粉萵筍，走油完後好多油😂😂但個萵筍本身都幾甜，除左油太多 成碟都是油之外，都幾好食的！👌🏻仲叫左一個乾煸肥腸！肥腸被炸得好乾脆，所有油都逼晒出來！一點肥膩嘅感覺都沒有，推薦呢道菜👍🏻👍🏻👍🏻

服務態度極差！員工歎慢板，十問九唔搭！落單亂七八糟，要自己scan QR code落單！我係第一個客人，等半個鐘，其他人order陸續出來，無我份。叫佢地追單，無下文，再叫另一個追，佢話等等，然後又係無下文，無人回頭同我講番究竟情況係點樣。食肆真係以為好食就可以放任員工唔認真招待客人？？？老實講，唔特別好食！只係一般，雖然唔差。今時今日，咁嘅服務態度，無下次！

又係口痕好想食酸菜魚，今次搵到呢間係銅鑼灣同灣仔之間嘅餐廳。裝修同環境感覺都好似內地嘅餐廳，而且落單都係用手機落。咁就一於試吓係咪好似內地酸菜魚咁正宗😆四個人叫左一個人見人愛酸菜魚$228，不過佢唔包粉條，要另外加$28。本身嗌左一份但係黎到份量唔算多，而且我地四個都係粉條愛好者所以加多左一份。整體味道同內地相似，不過唔夠辣，價錢貴左但份量又唔及內地多。另外叫左幾個小菜質素都係一般正常。我地另外叫左桂花冰釀，$28杯但係好細杯🥲銅鑼灣都幾多食酸菜魚嘅地方，如果係同朋友食飯傾偈，以份量同環境黎講我覺得可以再試下其他選擇，希望價錢或者份量可以調整下。

衣間想試好耐，一直無機會，今日行完山喺衣邊結束就順路來試下。2點但店也很多人，剛好有一張枱，所以等了不久就入左去。手機落單，方便快捷，我們叫了兩個午餐，一個係水煮牛，另外一個係酸菜魚，另外再點了蔥油麵同皮蛋。皮蛋第一到來，幾靚，同平時喺第二間食嘅唔同，衣隻皮蛋透明的，沒有黑色皮蛋嘅味道。中間辣椒味道唔錯，餸飯好正。之後酸菜魚，午餐set 有飯同飲品，68蚊幾抵食，酸菜魚好大盤，入面有雞脾菇，萵苣，大量酸菜，魚也不少。味道我叫左中辣，不過都唔太辣，味道是不錯的，68蚊其實幾ok,可以再食😋佢配個飯我就覺得太生米，仲有杯飲品桂花冰釀，幾特別，亦解辣，不過太細杯。蔥油拌麵，沒有什麼特別。水煮牛肉等了很久也沒有，追一追佢地話整錯左外賣，我地照要喇。不過朋友說麻麻地，入面無咩餸。lunch set 都係配白飯同有飲品。可以為酸菜魚再食，下次叫大辣🌶

今日又去左食辣野，位於銅鑼灣既十二味，但距離地鐵站就比較遠啦，行過去都要10分鐘左右。💃🏿服務員招待都幾貼心，見到我地多袋就即刻問駛唔駛比張椅子我地放袋👍🏿水煮魚🐟非常好食，魚肉都唔少，又冇骨，而且啲薯粉都浸得非常入味啊！🍜麻辣香鍋🥘我哋好似都叫咗成七個配料左右，當然唔少得午餐肉，木耳，雞軟骨，等等。小辣都唔錯，下次可以試吓中辣先！🌶🌶清炒時蔬清清地叫咗個菜，食辣野嘅時候食下都唔錯㗎 ！😀另外仲有叫到白飯，嘢飲，同埋甜品！埋單大概一人 HK$200。

職員服務態度頗差，但不得不承認食物味道不錯👍🏻:🔸人見人愛酸菜魚 $228 (8/10)味道幾正宗既川菜，酸度適中，辣度可選擇，加左花椒，麻麻辣辣，幾過癮😝魚塊大片滑身而且分量足，底到重有索曬味既寬粉👍🏻正因為與朋友能接受既辣度不一，而當日晚飯時間尚早，人流唔多，職員幫我地分開左2碗裝原本其實係一大盤，2-3人量架😉:🔸紅糖糍粑$50 (8.5/10)煙韌控必點！糍粑外脆內軟熟！！加上黃豆粉同紅糖醬，好食到停唔到😝

返内地食酸菜魚是其中一個行程，太二祿鼎記漁夫人一定有一個在我行程内，可惜疫情關係，已經近1年無法返內地探佢哋。朋友發掘了一间在香港的酸菜魚連鎖店，正好一解相思之苦，晚上6點到達，店内面積不大，目测可容納50人左右，每檯2至4人，有隔板有电子测量體温，每檯距離尚可。用手機落單，先點了人見人愛酸菜魚(小辣)、葱油伴麵、口水鷄、靓仔各1。約10分鐘菜已上齊，主角酸菜魚果然無令人失望，魚片厚薄尚可，酸菜酸度適中，混和花椒及酸湯撈飯，可食兩碗靓仔，味道有内地7成水準；口水鷄正常操作，略嫌多骨小肉，只有4份1隻，份量唔上唔落；葱油伴麵只此一次；最後追加乾煸肥腸+靓仔一個，今次要成廿分鐘先上菜，紅噹噹滿滿辣椒乾，伴上有孜然粉嘅炸大腸，味道不錯，但只有11-12嚿左右，性價比低。服務正常，店員態度正常，埋單連加一剛$500，當然比内地價格略高，份量也略細，但整體味道滿意，店内亦有乾鍋供應，下次可以一試，離開時全場爆滿，有人排隊等位，下次試吓其他分店。

這可能是有史以黎在香港使用外賣的最差體驗 我在openrice自取上面下單後 店沒有任何結單的意思 我便打電話向餐廳詢問 他們說收到了訂單 並答應了30分鐘後午餐時間 沒想到我在店裡居然又等了差不多半小時 才取到外賣 這距離我打電話整整一個小時

We tried to order takeaway from this restaurant twice. Both times, they accepted our order but cancelled after 1.5 hours. Two dinners ruined - we will never try again!我們曾兩次嘗試從這家餐廳定外賣，兩次他們都在我們等了1.5小時後突然取消訂單。兩次我們的晚餐完全被耽誤。。。絕對不會再試了！

差唔多食完，服務員已經將張單擺喺枱面叫我哋埋單。有人等位，可以理解。埋完單啱啱行出個餐廳，突然驚聽到個女人大聲嗌，109，咪走！你哋仲未買單！我哋唔知佢係嗌緊邊個，不以為意繼續向前行。個女人向前幾乎行埋身邊，對住我哋又大嗌，109，你未買單！好多人即刻睇住我哋。真係好粗魯，以為我哋係囚犯咩？用返啲編號嗌我哋！佢自己唔check清楚就過嚟咁粗魯地對我哋講嘢。講真，四線城市的服務態度唔得嘅。so uncivilized and rude service staff

外賣預約了12點半取單，但是去到後硬是等了半個多小時，那預約又有什麼作用呢？口味跟疫情前相比差太多了，不知是不是外賣的原因，米飯也是乾巴巴的那些味道。近期應該不會再去點外賣了。

今日心血來潮想食酸菜魚。開OpenRice 揀。見到十二味就去試一試先。一坐低就有杯慾望酸梅食。酸酸甜甜。好開胃。酸菜魚(中辣)Lunch嚟講。魚片份量算多。無泥味。算幾鮮甜。加埋酸菜同湯一齊食。送飯真係一流。牛肉麻辣香鍋(小辣）同樣牛肉份量都算多。望落去好似好辣。但都接受到。始終係叫小辣。整體都好味。都係一流送飯。銅鑼灣區lunch 嚟講。價錢都ok。可以再試。

入到去既時候，朋友已經點左菜。我地總共5個人，朋友叫左3碟麻辣小龍蝦，嚇親我，因為我去到見到既果碟已經好多，唔想浪費食物。原來做緊推廣，買2送1，將3碟既份量分2碟上。因為有3碟份量，所以係好多好多。色水好令，鮮色，個sauce夾，個辣度我都仲接受到。每人黎一對膠手套，開始拆蝦工程。我雖然平時比較懶，今次都有拆殼食一堆蝦。目測其中一個朋友清左一半蝦，一住食一住讚。期間有侍應幫手清走原本既手套同埋裝殼既盤，換過新既比我地，好好服務。不過因為餐廳坐滿人，工作比較忙，有時要耐d先可以過黎幫手。另外叫左d土豆絲，菜，麻婆豆腐。覺得個麻婆豆腐唔錯～飲下啤酒同韓國燒酒，食下好野，係同朋友聚聚既好地方。

話說，同朋友啱啱坐低，朋友發覺張檯抹得唔乾淨，於是叫店員抹走，隨後，我拎開隻碟，發覺張檯仲有唔乾淨(有油漬)，於是再麻煩店員抹多次，但店員竟然說：「我唔想行去拎條布抹。」。其實你地本身無抹乾淨張檯就俾客人已經唔啱，仲要講呢句，聽到真係唔鍾意🤬🤬🤬，態度差！ 另外，呢間分店食物質素唔得，朋友說麻婆豆腐太鹹，其實食物味道不足夠。不會再惠顧這間分店。

2:30進店時，有提醒3點關店。但是，到了2:45，這位店員就開始聲音巨響地，在空桌上開始放置新的碗碟，不管還有三桌客人在吃飯。我點的菜，一開始做錯，廚房又重新做，所以送上來時，已經比正常晚了十分鍾左右。這位店員，到了3點就來說，要關店了。我說，你們上菜出錯晚了，至少給我多點時間吃完。但是，這位店員不管不顧，就開始在我附近掃地。如此惡例的態度，真是難以想像！