十三姨 (通菜街)

营业中

休息中

旺角人氣食店，晚餐等位大概廿分鐘，餐廳內座位都幾迫，入座會送上一盤彩色蝦片，脆口，未落單已經食唔停。① 十三飛 $76安格斯牛肩胛，牛肋條，溏心蛋② 十三么 $72手撕雞，雞叉燒，溏心蛋呢兩個湯麵原本係跟粉絲拼米粉，但見翠玉瓜麵好特別，於是就加$18試下。點知原來係將個翠玉瓜刨成麵條狀，雖然係比較健康，但感覺唔值呢個價，而且無左翠玉瓜的爽脆口感。.配料方面，賣相唔錯，溏心蛋係加分既，可惜兩款牛肉都唔夠腍身；手絲雞好香黑椒味但食落有啲鞋，好彩雞叉燒有驚喜，炙燒過，幾滑幾好食。至於湯底，牛湯比較香濃；雞湯看似清淡，但飲落有胡椒味，都幾清香。③ 椒鹽魷魚鬚 $40叫左款最佳配角，望落唔多炸粉，食落唔夠香口但都算好味。.整體感覺還好，菜單設計有gimmick，但係食物質素一般，唔係好值呢個標價，而且仲要收加一，性價比只是一般。

聽聞十三姨幾出名，所以嚟試下。因為自己食，所以叫得一樣嘢，所以試咗佢嘅招牌菜 「十三么」。本身睇佢啲相已經覺得其貌不揚。似係將啲嘢大雜燴咁煮熟。但我諗出得名，可能食落好食掛？野食嚟到，係幾大碗嘅。食落，個湯底幾令人失望… 好！重！胡椒味。少少辣，但感覺係死辣。食食下，仲食到有微微嘅焦味（定係啲焦味好似煲仔飯咁係賣點之一嚟？）。但我個人就覺得似打邊爐燶底咁。講下啲餸。有半隻蛋，有啲雞叉燒，有啲手撕雞。唔知啲餸係本身就冇味，定畀湯啲胡椒味蓋過咗，我唔覺啲餸係有調味。上面仲有一條分咗三小段嘅齋腸（？）感覺上同碗嘢唔係好夾。食剩咗一段。一個平時食得落出面一大碗米線嘅我，最後都冇食乾淨成碗十三么。因為食食下仲食膩咗… 應該係因為個胡椒味同焦味。感覺上成碗嘢都好似屋企煮到咁。平平無其。唔係好食又唔係話好難食。 但呢碗嘢都要賣$72+10%，我覺得以呢個價錢喺出面絕對有更加多好啲嘅選擇。

又中伏 唔好相信網上嘅食評難食到想嘔 叫左個銀針粉 俾左我個d所有醬撈埋一齊唔知咩味 好奇怪 扮特色菜 其實好古怪 仲有叫左個小食雞翼極之普通 仲有雞腎又咸又乾千祈唔好去試！食完不斷想作嘔

有得轉翠玉瓜麵，啱哂想食少啲carbs嘅朋友😆🔸炙燒雞叉燒腸粉湯 轉翠玉瓜麵拼粉絲 $64+12翠玉瓜麵比較碎，轉得夠稔，口感都似食緊麵嘅😆 拼埋粉絲口感幾豐富～雞叉燒表面有啲黑椒味，但食落入面冇咩味，而且有啲鞋，有少少失望～🔸十三么 $72除咗雞叉燒仲有手撕雞～手撕雞相比雞叉燒就入味啲惹味啲，而且食落冇咁鞋，味道吸引過雞叉燒🙊🔸西多雞翼 $38炸過嘅單骨雞翼沾滿糖漿，香口惹味得嚟甜甜哋，幾好食！幾推介呢個，嚟到可以試試！餐廳環境比較擠迫，坐得唔太舒服，平日都多人排隊要等位，不過翠玉瓜麵都幾特別，如果嚟開呢頭都值得一試嘅～

今日經開旺角，咁岩晏晝時間有啲肚餓就行下女人街睇下有咩食路經有間食鵝肝飯既餐廳就去想去試下。大概等左15分鐘左右就有得入座咁就叫左佢個鵝肝飯同串燒佢個鵝肝飯黎到真係必試之一，佢成個飯既味道非常之適中，鹹甜辣3個味道溝埋入齊非常之惹味！又唔會話食完個飯又覺得好油膩。如果真係既話佢仲有配埋飲品，個lunch set 係配搭得好好。另外我都有叫一d串燒食，咁多串串燒黎講，我個人覺得佢個雞髀菇係最吸引到得。因為味試過食串燒既雞髀菇係食落去水份非常充足。相比下其他雞腿肉，秋葵蝦滑就比較一般總結，呢間餐廳既評分10分我會比9分建議大家味試過既可以去試下！

拎住針紙qr code同舊version 安心出行，等左成45分鐘枱，先話一定要藍碼，唔接受full version 針紙qr code+安心出行。拎住部唔support最update version安心出行既手機都唔知點算。店員仲話係政府policy，但政府一早出左QA話一般市民唔需要update，可以繼續沿用無分紅藍碼既舊version安心出行。自己餐廳有咁獨特嘅policy又唔係門口寫明。係黃係藍就唔知，淨係知餐廳仲諗得遠過政府，大家食之前三思！！！

十三姨啲食品好似很吸引，所以一直都想試。早兩日星期五晚，去旺角通菜街分店，門口已經聚集了一群食客等位。我問門口職員攞飛，跟住問佢而家叫到幾多號？個男職員不發一言，只用手指一指店舖玻璃上面嘅電視機，示意“你自己睇啦” ...個態度串到呢.... 之前疫情嚴重嘅時候冇生意，啲食肆就喊苦喊忽，嗌曬救命，而家生意好咗，個態度就180度轉變！ 咁巴閉我即刻走人唔幫襯啦。如果食店老闆睇到呢個訊息，唔該留意下自己員工嘅服務態度啦。

【生酮低碳翠玉瓜絲麵🥬招牌雞叉燒牛肋條】會encore之餐廳！發現了一間多菜低卡餐廳，麵底可轉半絲瓜半麵or全絲瓜，溫底好清，無味精可飲曬，好岩係旺角想食light d 既時候去！十三么 $72 👍🏻手撕雞、雞叉燒、糖心蛋加$12轉翠玉瓜麵拼粉絲十三飛 $76安格斯牛肩胛、牛立條白牛 $22 👍🏻雲呢拿雪糕，加雪碧第一次叫黎飲好得意！！唧花忌廉，下面隱藏咗一嚿雲呢拿雪糕原來味道真係同雪碧好夾！💭點評兩者compare：湯底的話牛湯底會龍啲雞湯就係清雞湯嗰隻味，但係有一絲絲嘅黑椒味所以如果想飲湯底嘅話，雞湯都不錯翠玉絲瓜麵，其實真係全蔬菜嘅，好啱啲食得太飽，但係想食少少嘢嘅人好返我食物質素係好不錯，健康得來又好味，真係好味嘅👅味道：4.5/5🌌環境：4/5👍🏻推薦：4.7/5(📍油麻地) 十三姨 (通菜街) (旺角)旺角通菜街1M-1T號華發大廈地下C號舖

夜晚旺角睇完戲有啲肚餓，去咗通菜街搵食。嚟到呢間十三姨，見到店內都幾多人，決定入去一試。本身淨係諗住醫吓個肚仔，點知有驚喜！一入座先有一碗蝦片作為餐前小食，好脆口👍🏻十三么手撕雞、雞叉燒、溏心蛋，粉絲拼米粉，轉陽春麵。湯底用鮮雞熬製，有少少胡椒味，幾清香。雞肉軟腍，同個湯好夾🍜十三飛安格斯牛肩胛、牛肋條、溏心蛋，粉絲拼米粉。湯底採用牛肋條同牛骨熬製，十分濃郁！牛肩胛肉牛味十足，牛肋條淋身，唔會好油膩，仲有啲粉皮索晒湯汁嘅精華，好入味😋

呢碗白湯睇落好平平無奇. 但好有童年嘅味道而且呢道嘅白湯嘅料都幾多. 稀稠度啱啱好好難係其他地方飲到佢嘅質素🥲最衰佢唔係日日有白湯飲. 唔係我就可以飲多幾次呢道嘅嘢食普遍都大份有鑊氣. 啲春卷炸到好脆又唔油🥰啲葡汁重可以任加㗎

Really hearty chicken noodle soup that’s filling and delicious. I waited about 15-20min towards the end of lunch time for a table on the weekend. Service was relatively fast once seated and my iced tea and noodles came to the table within 10 minutes after ordering. The noodle soup was well seasoned and filled with lots of different ingredients. I ordered the 十三么 Lady 13 Chicken Noodle which had shredded chicken, thick cut chicken, vermicelli, rice noodle, rice roll, green veggies and half a soft

每次行過都見到好長隊伍，搵個機會試一試先🥰🥰點左佢既招牌，手撕雞十三幺！佢係用石鍋上，所以真係新鮮熱辣！佢有兩種麵，一個係粉絲一個米粉，但係撈埋一齊好野味😝😝佢既亮點一定係佢個湯底，有小小辣，係胡椒個種！好似我就鍾意加佢特制辣椒醬，食得辣既人一定唔可以錯過😆😆手撕雞遊係好正！味道正宗，份量都唔錯，反正我就係食得好飽🥰🥰

成日行過呢條街度見到好多人等緊位😿 咁啱今日行過冇咩人所以試吓 可能係因為未到食晚餐時間 不過啲冷氣唔夠凍食到出晒汗 好熱🥵 ✿ 十三么雞湯粉絲拼米粉 ✿ [$72]湯底🥘食到胡椒味 有雞絲同雞叉燒 雞叉燒幾嫩滑 整體偏清淡 份量都幾足 女仔一定夠食😋✿ 十三飛牛湯粉粉絲拼米粉 ✿［$78］湯底🥘比較淡味 似福字面湯底🙈 牛肉🐂有牛腩 肥牛等等 之後面方面有腸粉 米粉 令到整體有唔同質感★好食指數★：5.5/10★服務態度★：6/10★CP值★：6/10★加一★

上等牛肉陽春麵 ($72)湯底主要分雞同牛2款，今次試咗牛，湯底一啲都唔肥膩，好清甜，牛肉係用安格斯牛肩胛，肥瘦適中，亦唔會好老好韌，牛肉份量都好多，麵底可轉米粉，粉絲，銀針粉，亦可加錢轉翠肉瓜麵，有好多選擇，最正係用石鍋上，食到尾仲熱辣辣

呢間開係旺角嘅十三姨非常出名，平日晚上都要等一陣先有位。一坐底就有兜蝦片係台面可以食，都幾脆口，食唔停。炙燒手撕雞湯粉絲湯底係有啲黑椒味，雞絲不過不失，份量都算足夠。十三飛（轉左翠玉爪麵拼粉絲做底)。湯底都算濃味，有安格斯生肩胛同牛肋條，牛嘅質素就真係平平無奇，感覺上偏鞋。麵底轉左翠玉瓜麵拼粉絲，即刻變左健康之選，翠玉瓜麵其實係將翠玉瓜刨成一條條，好似麵咁。翠玉瓜麵同粉絲大概 1：1，份量都好多。仲有幾條腸粉，我唔太理解係咩配搭黎。串燒做緊買四送一，叫左幾串試下，雞腎、翠玉瓜、雞髀菇同四季豆，味道都唔錯，好惹味。性價比唔算太高，但份量方面都算多，以爲一個石鍋唔會好多，點知食極都仲有，最後我碗十三飛食唔曬。反而牛嘅質素未至於到好好，所以都食剩左部分。下次有機會，會再試埋佢好出名嘅鵝肝飯。