勝利牛丸

营业中

休息中

勝利牛丸，係元朗開咗好多年，有兩間分店通常都食近千色廣場附近呢一間，佢最好食係牛丸牛筋麵，加色，湯底好濃味，同埋入面嘅西多士都唔錯👍🏻👍🏻服務姨姨態度良好

今日終於食咗勝利牛丸嘅三拼河，分別有牛筋、牛腩、牛丸。去之前有上OpenRice做定功課，見到有人教路，記得叫扣底。咁我就叫咗個三拼河扣底，而我老公就叫咗個三拼油麵冇扣底。兩個麵嚟到，明白到點解要扣底，因為個碗真係好細，唔叫扣底真係會冇晒湯，我見隔籬枱食食吓要另外叫俾多碗湯佢。Ok，都係講返碗麵先。個湯好深色，亦冇其他人講到咁淡，但亦都唔會有驚喜。牛丸有三粒，係滑身嗰隻，好味但唔係我鍾意嘅質地；牛筋好腍，味道不過不失；牛腩係嚡口嗰隻質地，冇乜牛味，牛腩就唔係好推介，大家去可以淨係嗌牛筋牛丸就可以。不過食三拼，其實只有一兩舊牛腩。如果去開元朗可以一試，特登入去食就唔需要啦

細細個就已經住喺元朗，記得以前逢星期日都會同爸爸媽媽嚟食勝利牛丸。勝利牛丸嘅牛筋係令我愛上食牛筋嘅地方，腩汁煮到好入味，而且牛筋好似啫喱咁樣，煮到好軟，入曬味。世紀難題係每次去到都唔知食河粉定係米粉好。好多人話勝利牛丸比以前差咗好多，但我自己就唔覺得，反而係久唔久就要食一次嘅Comfort food。唯一唔同嘅係以前就咁買普通腩汁就已經會做到黏住個嘴嘅感覺，不過而家就要嗌多色或者從食先至會有呢個感覺。衷心希望佢一世都唔好執笠！

突然心血來潮，好想食港式粉麵行過元朗醒起勝利牛丸好似都幾出名，於是就黎試吓😊星期六大概三點嚟食，唔使等位入到餐廳其實見好多人都係嗌三拼粉面，包括有牛丸牛腩同埋牛筋我同朋友各自嗌咗個三拼河粉加色 一定要加辣油😌嚟到嘅時候個碗唔係好大，不過裝到好滿牛丸普通 又唔係好大粒牛腩冇乜牛味不過都冧嘅 牛筋個人嚟講覺得最好食好林同埋會將住個口個湯底都算濃一碗三拼粉麵都係$45 都幾抵食 總括嚟講行經元朗都值得一試嘅😇😇

因事入元朗, 上網找元朗好食食店, 這是彈出的其中一間, 盡管評論好壞參半, 即管一試.叫了牛丸牛筋麵；牛丸還可以, ok彈牛筋太咸, 食了一半便不吃了麵也一點都不好食價錢也偏貴結論:應該沒有下次

［📍元朗｜勝利牛丸］由細聽佢個名聽到大 今次終於有機會試下平日去到 人流都非常多 果然係老字號餐牌非常簡單清晰 牛丸 牛腩 牛筋 再揀粉麵今次試左佢地既牛丸牛筋米粉牛筋非常入味又夠淋 牛丸爽口結實有牛肉味湯底好夠味 加埋鹹菜 更加惹味

黎左元朗咁多次，點都要試呢間地道小店，叫左三併河粉$45，有牛丸、牛腩、牛筋，岩晒我呢啲選擇困難症嘅人，牛丸自家製好juicy有口感，牛筋炆得好腍好滑，好入味，牛腩有啲硬唔夠腍，湯底係腩汁，河粉吸晒腩汁好好味！

這家店從前是我在元朗必吃的店。今日再訪，裝修依舊，但服務真的不太行。坐下點餐，－是漏單，二是錯單，十分混亂。牛丸、牛腩牛筋或麵劃一$45。丸腩米$45這米粉夠哂色，湯汁滿滿牛腩汁風味，味道濃厚，加上冬菜的鹹香，更加惹味。牛腩夠味，但肉質比較柴和韌，牛丸彈牙但無乜肉味，米粉是正常的水平，吃久了發脹，吃油麵比較好。奶茶有茶味，口感唔香滑，但不太澀口。服務員大聲叫嚷，很嘈吵，又下錯單又漏單，加上食物水平大不如前，有點失望。

入到元朗食咩？朋友介紹勝利牛丸😊店舖外觀為本地傳統粉麵店，店內面積大，多張圓枱，十分寬闊，多人時會搭枱。既然店名勝利牛丸，OpenRice 都見好多人大推，所以叫左碗 #牛丸米粉🍲$45有六粒牛丸。本身朋友推介後都OpenRice 睇下大家點講，睇完大家食評都好有興趣食牛丸麵🥹可能期望太高？實際牛丸是比較細粒，且味道較普通，沒有Juicy肉汁及牛肉味🥺。之後留意到有人叫牛筋麵，如果下次嚟到元朗諗唔到食咩考慮會再嚟試😆

勝利牛丸 📍元朗元朗出咗名就最多嘢食嘅地方呢間舖頭最出名就係佢哋嘅牛丸爽口 彈牙 又夠結實👍🏻👍🏻簡直係冇得彈🥰佢哋嘅牛丸係自家製嘅可選擇牛丸 牛筋 牛腩粉麵方便可以選河粉米粉或者油麵三併同價✨可以一次過滿足你三個願望😍另外亦有唔同嘅多士可以選擇😜傳統嘅粉麵檔又點少得一啲嘅特色飲品呢梗係仲有菠蘿冰 雜果冰 同紅豆冰啦🤣元朗一共有兩間舖頭去元朗嘅話實有一間喺左右 🥰平日嘅話晏晝都特別多顧客慕名而來食佢哋嘅牛丸👍🏻

因工作嘅關係再次入到元朗，入到元朗做完嘢之後肚餓嘅時候就突然間諗起去食牛腩麵，上網搵到一間叫勝利牛丸嘅餐廳於是我懷着戰戰兢兢嘅心情行咗入去，佢竟然全間餐廳都係食牛嘅，於是我叫咗個牛腩米粉試吓，碗米粉一上到枱就已經有一浸好香好香嘅牛腩味，當我第一啖試過米粉之後再飲咗一啖湯，就覺得呢間食牛腩嘅餐廳不得資料，佢個湯龍得來唔油膩，牛腩嘅份量亦相當之多，亦都炆得好琳，最後我成碗牛腩米粉年所有湯底都俾我清晒，走嘅時候仲叫多兩碗外賣

今日難得入元朗，就緊係要食番細細個就食既傳統粉麵店🤩呢間餐廳近住大馬路同輕鐵站，無論搭巴士或者輕鐵去都好方便🥰而門面望落已經係好懷舊，大家值得去支持下👍🏻🍜1️⃣三併河粉（牛筋、牛腩、牛丸）($42)餐廳無論係三併或者係淨牛丸粉麵都係同價錢🤣黎到決定要試晒三樣，滿晒我三個願望😍首先個湯底係好濃郁既牛腩汁 啲河粉沾晒湯底真係好濃味😋然後佢既牛筋好軟林林，食到滿滿既骨膠原😍然後牛腩都炆得好入味，唯獨係稍為韌左少少，但都好好味😋🍜2️⃣淨牛丸河粉（$42）呢碗湯底就唔係牛腩汁，係清湯底🤣不過佢同樣都附送左少少鹹菜乾係面頭，食落都好夠味😋而值得推介既真係佢地既牛丸！真係好彈牙😍而且食得出好濃既牛味，同埋咬落真係會有牛汁咇出黎！好足料👍🏻🧋3️⃣紅豆凍咖啡（$30）呢杯飲品望到都夠晒懷舊🤤我地叫左少甜，所以更加飲得出咖啡既濃稠😍而且佢地真係好足料，落左好多紅豆😋好好味👍🏻

睇完媒體介紹，特登同女友嚟試下。女友食過好多次，介紹我食丸根河扣底，扣底唔會令麵底死實實，仲索到更多湯。牛丸係招牌菜當然好食，咬講去彈牙得好自然，好爽脆，牛肉味好鮮甜，唔係火窩店嗰啲可以比。牛筋好有咬口，好彈牙，好重膠質。食完準備離開時，發現好多人叫“勝利西多士”，好奇之下望下餐牌。材料有火腿，芝士，三夾底。三夾底呢個名詞引起咗我注意。唔好執輸，我地都叫返份試下。到手發現原來係三層，夾咗芝士同火腿，炸到面好香脆。因為厚咗，咬落更有滿足感，因為有芝士火腿，配埋糖漿咸甜適中，好好味。

每次經過元朗，必定會去勝利牛丸，由細食到大，基本上係元朗人嘅集體回憶。元朗目前有兩間勝利牛丸，地點方便，方便街坊得閒就嚟食。總覺得很多老字號的味道都冇以前咁好，勝利牛丸都一樣，牛腩湯冇以前咁濃味，牛腩冇以前咁嫩....雖然係咁，食集體回憶，已經足夠。每次必點丸腩麵。牛丸彈牙爽口，牛腩有口感，但每次食完牛腩都癡牙。食勝利牛丸一定要食油麵，油麵索咗牛腩湯的味道，好好味。最後點埋一支汽水，例如忌廉、可樂，就最爽！

今日放假入元朗、試吓間人哋話必試的勝利牛丸。我之前完全未試過。也對這店的一一切毫不知情。點知食咗之後覺得完全中伏。故此給大家知道、還愛吃的各位一個公道。叫咗碗三併牛丸牛筋腩河。碗河放在枱上、賣相完全唔得。碗麵細到想像唔到不在話下、湯底差無味、黑色像墨水。牛筋腩給的份量少得可憐、筋斗筋尾更不該、應該掉的部位仍煮出來、另人作嘔🤮牛腩只係一千零一舊仔、且鞋什什。毫無味道。再將最後希望記託在三粒超細牛丸。牛丸無牛味。口趙落無口感！河粉用的有少許似金邊粉咁幼。那些菜普趙落有沙、仲大粒過金魚街個啲沙…這次叫的三併河。完全叫人失望、完全唔掂😩？這次的「勝利」經驗、簡直另人發惡夢！想起就想吐🤮…遺憾的是我忘記咗拍幅照片給大家看看、以作參考。我唔會再幫親佢….!老字號品牌、不代表有保証。朋友小心中伏………！（不平則鳴上）