十二味 (謝斐道)

营业中

休息中

突然好想食辣，要是同事介紹去銅鑼灣食十二味，好期待！落單時要用WeChat掃code order...(姐姐不俾紙我地填）招牌香鍋, 一個鍋底裡最少選擇五款餸！我們選擇了：肥牛，萵筍，午餐肉（同事介紹），年糕，蝦 ⋯ 小辣個鍋黎未到已經好香，看似好辣，食落不算辣～肥牛好食啦，午餐肉份量都多又食食，其他正常啦！整體好嘢味，送飯食好正！另外點左麻辣口水雞 ，朋友話好好食|夠麻辣味⋯我覺得呢個價錢來講，算是不錯！同叫了2杯食品，大大杯！

今日經好友介紹, 食外賣十二味嘅酸菜魚加香鍋。 本身諗住叫外賣, 但技術上有問題!! 決定外賣自取渣車去pick up. 落order 到pick up, 只需等1x 分鐘就做起了。 老實講, 辣野我係香港普遍失望。 但佢嘅酸菜魚, 真係有驚喜。 辣味酸味合適。 香鍋也非常了得。 整體上比我深圳的沒太大分別。 辣味亦足夠。 魚夠嫩。 價錢合理。frd 都決定, 可再幫嚫。 整體價錢合理, 味道好. 材料新鮮, 無骨。。香鍋也美味, 整體上我必定會繼續幫襯。

雖然個口食得辣，但係個胃唔得😥不過耐唔耐就食下少少辣野刺激下，又未嘗不可既經過呢間門面企理，但係一望就知係內地香辣野既十二味，不如就試下佢。我就一定係揀經典香辣鍋既，不過就乖乖食小辣啦。嗌左嫩牛肉，牛栢葉，金針菇，寬粉，木耳做香鍋料，再另外嗌個椒麻雞，同埋辣野必備既朋，可口可樂🤤望落好似好多辣椒咁，但係其實又唔算太辣。(利申：呢張相係食左一半先記得影，因為太肚餓同太吸引🤣份量唔係咁少架🤣)

身邊有幾位朋友鐘意食辣野。。但係午飯時間只有一小時多所以都要搵ｄ上菜快、又唔會食到成身味既辣野黎試～有次路過呢間見到店員將一碗香辣窩由ａ店拎去ｂ店比佢個樣吸引左所以決定要來一試！一去到已經好明確地要食香辣窩了！而我地無搞到佢既午市套餐而係搞到自選配料既香辣窩～由個窩底到入面既所有配料都係自己揀每樣配料都唔同價錢我地揀好曬之後，餐廳再幫我地將所有野炒埋一大窩上台～上台～～～～已經覺得勁香勁正了！而且入面住部都係我地揀既配料所以食得特別開心～我地自選同午市套餐既分別（搭台的）我地覺得魚腐、雞翼、菜、薯仔、金菇、牛等全部都好好食呀～～佢係屬於香辣唔係熱辣所以食得好舒服！同埋唔似平時ｄ車仔麵咁唔會因為點多左配料而份量少左。。所有野都好足料４個人食只叫左一碗飯。。都係岩岩好食得曬！提提大家，店內位置不多如果午飯時間去要預時間等一陣先可以入座！

我發現食辣嘅地方都好多大陸人，個個都講國語， 好似去咗大陸咁。食物質素方面，有唔同種類，萵筍、金針菇、肥腸、四季豆、鮮魷、薯仔、蓮藕.......原來炒埋一碟都幾大！食唔完、 仲要打包添！味道方面、不算太辣！寬粉一流！推介！

突然好想食酸菜魚😋咁就係openrice 搵好西啦唔打唔撞喺OpenRice搵到依間評價都唔錯既餐廳一於去試下同唔同深圳既口味先味道都唔錯👍🏽我本人覺馥一酸菜魚個湯底好重要依間酸菜魚湯底嘗可接受，同深圳某間出名既餐廳都拍得住😋😋魚片好夠滑，唔會一夾就散眼濶肚窄既我比個乾鍋吸引到🤭忍唔住叫埋泥試下😏但價錢就比較昂貴左小小，一定要叫五個餸，叫叫埋埋都二百幾元，反而酸菜魚價錢就正常啲乾鍋味道一般般，下次未必會再叫🙈整體上依間店可以再泥，但下次只會叫酸菜魚🤭

今日係Happy Friday和復活節假嘅前夕和同事一齊出去食午飯，揀咗謝斐道一間食酸菜魚和麻辣的餐廳，雖然中午時間但係人沒有特別多。菜單沒有特別，選擇不多，同事們點了酸菜魚客飯，我就點了一個麻婆豆腐客飯。當麻婆豆腐送到的時候覺得十分驚訝，因為用只係一個碟仔裝住不到半件的豆腐和辣油，肉碎不多，配上一小碗好硬的白飯，這樣的質素要$48真係無下次。另外同事叫嘅酸菜魚都不是一齊送上，四客分開三次。當我們買單時也發現另外一台亦有漏單情況出現他們也立刻埋單走人。不會再來了。

之前經過都已經好想試好耐咁岩同事話想食辣野我哋就一致決定話食呢一間行到入去鋪頭 已經聞到一陣麻辣香味流晒口水啦已經如果佢午市來講都算好多款式簡我哋叫咗酸菜鱸魚 鱸魚都有好多舊 全部都好滑不過我嫌個湯唔夠酸 我都有用啲湯黎撈飯 麻辣口水雞 果汁先係精粹好夠麻辣味 連雞胸都好滑麻婆豆腐真係好鬼麻 撈飯一流同事畢左兩根已經撈左大半碗飯😂最後一個係泡椒炒牛肉反而呢個就最失色🤦🏼‍♀️無咩味道 每一個餐都會跟一杯酸梅湯俾你但整體來講都係出色

最近香港越來越多麻辣店，岩哂中意食辣既我！係銅鑼灣行完街見到呢間十二味，見好多人排隊，就試下呢間！最多人叫係招牌香鍋，選擇一個鍋底再簡5款配菜，我當然簡左麻辣鍋，配菜就簡左田雞、蝦、油麥菜，雞軟骨同肥牛！連辣度都可以選擇！可惜係朋友不太能食辣，所以簡左小辣！麻辣鍋上台味道非常香，係辣到上隱個種辣，忍唔住一口接一口！蝦肉大隻又入味，雞軟骨同肥吸哂麻辣味，非常惹味呢！我地仲叫左兩碗飯，十分好下飯！食辣野最岩就係配冰凍既可口可樂，一口辣野 一口可樂，爽！下次絕對要挑戰下辣d 應該會更過癮呢！

好消息😎睇嚟第時想食酸菜魚唔使山長水遠貢上深圳，留係香港都可以就地解決🙊 雖然價錢上可能會比深圳貴，但計埋交通費其實都係咁上下啫😆最重要係搭程車過海就食到啦嘛😈等緊位嘅時候已經比嗰陣酸辣味深深咁吸引住。目標一致地就快速order咗招牌菜🐟人見人愛酸菜魚🐟另外仲追加最佳拍檔寬粉。🐟酸菜魚集麻辣鮮香幾大元素於一身，魚片滑嫩鮮味，肉質非常細嫩，酸菜亦都唔會太咸，襯托魚湯酸香鮮美🤟🏻川式口水雞係一道我最喜愛嘅涼菜之一，尤其係四川口味更為喜愛，麻香個種刺激味蕾嘅感覺，又要怕辣但又忍晤住一口接一口！好lucky地呢碟係我地最愛嘅雞胸肉👍🏻👍🏻唔講唔知原來紅糖糍粑係糯米演變而成🤔尤記得第一次喺深圳某火鍋店食到，真係讚不絕口🤤。師傅巧手地將佢煎至四面金黃，嗰種煙韌嘅咬口，外脆內軟，加埋黃豆粉，令人讚不絕口！銅鑼灣集多國美食於一身，十二味都稱得上係川菜嘅代表🧨，等我下次約埋啲食得辣嘅朋友，一齊再去試多幾味菜先😎🤟🏻

春天濕濕立立 無咩胃口 食辣野就最岩呢間位於銅鑼灣既 十二味 餐廳入邊好多熊貓擺設，好得意！黎到當然要試下個香辣鍋 入面既配料 麻度 辣度完全自選。我地點左 個小食 椒麻雞。將新鮮既蔥葉同花椒切碎，淋油。食落好麻香，完全唔辣，雞件嫩滑，口感特別。而個自選香辣鍋就點左寬粉 牛栢業 鹵水大腸 腐皮 中辣多麻。上菜個陣已經聞到濃濃既香辣味 睇下個鍋幾足料！ 食落辣度十足 但很有麻香 。食落唔會感覺油膩 。材料新鮮入味，寬粉同腐皮是必點之一，完全吸收哂麻辣既精華。

冇幾耐之前，第一次喺深圳試咗食酸菜魚。返到黎之後口痕，就又搵左朋友去試吓香港嘅酸菜魚。話說其實我細個唔太鍾意食酸菜，但大個一食先發覺原來酸菜同魚肉煮埋一齊真係天衣無縫嘅配搭。星期六睇完戲之後，就同朋友黎左銅鑼灣呢間十二味。我哋到嘅時候仲早， 六點零鐘，所以未有人排隊。後尾發現好彩來得早，因為大概七點鐘開始，出面就已經開始出現好長嘅人龍。第一道菜就梗係酸菜魚啦。佢呢度嘅酸菜魚係唔包粉條嘅，要另外嗌，我建議一定一定要加，煙煙韌韌嘅寬粉條沾上湯汁之後非常惹味，而且只係$28，都唔算貴。再講返個魚本身，肉質非常嫩滑，同我之前返大陸食到嘅不相伯仲魚同酸菜嘅份量都好足，而且好貼心咁提供左兩個勺，一個有窿用嚟撈料，另一個冇窿用嚟裝湯。如果個湯汁可以在再酸辣少少，就更加完美啦。另外嗌咗一個清炒萵筍絲。萵筍清甜，份量亦唔少，搭配埋酸菜魚一齊食，一個清甜清爽，一個酸辣濃味，剛好就可以中和下。最後用一個冰粉來作結。賣相就唔使講，晶瑩剔透嘅冰粉浸係黃金色嘅糖水之中，令人食慾大振。口感食落似啫喱，冰冰涼涼，帶有淡淡的桂花香氣，係夏天食應該會仲爽！！

1️⃣人見人愛酸菜魚($198)叫左少辣，加$28叫埋最佳拍檔粉條😋好大盤酸菜魚呀！酸菜勁多，切左一片片嘅會更加入味，爽脆😋同埋有一片片嘅萵筍、蘑菇，同樣索晒湯底嘅酸辣，好味道！😝當然唔少得主角——魚🐟大大塊，已經去左骨，都算嫩滑，食落好惹味，建議魚嘅份量可以再多啲☺️☺️我最鍾意嘅就係粉條，雖然難夾啲，但口感有嚼勁，好爽滑😝😝呢味酸菜魚真係食到我哋舔舔脷😚2️⃣椒麻雞 ($68) 佢嘅醬汁清新，味道適中，食落條脷有一陣陣嘅麻痹感覺，好得意好正！😚😚3️⃣紅糖糍粑（$48）必點！軟糯嘅糍粑撒上黃豆粉，再沾上紅糖糖漿，真係超香甜！勁中意食🥰😍😍😍4️⃣野飲，勁大杯慾望酸梅($28) 好少可見酸梅湯會加咗檸檬🍋，有成半個檸檬咁多，原來咁樣飲到幾好味！熱情果梳打($28) 酸酸甜甜，解辣一流😝😝其他照片：

好耐冇食辣野啦，同事同我講公司附近有間食辣既都唔錯，所以今晚就黎試試！星期五晚上果然多人，我們都等左15-20分鐘才有位，餐廳不大，但會用埋隔離的舖位。餐廳裝修以白色為主，還有可愛的熊貓做裝飾！川式口水雞($68)，這款小食是冷盤來的，麻辣味幾濃，雞肉嫩滑，令人有一食再食的衝動！經典香辣鍋($38)，這裡的香辣鍋需要選上5種配料，我揀選了萵筍($25)、蓮藕片($22)、嫩牛肉($48)、牛舌($48)和寬粉($25)，而辣鍋選了小辣！牛舌切得較薄，容易吸味，因此麻辣到剛剛好！嫩牛肉跟水煮牛肉的肉是一樣，所以肉質嫩滑！萵筍和蓮藕是食麻辣必備的蔬菜，兩者都很爽脆，吸收了辣鍋的味道！加埋最吸味的寬粉，QQ的，口感豐富！而且一個香鍋真的很大，我們二個人也吃不完！飲品點了解辣的加多寶和椰青水！總括黎講，就現場所見，這間餐廳都幾多內地遊客食，食物味道都不錯！

今晚已經係第三次食十二味😂上星期同班朋友返大陸食酸菜魚唔夠喉， 諗起香港有呢間有水準川菜，今晚再接再厲😂兩個人叫左一個酸菜魚小辣加薯粉，大盤花菜唔辣，冰粉，同一個飯～酸菜魚嘅魚好滑，完全唔腥，得好少細骨，個辣好香口但係唔會辣得辛苦，好食😆薯粉份量好多，粗身，十級煙韌！！😋 出面有啲餐廳會將薯粉煮到好淋搞到一pat野🙈椰菜花有啲爽口，熟嘅程度啱啱好，配埋個醬汁唔會太咸，可以解下辣又可以送下飯😁冰粉係朋友係餐廳見到必點既野，因為佢好中意啫喱狀物體，又可以戒辣👍 呢間既冰粉好滑，唔會太甜，整得唔錯👍👍下次諗住同班鍾意食辣嘅朋友去呢間， 就可以食晒乾鍋同酸菜魚🤣