北京樓 (太古城中心)

营业中

休息中

星期五晚，正是相約朋友嘅好時日，三個朋友一齊去左北京樓！入到去裝修得體，乾淨整齊，坐底左，我地三隻餓鬼就急急嗌野食，最後嗌左碟叉燒，炸子雞，菜心炒牛肉，魚香茄子煲，炒蝦球！炸子雞最好食，肉很嫩，很有雞味，感覺新鮮，有蝦片配食，好正！碟叉燒都好好食，好大碟，較平時甜，我覺得仲正，送飯一流！魚香茄子煲都好惹味，但喊左少少，不過我覺得如果加少少辣應該仲正！其他炒蝦球同菜心牛肉都吾錯，不過不失啦！這是我首次光顧，嗌左幾碟！！三個人，每人大約二百蚊，少少覺得貴！

近排瘋狂的鐘意食上海菜！而對上一次食北京樓已經差不多兩年前，記得那次吃水準還算不錯的今日有事經過太古城，諗唔倒食咩，襯AE card仲有折就去左食北京樓，而且公眾假期既8PM都唔使等位近期最愛：炸銀絲卷銀絲卷精髓在於中間那幼絲，如做拉麵一樣重複拉扯成銀絲，表面就像炸鏝頭一樣，沾上煉奶吃真的美味非常！北京樓這個中間也能造到絲那層次感，就是嫌不夠鬆不夠軟生煎包嬌的的，生煎包包底煎得香脆，包皮厚度也恰度好處。就是肉汁不夠，皮凍不夠，肉香芝麻香油香不夠！最主要既靈魂冇左水煮魚平常的我堅持吃水煮牛，今日就試下食魚呢個水煮魚唔夠辣，唔夠麻，連鹹味都唔夠，淨係夠油！我試左味就冇再掂過咕魯肉 加 蝦仁炒飯個炒飯幾好味，全餐最好味係呢個炒飯，飯粒炒得鬆晒亦夠味道。但咕噜肉完全唔得，味道其實幾好幾開胃，但感覺係食緊粉醬同肥膏。拔丝香蕉我係第一次食拔絲香蕉，好難比評語，只可以話個皮同食糖冇分別，而且入面蕉果part有時會食倒酸酸地，唔鐘意食上海菜來說，北京樓係算唔好食，一係料唔得，料得果陣味道又唔得，比OK係因為有半價，冇半價既話一定唔會來。

今日同幾個親戚去左北京樓豪氣一翻，嗌左個set有菜有魚有年糕仲有個鎮店之寶片皮鴨，之前係其他地方食過覺得麻麻，今次再食，北京樓水準幾好，切得幾薄，唯獨包既皮唔太夠，可以多d就好喇，最後嗌左個甜品高力豆沙，入面有香蕉架！好少會有餐廳包香蕉，所以值得推介。

The bright fruit and moderately rich texture of a Pine nuts fish, magnificent dish. even if it is not provided ,it would be such a perfection to have a wine with a pungency similar to that of the olives and enough assertiveness to balance with the basil.It reminds of the taste of home since long before i was at my home town , my gradma used to cook this dish so well , but at that time , i barely remember the name .IT nearly simulates the taste of that dish but still , cant outperform perhaps tha

呢張鄧係大張, but 坐到逼逼地what is the point?後尾換哂but the service was fantastic!!!!!!!每樣野都中規中舉可以擺入口醉雞冇咩雞味唔夠酒木耳was oklove the texture and the sauce燻魚好韌...北京醬前蹄was okthe sauce was fantastic素方was great!好咬口有少少咸蝦球彈牙又大粒北京鴨有少少騷花膠扒津菜津菜淡口如水烚花膠又薄三鮮炒拉麵拉麵very 彈牙my favourite:煎鍋貼very 足料

太古城間北京樓裝修得好高檔，不過餐牌選擇好似比其他北京樓相宜。美心太多人等於是入左北京樓食晏，唔想咁豐富所以叫D野睇落家常D。少量廣東點心叫左燒賣，食落唔錯，大粒足料少粉，係咪隔離美心拎過黎? 和菜戴帽只係醬油炒粉絲加一塊煎蛋餅，但蛋餅好香煎蛋味，粉絲夠味得黎唔會太鹹太油，用餅皮包住食味道剛剛好，毋須加燒鴨醬青瓜京蔥啦!仲有個魚塊醬汁味道都唔錯，魚肉亦嫩滑。原來去北京樓，唔一定要食填鴨的。

其實想寫很久了，因每逢佳節都習慣到這裏吃晚飯，但一次比一次失望，田鴨已經再沒有以前的師傅出樓面切，全部係沒大經驗的樓面侍應去切，已經心寒因以前可以好仔細的皮還皮，肉還肉，雖現在都可以咁order,但永不再做到以前的效果了，鴨皮亦不脆，鴨肉亦不熱不嫩，只可說包鴨的皮還可醉雞味道可以，叫了一個北京炒拉麵，等了得久唯有追問侍應，但又問極沒多人理會，因實在太少人手，經理級的又不太理會客人，所以等了一會才有人follow,過約10分鐘終於出來了，心急馬上起筷，吃下去心諗*係咪我味蕾有問題定之前食左宮爆蝦太濃味而食唔出味道？*跟住屋企人。都望住我已心知不妙，大家都話冇味，但炒出嚟又好有色好似好夠味咁，點知會咁差，~係比之前差好多好多~同經理講都係hea答你~哦…咁幫你換左佢lor,唉…其實唔係換嘅問題，而係嚟食左咁耐希望有北京樓嘅水準，服務態度ok，但真係無論餸菜或服務都好差，最後一提就係個廁所比一般茶餐廳更污漕，滿地廁紙同洗手盆附近一樣滿了用過的廁紙，終於我決定任何佳節都唔會再去這樣不低消費但質數及衛生咁低質數的北京樓進饍了

收工想食得舒服D，選咗呢度坐一坐。點了四季鮮魚羹，這本應是3-4人份量，所以2人食十分足夠，彼多的魚肉稍淋，但配合著打碎的雜菜一齊食，菜香味很濃，羹本身入口清新，不錯！水煮牛肉，牛肉用過量梳打粉淹過了，入口夠滑夠新鮮，辣味十足，而且香味濃郁！

一星期前訂枱，訂了第二輪時8：30pm，8pm到已可入座😄冬節有套餐供應，亦可散叫。套餐比平時貴約30%而湯就upgrade做魚翅，不太過份，但最後還是散叫。南瓜海鮮羹：餐牌上指三至四位用，最後我們一行六人每人都有一碗滿滿的。南瓜味不太特出，但海鮮豐富，值得一試大魚頭湯：因原本以為南瓜海鮮羹唔足夠六位，所以要多個湯，最後一行六人每人又都有一碗滿滿的，而且還有多兩碗。有魚味但亦有少許魚腥味，湯內還有粉皮，吃完已經半飽麻香雞：屬前菜，所以份量較少。少少辣，香味不足，雞味亦一般片皮鴨：鴨片一大碟，鴨肉不太肥又有肉味，只有少少羶味，而且還是暖暖的。配上傳統麵粉皮及配料，真的很好吃松子魚：新鮮熱辣上枱，這條魚頗多肉吃，外脆內嫩，醬汁甜酸度適中但個人覺得太稠，但已很不錯。XO醬大蝦腸粉煲：XO醬很香，蝦份量頗多，腸粉盡吸收XO醬味，非常惹味生煎包：不夠熱，餡料有少量肉汁，包底香脆，味道一般以這個價錢（尤其做節）有這樣的環境及食物，很滿意呢

為慶祝摯友生日，是晚和壽星女到太古城北京樓晚飯。甫坐下酒樓會奉上青瓜豆干花生小吃，整個美心集團均一樣，前菜帶點辛辣香口，味道不錯。選定到此酒樓晚膳前已決定要點宮爆蝦球及拔絲香蕉，再叫朋友多點兩個小菜，最後點了我倆都愛既菠蘿咕嚕肉及三色椒炒薯仔。先上嚟既係宮爆蝦球，這個是我愛到北京樓或北京人家既菜式，好香呀！蝦很大隻，此菜式集色﹑香﹑味於一身，咬下去，外皮香脆，蝦肉彈牙爽口，味道甜酸中帶少辣，係一道開胃菜，唯獨是其質素比以前下降了，炸粉偏厚，好快唔脆。跟住上既係菠蘿咕嚕肉，這道菜除左正常既青紅椒及菠蘿作配料外，還以蛋加麵粉/粉漿造巢上碟，整體很對味，但是咕嚕肉唔夠香脆，好快腍，個金巢都唔好味。由於前後兩個小菜都酸甜開胃，很好送飯，我都點了個白飯同吃。最後上既小菜係三色椒炒薯仔，我地係薯控，所以即使知道又係青紅椒都照點。又係有個巢同上，賣相其實唔錯，薯仔先炸到啲邊挺身，再調味同其他配料同炒，好香口，唔會好似炆薯仔咁腍哂冇咬口，做法跟我媽的很似，好好味！由於點了白飯，所以好快吃飽，為了留肚吃拔絲香蕉，唯有將吃剩既咕嚕肉同薯仔打包。這裡既拔蕉係侍應即場拔，而一般酒樓都會用冰水浸的，這裡(美心集

前菜是涼拌青瓜, 青瓜爽脆好食, 很開胃.北京填鴨很好食, 好味道. 皮薄甘甜肉肥美美味. 配上大蔥薄餅醬汁, 完美.薑蔥炒牛肉, 非常有火候, 蔥吸收了牛肉汁好爽好美味, 牛肉鮮嫩軟滑.蠔油帶子炆西蘭花, 帶子鮮甜有咬勁, 很入味, 西蘭花也吸收了帶子汁變得爽脆好味.水晶肴肉, 涼涼的水晶部分甘甜, 肉的部分有咬勁, 不錯魚肚粟米羹, 濃稠而且很香, 煮得很入味, 不錯.小籠包, 多汁皮薄, 不錯.服務不錯, 不過等候時間超級誇張, 大概係本人呢世等最耐的一餐.

上次我地叫d點心好唔掂, 今次改叫幾款冷盤(已經唔記得有咩), 好好多!另外北京填鴨保持水準! 最中意佢塊餅皮, 煙煙un un又暖暖地個松子魚大部分係炸粉, 無咩魚肉, 差! 有個炒蝦仁, 蝦無咩鮮味, 惟獨是唔咸, 好一般

中秋佳節將至, 是夜邀約幾位同事慶祝一番...數天前才訂位, 還擔心到處也Fully Booked, 但出奇地... 有位!!! 還不需要分時段(6-8; 8-10)進食, 真的嗎?!!坦白說, 北京樓的門面著實一點也不失禮...店內裝潢亦瑰麗堂煌...不錯的前菜... 青瓜爽脆, 清甜多汁... 豆干彈牙... 研究了一會, 決定吃4人餐 (原價$1420, 優惠價$830)... 因為懶惰不想用腦...燕山涼拌海蜇拼揚幫水晶肴肉 -- 水晶肴肉有鹹香, 但肉過硬, 吃了1件, 我的胃也實了...翡翠明蝦球 -- 蝦球爽脆彈牙, 惜沒有鮮味, 西蘭花新鮮, 很難出問題...紅煨雞絲翅 -- 曾在外國生活多年的同事很大反應, 我們即時解釋不可能真的給你魚翅, 應該是粉絲來的... 他無奈吃下... 嘿, 對不起了, 我吃罷後相信應該也有數絲魚翅在內吧... 味道與飲宴上吃到的一樣, 不難吃, 但不可以用美味用形容...烤北京填鴨 -- 片皮前先奉上讓你看一個全相, 然後拿到放在一旁的工作枱片皮...服務員端第1碟上枱的時間, 我已經覺得很足本, 能切到那麼多肉... 萬萬想不到, 之後

以前到過呢間北京樓食晏，覺得蔥油餅幾好食，所以再來試。但今次水準實在太差！首先，開茶時叫個阿姐寫埋蔥油餅，冧住快啲有得食啦，點知其它嘢嚟哂，個蔥油餅都未嚟；冧住叫人查吓，門面啲人又懶，成日掛住傾計！好啦，終於有個高瘦四眼部長睇到，叫佢查吓，佢話蔥油餅要時間炸，因為佢哋係即整即炸喎.....如果係咁，我等咗半個鐘，個蔥油餅嘅耐炸程度都幾高喎，咁都無變黑碳！好啦，終於等到有得食啦；點知一咬落去，除了成口都係麵粉同油之外，蔥係極少，同上次食嘅味道係兩回事！極失望！另外，今次試咗個咩【北京炒拉麵】，個menu寫住homemade，以為啲麵好食啲啦，點知啲麵又林又無味，啲肉絲又係無味，碟底啲油就多到可以炒多碟油菜，不如叫生油炒拉麵算啦！差！差！差！至於個春卷，又係油到張碟上面嘅白色紙滴晒油。最後，我已經唔想再試那個咩【毛豆白頁】，費事食咗成碗油落肚都唔知。以後都唔會再黎呢間嘢食飯！

唔知係米做遊客生意多，服務態度好差。d碗碟唔會幫你換，叫左飯可以唔俾碗，收左你隻碟，到食片皮鴨又唔會俾番你。問佢攞個menu，佢話要「抄」俾你。好似阻住佢咁。食物方面，完全唔得。唔算特別貴，大概$90一碟肉，$2XX一碟蝦(5 件)...加隻片皮鴨$400..埋單7 個人$1500 (午餐)除左片皮鴨其他完全唔得，唔知係米習慣唔同，北京粉底係米好厚ge lei隻鴨食哂先黎，佢片鴨方式又同我預期有d出入，係俾好多肉你，皮就好少。隻鴨剩成一半肉，你唔問佢佢係唔會俾番你，平時都一鴨兩味，成$400都唔係平。每人分得三四片左右。如果你係遊客又未去 過北京，或者粗粗地都可一試，如果唔係，或者中環個間會好d ge...