十三姨 (通菜街)

营业中

休息中

🏠：十三姨📍：旺角通菜街华发大厦地下C号铺💰：人均HK$100，加收10%服务费未點餐先送上一盤印尼蝦片作前菜，可惜蝦片已軟掉，不夠香脆。招牌是老板娘鹅肝煎蛋捞饭 ，雖然明知熱量和膽固醇都不得了，但一場來到，就甚麼都不管了，一於邪惡到底。三大片煎鵝肝油脂豐膄，配上秘製XO醬、炸蒜、京蔥、青蔥和太陽蛋一起拌勻，入口微辣，每一口都充滿油香，確是難得一見的滋味。剛開始吃的時候，的確每一口都有被驚艷到，但吃過半碗後，就開始膩。去到最後更是本著不浪費的原則而努力完成，對我而言，要吃光整碗似乎是太過油脂豐餘。西多雞翼味道一般，應該是醃製後再裹蛋液炸過的，能吃出一點甜味。總之去了之後不是很懂為什麼小红书上的大家都在推這家店…….

旺角食肆林立，粉麵店多到數唔晒。但呢間竟然受歡迎到要大排長龍，就知佢質素有保證。想食一定要早D到。雖然餐牌平平，冇咩特色食品，但基本功夫做得好👍🏻，雞翼，粉麵樣樣掂。價錢接受，環境乾淨企理。配搭上唔算出色，但絕對稱得上好食。粉面湯底味精味唔重，肉唔會煮得過火。雞翼煎得好香，配搭煮食增加味道👍🏻。每人叫一杯凍飲，人均都係$70左右。食完仲可以行下街。餐廳位置唔難搵，而且都算近地鐵站，整體感覺良好。

而家很久沒有到過旺角覓食，今天得閒到旺角登打士街一帶尋覓美食。見到這間店舖，起初以為是內地的品牌，原來是純正香港店舖。舖面不算大，其實坐得有點擠迫。走咗後枱面已準備了蝦片、茶等小吃。我們點了兩個麵線，一個辣、一個不辣，味道十分美味，值得推介。另外，我們還點了一個西多雞翼，其實是把雞翼切開兩塊，然後用油炸，之後配上糖漿和煉奶。雞翼沒有什麼味道，炸的時候可能過了火， 十分脆，但也十分乾，這個不推介了。結帳時，看到有旋片出售，價錢也十分平，於是購買一罐，當付費時才知道，蒜片不是煮餸的蒜片，是較早時放在枱面上的卡片😮‍💨😅

上個月夜麻麻同朋友行完街，唔知食咩好就搵到呢間嘢，因為天氣有啲凍，見啲相賣相都唔錯，所以揀咗呢間。價格非常之平民，個麵都幾好食，配菜就不過不失，個炸子雞都係有少少辣嘅，但係可以接受，但個杯好得意，係竹整嘅，同朋友傾吓傾吓不知不覺到11點，如果可以再開夜少少就好啦！份量都幾足，推薦推薦！

每次食lunch經過都見到排長龍，甘所以諗住搵次去朝聖，佢主要係食湯鍋的，所以睇完menu好快就簡好食咩好，就試試佢招牌菜。前盤-有蝦片食住等，仲有唔同味。十三飛（$80）-見寫住係招牌菜所以試下，寫住有安格斯牛肩胛同埋牛肋條既粉絲拼米粉，甘我一心試試佢，唯一特色係佢個碗係用石鍋裝住d湯麵，食幾耐都keep住個溫度，唔驚食食下會變凍，甘既配搭唔錯的，但牛肋條比較韌同埋唔夠牛味，但湯底都比較濃，遮住曬牛味，同叫住杯野飲，但整體黎講，我覺得一般般，性價比唔高。

十三姨係一間非常受歡迎嘅餐廳，經常會有好多人排隊等位。不過，等待是值得的，湯麵份量非常足，可以充份滿足到食慾🤩。湯底鮮美，配料豐富，味道非常有層次。而且十三姨用石鍋裝住湯麵真的好貼心，不用擔心食物會變冷🌟雖然十三姨的嘢飲一般，但都幾解渴，尤其呢排熱返，杯凍飲就夠晒清涼。餐廳的環境相當整潔，服務員的服務態度也非常友善✨如果你響旺角血拼到想搵地方坐低，不妨黎十三姨，享受一下這裡的美食🤌🏻一句講晒份量大，價格實惠，係個不容錯過的好地方。

係傳說中嘅十三姨個名幾得意 而且成日都排長龍 所以就去試下！另外佢地有翠玉瓜麵好生酮friendly～同埋每一枱都會比蝦片做餐前小食十三么雞湯粉絲拼米粉 $74十三么麵除左有雞絲仲有雞肉叉燒 面頭仲有半隻流心蛋同埋炸蒜其實都幾大碗 粉絲拼米粉都幾夾 另外有幾條腸粉係幾特別嘅配遇 襯埋個湯底個人認為都冇咩違和感～覺得湯底幾香胡椒味幾好飲 雖然應該都係有啲味精😂😂手撕雞伴雞油飯 $60呢個飯係要加埋特製醬油食先好食 雞肉都幾多而且加埋炸蒜增添左口感 但係整體都係冇咩特別～西多雞翼 $38西多雞翼係單骨雞翼方便進食 炸得好香口而且都肉汁幾juicy 加埋糖漿都幾夾溫馨提示：十三姨係只收現金/八達通/支付寶 所以如果好似我咁冇支付寶又八達通唔夠錢就記得㩒左錢先去

手撕雞拌雞油飯加雞叉燒及溏心蛋一般 口感和味道都不夠出色。雞肉可能沒有加入足夠的調味料，讓它的味道比較平淡；而雞叉燒的燒烤可能不夠入味，讓它的風味不夠突出及香口。最令我驚艷嘅係想落豉油嘅時候有烏蠅🤮

今日朋友帶我去食13姨!! 由去到都食完都keep住好多人排隊😳就知道呢間嘢非同凡響！試完更加覺得係抵佢咁受歡迎嘅！😎入到舖頭第一感覺係：有啲feel!!🤩 裝修融合摩登同埋古色古香♥️一上枱仲送蝦片，雖然只係細節 但係都加咗好多分呢😛🍲十三么 十三么其實就係 招牌湯底 配手撕雞 雞叉燒+ 糖心蛋，我將湯底轉咗做翠玉瓜麵拼粉絲，有low carb choice又係另一個加分位🤣 湯底請得嚟夠味，同埋有好多椰菜絲都非常之清甜🥰啲粉絲朔哂湯🤫食極都有又非常飽肚🤣😂🍯西多雞翼說穿了其實就係蜜糖雞翼😂不過用咗西多個款蜜糖🙆🏻‍♀️同埋蜜糖份量非常慷慨 （好似西多咁😂）每件都係單骨雞翼，所以慢慢食好多件都唔會太有罪惡感🤪係幾開心嘅小食選擇😆

🍜🍜🍜港式粉麵不外乎雲吞麵牛腩麵牛雜麵，依間就有少少唔同，都算有心思有特色，有粉絲加米粉👍🏻👍🏻👍🏻唔係度度都有，今次試佢平日lunch set十三么($74)連飲品手撕雞、雞叉燒、溏心蛋，配粉絲米粉，手撕雞好夠味，雞叉燒食落口似叉燒，成個湯都好有糊椒味，但唔係辣既，個人最愛粉絲配米粉，唔會太腍而湯又好掛麵👍🏻👍🏻👍🏻十三飛($80)連飲品安格斯牛肩胛及牛筋條，配粉絲米粉，牛肩胛好腍好有肉味，牛助條就稍為有少少un，但正體都唔錯如果唔鍾意蔥既朋友，記得order時走蔥，因為兩碗都有好多蔥

呢間係旺角既鋪頭成日都見大排長龍，呢一日見到唔係好多人等，就去拎飛等左十分鐘左右就入得。入到去點完餐之後就會有一碗蝦片送黎，呢個蝦片脆卜卜好好食🐷十三飛 $80呢個係安格斯牛肩胛，牛肋條，溏心蛋，粉絲拼米粉。一黎到好香，飲落口都幾濃好重牛味。牛肩胛切得好對好腍但牛味都好濃，而牛肋條比較韌，要咬好耐先吞到；溏心蛋有半隻，流心既幾好食；米粉加粉絲呢個組合好夾，入邊仲有幾舊腸粉，反而腸粉有d格格不入，無咩必要加落去。🐷十三么 $74呢個係雞叉燒，手撕雞，溏心蛋，粉絲拼米粉。呢個湯望落去好清，飲落係清雞湯再加好多胡椒，好重胡椒味。手撕雞味道偏咸普普通通。雞肉叉燒就幾特別，食落好滑唔會話乾身；溏心蛋同樣係半隻，同埋都係有幾舊腸粉係入邊。不過麵既份量較少，食量少既會岩岩好，如果男士可能會爭少少。總括黎講，我覺得唔差，但有少少過譽。

尋日晩上9點幾同朋友經過呢間餐廳，見呢間餐廳好似幾特別就入嚟試吓，等咗5分鐘先有位，我哋叫咗一個貓耳朵青瓜，手撕雞湯陽春麵同炙燒雞叉燒米粉，個價錢算係合理，食物質素都算ok但個麵嘅湯底好鹹太重胡椒味，唔係好食到有其他味，唯一欣賞嘅係杯咖啡味道係ok。個餐廳環境算係唔錯但個音樂太嘈，完全享受唔到呢餐．之後食到一半仲有個職員想趕我哋走，服務態度極差，入座時無講過用餐時間，如果有講明我哋就唔會慢慢食啦。好差嘅一次下次體驗，唔會再幫襯😞

食物質素ok 但應該就唔會再嚟食雖然晚市多人我都會食完就走 但係我都係搭二先至坐低 嗰個戴眼鏡嘅服務員 搭七就過嚟叫我走 話我用餐時間都差唔多夠 我啱啱先食完 仲喺度撩緊牙 飲緊嘢 佢就已經叫我走 一啲道理都唔講 其實我都係坐咗25分鐘 你當我食麥當勞？ 其實一間好嘅餐廳除咗食物 服務態度都好重要 十三姨你真係要好好考慮下一個員工嘅態度係會影響你成間餐廳嘅質素 你啲客好快會因為呢個員工而唔再幫襯你地 麻煩盡快處理 本來都食得開開心心 而家一肚火

平時行開旺角都見依間食市排長龍。今日決定去試試午餐。午餐68$。不過仲要加一收費。我叫左金牌牛肋條銀針粉配檸檬柚子蜜。牛肋條份量幾多。不過湯底一般。要加辣醬先夠味。上面有幾舊腸粉。侍應未食完就想收碗。未食完已經感到有壓力。

🍽炙燒手撕雞伴雞油飯 $54十三飛 $76西多雞翼 $34絲皮春卷 $12🥢👀雖然十三姨有既菜式唔係好多，但無論係雞肉飯、粉麵定西多雞翼都係比較少見。雞肉飯既雞油可以自己調節份量，食落都好香好易入口，瞬間就食曬一碗🤣佢既粉麵除左中間加左腸粉比較特別，重可以轉翠肉瓜麵底，所以就算減肥唔食澱粉質都一樣岩食。西多雞翼就好似充滿糖漿既雞翼咁，但又唔會過味，重係單骨雞翼，超級方便，令人想一隻接一隻咁食。🤤