匠心 (已結業)

匠心開業大約半年，我已經幫襯咗幾次，包括堂食同埋疫情嗰陣時候買外賣，地點方便，黃埔站行2分鐘就到，最重要係食物質素每次都保持水準，點心是每日早上製造，即叫即蒸，保證新鮮，睇埋價錢性價比真係超高😋😋好喜歡佢哋嘅點心好多款都為兩人而設，例如蝦餃，燒賣，叉燒包，奶皇包…，令到我哋可以再試多啲唔同嘅其他點心，另外重點推介蒸飯套餐，真係抵食到不得了，大大份嘅蒸飯加原盅燉湯都係由$68起👍🏻👍🏻蒸飯燉湯套餐 $ 68🐔🍚▪️香菇滑雞飯 超級大份，用蒸籠荷葉做底，香菇滑雞加蟲草，雞真係超級入味同埋好滑，飯粒蒸得剛好，吸收晒雞油同雞汁嘅味道，再加少少豉油，成個蒸飯非常出色，好好食🍲▪️椰子燉烏雞湯 蒸飯配燉湯是必須的，非常足料，好香濃嘅椰子味，湯頭清甜，好滋潤，最喜歡食煲完湯嘅椰子🦀▪️蟹子燒賣皇 $ 18大大粒，燒賣蝦肉同埋豬肉爽口彈牙，加上粒粒蟹子 ，口感更加豐富，點買辣椒油就最正🐷▪️豉汁蒸排骨 $ 18好鍾意呢度嘅蒸排骨用芋頭放底，蒸到好淋，吸收晒排骨嘅汁，好入味入口即溶，排骨件件大大粒，半肥瘦有咬口，好食🦐▪️芝麻蝦多士 $ 22原隻鳳尾蝦超級彈牙，面頭浦滿芝麻，好香口，多士炸得脆口，點埋沙律醬一齊食

今次夜晚食點心。我地兩條友嗌左四個點心包括蝦餃、蝦多士、千層糕、糯米球，再加一盅椰子烏雞湯。首先上來既係雞湯，有濃香椰子味道，非常滋補清甜。接下來既係蝦餃同埋千層糕，佢一籠蝦餃有兩粒，不過入面都有三隻蝦，味道鮮香，非常滿足。我最鍾意係佢既千層糕，入面仲有松子，脆脆既幾特別，口感豐富。蝦多士都味道OK，不過有小小油膩～最尾買單150，每個點心都幾好味喔，下次會再幫襯。

同朋友食Afternoon Tea唔一定次次英式三層架，中式一盅兩件亦都係唔錯嘅選擇✅早排就同朋友喺黃埔嘅手工點心專門店「匠心」過咗一個美好嘅下午❤️.餐廳門口以水泥風設計，唔仔細睇仲以為係日本餐廳😂座位都尚算闊落，點心選擇都非常多，傳統及新式任君選擇😉 適逢2:30後入座仲有88折，叫多一兩籠都唔心痛🤪.🍲椰子燉烏雞湯💰$36咦，唔係食點心咩？做乜無啦啦飲燉湯🫣估佢唔到餐廳其中一大賣點係燉湯，喺店員極力推薦下就揀咗試試😝燉湯入口清甜椰子香味，烏雞、豬肉增加湯底嘅鮮甜，沒有額外嘅味精😎而且都幾大盅，同朋友兩人分啱啱好😌.🍴芝麻蝦多士💰$22（2件）蝦多士面頭鋪上勁多芝麻😍比一般蝦多士另帶芝麻香🤤炸得夠乾脆唔油膩，非常酥脆👍🏻.🍴麻辣醬炒腸粉💰$32腸粉炒得乾身又帶焦香，味道又麻又辣好惹味🔥內有香菇、韮黃配搭🫰🏻.🍴臘味糯米包💰$32呢款懷舊點心好多年冇見過，估唔到可以叫到🤩蒸嘅程度啱啱好，唔會水汪汪或乾爭爭👍🏻咬落去係煙靭又有咬口嘅糯米飯，充滿臘味油香🤤記住絕對要留肚食，三大塊都幾飽😂.🍴鮮蝦菜苗餃💰$18（2件）第一次食成隻餃子咁大嘅菜苗餃🤪賣相豐盈飽滿，一睇就知好足料🤓菜苗新鮮碧綠，

黃埔新開無耐嘅手工點心店所有點心都係師傅每日人手製作，唔係啲廠房批量劣食全日免加一，只收茶錢$5/位整體點心高質好食又大件，絕對對得住個價錢以下都係私心推介😛！-👍🏻匠心蝦餃王 $18/2隻蝦餃皮厚薄適中，口感煙韌，唔會成舊粉團/一patpat咁蝦肉超大粒，爽口鮮甜，大粒飽滿真材實料，唔會溝咗好多肥豬肉扮大粒😆-👍🏻蟹子燒賣王 $18/2隻燒賣皮薄，無蒸到腍哂甩皮豬肉同蝦仁嘅比例平均，蝦肉爽口彈牙，豬肉肉質有彈性豬肉味好香，而且冇乜肥豬肉，足料大粒👍🏻-👍🏻鮮蝦菜苗餃 $18/2隻超高質必食！咁多款點心個人最鍾意呢款，食咗三籠🤣餃皮晶瑩剔透，煙韌彈牙，夾起唔會爛哂內餡蝦肉一啲都唔少，同菜苗嘅比例平均菜苗好爽口，咬落濕潤多汁，仲好香蒜蓉味，好好食超大隻仲要足料飽滿脹卜卜，推薦👍🏻👍🏻👍🏻！-👍🏻帶子鳳眼餃 $18/2隻餃皮煙韌唔會太厚，面頭有兩粒帶子仔內餡超大嚿蝦肉，飽滿足料！蝦肉口感爽彈有鮮味，大粒到好似食緊蝦球咁🤣一隻等如平時茶樓2-3隻🤪-👍🏻古法千層糕 $32/4件呢度嘅招牌必食點心！同平時見到嘅千層糕唔同黃色餡係流沙奶黃，口感起沙，食到鹹蛋黃粒同椰絲一層一層夾住，入口鬆軟，好高

在平民區可以享受到高級酒店的食物品質，蝦餃、燒賣、叉燒包和糯米包都非常好味，雖然蝦餃和燒賣比較貴一點，要十八蚊兩粒，有點兒貴，但又大粒又好味。都算性價比高。佢個點心拼盤，都好抵食， 五十蚊一籠，有蝦餃、燒賣、帶子鳳眼餃、菜苗炒、叉燒包和紅棗糕，每款都有一件，款款都好好味。細食嘅朋友，都可以食得飽。這兒啲食物咁好味，收費又咁大眾化，當然有佢原因，環境真是很一般，食物款式種類不多，衛生唔好有要求，但我覺得性價比超高。

好耐冇去飲茶食點心，紅磡呢間新開嘅＼匠心／喺上一手係好出名嘅蒸廬嘅同一個位置，今次就去試吓如何～✧ 桂花糕母親節期間堂食就會送桂花糕都幾好食 糕體唔會超級香🌼花香又清甜 食晒所有咸食後作為甜品真係唔錯✧ 鳳爪排骨飯 （套餐） $68套餐入面有蒸飯+燉湯+優惠價追加點心上菜嘅時候估唔到係荷葉蒸飯好有誠意 一用荷葉蒸成個風味都增加咗唔少鳳爪排骨嘅調味同份量都好夠✧ 椰子烏雞湯椰子味好香 湯都係奶白色嘅好濃郁烏雞肉都唔錯幾好食可惜係淡咗少少 如果有落多少少鹽會好啲但唔會飲到好頸渴！✧ 上湯娃娃菜 set+$20份量唔少 兩個人好夠食同樣都係比較淡味 味道比較天然✧ 燒賣 $18大大粒仲好多蝦 一啲都唔馬虎 熱辣辣✧ 鮮蝦菜苗餃 $18同樣都係每粒餃都唔只一隻蝦蝦肉好新鮮爽口 啖啖都有蝦肉✧ 陳皮牛肉球 $24傳統點心做得好好 牛肉球仲會分點上汁男朋友唔食喼汁都唔怕佢會一嘢就淋喼汁上去先 好貼心總結嚟講幾抵食 而且味道都唔錯點心好用心咁做 下次有機會想食多少少點心荷葉蒸飯好有驚喜 味道好食加埋荷葉清香好有記憶點舖頭員工唔多但都好用心好好禮貌咁招呼客人！而且喺門口見到佢哋有用lingduck就更

新式點心餐廳以前覺得呢類點心餐廳啲點心一定冇傳統茶樓正宗同埋好食，但呢間匠心雖然選擇冇傳統茶樓多。但係點心質素就一定唔會差過傳統茶樓。椰子雞湯椰子味十分香  烏雞仲有兩三件 湯底好清 唔會太咸同冇味精糯米包糯米煙韌 好香糯米味但唔會太大粒太heavy食唔落其他野奶黃流沙包一咬啲奶黃噴出嚟 爭啲辣親山竹牛肉球正常發揮蜜糖蛋散蜜糖味同蛋散幾夾 個蛋散好夠脆但略嫌蜜糖唔夠多蒜蓉海蝦荷葉飯蒜蓉炸過 好夠香海蝦新鮮荷葉飯冇得輸燒賣大大粒 味道正常發揮總括嚟講舖位細細 座位有啲迫之外上菜速度都唔錯食物質素對得住個價錢睇餐牌仲見到有椰菜花飯 下次試下先

新開了一陣子，今天終於外賣試一試，整體味道好好，會再幫襯。最好味係蝦餃和燒賣，蝦好鮮和彈牙，酒店級數！潮洲粉果，流沙包，叉燒包.都好味菜餃可以一試反而佢地推介既蝦多士22蚊兩件和鹹水角（好味）我略嫌多油棷子烏雞湯略為談左d美中不足係冇跟豉油辣油，下次問下有冇先。.外賣有九折，但套餐衹可追加2款，門口收銀姐姐笑笑口服務一流。以家限聚我一家三口好耐冇飲茶了，呢間店仲有凍點心外賣自己蒸，下次可以買定第日一早蒸熱做家中早茶！

長期wfh，諗煮咩食都諗到頭痛，行過見到有外賣生冷點心喎，不如試下🤤有晒每樣野要蒸幾耐你睇，唔會唔知時間點心要半打為單位咁買，包點就可以3個為一個單位。買左返去，2-3日要食完了。蟹子燒賣王（半打）⭐️⭐️⭐️⭐️✨🇭🇰$45睇個樣個感覺似係佢地入面自己包，唔似工場運黎，燒賣大大粒，啖啖肉，正🤤蝦餃王（半打）⭐️⭐️⭐️⭐️✨🇭🇰$45皮薄，夠煙韌，蝦夠大粒，食落好滿足🤤鮮蝦菜苗餃(半打)⭐️⭐️⭐️⭐️⭐️🇭🇰$45我至愛呢個！好有驚喜，皮薄，菜苗好嫩，配蝦好鮮甜，正🤤流沙奶黃包(半打)⭐️⭐️⭐️⭐️⭐️🇭🇰$42好得意，佢係傳統奶cream既奶黃包mix流沙奶黃包，一個包有2種口味🤤，一次過滿足你2個願望👍🏻👍🏻👍🏻香菇雞包仔(半打)⭐️⭐️⭐️⭐️🇭🇰$42呢個我就覺得普通，無咩特別

初初開買過幾次外賣味道都算ok,3月從開後今日再食點心味道完全唔同了，可以講好難食🤮由其糯米包食落口完全不知自己食緊什麼，金錢肚是酸的之前買都好好食，只得蘿蔔糕及咸水角還可以😑失望。。。

平時好少寫負評，估唔到今次就要破例。等左半粒鐘唔緊要，冇諗過會差到咁😡籠仔蒜蓉蝦飯啲蝦黑到唔想食，啲肉係霉嘅⋯飯好硬⋯仲有粒唔知咩硬物，一咬即時痛一痛，牙肉即時流血⋯鳳爪排骨飯鳳爪排骨衰過食唐記包點n倍。鵪鶉蛋燒賣有少少腥味，啲肉都唔熟。臘味蘿蔔糕唔好食。可以煎到苦苦地⋯唯一可以接受係個所謂燉湯，唉。。。食左百六蚊，都唔知食咗啲乜，難食到乜都食唔落，牙肉仲流緊血，仲痛緊，好彩唔係叫左好多。冇下次⋯

上手蒸盧搬走咗勁唔開心😭😭見到轉手又系做點心 就諗住試一試😋餐廳試業中 入單有少少混亂🤏🏻 上菜速度慢 不過店員好Nice 同佢地講完都即刻入廚房同🧑🏻‍🍳講值得一讚嘅係呢度可以少份量咁落單💯💯 人少都可以試下唔同野食👍🏻🌟匠心蝦餃王(2件) $18🌟評分: 7.5/10蝦肉大粒算彈牙 皮唔會太厚!!🌟香滑麻蓉包(2件) $18🌟評分: 6.5/10細細件 唔會太飽肚 仲可以試多款點心😁 麻蓉餡足 偏甜 下次會試其他包🧐🌟薑蔥牛柏葉 $28🌟評分: 7/10🌟蟹子燒賣皇(2件) $18🌟評分: 7/10足料大隻 味道正常🌟芝麻卷 $24🌟評分: 6.5/10上枱熱辣辣岀哂煙 聞到好香但食落芝麻味偏淡 似係落得唔夠多黑芝麻粉 我嘅感覺係加咗少少黑芝麻粉嘅腸粉😂 下次會試其他甜點🤫🌟椰子燉烏雞湯 $36🌟評分: 7.5/10