十三姨 (通菜街)

营业中

休息中

旺角通菜街一帶都係好多好野食，最近就同朋友黎到一間成日大排長龍既麵店《十三姨》試試，佢地係主打Soto Ayam印尼湯麵，標榜濃郁既湯底係唔加味精用大量時間熬製而成😝‣ 十三么 ($72)一聽到呢個名就覺得好得意😂講番碗麵，配料都幾多，包括手撕雞、雞叉燒同埋溏心蛋，而麵食方面就係米粉拼粉絲，仲有幾條腸粉都幾有趣～雞叉燒味道唔錯，有d黑胡椒味道，手撕雞有D鞋口感一般；而湯底就係淡黃色雞湯，感覺清甜～‣ 十三飛 ($76)呢碗係以牛肉為主打，安格斯牛肩胛、牛肋條同溏心蛋，雖然牛肉味道唔係特別濃郁，但配上濃郁牛肉湯底，兩溝既麵底，加上呢個價錢，身為牛魔王既我都覺得唔錯😍‣ 蜂蜜百香果茶/檸檬柚子茶兩者之間我覺得百香果茶比較好飲，食完熱野飲啖茶，配埋一粒粒百香果過下口癮好正😋餐廳位置唔算多，星期六12點到就唔洗等位，但都接近坐滿；再過多陣已經要等位了，想食既朋友就要預防時間啦～💰Total: $163 ($81.5/pp 已包括10%服務費)📍十三姨｜@lady13kitchen旺角通菜街1W-1T號華發大厦地下C舖 (到訪分店)佐敦白加士街42-50號金寶樓地下6號舖

曾經路過好多人排隊，今日下午茶時間無乜人，可以一試。十三飛，牛肉為主，材料多，好大碗，$76計，如果一碗靚牛腩粉都要呢個價，但呢碗牛的質素又未到此水平。連埋加一$84，在通菜街應該仲有好多選擇。最浪費入一碟蝦片物體，碗粉真係太飽，唔需要加唔脆口的蝦片了。

每次嚟到旺角通菜街都見到呢間餐廳排長龍👭🏻望望餐牌菜式雖然唔算多 但價錢親民菜名又幾趣致 週日夜晚大概等咗十分鐘就有位~🔸西多雞翼 HKD34✨必食✨新鮮炸起嘅單骨雞翼 脆得嚟仲有肉汁㗎牛油加蜜糖呢個配搭雖然邪惡 但真係會忍唔住不斷咁點🫢🔹十三么 HKD72有手撕雞同埋好少見嘅雞叉燒 啖啖肉🤩雞叉燒外層有微微燒焦 雞肉嫩滑 粉絲拼米粉嘅配撘幾有新意湯底係淡黃色雞湯 帶點清甜🔸十三飛 HKD78有安格斯牛肩胛同牛肋條牛肩胛係半生熟 而且肉味濃厚牛肋條切到一口大小 略嫌有少少韌改配咗銀針粉（坊間比較少地方有得叫銀針粉 所以諗都冇諗就決定咗要🫣 ）湯底係濃濃嘅牛肉湯底 ♦️餐前小食 炸蝦片♦️兩款麵食都附有溏心蛋 腸粉 大量菜絲♦️另可加錢轉翠肉瓜麵💬一間有驚喜嘅小店 食物選擇雖然唔多但性價比高 絕對可以再訪😌💰人均消費約$120/人🚩十三姨 旺角通菜街1M-1T號華發大廈地下C號舖

十三姨係旺角都開左好耐😗到依家都仲係有好多人食夜晚都仲係要排長龍🫣 而我都黎過食幾次😂大三元 同個名一樣 有三樣野🤣炙燒手撕雞伴雞油飯🍛一定要加秘制飯豉油😉 味道會提升左好多🤩炙燒手撕雞好香 而且吾會好韌😋不過始終係雞油飯如果怕油膩嘅人可能要留意下👀炙燒雞叉燒🧆好香好軟 一咬就咬得開🤣配埋雞油飯咁食 係一個好夾嘅餸黎😍溏心蛋🥚真係仲有流心架🤩賣相好靚 顏色夠鮮色😛另外叫左杯忌廉溝鮮奶🥤真係比一杯鮮奶 同一罐忌廉你比你自己溝埋去 幾得意🫣

閑日大概七點幾去到，都要等六七張枱。記得以前都有食過，而且印象都唔錯，所以決定今晚再去試吓。坐低咗之後店員即刻擺咗蝦片，餐具。食物亦都好快就送上，我哋叫咗十三么，鵝肝蛋飯，仲有西多雞翼。食物賣相唔錯，份量亦都足。先講十三么，我哋加咗錢轉翠玉瓜加粉絲面底，個湯底好清淡，啲雞肉亦都唔係特別好亼，好普通。第二樣係西多雞翼，見到好多蜜糖牛油林左喺面，好似又炸得好香口，好期待。但係食落有啲失望，完全唔入味。雞翼同個蜜糖醬分離🥲最後一樣亦都係想食嘅鵝肝蛋飯，鵝肝脹卜卜，煎得唔錯，三大塊，另外加埋太陽蛋送飯一流，三樣食物之中鵝肝飯就最好食。

已經推訓咗BB係BB車訓著，諗住可以靜靜地歎翻個銷魂鵝肝飯，竟然要我叫醒BB收車先有位入去食野，一直企門口等咗大概十分鐘，明明入面就有位，三張空台，其實拉開一張櫈泊入BB車就唔會阻到主道，擺明職員就唔想做你生意，服務排位令人擔憂。入去仲差D唔記得掃針卡要我提醒。好期待咁黎，失望走。出名既鵝肝飯味道一般，並不太驚喜。

Bookmark 左好耐，今日終於同左朋友去試吓。係女人街最後面，近廣華醫院附近，去到已經有2枱係門口等位，我地大約等咗10分鐘到就入座。坐位唔算闊落，不過上菜時間都幾快，大約10分鐘就上齊。叫咗牛肋條銀針粉，再加一個炸蝦卷，跟餐飲凍柚子蜜。每枱一入座已經有個蝦片送🤩👍🏻個杯仔幾靚😂牛肋條湯銀針粉，邊仲有幾條豬腸粉，幾特別，好似廣東菜既煲仔腸粉咁😂湯頭幾濃郁，牛肋條份量非常多，有10塊8塊，而且每一塊牛肉都好軟淋👍🏻唔錯。炸蝦卷就唔算特別，而且份量少，價錢亦唔算平🥲所以只推介個煲仔粉😊

放假又可以出去走走食下野，見到呢間長期多人排隊嘅麵店😆忍唔住拎張飛試試佢.📍十三姨.🥢十三厶 ($72) - 配料有手撕雞、雞叉燒同溏心蛋，清清地啱哂我啊😆米粉溝粉絲感覺好健康，連埋啲菜絲食真係唔錯!!見到枱邊有辣椒醬，加左少少…嘩!!唔油但好香好正~不過加少少就好，綠色嘅辣椒醬係辣啲嫁😂🥢十三飛 ($76) - 大佬叫嘅牛系列~配料有安格斯牛肩胛、牛肋條同溏心蛋，湯底濃郁但唔會油膩喎!呢個都推介👍🏻🍵蜂蜜蘋果茶 (跟餐) - 養生嘅我揀左大熱天時都飲熱野😂但呢杯真係好飲，好多蘋果粒粒，飲落好滋潤好舒服~🥤coke zero (跟餐) - 係枝裝啊!!枝裝點都好飲過罐裝嫁~唔知你地覺唔覺呢😆

減肥人士好似都幾啱食呢間十三姨，因為有翠玉瓜麵底同埋雞肉，生酮飲食啱哂🤭每枱仲有一杯蝦片，每碗麵配埋一杯飲品。十三姨都幾多人幫襯。店裡有一位婆婆處理緊啲雞肉，唔通佢就係十三姨🤣🔸十三么(💰72，轉翠玉瓜麵拼粉絲+💰12)(7/10)有手撕雞、雞叉燒、溏心蛋、好多蔥花。都幾多料，同埋好大碗。好彩係叫翠玉瓜麵，如果唔係應該會食唔哂。翠玉瓜麵嘅質感都幾似真嘅麵，煮得唔係太脆，又唔會太淋，軟硬適中。佢仲有三條腸粉，不過啲腸粉就無乜味，我覺得唔要都得。湯底方面好重胡椒味，整體不過不失。

呢間餐廳叫十三姨， 啲菜名都好搞笑 經過見到唔使排隊就入去試下十三么 入面有手撕雞,雞叉燒,溏心蛋手撕雞有黑椒味但肉質比較鞋, 雞叉燒好食十三飛呢本有安格斯牛肉，牛腩，溏心蛋牛肉又瞓唔夠多， 唔係入口即溶嗰隻， 個人覺得普通

人氣十三姨！原來呢間餐廳都幾出名，平日晚上都多人排隊等候。餐廳環境偏狹窄，會同後面枱嘅客人幾乎背脊貼背脊。每枱有一碗蝦片作為前菜，餐牌食物款式唔算多，我哋都係嗌啲招牌菜式試吓。十三么$72- 入面有好多手撕雞、幾塊雞叉燒、腸粉、半隻溏心蛋同米粉拼粉絲。雞叉燒有炙燒味，幾香幾滑。手撕雞鞋少少，同埋重胡椒味。有幾條腸粉又幾有趣。米粉同粉絲嘅份量太多，差啲食唔晒，湯底應該有味精，食完有些少口渴。十三飛$78- 朋友加$12轉翠肉瓜麵拼粉絲，翠玉瓜口感爽口，不過份量少咗啲。牛肉就一般般，普普通通。爆漿芝士煉奶炸年糕$36- 呢個年糕唔錯！流心芝士同煉奶配合得幾好，年糕煙韌，同朋友share啱啱好，推介！鮮奶溝忌廉$28- 個器皿係牛奶盒嘅樣，幾得意。400次岩鹽咖啡(凍)$32- 朋友自己扭岩鹽，用嚟打卡幾好。手作話梅可樂$22- 話梅粉酸酸甜甜，估唔到同可樂都幾夾。

第二次黎食十三姨，今次叫左十三飛，有安格斯牛肩胛同牛肋條，半生熟牛肩胛唔錯，撈埋湯入面，食起黎啱啱好，唔會過熟😆不過牛肋條肉質鬆散，口感麻麻地，個人唔太鍾意。至於湯底重牛味，鍾意口感清淡既朋友可以試下。呢次十三飛主要揀左粉絲拼米粉，份量正常。粉絲不錯，米粉一般。整體黎講，70幾蚊唔包嘢飲，有茶提供，個人覺得一般，不過都可以試下。

十三姨至鵝肝飯出名後一直都未有機會試，因為每次嚟到都係有一大堆人喺門口等位😮‍💨原來以為佐敦開咗分店又過咗最熱潮時期，點知9PM 先到旺角原祖店嘅我哋，都一樣等咗15分鐘先有位😵‍💫 一坐底會比兜蝦片你🦐 好可惜係透咗風唔脆嘅😑影完相冇食過🦆老閿娘鵝肝煎蛋撈飯 $128為咗鵝肝飯而嚟一定要試，每碗有三塊鵝肝，一隻煎蛋，好多乾蔥，蔥同白蔥同埋佢嘅辣椒X0醬，但其實食唔出有xo醬🫣 鵝肝煎得還可以，但就薄咗少少，成碗飯其實除左三塊鵝肝之外，有啲dry冇乜餸咁😅 食到一半基本上得番白飯冇食🍚 好彩自己另外叫咗份雞翼餸吓飯🙈🍲十三么$72呢碗有手斯雞，3塊雞叉燒，半隻溏心蛋用咗粉絲拼米粉做麵底，手撕雞🐔份量唔多同埋有啲碎濕濕咁🥲 叉燒好細塊而且冇乜味😅湯底係偏清淡，但我自己加咗枱面上面嘅十三姨秘製辣椒油🌶，又幾惹味，佢用嘅係青辣椒，個後勁十足🍖西多雞翼 $38單骨雞翼8條，雞翼係偏細隻嗰種，炸得有啲乾不過好彩有🍯楓糖漿balance 番，還可以總括嚟講CP值不高，為咗鵝肝可以試一次，但要排隊嘅話就不了🙈

一見到my favourite銀針粉就好想食一到食反時間就排晒隊，好彩6點幾食都唔駛等Menu畫工好靚，一聽十三姨，點解我會load到黃飛鴻，笑左🤣 好特別既係一入座除左有茶，仲有蝦片，男人話“要你記得佢”，雖然有少少疏左氣，但好耐未食過蝦片既我食到賣單前都仲食緊🤣 呢道麵底好多選擇：粉絲拼米粉、特別少見既銀針粉、陽春麵、生銅之選翠玉瓜麵 十三么雞湯陽春麵 💰72¤手絲雞、雞叉燒、溏心蛋配檸檬汁¤湯底重胡椒味¤略嫌雞叉燒有點鞋口 十三飛牛湯銀針粉 💰78¤安格斯牛肩胛、牛肋條配青檸汁¤加左青檸汁味道清新，牛肋條幾淋，溏心蛋好食¤略嫌牛肩胛有點煮過龍 花雕啫喱蕃茄 💰32¤食生蕃茄會作嘔既我竟然食到一塊¤啲啫喱勁似加左話梅咁，唔係好受到陣味¤酒味勁濃 爆漿芝士煉奶炸年糕 💰36¤勁勁勁好食，必食推介，對於我勁鐘意煉奶既人既私心¤聽名又咸又甜，但勁夾口感，再加埋nuts碎¤左右隔離枱都有order嫁 蜂蜜蘋果茶 💰20¤正常味道 鮮奶溝忌廉 💰不詳(後加所以唔記得左🤣)¤自己將忌廉倒落鮮奶，好得意，但味道比罐裝牌個隻冇咁甜，反而幾鐘意呢個味

每次嚟到都總會見到有一兩個人喺度等位㗎！安排入座後店員都會送上一份蝦片一到諗食咩嘅時候可以食住蝦片特別開心😃十三飛 粉絲加米粉 原來咁樣拼黎食，好好食，令到成碗麵食落都冇咁膩，安格斯牛肩胛同埋牛肋條都好淋身 ，好入味 ，配埋最愛嘅溏心蛋 呢個性價比好高400次岩鹽咖啡 咖啡味濃郁，creamy 炸魷魚鬚唔會話好多粉，真材實料，嚟到嘅時候仲係熱辣辣木耳青瓜小食係自己醃製，味道非常之開胃仲有呀！粉、麵、飯都可轉生酮餐！下次仲要試埋佢個招牌老闆娘鵝肝煎蛋飯