十二味 (謝斐道)

营业中

休息中

中環有一家十二味平常開OT時最常會幫襯二人乾鍋套餐是好吃又抵食基本上兩個女生可以分2餐完食由於之前跟谷友試過一個地獄酸菜魚（晚點再分享🤭）這次一於要吃回個正常好味的🤣所以大家在跑完謝票場就去了十二味晚餐❤️人見人愛酸菜魚少辣版本都很夠味不會過酸而且魚肉嫩滑不散沒有草腥味道新鮮好吃❤️霸王辣子雞中辣程度很香口雞肉夠乾身加埋腰果很下飯❤️麻辣乾鍋少麻少辣版本必點土豆，連藕片及午餐肉嫩牛肉是厚片的很抵吃愛濃味及重口的一定要試試寫完又很想再吃乾鍋🤣🤣

我揀左麻辣素香鍋，難食到飛起，完全唔辣，而且外賣到手嗰陣又已經凍哂，嗰啲薯仔全部林晒，同埋成兜都係薯仔，加少少蓮藕，真係冇下次，仲要成$60一份，明明以前10二味好好食㗎，點解而家變到咁難食？

銅鑼灣謝斐道呢間十二味，舖仔細細但午飯時間相當多人幫襯，間接話畀大家知，佢直得一食。午市有套餐：牛肉香鍋、酸菜魚、水煮牛肉、口水雞、麻婆豆腐等等主菜選一，配白飯再加一盒飲品，均價70幾蚊。筆者通常首選酸菜魚，唔食得辣揀微辣。午餐而言，佢份量唔失禮，魚肉足、酸菜夠、萵筍啱啱好，想全部食晒，定會飽到嘔。魚肉例牌白淨滑嫩，看似一小塊一小塊冇乜份量，但其實口感啖啖肉，畀人感覺有啲似水卜櫻，細細粒冇乜肉地咁，實質禾稈冚珍珠，雙峰出奇地驚人，而且膚色白白淨仲要透紅，透到粉紅色可遇不可求，整體予人感覺相當水嫩，絕對值得間中欣賞。補充多少少🤏🏽，湯同酸菜夠味，淋飯食好開胃；萵筍爽口清新。少少建議，假如想午市幫襯銅鑼灣呢間，無論堂食定外賣，等15分鐘係基本，打定電話落單穩陣啲。

好多時都見呢間餐廳排晒隊，等好耐都冇得食。今日終於見到比較小人，所以就緊係入黎食辣野刺激一下。🌟 🌶大辣🌶口水雞午市套餐份量都算多，跟餐仲會配酸梅湯或者飲品一包同埋一碟小菜。 今次喺一碟雲耳，酸味味咁，非法開胃。主菜口水雞，今次好好彩，出左大大隻雞髀😋 雞肉滑嫩，口水雞汁麻香味濃，配飯一流嘅配搭，真係唔覺意會食多幾碗飯......最鍾意呢度係濃味重口味嘅辣～ 唔係死辣～ 爽呀😎 如果唔係咁多人排隊，會黎多D食野下次再試埋個酸菜魚🤤

食過呢間幾次，乾鍋，酸菜魚，水煮都好食，而且好大碟，調味都好正宗。不過今次碟回鍋肉真係四個字形容曬:肉乾菜油!油太多啦，個碟底一層厚厚的油浸住d蓮藕，豬肉抄到乾曬好硬，真係食唔落(如圖)，請商家改善一下，繼續努力💪🏻

五個人 四道菜 五碗飯 飲品有剩 埋單先係$900零但個個都係勁飽 又好食酸菜魚(3-4人）必點好大份 魚香嫩滑 量夠 酸菜十分多夠酸夠麻 唔會太辣 湯送飯 超級正乾煸肥腸 係豬腸 辣度適中無影相 咬落去香口 豬油爆炸 又唔會覺得好油膩勁好送飯 可惜份量偏少 每人兩舊左右完左 可能6個人要點兩份 辣椒就十分十分多啦🥲水煮肥牛份量足夠 有油墨菜 同薯粉係底🤤 吸晒d味 牛肉亦好夠淋 唯一缺點實在太辣 小辣都好辣 搞唔掂 尤其辣椒籽遍布搞到要洗一洗酸菜湯 先食到篙筍清甜 大碟 保持水分 正嘅特飲好大杯 夠兩個人share 抵嘅會encore！！！

依家在銅鑼灣番工，成日要諗食d 咩😆有日行過十二味都幾多人排隊就試下啦！！平均一個餐70 蚊左右，同同事share 食，試到多一款！我就揀左酸菜魚少辣，佢個湯一d 都唔油，仲好有之前在內地食ge 感覺！我平時食開譚仔十小辣，覺得呢個辣到岩岩好！而且佢係有勁多魚！同朋友唔洗爭食！個湯又好飲😆😆另外個款係牛肉黎，但加得太多肉鬆粉，口感好怪，反而入面ge配菜蓮藕好爽脆，其他配菜都好入味。美中不足係無港式凍飲，得可樂同維他檸檬茶，而且冷氣勁大，夏天去都覺得好凍，大家記得帶褸先好去！

以前未Work From Home嘅時候已經好中意黎呢到食lunch，一人份量剛剛好好過夠曬數👍🏻估唔到今次order dinner 都幾抵食👍🏻-▪️經典香辣鍋$40必須選擇5️⃣款配菜👍🏻我就選擇左萵筍(+$28)、蓮藕pian($28)、雞翼($38)、嫩牛肉($52)以及花菜($28)。萵筍爽口新鮮，厚度適中；蓮藕走油炸過，非常惹味，推薦👍🏻；雞翼係勁入味，超級滑嫩嘅孜然味單邊雞翼，為數不少；牛肉用鬆肉粉醃製，不過都好好味，份量超級多🐮；花菜就比較遜色少少，可能因為佢係先煲過再mix，會比較淋身得制🥲叫左大麻中辣，勁惹味正！題外話：超級少辣椒，全部都是配料👍🏻出色呀！▪️涼拌土豆絲$40呢個估唔到蒜味十足，如果就咁叫可能會覺得略為淡口，但依家剛好中和香鍋嘅辣勁🌶️

同同事係呢頭收工一齊食個午餐，佢好鍾意食十二味嘅酸菜魚，發現原來灣仔有分店，即刻去試下。 佢哋有午餐套餐，分別叫咗川式口水雞同酸菜魚一齊share，套餐包咗一包紙包野飲同前菜，前菜係木耳。口水雞一上菜見到好大碟而且唔係鋪左好多青瓜係底扮有好多雞👍🏿雞件都唔細但略嫌有啲唔夠入味，開頭一兩件雞食入口好香但唔覺辣，係愈食愈辣🔥，不過朋友好食得辣就覺得唔辣。酸菜魚有好多魚塊仲要無乜骨，湯底入口唔會好咸同好酸，我唔鍾意食酸都大讚好味。而朋友十分喜歡食酸菜，佢話呢間分店無佢平時食開個間咁入味，但都好好食～分量一啲都唔少，食到好飽啊，滿足！

第一個感覺幾大份.魚有好多塊.比預期多.而且好滑我叫了小辣.對我來說適中.酸酸地.好開胃.連湯都好味建議食得辣的人叫中辣小食雲耳也不錯如果免費飲品有多些選擇就好了

夏日炎炎，就想吃一點開胃的食物。在友人推介下，於是下午時間便入了十二味酸菜魚。可能是下午時間，店內食客人數不太多，只有兩三檯。店內是用電子方式自行下單，我們點了大份酸菜魚、炒土豆絲和冰粉（因為不太能吃辣，冰粉可以解辣）。酸菜魚魚肉滑溜，湯底方面夠酸，而且上面的花椒等配料十足，調味不錯，底下有一些闊薯粉，吸收了湯底，很入味。若魚肉份量可以再多一點會更好😝炒土豆絲點了不辣，味道不錯，醋味酸酸的，很開胃。最後冰粉不算太甜，實在是解辣恩物～

有日起身突然好想食辣嘢，好想食酸菜魚，所以就嚟十二味食晏。呢度午市套餐價錢平，而且食物質素同晚市一樣咁高，所以好抵食。餐廳係要自己掃枱上QR code自助落單，落單時可以揀辣度。點咗一個酸菜魚同一個全素麻辣香鍋，午市套餐包埋凍酸梅湯，另外一杯加錢轉桂花冰釀，呢度啲桂花冰釀好好味。酸菜魚一上枱就好香花椒嘅麻香，揀咗中辣食落夠晒辣。金黃色湯底加埋酸菜好啱撈飯食鱸魚片滑溜而且近乎完全無骨，雖然午市價錢平過晚市咁多，但魚片份量都唔少，好抵食全素麻辣香鍋有蓮藕片、土豆、油麥菜、脆黃豆、大豆芽等等。辣度揀咗中辣好夠麻辣好惹味。除咗辣味仲食得出有多種香料，而且好有鑊氣整體嚟講午市食物質素同晚市一樣，所以午市好抵食

一行四人，有一位朋友去左攞位先，點知待應聽錯左做八位，因為一直空唔到咁大張枱，就俾哂啲位後面嘅飛先。我哋三個到左諗住問下等候時間先發現呢個烏龍，白白浪費左等候嘅時間，如果唔係都唔知食唔食得成。仲要依家只可以食到10點，大大縮少左飯聚時間。搞左半個鐘可以入啦，我哋已經預先寫好哂要食咩，一入就落單。叫左個熱鍋、紅糖磁粑同酸菜魚，明明寫左紅糖磁粑後上，但第一道就上左，咁個刻我哋肚又餓又費事浪費就算數啦。食得出佢應該係即炸嘅，外層脆，但內層又保持到煙韌熱辣辣，唔會炸到硬左一舊。之後上熱鍋，我哋叫左大辣，佢個麻辣都唔可以睇少，辣到落喉嚨同胃，不過對食得辣嘅人黎講係過癮嘅，但都要一路飲野解辣，佢有啲大大杯差唔多成500ml嘅野飲可以嗌，可以同fd share或獨食都得。不過略嫌個鍋有啲太乾，尤其係我最愛嘅腐竹同肥腸，有幾次差啲乾到吞唔落卡住左喺喉嚨，肥腸仲好多時得翻個皮，冇左啲肥膏，完全係缺失左個精粹。由於前兩樣都好快上菜，但酸菜魚就遲遲都未上菜，於是我哋check單，點知原來冇落到。明明落單個時侍應覆左一次單，點知都係漏咗，仲要嘢飲都上錯咗，服務質素真係要改進下先得，我哋呢枱都錯左四次啦。唔知係

晚上突然想吃小龍蝦，剛好樓下就有一間十二味、於是便下樓來買外賣。晚上八點左右，店內繁忙時間，服務員態度極差，當我詢問外賣什麼時候會有（當時等了大概二十分鐘左右），女服務員選擇無視我的說話，沒有任何回應。另外，排在我後面買外賣的人，和外賣送貨員，外賣編號排在我後面的，都能夠比我先取外賣，肚子已經好肚餓，看到這些更是火滾！就算味道再好（何況都唔係咁好），仍有很多間辣菜可以選擇，不是非你不可！老闆，請你提升服務質素，和店員管理。以後外賣，堂食都不會再來這間分店，亦都不會推薦比朋友

第一次去呢間十二味，個女店員嘅服務態度真係好差我地六點半入座，差不多七點二十分佢就好不耐煩咁樣來催食快d，問題係小龍蝦都啱啱上，買二送一，可以食得幾快？隔離檯早過我地入座，傾計傾佐一個鐘，嘢食又唔嗌，都唔見佢出聲。食食下又見到果個店員望過來，真係好鬼乞人憎，食餐飯都食得唔安樂。其他分店d服務真係好過呢間太多。仲有衛生環境堪憂，見到好多小飛蟲係度飛來飛去，飛飛下又停係d餐具上面，大家如果想食十二味，都係選擇其他分店好過。