北京樓 (太古城中心)

营业中

休息中

如題，北京菜的一夜這夜到太古城提早一日慶祝父親節，本著比散叫抵既心態揀左佢既十二人份量父親節套餐星期六個場都幾爆好彩有book位前菜 個碟上菜前可唔可以唔好有水漬北京宮爆蝦球原本以為成浸紅油浸住又咁多紅椒。會好辣好彩都唔辣甚至唔可以形容有辣味，反而甜甜地，粒粒蝦都好大粒又彈南瓜海皇燕窩羹個南瓜羹有啲稀，不過匙羹撈起都有一pat pat的燕窩烤北京填鴨隻鴨片皮前有原隻比我地望望先。個簿餅皮上既時候仲係熱辣辣又唔會一拎起好易穿個鴨肥瘦均勻唔會太油膩，配上甜醬好正。唯一配料青瓜同京蔥略嫌少。清蒸雙老虎班細魚夠滑唔鞋花膠扒津白菜膽花膠食完個咀癡立立之後上果啲都好普通，無乜特色此12人套餐不包括飲品，叫左紅白house wine各一杯加藍妹一枝 total $46xx。9個人食都係剛剛好，12個食應該唔夠飽

很久沒有來北京樓。今次一去，超級失望。我星期五去。 訂位時限咗只可以訂6點同8點， 一點也不方便。叫人加水，叫幾次都加唔到。人手極度唔足夠。我滿懷期待咁叫咗隻片皮鴨。個侍應愁眉苦臉咁切隻鴨， 我睇見就冇曬胃口。隻鴨好多肉，但啲皮一啲都唔脆，仲有啲韌， 真係非常之失望。。。最後個甜品仲要我等成半個鐘先上。好明顯廚房同樓面都唔夠人手。 我明白星期五會多啲人。 但作為美心集團其中一間比較high-end的酒樓，佢哋應該要有所準備。侍應之間仲要呼呼喝喝， 一啲都唔專業。。。

要數食北京菜，一定會揀北京樓。是夜一家聚首一堂喜氣洋洋地食團年飯。繼片皮鴨是招牌菜外，這個蛋蝦球煮得非常出色，無論煮法丶味道丶材料都好有講究，不是普普通通的廚師做到。我深信廚師必定是位份量十足的人。蝦球數量少，不過就好大件。這個用生菜包的都幾好食，d肉有少少spicy , 不過連埋生菜食就唔多覺。整體食物有質數，只是每碟份量少了一點。

去到北京樓一定會見到差吾多每一枱都會叫片皮鴨，當你叫左片皮鴨後，你會見到有個店員推住燒到好靚既鴨出黎，即場切開一片片，店員好快手就切好放係枱上。當片皮鴨放入口個下入口即溶，而且仲好香口，好好食! 而其他菜式都吾錯，特別要試鮮蝦豆腐，豆腐好滑！唯一美中不足既地方係份量略少，如果多人一枱，需要叫多幾碟先得，但店員整體服務一流! 如果想食好好味既片皮鴨，北京樓會係其中一個好選擇😍

本身中意食京菜，係太古見到呢間吾算貴，但要book。叫左好多不同點心同餸，十分有質素，點心吾多講，個糖醬魚真係一試難忘，魚炸得剛剛好，有型有勢又好味，點埋甜醬好夾。主角是北京竹填鴨，真係好好味呢鴨夠肥、有鴨香，肉不鞋，配埋個qq面粉皮、爽脆青瓜同埋甜醬真係好滿足隻鴨仲係即叫即切片，一定夠新鮮啦！

同事last day，team一起食 farewell lunch，因為有人食素所以揀咗太古北京樓。舊鋪樓下都有間北京樓，但從來冇機會去試，所以作為北京人，好期待今次可以食家鄉菜。但結果真係好失望。D點心雖然ok，但就冇一樣送係真正既北京味。尤其烤鴨更加差。餅皮，鴨肉，醬，蔥絲，全部錯晒！水土唔同所以味道會有分別是正常，但佢哋呢個真係睇得出完全冇誠意。除咗個名有北京”兩字之外同北京鴨再無關係。食咗一啖就算了，唔會再來。

happy friday，同同事一齊，竟然揀左食中菜！4個人，叫左6樣野最欣賞係個開胃前菜，除左花生仲有青瓜豆腐青瓜好味! 不知幾想叫佢再REFILL 哈哈哈每次黎都必叫紅米飯 (懶係健康咁)但真係好味，飯唔硬，而且有味道！椒盬豆腐GOOD!!!!香口野個個都喜歡每次都會叫既蘿蔔絲角也不錯！紅油抄手，皮有D太厚，但汁的味道非常開胃

不會再試小龍包凍的紅油炒手皮硬香蔥麻油雞唔香無味最期待既片皮鴨 無味唔香醬汁差 皮乾 凍 硬不會再試第一次一間餐廳差到寫食評食品無賣相可言咕嚕肉 只有皮無肉唯一一個鮮魚羹係熱同可以接受其如沒有一樣是熱的

入去坐低叫個服務員攞張BB椅，哦完之後冇咗回事，唯有叫個經理攞，開茶叫壼壽眉嚟咗鉄觀音，叫個伙記換哦完幾個字都冇下聞，唯有又叫個經理更換。點隻北京填鴨350大元差過彩雲邨酒樓啲片皮鴨，嗰碟古咾肉炸粉厚、淋晒、肉冇鮮味，同華人會順德公水平差九條街。評論四個字 "不知所謂"，下次唔會再幫襯。

我打電話定位置，我語氣都是客氣的，但是電話裏頭那位女士就特別不耐煩，定完位置，她重複了一遍說：是這裡太古城北京樓，我說我明白，結果我來到居然沒幫我定位置，他們還問我，是不是定錯地方了，我給他們看我打的電話28844131，然後才讓我進來，不過進來後其他服務還不錯。

腦細要見客，結果又係食北京樓，一個星期食兩次，好彩叫既野唔同，好彩無再叫片皮鴨，如果唔係應該好似膽固醇and脂肪過高。超級健康又好味既涼拌茄子，入口軟軟，仲好juicy，一個人可以食哂成碟。糖醋魚，個人覺得炸得太硬，有幾件都只係得粉，加上個汁又太酸，唔係特別好味。麻醬香味非常重的粉皮，都係冷盤，食完會有少少滯，唔似得茄子咁fresh。外皮超級薄，入口爆汁好juicy，鹹度適中好味道，全餐總共叫左3籠。最後怕唔夠飽，叫多個炒飯，粒粒分明又飽滿既飯粒，食落唔覺得油膩，而且乾濕度適中，好耐無食過有呢種質素既炒飯。

因為係星期日又1次繁忙時間食飯服務真係要讚一下雖然客人好多又繁忙但係服務都算冇乜甩漏其實 可能係因為要疏通人流所以只係畀兩段時間你book一個係六點一個係八點唔知係咪咁樣而令到佢哋唔係好好意思所以叫親佢攞嘢都係笑笑口或者對唔住呀我即刻幫你攞其實全部嘢基本上都幾好食個酸辣大蝦有麻辣味但係我覺得多粉咗啲其實我好奇怪點解佢會有蒸魚食有啲似廣東同北京mixed燕窩湯羹燕窩只有少少我覺得個芡可能太過杰反而過片皮鴨真係幾好食肥肉好少個皮好脆

離開了工作3年的公司，到新公司發展，萬分不捨。可是為了前途，終歸要向前看。來到新工作環境，任務之一是先熟悉飲食地點和食肆。捨遠取近，先從離公司最接近的餐廳吃起。北京樓似乎是集團式經營，格局像高級酒樓，單是前菜便索價25元，茶錢則每位13元，位處太古心臟地帶，一如預期價錢不會是一般餐廳價位。看到前菜那一刻還是欣喜的，因為不是酸薑蔥頭，而是我喜愛的豆腐乾和青瓜，而且大大碟媲美一道前菜。跟友人商議後要了一碟鍋貼和炒年糕。鍋貼皮較厚，水準普通。吃兩塊已很飽肚。想不到炒年糕份量十分多，可惜配料太少，只有一點肉絲，吃起來口感層次都單調。友人亦點了椒鹽豆腐粒，幸好我也喜愛香口小吃。而且吃了那麼多澱粉質，這道小吃就較易入口又不會飽肚。皮薄內軟滑，粒粒金黃，是整晚來說較令人滿意的菜式。整體感覺味道不夠地道，很港式，所以不算滿意。

明天父親節，女兒女婿帶我們两老和妹妹到太古城北京楼晚飯。片皮鴨令人失望，太肥腻，我看着女侍從膠袋倒出伴食餅皮放在碟子就上桌，又乾又硬，食店对於處理此菜式完全欠缺誠意，餅皮應蒸軟熱才上桌供食客享用。利用咸菜炒鸭崧味道太咸，差强人意。風沙雞皮脆肉嫩，值得一赞。 水煮魚夠辣，粉皮入味，女兒嗌着要再来一碟。炒蝦仁很爽口。 蜜汁火腿很美味，伴食餅皮用蒸籠蒸熱上桌，甜蜜可口。可惜食店因節日不供應拔絲香蕉，令顧客失望。 楊枝雪糕甘露也可一試，味道不錯。

farewell boss, 所以來呢度食餐好GE, 我們叫左12人套餐~北京田鴨: D 鴨肉瘦係好, 但好乾, 亦好似無調味咁.... 包皮太厚, 食完好飽...海折: 好爽, 好味沙窩雲吞雞: 個湯唔咸, 偏淡, 係油左少少, 雲吞大大隻, 味道正常, OK LA炸魚: 最初以為好油, 但食落唔油, 佢個豉油係甜甜地的, 一D 都唔咸, 個魚好脆, 擺耐左都仲係脆, 同同事一致認為係全餐最好食的菜合桃露: 比較「水」, 唔太甜, OK LA仲有好幾道菜, 不過唔係樣樣岩食,所以無試BTW, 上菜好慢...