勝利牛丸

营业中

休息中

來元朗唔可以錯過既勝利牛丸，淨丸$40，單點實較貴。這裏凍檸茶都唔錯，冰剛剛，唔會太凍。勝利牛丸是元朗的老店,牛丸新鮮多肉汁，又彈牙。不過價錢稍貴， 餐廳主要提供牛丸、牛腩和牛筋3款食物，無論是單拼、雙拼或是三拼粉麵，一律HK$36，淨丸$40加埋秘製辣椒油，一支可樂，超級滿足

雖然裝到好滿，但個碗唔算大，所以都可以算係輕食，半根半腩入哂味，湯底顏色黑到有D似豉油咁既色,就咁飲略為有D 咸，但因為食米粉就唔多覺唔怪得知你可以賣牛丸賣到出左名拉，你真係好彈牙，咬落去個刻係有爆開既感覺，勁，買你反去BBQ一定超正喺茶記飲到依隻玻璃樽既朱古力，特別會勾起D兒時回憶（唔知有冇人有同感？）飲哂一支仲要覺得唔夠喉，明明circle k 仲有得賣咁方便，偏偏又唔會走去買黎飲，到喺茶記飲到又覺得佢特別好飲

每次去開元朗附近買🌴園藝用品前都會例牌過一過黎食碗牛丸河一碗有六粒大大粒牛丸 爽口彈牙不在話下配埋冬菜同潮式辣油 認真想加碼叫多碗淨牛丸因為食飽唒先有氣有力拎花泥😂

勝利牛丸，牛丸如其名，第一次吃就贏得了我的胃。元朗雖然距離市中心有點距離，坐車車費也很貴，但是這裡物價比市中心便宜！牛丸牛筋牛腩，真材實料，才40塊！（可是卡路里很高，罪過罪過，要好好鍛煉身體了）。這裡還有生的牛丸賣，看買的人也不少，第一次來的我，也買了一些回家吃，哈哈。

啱啱經過諗住買外賣，期望佢嘅牛丸係有牛味，之後就叫咗一個牛丸牛腩河粉，好客觀咁講佢嘅服務係幾好有禮貌，之後到我開嚟食嘅時候河粉唔錯唔係話太散，牛丸其實真係好普通食唔出有啲咩特別嘅牛尾牛牛香，湯底好淡冇乜牛骨味，牛腩太鹹真係得個鹹，牛腩都好老，唔夠淋，真心都幾失望

聽聞入元朗一定要試"勝利牛丸"，今日真係要試下。一坐低就見餐桌上冇餐牌，左望右望先見原來所餐牌貼在牆上，亞姐見我睇得咁辛苦就拎左張俾我睇，一看粉麵類只有牛腩，牛筋，牛丸揀，可單併，雙併或三併，梗係叫三併啦!$40一碗三併河粉，但冇預期咁大碗。上面的冬菜超咸，可以見到粒粒鹽花，牛腩入味，牛筋好林，都有3件，牛丸彈牙不過冇牛肉味，當我影完相就發現d湯已俾河粉吸引左一半了，要同時間競賽先可以食得哂🤣🤣

我諗呢間老字號專食牛腩同牛丸既鋪頭應該冇人識其實我返學時期都已經成日食佢架喇😍😍，勝利牛丸同牛腩係最出名，佢地做既係五香牛腩，好淋好入味，牛丸好有牛味仲好彈牙添，每次我都會再加多玻璃樽氣水，其實呢到都有其他選擇既。。但大多數人都會叫呢兩款🤩

今天過嚟元朗工作， 都有好年多未食過勝利牛丸， 特意前來再會一會， 之前聽人說退步甚多， 『親自一試，以正視聽。』下午茶時段人數不算多不想食粉麵叫了個《淨三併》 牛筋、牛腩、牛丸個湯咸到令人難以置信，顏色黑到好似食豬腳薑一樣， 一問之下原來加咗沙嗲汁🥺想點呀！ 牛腩柴皮，牛筋炆得算冧及夠大件，但完全冇漿口煙韌感，味道都係超鹹，牛丸真係算唔錯（唔知係咪因為同牛腩對比太大），始終係招牌菜，可能勝利就要靠牛丸。《勝利西多士》 芝士火腿花生醬三夾底是但一間茶餐廳都好過，下次一定唔會再食。《紅豆冰》咁都會中伏， 紅豆唔香冇味仲有少少硬，啲奶係咪唔使錢㗎！開業快四十年，如果再係咁食老本，應該都食唔到幾耐，索性專心淨係賣牛丸算吧！不過賣牛丸個價錢都唔平😔食物賣相＝(滿分20) 10食物味道＝(滿分20) 10服務質素＝(滿分20) 14裝修整潔＝(滿分20) 15性價比率＝(滿分10) 3回頭指數＝(滿分10) 5總評分（滿分100）57分

乜鬼嘢都貴，食碗牛丸米粉成為40大元，真係好貴喎，本來想叫多一碟菜🤦‍♀️，最終都唔叫啦食咗碗米線先至算。其實碗米粉賣相非常唔掂，只係得幾粒冬菜+六粒細細的牛丸。一粒鐘都冇😔。食落口牛丸又真係彈牙😱喎，牛丸味又真係好鮮甜😂，米粉都好爽😆。整體碗牛丸米粉，🤣🤣又真係味道非常好。唔怪知道屹立元朗咁多年，🤔係有道理嘅。

細細個已食勝利牛丸嘅「牛丸米」彈牙有質素嘅牛丸來去匆匆嘅搭枱人群由舖尾嗌去門口麵檔嘅大大聲阿姐全都是童年回憶長大了心血來潮都會想起勝利牛丸卻第一次想吃牛腩嗌了個「丸腩米」都有不少牛筋原來很膠很好吃！吃完飽飽的～

茶包要介紹第三間元朗老牌粉麵店— — 勝利牛丸。勝利牛丸最鼎盛的時期，有三間分店。紅色小巴站附近兩間，一間近元朗市中心，水車館街附近。又是一間茶包由細食到大既店舖。其實呢碗野真係落左好多味精，又真係好好食，牛丸又多汁，又彈牙，最緊要湯頭好清，只係用烚牛丸既水做湯頭，已經好好好食！

今天和同事去元朗工作，同事話要食勝利牛丸，聽閒就好耐，但一直都未有機會試，今日經過就可以試吓佢，佢叫得勝利牛丸當然要試牛，所以一坐低叫浄牛丸及牛筋牛腩麵（麵是油麵）。1.牛筋牛腩麵⭐️⭐️⭐️⭐️湯味濃郁重腩汁，牛腩超入味，牛筋好淋好滑，油麵一般。2.淨牛丸⭐️⭐️⭐️招牌牛丸，爽口彈牙，份量都多一碗有九粒。值得再試，味道好及價錢正常都係一個好選擇。所以如果經開元朗一定要再食回味指數⭐️⭐️⭐️⭐️

勝利牛丸都有好一 段日子無食過啦~~~~ 以前就一星期總會有一兩次食。而家兩三個月先一次啦~~原因呢~~~自身環境轉變啦~ 價錢既轉變啦~~~ 胃口既轉變啦~~ 都帶啲影響。價錢上都唔單止勝利牛丸，基本樣樣都只係越來越貴。但份量仍然一樣，依個都係少咗去既原因。坐位枱與枱之間比較近，所以都唔會坐得特別舒服。食物依舊腩汁濃厚，油麪掛湯，味道更回味~~全店只有牛腩，牛筋，牛丸，幾十年如一~ 係鐘意食牛同埋會食牛先好入去，唔係既話你只可以有油菜。仲會有一啲三文治你揀下既~~~哈哈哈

常簡簡單單食個lunch，勝利牛丸絕對係元朗人嘅首選！一坐低，阿姐會比一秒諗下食咩，然後大聲重複一次向廚房落嘩，食物就要喺九秒九內火速送到，超有效率~由於單拼同三拼一樣係$38碗，得一秒時間考慮下就揀咗三拼米，可以一試過食勻牛丸、牛腩，同牛筋，滿足口癮~碗嘅呎吋雖然比一般粉麵舖細，但其實裝到滿一滿，所以份量係同市面相若。牛丸有三粒，味濃又彈牙。筋腩夠淋夠入味，米粉又勁索腩湯，加埋少少冬菜吊下味，真係食過番尋味~

由細個19蚊一碗到e 家38蚊一碗足足貴左一倍 但係水準依舊 雖然而家搬離左元朗 但每次返嚟都要食次次同其他朋友去 佢地都好好奇 點解呢間粉麵舖 只賣牛丸牛筋牛腩 都可以喺元朗屹立不倒咁多年 因為真係有真材實料囉！食粉麵最緊要係個汁 最鍾意係食米粉再撈埋啲汁 再加多啖牛丸爽口彈牙 如果食得辣嘅我更加推介要落埋佢嘅辣油 去元朗嘅朋友一定要試吓勝利牛丸