勝利牛丸

营业中

休息中

勝利牛丸這名字為元朗的居民所熟悉，而我有十多年沒光顧，如果不是媽媽最戒豬吃牛，又懶於行去其他牛丸牛肉粉麵店，我應該都不會自己一人來吃這，始終元朗食店何其多。一次想吃畢全部配料當然是選三拼吧，三拼有牛筋，牛丸及牛腩，至於麵方面我很久沒吃過米粉，便點了米粉。勝利牛丸最有特色的是粉麵都撒上冬菜，現在很少粉麵店會這樣做，最多都是以蔥花提味。湯底雖雖深啡色，不過味道不夠濃郁，不太喝到牛肉味。牛丸頗有彈性，吃得出真的用牛肉打製而成，真材實料，味帶牛香。牛腩方面真的失望透了，肉質過於軟爛，零零碎碎的，就像鹹牛肉般的口感，完全不像吃牛腩，當然沒有牛味道可言。牛筋嚼起來軟彈適中，且含豐富的膠質，嘴巴都被骨膠原黏得滿滿的，三款配料中我意外地覺得牛筋最好吃。

元朗勝利牛丸，已經做到出晒名。今日去郊外摘士多啤梨，順便就去食一間牛丸麵。星期六下午，已經客似雲來。入到去搵個角落頭坐低。叫咗一碗牛丸米、一碗三寶油面。三寶面，有勝利牛丸、牛根、牛腩。碗仔唔係好大，不過非常工整。總括來說牛丸非常特別，唔會太大粒但係非常彈牙可口，牛丸鮮味，而且味道比一般餐廳牛丸要特別。因此牛丸來說，我會比滿分。牛筋牛腩，反而就唔係話特別好。可能同我食開嘅好唔同。牛腩唔會話特別爽口，有味道。牛筋亦都唔係特別彈牙啊。30幾蚊一碗麵，唔算太貴，不過以麵嘅質素、同埋湯底來說，唔會算好抵。不過值得一提，辣椒油，應該係自家製。唔會話好油，落足料，非常野性，辣得啱啱好。另外飲品叫咗杯冰底檸檬可樂。可樂係用玻璃支裝，所以特別好味。

來到元朗，當然要試下“勝利”牛丸有幾好味。叫左碗牛筋牛丸雙拼河試試，牛丸爽口彈牙， 有種冬菜味道（個人意見），但並唔會壓下鮮牛丸的鮮味。牛筋味道一般，河粉條條爽口哦。

今日去到元朗，當然就要去返之前最鐘意食嘅勝利牛丸啦 ，由中學時代一碗真係由去二十幾蚊食到而家34蚊，但份量依舊 ，希望味道都會係一樣啦 。冇幾耐兩碗麵就嚟到，我哋嗌嘅係河粉， 牛丸依然夠彈牙味道係可以保持到水準 。一黎已見牛腩好鞋，而且唔係好入味 ，係比較失望嘅 牛腩。 牛筋 味道都入味，而且都保持 膠質， 呢度都算做唔錯 。河粉食第一口時都見到一絲絲嘅河粉，幾又細，味道唔錯，但係中間至底部，已經見到河粉係一嚿嚿， 有點失望。 所以如果下次就應該寧願去食麵唔會再食河粉，但係以這個價錢同埋個質數已經下降就應該未必會有下次了。

元朗不嬲多好野食，但啲人食既似乎都系日本菜、西餐等等，而呢間牛丸竟然系云云既食店中取得吾錯既口碑，都幾難得，呢間分店擁有多年歷史，而仲有另一間則吾知系新開左幾耐？我都系prefer食多人食啲戈間首先應該講講鮮味牛丸既標準，牛丸要好食其實應該系要牛味夠鮮、爽口彈牙，食完之後牛味會系口入面徘徊就更佳，第1口試牛丸已經覺得冇咩鮮既牛味，連牛丸美味既標準都達吾到，點解仲會咁多人食？跟住就對湯底有啲期望，誰不知飲完真心覺得湯底好鹹完全冇我期望既清甜湯底，真系一次咁大把好喇⋯⋯試完牛丸之後失望都算了，決定比個機會比其他食物，其他各式各樣既三文治、西多士都有齊，款式都幾多，最後揀左認為會穩陣啲既牛治。好鹹，好鹹，好鹹！很重要所以真的要說三遍同牛丸既湯底相比呢個系更加鹹，同我期望既牛治似乎吾一樣，我期望既系熟牛，應該有好香既味、好實在既一舊舊牛肉先岩，而吾系鹹牛/碎牛治，可能碎牛系牛治既特色掛，我吾太清楚，比兩粒星算系咁。

今晚一支公食飯，見好耐無嚟過勝利，就坐低嗌咗碗腩河，一向都鍾意食呢度嘅柱候牛腩，嗰隻花椒八角嘅香味 加埋炆得勁淋嘅牛筋，真係無敵，不過唔知係咪俾隔籬嘉麗園縱壞咗，呢度嘅湯底味道偏淡，講湯底嘉麗園始終稍勝一籌，不過兩樣嘢嚟嘅，呢度嘅牛筋，嘉麗園亦都搵唔到，唯有兩間間住間住食啦。

元朗馳名勝利牛丸，記得細細個食個時係十零蚊一碗，原來今時今日已經加到三十四蚊一碗🙈🙈但係今日好想食所以就入去叫咗碗淨牛丸加杯凍奶茶，成惠五十一大元😱😱牛丸質素無變有牛味亦彈牙，可惜湯低太喊😭奶茶有水準，有茶味要推薦比大家係佢有油麵食，亦可以加冬菜

我見呢間野甘出名所以就走左入元朗食跟住入到去落單時我同個呀姐講話要三拼河“重色”個呀姐話不嬲都“重色”架但我睇食評話要甘叫先會濃味d原全冇想像中甘好食食吾食都擺牛肉好鞋又冇乜味，牛腩好少，牛丸好普通，個湯又冇乜味，我寧願比貴小小食“九X”

平時都係九龍, 好少黎元朗, 真係唔知食乜好突然諗起元朗好出名既牛丸喎. 所以即刻決定黎食只有牛腩, 牛筋, 牛丸三種, 就算三併都係同價, 隨你想點拼但我地重點係食牛丸. 唔想三併後, 分薄左牛丸, 所以叫左一碗牛腩牛丸河, 另一碗牛筋牛丸河, 又唔會得一併咁單調牛丸真係好彈, 又有牛味湯底幾濃味, 牛腩牛筋都好軟稔, 好入味三種配料既比例都合理同朋友一人一碗唔夠飽, 叫多個芝士西多一齊share期望高左, 芝士唔流心, 多士炸得麻麻地, 太淋 後悔叫左芝士西多, 應該叫個勝利西多先啱總之黎係食牛就一定無伏 

山長水遠黎到元朗美食一天遊，聽聞勝利牛丸好正，趕在佢地收工之前黎朝聖一下👅呀姐一睇就知我地係第一次黎既，因為我地都已經食到飽飽地，只係叫左一碗牛丸湯。呀姐唔單只無唔like我地叫得少，仲問我地好唔好食!! 就算係出名都態度咁好，真係值得一讚👍👍👍佢地既用新鮮的牛丸打造出黎既，食落爽口又彈牙，真係好好食❤❤而呢度的凈牛丸湯，湯很清甜，係用腩肉牛骨熬成。牛丸在滾湯中都沒有煮到淋哂，依然好爽脆。絕對推薦!!!!

今天同母親入元朗閒逛，元朗新派餐廳林立，唯長輩獨愛元朗原袓小店。這家牛丸店我在兒時已和她常常光顧，簡直是入元朗必食之選。現在我長大了，和她一嚐搬了鋪的勝利牛丸。新舗和舊舖的陳設一様，餐牌貼在牆上，獨沽一味只賣牛丸，牛筋同牛腩。另有西多，多士同旦牛治等供應。我們點了牛丸牛腩米同牛腩河。牛腩河：（$32）滿満的一碗！有牛筋同牛腩！牛筋非常入味，簡直入口即溶！河粉很滑，索囇湯汁，好好味。牛丸牛腩米：（$32）牛丸十分彈牙，有肉汁，而牛腩炆得十分軟稔，充滿五香味道，而味道也十分濃郁！腩汁米粉十分惹味，唯米粉未夠滑溜。見鄰座的個個都叫加色，下次一定要試試，應該會更惹味。奶茶（$16）：味道香醇，茶味十足，奶亦香滑，美比大排擋奶茶，水準中上。以快餐店價錢吃到中上水準的牛腩牛丸粉麵，實在不錯。今次又可同母親重拾兒時味道，她覺得這新鋪和舊鋪的味道相約，我有空一定會再訪。

如果住新界 細細個應該就聽過勝利牛丸呢個名細個成日都會食 有時會外賣冰鮮既拎返屋企火鍋但佢愈黎愈貴所以少左買返屋企呢日咁岩去到附近 就決定去食下8點去到但唔多人姐姐又有禮貌叫左個丸米 姐姐幫我加左色即係落左牛腩汁 一上菜就覺得好香最好咪係佢d冬菜 加埋米粉好開胃 牛丸又粒粒彈牙 抵讚叫左碟菜 都幾新鮮 又好食每人唔使40蚊又可以食飽飽 大家經過不妨都試下啦

細數一下,上一次光顧勝利牛丸，已經是七，八年前。當日湊巧要入元朗，同行伙伴問元朗有什麼出名餐廳。我便想起了勝利牛丸闊別多年，原來一碗牛丸河已經加至$32一碗。雖然不算貴，但以往元朗給我的感覺，係又平又多好野食。雖然碗比較細，但河粉份量可不少，牛丸有六粒，爽口沒有筯，但味道似乎有點不及當年，有點失望。但辣椒油仍是一個亮點，一小匙已經有足夠的辣同香，喜歡辣的朋友不容錯過👍🏻

相信住元朗嘅人無人唔識啦我同老公隔一段時間就會幫襯下😂😂一嚟價錢唔貴質素都算唔錯而且佢呢度啲河粉都叫做好滑👍🏻👍🏻👍🏻同老公一人叫一碗呢度啲河粉一碗唔會好大所以一個人食冇難度😋😋😋而係我同我老公食勝利牛丸興趣好大分別佢鍾意食牛腩我鍾意食牛筋😂😂😂呢度色三拼面價錢都係一樣就算你叫牛丸河都係一樣。。。所以通常都係叫丸腩河（即係牛丸加牛腩牛筋）啲阿姐唔會用手落單會用口落單大大聲嗌入去廚房叫師傅整。。。所以如果你喺嗰度食你會不停聽到丸腩米食筋 丸腩河走筋 凍檸茶 丸河加色....今日同老公食一個食筋(姐係無牛腩)一個走筋(姐係無牛筋)😂😂😂😂一人一碗 牛丸好爽口呀 無根 正呀個湯底今日比平時淡左d如果食開重口味就落order時同呀姐講''重色''咁就會多d腩汁啦不過我同呀姐講，佢都比左一碗仔汁我倒左落去碗麵即刻唔同哂好有膠質 好香好濃郁記得加埋佢個辣椒油食感覺一流👍🏻👍🏻👍🏻食完飲支汽水成個人都舒服晒

牛筋牛腩麵 $32牛筋腩麵味道濃郁，牛腩好入味，牛筋都好淋滑。可惜油麵有鹼水味，而且麵條有一點點綠色既，咩黎架？牛丸麵 $32叫得勝利牛丸，點可以唔試下佢既招牌自製牛丸。想食清淡啲就可以叫淨牛丸麵，一碗有六粒牛丸，牛丸爽口彈牙。要注意，一碗份量好少，當個下午茶就差唔多。