十二味 (銅鑼灣道) (已結業)

經過見到呢間舖頭門面裝修得幾特別，古色古香，之前幫襯過尖沙咀分店，今次決定再戰。.人見人愛酸菜魚（配粉條）🐟🌶大大片魚肉，配上酸菜同其他調味料，小辣，如果唔係太飽嘅話真係想叫一碗白飯🍚送飯一流🤤而粉條就索晒湯底嘅味，爽滑，精華都係晒入面.川式口水雞🐣🌶又係一個送飯小菜，雞肉滑，醬汁香口，嗌咗小辣，睇落去個醬汁好似好紅，但其實唔會太辣，啱晒我呢啲唔係太食得辣又想食辣嘅人😍.兩個人叫咗兩個餸，滿足的一晚。

好耐未食過酸菜魚，天氣涼涼🌬地更加想食😋 於是黎到十二味食佢哋嘅～人見人愛酸菜魚🐟除左有好好味嘅酸菜湯底🥣，佢嘅重點就係麻辣湯料，祇要scan QR code 落單，就可以揀唔同辣度，於是就揀左小辣試下😍 酸菜魚肉質嫩滑，而且已經去左骨，湯底有香濃酸菜再加惹味麻辣，越食越美味😋 湯底入面好多酸菜，仲有花椒八角，整碟魚都好大份量 川式口水雞呢個冷盤都唔錯，冰凍口水雞充滿美味麻辣醬料，雞肉柔軟，辣度都可以自己選擇

十二味開左好多分店，一直都好想試，今晚終於同朋友過黎食佢地主打嘅酸菜魚🥰 店內裝修以中式設計，入到呢度已感覺川菜風味😊 呢度點菜好方便，掃掃二維碼就可以係手機點菜，店員之後會印返張點菜單俾你 人見人愛酸菜魚🐟$258好大盤酸菜魚，可以揀唔同辣味或者唔辣程度，我地揀左小辣，入面有去骨魚片，好滑而且滲有微微麻辣味相當吸引，今日個條係鱸魚，入面又有好多酸菜，味道果然好出色，辣度同酸度都好有層次👍 川式口水雞🐥$73呢個冷盤，口水雞雪凍過後，肉質吸收川辣醬料更加入味😋

今日只有17度食辣野至為適合啦暖暖胃我同友人都愛食皮蛋呢度啲皮蛋係糖心的 晶瑩剔透麻辣麻辣的刀功唔錯然後見蔥油麵只係$38非常抵食豉油甜甜地面頭有炸蒜好香口主角登場我地點左飄香毛血旺電粉條只係$158就一大盤我地見到都傻了眼配上芝麻好香口配料豐富有豬紅 魷魚🦑午餐 牛肚 豬皮粉條入哂味小辣對我地黎講岩岩好反而剛才的皮蛋更麻麻辣要飲埋椰子水爽啊喇甜品方面點左我最愛的紅糖糍粑愛食糯米既朋友仔絕對唔可以錯過啊

天氣轉涼，想食下辣野。今日收工黎左大坑呢間位於銅鑼灣道既十二味。上次黎食過午餐，今日食晚市。餐牌非常簡單，落單要掃QR code，之後服務員送上打印單俾你。今晚簡單叫左個水煮牛肉。水煮牛肉 $158 另加一水煮牛肉未食已經聞到好香辣椒味。牛肉片好多，食極都有，質感都算嫩，味道正常。除左大量辣椒，仲有芽菜，青瓜條，芹菜，蔥，蒜等，上面撒上白芝麻粒，下底仲有唔少寬粉，好滑。最少都要叫小辣，呢個小辣嘅辣度我覺得可以接受。百分百純梛青水 $20 另加一另外叫左罐百分百純梛青水解辣。簡簡單單又一餐。

🐟人見人愛酸菜魚💰258二人份量，魚肉很嫩滑，因為本身吃不了辣就點了不辣口味（後來才知道可以點微辣程度，感覺下次可以試試）有香菇片酸菜等配料，搭配一起食更加美味紅糖糍粑💰48層層疊的擺盤方式也是非常有趣，紅糖醬汁係分開另上的，可以按個人喜好沾多少，糍粑鬆鬆軟軟的，很好吃店舖整體裝修很川式，紅燈籠🏮大海報，適合喜歡吃辣的朋友去試試推薦度：7/10回頭度：6.5/10食物味道：7/10性價比：6/10

飄香毛血旺配粉條 $186第一次食毛血旺🙊但見到d料又出奇地啱食, 有我中意食既午餐肉, 鴨血同豬大腸~仲有魷魚, 豬皮, 牛柏葉, 牛肚, 芽菜同青瓜~佢勁足料食極都仲有好多餸😂我地嗌左少辣加麻又唔算好辣好麻, 可能嗌中辣再入味d會好食d~-ㅤㅤㅤㅤㅤㅤㅤㅤㅤ 川式口水雞 $73佢個口水雞既醬好惹味又麻又辣, 好似仲辣過上面個飄香毛血旺🤣d雞都算嫩滑, 幾好食~-ㅤㅤㅤㅤㅤㅤㅤㅤㅤ燒椒皮蛋 $53佢個皮蛋中間係少少流心, 好似溏心蛋咁, 辣得黎又有d甜咁, 食毛血旺同口水雞辣得滯可以食呢個間下場解下辣🤣

中意食川菜既我今日黎到位於大坑既十二味食晚餐。鋪面細細，但內在既裝修充分突顯左川式既風味。燒椒皮蛋，一直我都好中意食涼拌皮蛋，呢度既皮蛋同我係深圳食到既一樣，係黃色而唔係平時見到既黑色，夠晒正宗。上面既青椒都夠辣，食到停唔到口。川式口水雞，雞肉經過雪凍之後肉質更加嫩滑，口水汁十分惹味，餸飯岩岩好。尖椒武隆雞，尖椒唔係平時買到個種尖椒，呢種比較辣。雞肉份量超多，而且好入味，不過有啲碎骨，食既時候要小心。蔥油拌麵，蔥油味超香，麵底唔會太硬，岩岩好，食落超香口。紅糖糍粑，超級推薦紅糖糍粑！食落外脆內軟，煙煙韌韌，上面鋪滿豆粉，點埋個紅糖醬，作為飯後甜品無得頂！

每次去開中央圖書館都會專登行一行過去大坑覓食小妹鍾情濃味 必食既餐廳都係幾間今日突然想食酸菜魚諗都唔洗諗就決定食邊間喇酸菜魚一上 濃濃花椒味撲入鼻孔👃🏻精神為之一振份量大得驚人滿是魚片 薄薄的沒有骨對於唔太擅長食魚的人都沒問題！配料豐富 有藕片萵筍菇類等等 連埋粉條入哂味！酸菜魚都頗為肥膩 碗面有一疊油但一餐半餐就豁出去啦😂另外叫了個川式口水雞冰冰凍凍 味濃 少咸少辣 如果加碗飯就完美喇小妹食得太心急 不小心被可惡的辣椒油搶入喉嚨咳到半死 認真尷尬 大家如果食開bb辣既就要諗諗喇豐滿的嘴唇伴隨小妹數小時呢！👄整體係唔錯的 值得再去

今日落好大雨，但係之前已經約好左既閨蜜，放飛機又唔好，只好同佢去左銅鑼灣搵食。比我地發現左呢間餐廳係川菜口味，就入去試下避雨。呢道落單係用自己手機，速度非常快。首先我地點左個川或口水雞，呢個醬汁用黎撈飯食係最好不過，呢個唔算太辣，可以接受到，個雞係涼菜，味道都幾好，而且賣相非常精緻，越食越想食，唔知係咪太肚餓呢！跟住叫咪個照牌菜人見人愛酸菜魚配粉條，呢個份量十足，四個人食都重得，川菜麻辣，我地叫左小辣，啲粉條好多好彈牙，口感一流，撈咪岩先啲口水雞汁食真係好野味，魚片都好多，食極都重有，十分抵食。呢間分店店面雖小，但係服務員態度非常好，不時幫我地加水，服務一流。

估唔到原來連大坑咁偏僻嘅地方都有十二味嘅分店😯店舖雖細，座位唔多但樓底高，燈光充足，座位之間都有距離餐牌種類有限，勝在iPad落單遙距落單夠方便，不消一會就上枱。武隆尖椒雞 （$128）好多蓮藕粒同尖椒碎，叫小辣都夠晒。雞肉炒得好入味，既麻又辣，一上枱熱住食超送飯！😍酸辣土豆絲（$88）大碟到哇咗出聲😳😳食極都見唔到碟底第一次食酸辣土豆絲，原來好爽脆，幾過癮😗蔥油拌麵（$50）同樣份量十足，醬油味濃，啱晒重口味人士（我）😋麵條似烏冬，粗到條條都掛滿汁、蒜香突出、麻油味濃，非常惹味！撈埋酸辣土豆絲一齊食，別有一番風味！紅糖糍粑 （$63）即叫即整熱辣辣，外層炸得香脆，糍粑煙韌軟，咬落好香米味！外層瀟上黃豆粉再配埋紅糖漿，口感味道都一流，仲好食過日本嘅蕨餅！😍😍大推！整體味道唔錯，份量極大，價錢合理，會再試其他菜式！

【辣得過癮🔥十二味】呢間係專食四川辣野🥵 既專門店，店面不太大但裝修舒適雅緻。餐廳無實體menu ，可以掃QR code 落單📲 Set Lunch土豆絲(薯仔呀)前菜，飲品係檸紅茶，亦可加錢選擇其他飲品📍川式口水雞雞肉啱啱熟，肉係嫩粉紅色口感鮮嫩🤤 份量幾多，香、麻、辣都齊晒，惹味但唔會過咸，用嚟送飯啱啱好📍牛肉麻辣香鍋主角牛肉有少少嚼勁，配菜木耳、芽菜蓮藕，口感爽脆。仲有飽肚嘅土豆片，食唔食飯都一定夠飽。青椒乾辣椒炒嘅乾鍋香辣惹味，辣度可選由唔辣到大辣都有🥰📍紅糖糍粑即叫即整，用糯米搓好再炸，外邊脆卜卜入邊煙煙韌韌。灑了黃豆粉，可點少少紅糖食，啱啱好中和辣味🧯十二味 (大坑)📭 大坑銅鑼灣道130號地下☎️ 98711986

食晏時間同朋友一齊喺天后，我哋都想食啲辣辣哋兼開胃嘅食物，記得附近有「十二味」分店，咁喺大家都冇反對嘅情況下，就決定行過去開餐😆叫咗 $71 嘅 午市套餐「牛肉麻辣香鍋（要小辣）」同埋 $73嘅「酸菜魚（要小辣）」，午市套餐 包一小碟 前菜（呢日係「 涼拌土豆絲」）、白飯，跟餐再加 $5要咗 Coke Zero 同加$8 要咗「百分百純椰青水」，再叫一個 $43嘅「酸辣木耳」，全部share嚟食😋「牛肉🐂麻辣香鍋」真係小麻小辣，不過都依然味道濃郁，啱我胃口😋；仲落咗多種配菜例如蓮藕片、黑木耳、薯仔片、大豆芽菜、芫荽🍀，同埋份量都唔少嘅紅辣椒🌶️，配料幾豐富😊。「酸菜魚🐠」魚肉 肉質結實，湯底味道濃郁，有大量酸菜同埋應該係落咗好多其他香料，又酸又辣好開胃😋。「酸辣木耳」非常爽脆，加咗蒜頭粒🧄、芫荽🍀、青紅辣椒🌶️，好味😋

大坑原來都開咗十二味，以後晚餐又多一個辣辣選擇，四川味道，啱晒嗜辣嘅我，餐廳好細，7:30到已經Full House，雖然坐位唔多，但冇迫嘅感覺，都舒服。自助型式落單餐單，可以用電話scan QR code，有menu選擇，直接落單，不過選擇唔多，之前去過其他分店，餐牌食物選擇多好多。武隆尖椒雞賣相，口感都好有層次感好似有好多野係入面雞係主打 仲有蓮藕 多種辣椒🌶️已經係小辣 都覺得辣 不過好有鑊氣蔥油麵看似細細碟 但足夠2人份量 麵口感幾好 味道適中 唔會太鹹四季豆味道辣味ok 炒得有鑊氣 勁大碟 抵食，份量多，如果多啲選擇會更好，家常便飯的味道，鍾意食辣嘅，值得一試。

由第一次食『十二味』到宜家，發覺佢越開越多間。今日係大坑都見到有，雖然細細間(可能呢區鋪租貴)，但多多人幫襯。老實講，款式唔算太多，不過你平時食開啲四川嘢有齊哂，叫咗『酸菜魚配粉條』和『川式口水雞』两個套餐，有前菜，有免費飲品『檸紅茶』跟，亦可加錢叫第2啲飲品。估唔到Set Lunch的酸菜魚都咁大份，魚亦多多，够嫩够滑，叫咗小辣啱哂我哋，唔怕食到周身汗。口水雞嗰汁調配適宜，啲雞啱熟，keep住鮮嫩口感，唔會『鞋什什』。『百分百純椰青水』(Meko牌子罐裝)和『可口可樂』就係加錢叫的飲品，配埋小辣的主菜好適合。