十三姨 (通菜街)

营业中

休息中

開番晚市咁耐，都好少黎旺角，今次黎到就食久仰大名既「十三姨」。好多人都讚佢果湯底超級濃郁，好食到系可以飲埋全部湯底。我地都幾夜先去，去到都系要等位，足足等左1個鐘。因為實在太多人等大枱了。如果疫情無咁多限聚，咁就好了！ ⦁鵝肝蒜蓉多士 $72本身考慮過嗌鵝肝蛋撈飯（$120/碗），但怕果鵝肝份量太少，所以最後嗌個多士試水溫。果多士又勁脆勁香口，而鵝肝油脂勁多，超級肥美。 ⦁十三么🐔 $70碗十三么入面用左雞湯做底，再配埋手撕雞、自家製炙燒雞叉燒，可以享受啖啖都有肉既感覺。肉質嫩滑唔會太乾身，加上雞肉吸晒湯汁精華，令到成碗麵更加昇華。 ⦁十三飛🐮 $76碗十三飛入面有滿滿既牛（安格斯牛肩胛、牛肋條），可能因為咁有種錯覺以為自己食緊牛腩麵。每款湯麵入面都有落到豬腸粉，唔知系邊個地方既煮法呢？ ⦁黯然雞叉燒飯 $54碗飯一黎到，眼見成碗滿佈木魚碎同法律醬，一度以為成碗大阪燒。除左外表似大阪燒，就連塊雞叉燒都好似日本果種叉燒。碗飯醬汁太多同偏咸，令到果飯底偏向淋身，尼個係唯一敗筆之處。

點解可以嗰外賣唔係我嗌嗰個飯，失望張order 係我嘅，但返到屋企打開個飯完全係另一回事，貨不對版！我嗌嗰個係鵝肝飯打開出嚟係一個雞絲飯，專登走去買㗎囉！點解入袋可以唔對單。失望x10000000

十三姨 (通菜街) (旺角)📇地址：旺角通菜街1M-1T號華發大廈地下C號舖🕐營業時間：12:00-17:00，18:00-22:00💸人均消費：～$100/人(lunch)👏🏻抵讚位：兩個人食左一碗十三飛($76)（安格斯牛肩胛、牛肋條、米粉拼粉絲）同一碗老闆娘鵝肝煎蛋飯($120)。十三飛好多料同埋粉嘅份量都多，兩個人食每人都分到起碼三碗😆 最搞鬼係有兩舊腸粉😂 老闆娘鵝肝飯係必定要試！佢地個自家製豉油係個飯嘅精髓，個日加多左少少落去撈飯，啲飯即刻變到好綿，每粒飯都痴埋左咁，同埋加多左都唔覺得咸。鵝肝雖然膽固醇勁高，但值得一食。佢煎完都唔會好油膩，食完都唔覺得濟😋 啲麵有得揀轉做翠玉瓜麵，對生酮飲食緊唔想食澱粉質嘅朋友係一個好friendly嘅選擇😍 包一杯野飲，凍熱同價🤘🏻😯有待改善位：鋪位細左啲，坐得相對地逼少少😼私心回應區：想試個鵝肝飯好耐！終於試到，雖然佢嘅價錢係最貴嘅，但係個性價比真係高。十三姨係值得一試嘅餐廳，咁多人排隊等嘅時間都值嫁！

個人認為係全香港最正嘅鵝肝飯！！多人排隊都值得食🫶🏻-鵝肝飯果然名不虛傳，第一啖就驚艷到我🔥鵝肝外面一層稍稍焦脆，裡面好嫩好juicy!!而且每一塊都特別大特別厚，性價比好高，絕對值得排隊嚟食！！同飯一齊食味道更好，可以壓一壓鵝肝嘅油膩～～-十三飛裡面有牛肩胛，牛肋條，溏心蛋同粉絲。牛肉特別軟爛入味，面底我揀咗翠玉瓜雙拼粉絲，口感比純粉絲更加豐富，鍾意食辣嘅朋友可以試吓佢哋嘅秘製辣椒醬，非常香！

十三姨嘅麵真係好特別 除咗可以兩溝之外 仲有翠玉瓜面可以揀！估唔到香港都有 喺外國好興！唔食澱粉質或者生酮人士都啱食😎個麵食落唔會好似瓜咁脆身 索咗啲湯之後真係同平時麵嘅口咁有啲似！每一次嚟都一定係咁食佢個炸蝦片 真係好正 熱辣辣 脆卜卜！呢度嘅主食都唔錯 好多款唔同嘅選擇 已經食過幾次 食極都唔厭💕

超好食！湯底係濃郁嘅牛湯！十三飛係3種牛配搭～ 因為貪心 所以叫呢碗。大大碗 超級無敵多～粉麵 最特別 可以換～ 我換左 金針粉 佢送左幾條腸粉好得意啊 腸粉 都可以當面😂😂😂😂超愛個湯 飲左超多！不得不提，佢個辣椒醬 係我嘅亮點！佢唔係比一般嘅辣椒油 or 辣醬你～係青辣椒碎啊😍😍😍放入湯度 完全冇影響個湯！淡淡嘅辣味 超夾！ 啱曬我呢d 鐘意辣又鐘意湯嘅人！ 完全唔會俾辣椒油影響到飲唔到d湯

一個人喺旺角買完嘢，百無聊賴😌 咁就喺而家冇乜人行嘅女人街，周圍行搵嘢食啦。其實女人街都收埋咗好多人世美食❤️今晚一個人，最後決定夜探十三姨！十三姨真係風采依然☺️ 都係咁好食，同埋咁多人！一坐低，首先十三姨就會請蝦片你食🤩 然後再慢慢諗食乜。個個都鍾意食佢嘅粉麵類，我就比較欣賞「大三元」☺️ 喺呢度少見嘅飯類！大三元會有炙燒雞叉燒、糖心蛋同埋手撕雞伴雞油飯，味道好惹味㗎！食咗咁多次都係覺得佢最好食！

之前經過旺角有間餐廳好多人排隊，次次想食都因為要排太耐所以放棄。咁啱平日行過，見到唔算好多人所以就決定拎籌排隊試一試(*ฅ́˘ฅ̀*)♡︎𝐎𝐫𝐝𝐞𝐫::⧐炙燒手撕雞粉絲 | $66⧐忌廉溝鮮奶 | $26之前我見過呢一間舖頭有Instagram，啲食物都好吸引，有好多樣嘢都好想試，今次嚟到叫咗一個炙燒手撕雞粉絲同埋一杯忌廉溝鮮奶。見到佢呢度有翠玉瓜麵，如果係生酮飲食嘅朋友好啱嚟呢一度食，不過我個人就唔係幾鍾意翠玉瓜所以就冇叫呢個嚟食原來呢度係用一個類似鐵鍋咁嘅容器煮完即上，所以都要小心啲唔好燙傷，手撕雞有經過黑椒調味，味道唔錯，另外粉絲亦都配咗好多蔬菜，感覺好健康，湯底嘅調味帶微酸，非常之開胃好食。另外好搞笑嘅係配有三粒腸粉，又真係意外地幾夾！(´･-･`)值得讚賞嘅係佢哋用嚟招呼客人嘅茶，每一杯都會有一個獨立嘅茶包，並唔係一大煲茶咁沖泡，而且一開頭會有蝦片，蝦片亦都好香脆好食，並唔係開咗好耐淋晒嘅感覺，好值得讚賞忌廉溝鮮奶係我細個一路都好鍾意飲嘅飲品，不過眼見好多地方都冇再做呢一種，好難得喺呢度見到所以就即刻叫咗嚟飲，完全係兒時嘅味道，非常鍾意(*´ｰ`*人)下次一定會再嚟試呢一間舖頭嘅其

十三飛加錢將麵底轉翠玉瓜麵拼粉絲，配料有安格斯牛肩胛、牛肋條、腸粉和糖心蛋。湯底香濃，肉味濃郁，嫩，唔韌，翠玉瓜麵爽脆配埋粉絲，食完都冇咁guilty 😂。西多雞翼 分量一般，蜜糖牛油充足，甜而不膩，雞翼外脆內軟，又夠juicy。老闆娘鵝肝煎蛋撈飯 有3大舊鵝肝,煎到外脆内軟,好動油香味,另外配埋流心煎蛋，XO醬，炸薑蔥，再加埋佢地既特制醬油，撈埋一齊食，鹹辣十足，好惹味，真係極品。椒鹽魷魚鬚 $36 魷魚鬚爽囗，炸皮薄，調味偏淡，但可接受。

恢復堂食～當然要出嚟搵食啦！係旺角行呀行，見都幾多等，同埋有麵有飯同埋有d特色，就入嚟試下。坐低見到木／竹既餐具已經🤩🤩眼有蝦片食～我叫左十三飛，試下個牛，湯底幾好，飲完唔口渴，米粉+粉絲口感幾好，都幾有口味，最搞笑有腸粉係入面😆如果溏心蛋有滷過會更好老公試大三元～份量都幾足，味道都幾好，但講唔到特別之處，個人覺得麵份量好似大d，因為我食唔晒比埋老公食400次岩鹽咖啡……未搞勻果陣好苦，搞勻左都可以，無想像中咁特別（之前未試過300次咖啡）鵝肝幾香，令我想下次嚟試鵝肝蛋撈飯，因為$120，又未試過所以叫多士試下先，又幾得喎！芝士唔知咩爆漿年糕就無咩特別，係平時日式放題既炸芝士加左片芝士係上面同埋加左煉乳。整體都唔錯，會想試埋其他野。

🍽旺角美食低碳之選【十三姨】上個月去左旺角我至愛十三姨 點了十三飛和大三元🥣【招牌十三飛】我另加點了18元轉了雜菜翠肉瓜麵條因為少左碳水，合乎我需要佢個十三飛的安格斯牛肩甲肉都偏瘦👍湯底都好正，都唔口喝嘅食完🥣【大三元】大三元好似好多嘢食，有灸燒雞叉燒，糖心蛋和手撕雞伴雞油飯。飯食落好惑味，不過原來用雞油嘅🥲大家取捨嚕套餐配飲品和餐前小食蝦片，好味一餐，值得推薦👍🍽十三姨 (通菜街)旺角通菜街1M-1T號華發大廈地下C號舖

好耐無食啦一直話想試佢個瓜麵我都係揀返 皇牌飯鵝肝煎蛋試下外賣自取飯量差唔多但佢碗底熟油太多3舊鵝肝 乾身香口太陽蛋煎得 燶邊香脆佢重點係 佢既配菜有個係咪 辣辣炸菜定咩菜 撈飯真係無得頂呀今次 比之前食既辣佢3舊鵝肝雖唔算厚 但都足以令我晚上唔食飯既成碗食晒 食到最底 真係 好油 我諗係因為 外賣碗 碗底 有坑坑 油太多！因平時堂食 碗 是光滑底 咁 會唔覺意 落多左油重叫左個 炸魷魚 新鮮炸 要等耐D掛住食 唔記得映添雖然佢 $38 好似係但佢個份量 迷你但 佢 唔多炸粉 係好食既我諗堂食一定重好食的我再係到講 我下次想試 瓜麵PS 可能到下次食 都係食鵝肝飯 哈哈下次 買包蝦片返去食先

要數女人街兩旁內街裏面周時都會見到人龍嘅一定非十三姨Lady 13 Kitchen莫屬🫵🏼好多香港人都好鍾意食一碗熱辣辣嘅湯麵，十三姨既餐牌非常特別，湯底更係家傳秘方，面類仲有得揀特別為減肥健康人士而設嘅菜肉瓜麵，夠晒特別！🔥西多雞翼$40單骨雞翼大家都食得多啦，西多style我都係第一次食！首先雞翼都炸得好好，皮脆juicy，連啲骨頭都好香口😆醬汁exactly係食西多士上面個層蜜糖糖漿，出奇地又幾夾🥰可以一試！🔥炙燒手撕雞湯粉絲 $66個人好鍾意食呢碗麵!!冇記錯食咗三次🤤湯底真係冇得頂，入味得來唔油膩，配上乾蔥頭同香蔥真係好正呀!!!手撕雞經過灼燒過後有微微嘅煙熏味夠哂特別🤤個人覺得配粉絲呢個選擇真係冇得頂，粉絲可以吸收晒湯嘅精華，我真係每次都食到冇一條淨😂😂😂🔥黯然雞叉燒飯$54相比起湯粉絲我會覺得飯比較普通，但係都唔差嘅，撈埋個沙律醬同木魚碎又加番d分喎😉雞叉燒比較普通，但勝在飽肚，CP值高！

十三飛 改成翠肉瓜麵拼粉絲 又得，又可以加$四時蔬底又得，個湯係精粹好鬼香好鬼濃，安格斯牛肩胛、牛肋條和溏心蛋 加上一點點秘制辣椒醬真係記得要加辣椒醬之後整咗個大三元，呢個就覺得冇乜特別

高峰时段要排队，我们大概排了一两桌才进去的，因为是排队排到的位置，就正好赶上了一个非常挤，但是有隔板的位置，朋友点了他家的招牌鹅肝饭，我点了一份手撕鸡饭，因为我个人不太喜欢鹅肝，我尝了一口朋友的鹅肝之后就觉得特别腻，朋友倒是觉得不错，我的手撕鸡薯丝虾卷叉烧肉，我觉得都不错，他家有百分之十服务费。