北海道食堂 (已結業)

« 海葡萄豆腐椰菜沙律» 40hkd材料:麻醬，生菜，洋蔥， 蕃茄仔，海葡萄 ，白滑豆腐。喺香港非常之難搵到海葡萄，因為食用期非常短，好多餐廳都唔會入貨，不過呢間餐廳， 經理話採購部同事勁，入到海葡萄， 而且費用唔貴，海葡萄豆腐野菜沙律都只係40蚊， 點咗個海葡萄少麻醬食， 雖然食落唔係好似日本食開嘅咁大粒， 不過喺香港可以食到海葡萄已經非常幸福，可以重溫到 喺日本旅行嘅日子。 店員細細聲同我講話如果我想食海葡萄可以試下去citysuper搵。«鐵板美國小牛排套餐» 158hkd香炸蒜片千島沙律醬， 配味噌湯，蒸蛋，前菜，白飯， 小牛扒七成熟， 肥瘦適中， 易入口。味噌湯有白蘿蔔，紅蘿蔔，海帶，豆腐 ，料足。 包凍飲: 冰凍柚子蜜。加一後158+ 40hkd = 217hkdBTW , 海葡萄真係好抵食。

去銀行整完野，晏晝都未食，見到前身名叫北海道居酒屋，改了叫北海道食堂，見有下午茶套餐於是就去試一試，下午茶真係好抵食，$50，一個烏冬再加八件壽司🍣，更奉上凍或熱的柚子蜜，夠晒飽肚。

星期五晚上係沙田想食壽司，元氣要排120 張枱但係又鬼咁肚餓，我見呢間坐滿晒人、新新淨淨，但唔洗排就搏一搏⋯⋯結果😔😔😔😔😔😔😔😔三位師傅握黎握去，等25分鐘先握到D壽司出黎，其間又出錯單阻左陣。Anyway刺身新鮮情度好勉強 壽司飯（本身D米碎已經heartbreaking ）乾、硬一夾就散.... 個下我心都係🎯拉麵味道竟然唔錯好味但唔味精，足夠青蔥，蒜油清湯清甜可惜係唔夠熱服務。。。唔好要求（旺角食平放題咁）呢個故事説明左想係煩忙時間食壽司係要排隊嘅，係唔可以心存僥倖🙏🏻my bad

魚生飯 的 飯並不是 壽司飯 沒有醋的味道刺身嘅十分迷你， 咁慢魚飯亦都要等20分鐘十分誇張 女侍應亦都冇同我講係要等咁耐， 追問之下另一位侍應先話鰻魚飯係要等20分鐘，呢碗鰻魚飯的鰻魚是我人生中食過咁多間日本舖頭最差的一碗， 鰻魚飯的骨十分大條而且十分難咬 行了很多客也不能把骨折斷吞在喉嚨中 插到喉嚨好痛 同埋個飯定唔係魚生飯汁亦十分少 但說亦十分少而且求其放， 你收得客人呢個價錢就唔應該有咁差嘅食物質素， 同銅鑼灣希慎廣場上面嗰間鰻魚飯爭好遠但係價錢係一樣, 唔好覺得開喺新界所以就可以求其咁樣serve個客.

2019. 01.27今日傍晚去左沙田市中心行街所以就睇下附近有咩食但都知道假日既沙田會好多人所以我地都有心理準備要等一段時間因為想食凍野，所以又係食我最鍾意既日本料理我分別係元x，板x同呢間拎飛我比較prefer食呢間，因為未試過,睇餐牌好似好多款日本料理加上排隊等既時間比其餘兩間快好多好多環境都唔錯，唔會話好迫我地叫左個壽司set（$248）可能因為人太多的關係呢個等左大約半個鐘侍應好貼心係落單時會提醒壽司款式有可能與餐牌相片不同壽司味道方面我真的覺得普通（可能係我對佢期望太高吧😥）當中我比較喜歡帶子壽司另外我地散叫了三款壽司（因為本身個set張相有赤蝦壽司，冇帶子,所以散叫叫了）帶子壽司（$18件）三文魚腩壽司（$12件）較為出色海膽壽司（$38一件）一般般最後賣單$422，我個人來說真的覺得唔值又貴又唔太好食失望

係火岸收工好肚餓，落到去沙田，周圍都好多人，見呢間野無乜人排，本身已經講笑話唔通呢間唔好食無人排，點知真係開口中！個麵同啲飯，壽司都好快到，啲魚生無鮮味，個麵淡茅茅，之後食哂，就開始等啲熟食，一等等左15分鐘，身邊有3張枱追左好多次單，一張追飲品 佢地問杯野飲個飯食完都未到，之後個侍應即刻話沖緊架喇，之後個男人好好奇問，杯野飲有咩咁特別要沖成餐飯另外2張枱黑哂口面話cancel啲野食唔等，最後我果張都漏左單，(本來有嗌到多春魚，後尾谷鬼氣唔等)等左好耐之後個終極大佬 -鐵板燒牛舌捽之都到，。。。。我放入口，咬左起碼30幾下，但未咬得爛，口感仲勁過香口膠，我咁大個女就算去啲普通串燒場，都未試過咁硬膠，如果想練下牙茭，大家可以過來嗌一碟牛舌，包你過癮。只想講一句，做唔到熟食，就唔好勉強喇，做翻壽司啦。(雖然壽司一啲鮮味都無)