十二味 (銅鑼灣道) (已結業)

又係我銅鑼灣食神，微服出巡嘅時候，今日就去到十二味，大坑。食過都知呢間唔錯嘅。睇開我食評嘅人都知道我會講停車的事，門口附近有泊街政府位，如果有位，都算方便哪。依間野必試嘅係口水雞中午來都必食呢幾樣，味道就係我鍾意嘅BB辣差唔多唔辣呢個我幾喜歡，其他就仲有其他其實尖椒皮蛋我都好喜歡，都唔錯啦！裝修方面，集團式一般都唔錯，坐得都舒服。我最注重嘅服務，服務員依舊殷勤唔錯非常好！整體都唔錯，我嘅評語係「行過可以試吓啦！」

去過好多間十二味食川菜。今日在銅鑼灣道吃。呢間店面比較小，裝修好中國風，紅燈籠和熊貓最具有代表性。呢間可以選擇啲菜品比較少。冇我鐘意嘅水煮魚，我哋只好嗌左一份人見人愛酸菜魚（配粉條）。整份魚好大份，一上檯佔左成個檯面。配料有萵筍，雞尾菇，蘿蔔片，寬條紅薯粉。魚係好新鮮嘅生魚，魚肉嫩滑，冇骨。片片都好大塊，份量又多，夠2個人食，食好滿足。寬條紅薯粉都好多，粉好嫩滑，好彈牙。酸菜魚嗌左小辣，其實都唔辣，湯都可以飲，酸酸辣辣，好開胃。

呢排酸菜魚大hit，飯腳都揀咗酸菜魚。店內亦掛上燈籠作裝飾，相當中式。人見人愛酸菜魚 $238店內的招牌菜式，有唔同層次嘅酸，濃湯亦好好味，魚肉大大片，加埋其他配料，兩個人都食唔哂，窩心位係可以揀辣度。川式口水雞 $68裝飾成半圓形，醬汁麻香中帶辣，每一件雞好惹味。紅糖糍粑 $48熱辣辣，一客有8件，甜香軟糯。椰青水 $20 加多寶 $18唔想飲汽水，所以揀呢兩款，相當解辣呢～餐牌都幾多選擇，下次聽食水煮牛肉！

I am always keen to try new restaurants. When this Sichuan spicy fish place opened in Tai Hang, I wanted to give it a try. Finally found the chance on a Friday night! The signature spicy pickled vegetable fish was good! The clear noodle ( extra order) was good but could be cooked for a bit longer. We also ordered the sticky rice cake with syrup - something sweet to neutralize the spice!There is one thing which was pretty annoying. There was water dripping from the ceiling near the spot where foo

之前喺中環食過十二味，食過翻尋味，今次食大坑分店一於食吓酸菜魚一入店就有好多大紅燈籠，望落有啲懷舊feel 可能因為大坑店舖頭比較細，選擇比中環少dd，但每個種類都有3-6個選擇，夠做另外就係勝在份量慷慨，大件抵食川式口水雞，望落去好似好麻但食落係香辣居多雞肉緊緻無雪味👏🏻酸辣木耳好夠味，木耳好爽口同涼夏天食寧舍開胃主角到：酸菜魚！ 上枱嘅時候震撼親，勁大碟同好香好鐘意食辣汁配粉條（+$28）豆腐塊同埋菇片都好吸汁同好味主角魚片都係厚肉但爽脆，同去晒骨，食起嚟好方便

位於大坑的一間連鎖川味道餐廳，很多區都有其蹤影，在這地段也新開業不久，專門吃四川菜的，餐單全部都是麻麻辣辣的菜式，很吸引。而午市套餐選不多，只有三款是固定的，分別是酸菜魚、水煮牛肉及川式口水雞。十二味午市套餐：酸菜魚午市套餐份量也蠻大份，跟白飯一碗及飲品。一大盤魚塊及酸菜湯，湯底可揀辣度，怎至不辣也可，有大量的酸菜、紅辣椒、滑魚塊及香料。魚塊大片且多、嫩滑。搭配著白飯吃，邊吃魚邊拌飯，加上湯底酸中帶麻跟辣，很下飯。

最近開始愛上吃辣，周圍食辣( * ॑˘ ॑* )大坑呢間可以選辣度，全部叫了小辣。餐廳環境細小，設有手機下單，不過這間分店餐牌菜式較少，裝修充滿中國熊貓風味。另收+1服務費#尖椒皮蛋 $48麻辣油香，個人覺得好食過譚食，不碰到指天椒便不會很辣。涼涼的充滿皮蛋味，軟得來彈牙，喜歡💕#蔥油拌麵 $38完整的彈牙粗麵很入味，不會斷曬。充滿蔥油香味和甜豉油味，也不會很油，抵食飽肚#川式口水雞 $68冰鎮麻辣很入味，不會太油，可惜師傅刀工一般，有很多碎骨><#紅糖糍粑 $48熱烘烘外脆內軟的糍粑灑滿甜甜的黃豆粉，另有紅糖漿給你沾點，不錯。服務質素：6/10環境舒適度：6/10ᶘ ᵒᴥᵒᶅ個人口味評分：7.5/10

星期五happy Friday，又同女朋友行街街。今日黎左大坑，突然個口有陣酸味想食酸菜魚。咁啱有間新開既十二味，係大坑開左分店，就試試佢先。😋😋入面環境裝修都好中意，紅紅既裝修見到已經開始覺得辣。坐低係用QR code落單，界面都算易用。我哋就叫咗涼拌土豆絲，燒椒皮蛋，蔥油拌麵同埋就梗係個招牌人見人愛酸菜魚。涼拌土豆絲：酸酸地，撈埋啲青瓜，好開胃，薯仔佢係特登唔煮太淋，咬落去索索聲幾有口感。燒椒皮蛋：超好味！同女朋友都一致認同係最出色既餸，佢係用左特別既皮蛋，黃色蛋黃同透明蛋白，個汁既味調得好好，甜而不太辣，皮蛋個種餘香殘留係個口度好一段時間！正啊！！蔥油拌麵：味道正常，麵條幾有咬口，煙煙韌韌（女朋友話既）食酸菜魚得黎有啲澱粉落肚係唔同啲既人見人愛酸菜魚：依個真係值得一讚，平時小弟其實好少食啲咁重口味咁油膩既野，但佢整得完全唔會好油好漏，辣度恰到好處，重點係麻香味勁重。魚既份量亦都好多，我地兩個人都差啲食唔晒。CP值絕對一流！整體黎講好滿意，價錢亦都合理，女朋友亦都無投訴辣到食唔到（依個最緊要啦🤣），實在係值回票價既一餐。

通常週五Happy Friday我都會與同事到大坑慢慢吃飯，為辛勞的一週就作出完美的結束。從天后地鐵站🚇走到大坑途中，發現12味居然開到來大坑了！.🌶12味是我在香港最喜愛的川菜餐廳🍴，在哪都能看到它的分店，所以這次肯定不能錯過啊！.🐟酸菜魚$73，午市來說非常划算，已經包括了前菜土豆🥔絲，飲料🥤，白飯。份量絕對不少，魚肉是剛剛新鮮運到，肉質鮮美，酸度剛剛好，也不會過辣😋.🐔川式口水雞$63，份量絕對是在一般餐廳兩倍份量！口水雞雞身好滑，紅肌白理，油潤細緻，豐潤渾厚，齒頰留香，吸收了秘制口水雞醬，美味非常😋.🥚皮蛋晶瑩剔透，溏心蛋口感延綿，與尖椒辣醬非常配合！.⭐️性價比：4/5星💰人均：$100港元

呢間連鎖式川菜店已經唔係第一次食， 坦白講一直都好欣賞 連鎖式鋪頭都擁有咁高嘅質素， 特別係對我呢啲川菜控嚟講， 只要聞到嗰種麻同辣就口水都流。今次喺呢間舖頭食嘅係之前未食過嘅毛血旺。 價錢唔算貴， 超大碗嘅毛血旺都係130幾蚊。 食得辣嘅一定係點大 辣， 個人覺得麻香係非常足夠， 毛血旺嘅餡料全部都非常入味， 真係食到停唔到口。另外再嗌咗個口水雞， 價值都係40幾蚊， 性價比非常高。 質素都係水準之內， 味道非常濃郁 ，用嚟撈飯一流。

放工時間喺大坑附近見完客，順便食埋early  dinner 先返屋企，客仔提議食新開嘅”十二味”，餐廳主打食川菜，係酸菜魚同水煮牛肉之戰 ！店舖唔大，裝潢係中式格局，石屎牆同紅燈籠🏮好啱打卡！掃QR code 落單，方便又快捷！🌶️水煮牛肉 $148最近食左幾餐酸菜魚，所以最後點左水煮牛肉！一上枱份量大得驚人！好彩只點左兩樣嘢！大大”盤”牛肉勁香麻辣味！水煮牛肉肉質嫩滑，牛肉有厚度，咬落有口感！點左小辣都幾辣 🔥 麻同辣都各有千秋 ！配菜有大量芽菜同我至愛嘅寬粉，非常入味！正！蔥油伴麵 $38 為左中和一下辣，我地點左完全唔辣嘅蔥油伴麵，蔥油香氣撲鼻，麵質煮到啱啱好，食落仲唔油膩，加埋水煮牛肉或配菜食好夾！

十二味已經遍佈港九新界區，天后終於有正宗川菜喇。Lunch時段幾十蚊好抵食「水煮牛肉 + 寬粉」牛肉夠淋唔會靭本身已經有寬粉墊底，個人好喜歡煙靭嘅口感，透明幼滑，+$28再加底...好正👍🏻「涼拌土豆絲」前菜有土豆絲唔錯，食完主菜辣辣地，可以中和一下。「紅糖糍粑」甜品必試糍粑，外層香脆，裡面煙靭。即叫即製熱辣辣。沾上紅糖，甜甜地...好味「加多寶」食川菜飲加多寶，揀直絕配。總括今餐味道正宗夠地道，下次再試酸菜魚😍

Happy Friday，醒起朋友話有間十二味好食， 就同同事去咗呢間位於天后既分店，鄰近中央圖書館，店內座位唔多，建議想食就訂座😃🔸️酸辣木耳 木耳食落好爽脆，酸味就唔係好覺，不過作為開胃菜幾好🙂 🔸️燒椒皮蛋 賣相同平時食開既唔同，個皮好晶瑩剔透，個蛋黃相對又較橙黃，雖然食落差唔多🤭如果嫌唔夠辣，中間仲有一堆切碎既辣椒，可以夾埋一齊食😋 🔸️川式口水雞呢個堆到一個半圓型咁上枱，以為係無骨既，點知食落係雞件黎🤭食落雞皮爽口，同埋醬汁調較得幾好味，辣中帶香，香中又帶麻，不過少辣都幾辣吓🤪 🔸️蔥油拌麵 個麵幾彈牙，簡單又好味

🌶重口味之夜🌶推介指數❤️❤️❤️❤️🤍難得放早約埋飯腳食下酸菜魚🐟天后都有十二味食川菜，裝修中式，好多紅燈籠🏮門口落地大玻璃，望落感覺開揚有空間感。掃QR code自助落單，簡單又方便～🐟人見人愛酸菜魚(小辣)HKD238✨酸菜魚份量十足，大過打邊爐個煲。湯底酸酸麻麻，魚片厚薄剛好又大塊，啖啖肉！建議小辣，屬於少少辣之餘又唔會掩蓋魚味。🐥川式口水雞(小辣)HKD68✨擺盤精緻，好似大空館嘅半球體。食落雞肉幾滑唔韌無渣，撈埋麻香濃郁嘅口水汁，愈食愈惹味！小辣辣度容易入口～🍬紅糖糍粑HKD48✨熱焫焫上枱，有8條糍粑覺得抵食！炸得酥脆內層軟糯，面層有黃豆粉～食時沾上紅糖醬汁，忍唔住連食幾舊呀！🥥百分百純椰青水HKD20🧊加多寶HKD18✨罐裝飲品雪得夠凍好重要，夏天要消暑嘛！總結：-食物❤️❤️❤️❣️🤍環境❤️❤️❤️❤️🤍服務❤️❤️❤️❤️❤️.··🏠 十二味 (大坑) (大坑)📍大坑銅鑼灣道130號地下

同朋友啱啱喺維園打完波，好肚餓，經過大坑，見到有間十二味。之前行過都唔見有，原來係啱啱新開！正！以後打完波就可以黎食啦🥳飄香毛血旺($148)勁大兜！😱有好多配料！可以一次過食到魷魚、牛柏葉、鴨血、豬皮、午餐肉、芽菜、芹菜等等。魷魚好彈牙！鴨血好滑。落左花椒有麻香～食「飄香毛血旺」食到好辣記得嗌個蔥油拌麵($38)，佢啲甜豉油可以用嚟解辣㗎～蔥油拌麵夠色水，味道似上海粗炒，只係麵唔係粗麵而係用上較幼嘅麵。$38幾抵食👍🏻