十三座牛雜 (已結業)

咁岩對面馬路我有份幫手掘路，當然收工唔會唔來呢度食番串八爪魚﹗呢間野我最鍾意就係佢既八爪魚同埋齋串，次次經過都一定要食，唔食唔安樂﹗唔洗多講，呢度八爪魚夠哂彈牙又新鮮，最重要係佢個辣醬，真係好香，用黎拼咩都好惹味好好食﹗收工時間門口大排長龍，自然有佢既原因﹗

今日去北角碼頭之前, 就去0左書局街0既<十三座牛雜>一試, 個名都特別過人, 不過最特別0既係, 如果你係個度食(一串都得), 佢都會俾隻碟你陪住食, 真細心!!! 1. 牛雜 ($7) ~ 整串牛雜(走牛蚌, 因為口感太粉, 唔鐘意, 呵呵!!!)味道都唔錯, 雖然食落口有藥材味, 不過過一陣就唔覺啦. 牛腸好乾淨, 牛肺夠爽, 牛肚ok!!!整體評價： 細心的服務, 下次再光臨!!!

在北角區, 街邊小食真的不多, 5隻手指可以數晒那幾檔, 什麼雞蛋仔, MTR串燒, 投注站小吃, 十三座舊鋪煎壤三寶, 最後就是這裡的牛什! 物以旱為貴?! 無得兢爭無得選擇下, 平日突然想掃街, 我就只有去呢幾度! 但講真, 幾間都唔好食!!! 他們在舊鋪時我吃過牛肚,當時service幾好! 論味道真的只是一般, 旺角及深水埗的好好多! 偶然在這裡買過一些腸粉及燒賣, 但真的很難吃! 不夠熱, 不夠淋, 沒有燒賣味, 醬汁怪怪的, 完成唔得!!! 真的要掃街去銅鑼灣, 西灣河, 旺角, 深水埗好過!!

終於試到這裡的牛雜，整體有很香的五香粉味，牛膀鬆軟多汁，個人最喜愛的是牛大腸，因為肥膏夠香；其次是牛粉腸和牛肚，夠腍又有咬頭；稍欠的是牛肺，可能是肺氣管大多的關係，咬落很費嚼勁。四十多元一碗的牛雜，一家人食，可以當作一個靚餸呢！

因為睇左openrice，才會去試食此店，結果一試即愛上！久不久就會買一碗返屋企食！不過唯一唔好的，如果外賣時，唔叫少或走肺，會俾好多肺俾你........

星期五原本想去北角試下這間咁出名的牛雜, 點知去到晚上十點幾.. 佢己經收左店. 好彩今日星期天又剛好路過此地, 這次是下什七點左右, 唔會賺夠了就唔開鋪掛!?YES... 經過長達三分鐘的排隊之後, 終於買到我人生中第一次的牛肚串... (因為我從少都不吃牛內臟的, 多得OPENRICE 介紹)果然名不虛傳, 汁味濃, 肚質軟, 易入口, 正.... 之前在這個WEB 見到人人都加黃芥辣, 所以我的第一次也在加上黃芥辣之後增加了不少精彩. 因為牛汁加埋黃芥辣真的是絶配... 如果你又未食過的話, 真的是要去試一試這一間, 可能你會從此對牛什的印象改觀的.

聽呢間店個名就已經聽左好耐,電視都有介紹過,今日終於食左!七蚊一串,牛什有牛肚,肺,膀,腸,個汁好野味,每一件牛什沾滿了好夠味既汁,食既時候喺口裹面一嘔趙一路咇d汁出嚟,無得頂!牛肚已經煮到淋哂,趙得一d都唔辛苦,腸入面全部都係汁既精華,係咁多件之中最好味!

某日在大坑內閒逛，工房內傳來陣陣炆牛雜香，方知十三座的牛雜全數由中央廚房交來，環境亦企理衛生。路過新光戲院，聽剪牛雜響起斷續的「演奏聲」，心癮起也要「吉」一串試試，看年青店員拿起剪刀費了些時間才將之串起，比起太安樓的大叔，這裡自然少了分風味。牛雜也是新鮮的，經滷過發揮效用下已吃不帶羶味，有牛肚、牛肺、牛膀、細腸，排次序的話自然是細腸，滿有膏香的，牛肺也爽嫩，牛膀從前最愛吃，但貨質問題可免則免了，這裡的也不錯，最後是牛肚炆得腍了，不吃亦非選失，每件除開$1.4，連加埋衛生處理一拼計算，價錢亦很合理。

個日行過, 唔想食佢貴價牛雜, 食個$6燒賣, 點知個串燒賣真係完完全全一大舊粉, 好難食, 唔係唔好食, 直情係難食, 完全無燒賣味, 一大舊粉, 好差!!!!!

走到北角的大馬路, 終於找到十三座牛雜!!! 那時大約下午4點多, 一條人龍排著隊買牛雜, 我也走去湊熱鬧, 我和男友買了一碗來吃。有些人外帶, 有些人像我和男友一樣站在路邊吃, 雖然如此, 但沒有被人白眼~~ 因為那些牛雜都頗有水準!! 一碗內有牛腸、牛肚、牛膀...乜都有..... 腩汁很濃~~ 幾好食!!!!

d汁又香又甜. d牛好有口感唔un味道一流

北角新樓盤我又有份，唔係有份入股而係有份起，所以收工行經英皇道每次經過新光都不其然會轉入去十三座，因為自兩年前食過一次之後就上左癮喇﹗除左最愛既八爪魚之外，我最鍾意食呢既齋，員工輕輕灼幾野就倒上辣汁，真係一流﹗一流在呢個齋吸左0的辣汁之後好好食﹗平時出街食齋通常都有一陣酸酸地既味，應該係製作過程中會出現呢個酸，不過呢度食既就無，抵讚﹗一串其實唔夠皮架﹗不過一陣食飯下次再食啦﹗

認識呢檔牛雜係因為有位Auntie住响呢間牛雜檔嘅廚房樓上。呢檔牛雜每日都會由大坑嘅廚房將d煑好嘅牛雜運到北角嗰檔口度賣。 我Auntie試過直接問佢地廚房買牛雜, 卻遭拒絕! 要買牛雜就一定要到檔口買 (非常有性格呢!)星期六 3:30pm去到, 見到有六,七人排緊隊買牛雜, 細碗賣$28, 大碗賣$47。 除左牛雜外, 仲見到有燒賣, 魚蛋, 腸粉, 奶茶。 見到買魚蛋唔駛排隊, 就買左一串嚟試吓啦! 一串$5有6粒, 魚蛋頗彈牙, 幾好食!最後排左10幾分鐘先買到碗牛雜, 點解甘耐? 因為d腸未夠熱, 要等! 而且剪牛雜位亞姐鷄手鴨腳, 剪得好慢…態度又麻麻!碗牛雜即刻當場食, 開蓋後已聞到一陣陣熱騰騰嘅肉汁香味! 全部牛雜都炆得好”林”, 好入味! Good! 可以一試

心思思了幾個星期, 今日終於有時間專程去了一趟, 試了牛什, 八爪魚, 豉油齋同樽裝奶茶, 牛什同放在八爪魚及豉油齋上的醬汁(不辣)很咸, 野食既味道同質感只是一般, 並不是我食過中最好, 與預期相差太遠, 令我有點失望, 可能佢出色之處是能激起部份港人(那些幫襯過舊舖的人)兒時的回憶吧了.

最近也吃過幾檔街邊牛雜，都好像是這裡比較好一點。行過這裡，聞到鹵水牛雜的香味，怎忍得住？就買腸肚各一串，碟上，在街邊「立食」。這裡的牛雜炆得腍身又不失咬口，有隱隱的花椒八角的味道，比起一般的「純橙色」牛雜是好味得多。臨場要了小腸而非肥油滿塞的大腸，帶點甘味，亦不失口感及豐腴，美味。阿姐是如常的幾生手，始終賣牛雜者的那個俐落的剪法，與及那「習、習、習」的聲效，也是特色來的。7蚊一串，是比較貴一、兩蚊，但味道是不錯的。