十三姨 (通菜街)

营业中

休息中

去旺角睇完戲，朋友話帶我去間幾有特色既小店估唔到都9點幾都仲坐滿人聽個名以為係普通中式料理，但又有D似日式野未點餐就先送上一杯印尼蝦片作前菜，茶係有茶包既，唔錯不過小店環境比較擠迫🥢(招牌)十三么 $72 - 配料有手撕雞、雞叉燒同溏心蛋，清清地唔錯😆麵底簡左米粉溝粉絲，感覺好特別，連埋啲菜絲食唔錯!!仲有幾條腸粉，不過吸唔到湯汁的味道，無咩味唔太match，如果年糕可能好D😂🥢(招牌)十三飛 $76 - 依個係牛系列~配料有安格斯牛肩胛、牛肋條同溏心蛋，湯底濃郁但唔會油膩!推介👍🏻 牛肩胛夠牛味有嚼頭、牛肋條軟嫩入味🥢串燒(買四送一)依個有D似日本串燒，我地簡左紫蘇葉腸，雞腿肉，雞軟骨，翠玉瓜都幾香口惹味，雞軟骨覺得差，唔夠脆&偏硬花雕啫喱蕃茄都想試下，可惜賣曬了TT飲品選擇都幾多

平時行過路過通菜街都永遠見到有人排隊，今晚反正唔係太肚餓有時間可以排隊就決定試吓佢🤭 大概等左半個鐘頭就有枱🦐蝦片一坐低，侍應姐姐就即刻呈上色彩繽紛嘅蝦片俾我哋做小食🌈好脆身，而且唔會炸得有過於油膩嘅口感🐓十三么喺門口睇餐牌嘅時候已經覺得呢個名好特別雖然最後食完都唔知同十三么有乜關係😂主要餸菜有手撕雞、糖心蛋、雞叉燒、腸粉皮等等手撕雞、雞叉燒老實講，有啲鞋口🙃雞肉唔算嫩滑，糖心蛋不過不失湯頭都係普普通通🙈粉絲配米粉嘅組合就幾特別😝🐂十三飛牛肉為主角，分別係安格斯牛肩胛、牛肋條再加半隻糖心蛋🥚牛肩胛有牛味好食，牛肋條就好鞋口🙈咬到個嘴好攰😂😂😂湯頭反而比十三么好但感覺都係名大於實🙈🦑椒鹽魷魚鬚香口唔多油，份量適中魷魚唔會太鞋，粉漿亦都唔會太厚算係比較好食嘅小食👍🏻🐔西多雞翼單骨雞翼黎，外面炸到卜卜脆 咬開仲有少少肉汁但係雞肉好似冇經過醃製，好似冇乜味主要都係靠出面牛油蜜糖搭救🧈

店名: 十三姨地址: 旺角通菜街1M-1T號華發大廈地下C號舖油麻地站A2出口，行4分鐘環境: 3.5/5價錢:4.5/5味道: 4/5呢個近油麻地嘅人氣面店，成日都好多人排隊，今次就早少少，6點鐘左右去食，避開人潮十三幺$72配料有手撕雞，雞叉燒，溏心蛋🥚湯底比較清，係淡淡地嘅雞湯，比較清甜😌🤩飲哂都唔會話太咸🤪串燒雞脾菇/雞軟骨$14/$14雞脾菇燒完好淋，但就略嫌唔太夠味，鍾意食清淡嘅朋友應該ok🙈雞軟骨好有咬口，相對地就比較入面了🫢#stitchfoodie旺角 #stitchfoodie油麻地

次次經過都見大排長龍，都想試下係咪真係咁好味，所以見今日可以早啲放工就盡快過嚟，6點半嚟到都要等幾個字先入到嚟，我叫咗十三飛，即係牛肩胛牛肋條糖心蛋，我改咗陽春麵，同埋西多雞翼個湯好濃好好飲，陽春麵口感好特別好好食，佢有啲腸粉咁嘅粉，都好好食，牛肩胛同牛肋條本身嘅牛味就唔夠重，西多雞翼嘅蜜糖加咗牛油，所以真係做到西多味食到尾問店員拎杯水，佢先發現原來一開頭冇俾枱枱都有嘅蝦片同茶我，唔係我問佢拎水都唔知，佢要收加一嚟講，呢個位有少少失望

記得幾年前幫襯過十三姨佢用金屬鍋裝碗湯麵保持熱度好impress我幾年後再嚟，呢個造法依舊麵嘅款式多咗，除咗可以揀常見嘅米粉/陽春麵仲可以揀粉絲/銀針粉，而家仲多埋翠肉瓜麵比生酮人士有得選擇幾年後再幫襯，味道仍然保持水準落單之後，店員就會拎碗彩色蝦片比你食住先🐔炙燒雞叉燒湯米粉食之前先試咗啖湯底，清甜得嚟唔會淡口之後就用佢建議嘅食法，吱少少檸檬汁再加湯麵專用嘅醬油，令碗粉更惹味米粉吸收晒湯嘅精華，碗入面仲有幾舊腸粉令麵底無咁單一，雞蛋流心，雞叉燒肉質嫩滑推薦度：👍🏻👍🏻👍🏻👍🏻👍🏻🐓炙燒手撕雞銀針粉銀針粉有咬口，手撕雞肉唔會好乾好鞋如果又想食雞叉燒，又想食手撕雞其實有一款「十三么」可以滿足晒兩個要求🐮上等牛肉銀針粉唔想食雞嘅朋友都可以揀食牛牛肉係用咗安格斯牛肩胛不過可能煮耐咗少少，啲牛肉有啲靭呢樣比較可惜，扣咗少少分但整體嚟講都好惹味總結💭💭為咗照顧生酮人士而設嘅翠玉瓜幾特別鋪頭仲有串燒賣，見到其他人食聞到好香下次再幫襯嘅時候，會試試佢哋

📍十三姨〰️🌟十三飛 $74評分: 4/5食肉獸一見到呢碗入面有安格斯牛肩胛同牛肋條即刻order左，結果無令我失望，兩款牛肉非常嫩滑，份量都好足。麵底係粉絲拼米粉，加上濃郁既牛骨湯底，食完非常滿足☺️〰️🌟西多雞翼 $34評分: 3.5/5喺炸雞翼上面淋左平時食西多會落既糖膠，甜度岩岩好。唯一美中不足係炸得略嫌有dd乾，要沾多d糖膠食先得🤣〰️岩岩撞正5點未到晚飯時間，好快就有位，一坐低每檯都有送一碟蝦片，而且跟餐既蜂蜜百香果茶都好高質，唔會係死甜既感覺👍🏽〰️環境: 4/5服務: 4/5地點: 4/5〰️

好少出街食都可以維持keto餐單唔洗淨係食雞胸沙律食中式麵食都可以keto😆.🌟十三么 $72+$18轉翠肉瓜麵有齊雞叉燒 溏心蛋 手撕雞雞叉燒有少少肥肉 好嫩滑👍🏻手撕雞就有少少柴 不過份量好多溏心蛋蛋味濃🍳湯底好多胡椒辣辣地飲完好暖👏🏻翠肉瓜麵好爽脆🥒食完都冇負擔好正🤣🥰.📍 十三姨 (通菜街) (旺角)旺角通菜街1M-1T號華發大廈地下C號舖

成日都見呢間野都要排隊食，今日見到唔使排隊有得入，咁就試下係咪真係咁好食，我嗌阻個十三飛，揀阻銀針粉麵底，入面有牛肩胛、牛肋條、糖心蛋，成碗野普普通通冇乜特別，所以都覺得唔太抵食～另外比西多雞翼個名吸引阻，上枱熱辣辣岩岩炸起既，味道就係牛油+蜜糖，完。好彩唔使排隊食，同埋d坐位真係好迫好唔舒服，香港地係咁上下～

成日都聽到同事話去食呢間，心諗有無真係咁好食啊。一坐低就會比一兜蝦片比你作為前菜。佢地最出名就係個鵝肝飯同十三飛/十三么。就各叫左一碗黎食。十三飛佢個湯底有啲似越南牛肉河粉果種，可以試飲一啖，之後再加青檸。我自己就鍾意加青檸之後個味，因為佢吊左個味出黎。碗麵都幾多料有安格斯牛肩胛、牛肋條、溏心蛋🥚粉絲配米粉。如果想健康啲選擇仲可以加少少錢試下佢個翠肉瓜麵適合啲想低卡同生酮嘅人。老闆娘鵝肝煎蛋撈飯呢個係佢地嘅招牌、以有鵝肝黎講佢個價錢都叫reasonable。鵝肝啲鵝油、加半熟荷包蛋同XO醬所有嘢加埋都無得輸。忌廉溝鮮奶除左佢地嘅主食我地仲叫左個忌廉溝鮮奶。係真忌廉。溝鮮奶。唔係現成韓國罐裝果隻，係枝裝版比你自己溝。又有得玩又有得打卡佢嘅份量都叫幾大，就算男仔食都唔使同女朋友食完之後再食麵包🍞。In general 性價比都幾高would definitely go again.

#milkyin_旺角每次經過都大排長龍朋友仔帶我去食先知原來呢間嘢好出名✨撞正佢啱啱落完場開晚市去食好好彩吾洗等位可以直入！🤩首先入到去一坐低店員會俾一盤蝦片同兩杯茶🍵🍵值得稱讚嘅係每一杯茶都係用茶包沖♥️而吾係一早沖定再逐杯倒出黎！👀所以可以做到每一杯茶味好足好香濃！👍🏻✨另外店員嘅服務態度都好好♥️炙燒手撕雞湯陽春面 $𝟔𝟖陽春面底係好食嘅🤓煮嘅時間適中⏱️保留到麵嘅口感一開始以為碗麵會係比較清淡會有雞湯嘅清甜味點知...整體個湯底都好濃 食幾啖會口渴個種好鹹好鹹而且成個湯底除咗胡椒味咩都食吾出😮‍💨食到中間仲會覺得個胡椒味好辣🥴手撕雞太碎😮‍💨撈完個面一齊食之後基本上都食唔出啲手撕雞🤣睇餐牌原來佢係sell湯底既 真心大失望除非你好鍾意食胡椒啦如果唔係我自己就吾推薦啦🥴👋🏼𝟒𝟎𝟎次岩鹽咖啡 $𝟑𝟐岩鹽係另上的🧐可以根據自己口味調整分量咖啡個層打得𝐨𝐯𝐞𝐫左 太濃稠所以如果就咁用口飲會基本上個層咖啡會block住曬啲奶🥲最後都係要𝐦𝐢𝐱哂一齊先飲到變咗一杯超普通嘅咖啡🥴吾洗試👋🏼👋🏼👋🏼整體黎講呢一間餐廳超級失望☹️完全唔知點解會有咁出名 👀如果你經過見到好多人排隊覺得好吸引想一試嘅朋友

十三姨☀︎︎▪️十三么 ʟᴀᴅʏ 𝟷𝟹 ᴄʜɪᴄᴋᴇɴ ɴᴏᴏᴅʟᴇ $72+10%▫️手撕雞▫️雞叉燒▫️糖心蛋▫️粉絲拼米粉湯底標榜唔加味精，雞湯飲落去真係幾清甜，好啱想食清淡少少嘅朋友👍🏻今次就加咗十三姨秘製辣椒醬，辣椒醬用咗青辣椒製作而成，唔會油，好惹味之餘後勁亦十分強勁🤪配料方面手撕雞就有少少鞋，雞叉燒口感反而好滑，糖心蛋好夠流心😚麵底都幾有驚喜粉絲加米粉撈埋有幾好食喎。不過想食嘅話就記得早啲去排隊，排隊時間都比較長，通常都要30分鐘😅雖然味道唔錯，但性價比唔算高，加埋都要$79，仲要排隊時間相對長。

📍十三姨 旺角呢期有朋自遠方(新加坡)歸來，所以就去咗佢介紹嘅十三姨食飯🍚 我唔知點解成日凝住店名有親「十三」嘅餐廳就係食辣嘅🍴但呢間唔係㗎，留意返👀 今次叫咗手撕雞撈飯、串燒一堆同埋❗️老闆娘招牌鵝肝撈飯🦢❗️又老闆娘又招牌，擺明係必食 clickbait 啦😋 一上菜只見滿滿嘅膽固醇 - 足三塊嘅煎️️❗️鵝❗️肝❗️嗰陣油香味撲鼻而嚟，未開始食已經好興奮😉 一咬落口直頭係😌 表面嘅焦脆加埋內在嘅柔軟，享受double-up🌟 咁油嘅嘢唔可以齋啪，一定要夾埋碗飯至夠惹味🍚 碗飯有埋煎蛋乾蔥xo醬，仲唔perfect池?!😎 價錢尚算合理嘅，個人都推薦😝 留意即使weekday都有人龍㗎，記得早啲去食，避開人龍喇🥸 #好少可店名有十三但唔係食辣嘢#老闆娘招牌鵝肝撈飯 #膽固醇滿滿的晚餐 #旺角 #mongkok #øhhejfoodie

因為GF話要食，本身冇FC佢係有良心定冇良心就走左黎排隊，不過上網翻查後發現佢可能冇良心，呢間野我自己唔會再去lu，最後七點等到八點先有位，招牌大大隻字容認既，入到去裝修都正正常常冇咩問題，佢地主打新派香港特色麵食，一窩咁上枱，賣相唔錯，肉同麵既份是都足夠，每枱仲會有一杯蝦片作免費小食。食物質素同良心問題加上要排咁鬼耐既隊令我唔會再幫襯，佢既湯頭味道太濃，令到人好口渴，呢次我食左十三飛同炙燒手撕雞湯米，牛係有牛味既，可惜味精太多，粉絲溝米粉既比例好隨心，有啲似我係屋企公仔麵溝烏冬落左味精咁食，一定好味，但唔會好健康。

早就聽聞十三姨嘅鵝肝飯超正，專門搵左個工作日來試下水。舖頭開門前已經開始排隊，入座之後店員都快手快腳遞上茶水同蝦片。舖頭細細間但係店員都積極有禮貌，落單上餸都算快～其實d飲品睇落都幾好，但係一個人食嘅話真係食唔曬，因為鵝肝飯真係超大碗！一個人食可能會好似我咁飽到扶牆出，建議多d人一起來食！鵝肝超正，煎到脆脆地又唔怕太油，d配菜都好好味，送飯食一流！貪心點多個拍黃瓜做小食，其實都幾大份～已經準備好帶家人朋友再來一次

上空中瑜珈前食晚飯先今次去旺角既十三姨 因為佢有得加錢轉翠玉瓜麵或者椰菜花飯一坐低就有杯蝦片同熱茶等緊我啦其實我好想試招牌 鵝肝飯但怕太飽太heavy 今次試個手撕雞湯麵先加$18轉翠玉瓜麵上枱熱辣辣 個糖心蛋仲要咁垂涎欲滴🤤個份量好多 個湯唔油 好濃味翠玉瓜麵唔會過淋，有爽脆咬口食完成碗好飽🤣今日平日放工時間18:30都要等枱證明d嘢好食先有人排隊就算唔係生酮人士食，食菜代替麵都好有益🥳下次一定要再黎試其他嘢5💛滿分價錢 💛💛💛味道. 💛💛💛💛💛回頭度 💛💛💛💛💛#生酮外食