勝利牛丸

营业中

休息中

牛丸食得多，夠膽用牛丸做招牌就得佢。叫一碗三拼，牛筋、牛腩、牛丸樣樣有呀！仲要份量都唔少，完全對得住個價錢呀！——牛筋夠淋，牛腩無渣，兩樣都入味牛丸真係要重點推介，彈口、有牛味、夠實淨，抵佢用牛丸黎做招牌。——另外個湯底夠濃，但唔會食完好口渴。再配埋玻璃樽可樂，一流呀！

元朗一日遊嘅勝利牛丸站係為真遊客而設，因為我已食過，牛丸的確夠彈牙👍🏻其實蠢左，不停食左一日係應該叫剩餸，因為只想試而唔係為飽肚，再加上碗麵真係好夠份量😂😂😂四個人三碗加一人一杯野飲真係搞唔掂！牛丸米其實expect 係有腩汁，但無，所以好清🤭 牛丸唔使多作介紹，彈牙就一定啦！如果你期望咬落去會爆汁嘅就去旺角通菜街果間，呢度唔爆但好好味，每間各有千秋😘一碗牛腩牛筋河，一碗就跟油麵（其實係家人以為麵係「幼麵」）但其實得三種麵供應，就係油麵，河粉同米粉😂你可能會話少選擇，但請緊記，呢度唔係供應車仔麵🤪 by the way，呢度無牛肚牛雜㗎😂😂牛筋真係好淋好好味🤪🤪

去開元朗，行下唔知食乜好，諗起細個老豆同我食勝利牛丸，因為呢個情義結驅使我廿幾年後又去食勝利牛丸，見到無以前咁多人食，唔知伏唔伏呢？但我食完想話都唔係太值$38一碗！雖然唔係唔好食，又唔係太好食。。。。。牛丸好普通無彈口嘅感覺，加上菜鋪咸到跳制，我覺得水準咁以往咁好食啦！希望主打嘅牛丸可以進步返少少，一碗38元真係唔值。有啲失望😞牛丸應該有多少少汁先好食，但值得一讚係佢哋服務態度好好，有禮貌、有笑容，都OK！

入黎元朗食好西，勝利牛丸一定會係我推介之一！勝利牛丸開業多年，喺元朗無人不識！佢地做得好專，麵食淨係得牛丸、牛腩同牛筋，成人見到啲陸客唔知頭唔知路，走入黎叫墨丸、雲吞🤦🏻‍♀️🤦🏻‍♀️ 呢度係無㗎！！另外仲有多士、三文治類食品。所有麵食無論係單併、雙併定三併都一樣係$38。枝裝汽水$10，仲有啲比較特別既飲品，紅豆咖啡、紅豆奶茶、熱檸樂煲薑、熱奶蛋等⋯⋯不同於潮式粉麵，佢地唔會落葱，而係落冬菜，驚太咸可以走冬菜。呢度最出名就係牛丸，每日用新鮮牛肉打製，聽講以前係用人手，而家當然係用機器啦！但都做到粒粒爽口彈牙！可能可以用黎打乒乓波！🤣🤣🤣如果要我揀全港最好食既牛丸，勝利一定係首選！咬開仲見到牛肉既紋理！不過每碗既份量唔算大，一個女士都食得哂一碗，男士有機會唔夠飽🙈另外牛筋都係炆到好腍！好入味！所以黎到一定要至少叫牛丸+牛筋！牛腩就普通。個人認為叫一碗淨牛丸最抵食，都係$38!仲要講一講呢度個辣油，辣得黎唔嗆喉！不錯👍🏼食完仲可以買生牛丸返屋企打邊爐，秘製辣椒油都有得賣～真正元朗手信🤣🤣入黎元朗記住試下呢間老店👍🏼

勝利牛丸😊😊😊細細個就食🤭🤭🤭兒時印象$15一碗依家$3X一碗🤣🤣有時冇咩特別一個人唔知食咩都會走食番碗丸筋米加杯凍檸茶，人流依舊不變番枱又番枱星期六，日重水洩不通我諗起碼最小都買500碗🧐🧐🧐牛丸味道爽口保持不變唔太大粒❤️❤️牛筋我喜歡淋身D 不過一時時保持到😂😂😂不過都係叫回憶的味道🥰🥰🥰反而我覺得杯凍檸茶係非常好飲❤️❤️❤️茶味夠唔太甜,有時我甚至會特登去淨飮杯凍檸茶🐷🐷🐷但係咁多年黎我好佩服D姐姐唔使落單都可以運作暢順👍🏻👍🏻👍🏻記得曬邊枱打邊枱叫左D咩真係佩服勁呀！😆😆😆

元朗，係我少之又少去過的地方。剛好，今次入元朗探朋友，就試下當紅的店鋪。試試它的自製牛丸麵（$38）我叫左油麵底，油麵質地中尚，再試試出名的牛丸，聽聞會美中不足，咬完一粒後，的確爽口彈牙，牛肉味是偏淡。朋友就叫左河粉底，河粉質地較滑，大家可以下次叫河粉呀

曾幾何時，這家小店是我們小時候常常光顧的。從前光顧的，是在榕樹旁的那一家，可惜那一家店已經比另一家米缐店子取代。幸而，他們還有另一店子在附近的康景街。這間店面的裝修和舊日面貌一樣，簡樸的粉麵店格局，店內是密密麻麻的圓枱和圓櫈，燈光通明，而牆上貼上各款粉麵的價目。說實話，真的有點兒肩並肩，而服務員也硬性規定你坐在那兒，即使有空枱，她也不讓你坐空枱，要求你坐到其他枱去填滿位置。就是這樣，我看到有兩名客人因此離去，而由於生意太好，她們也滿不在乎。這兒的餐點選擇十分單一，除了供應三文治和西多士以外，就是主打牛丸、牛筋和牛腩。無論是選擇單款、雙拚或三拼的粉麵價錢都是$38， 三拚$38可真超值！三拼米粉$38這三拼米粉有齊牛丸、牛筋和牛腩。牛丸是一口大小，爽口彈牙，質量幾唔錯，但牛肉味唔係最濃郁。反而牛筋味道不錯，而牛腩雖然偏瘦，但倒是炇得入味又幾軟腍。米粉是一般的廣東米粉，吃到一半，已經索囇湯汁，或許點河粉或油麵會好一點。牛筋油麵$38這牛筋大大件，炇得軟腍超入味，口感黏黏滑滑的，充滿骨膠原。而旁邊有一小塊牛腩，幾香口，加上濃濃的腩汁湯底、惹味的冬菜和油麵，正正是舊曰兒時吃的腩汁風味粉麵。熱奶

難得放工冇嘢做，星期四又要出去上堂，咁又要喺元朗搵嘢食啦。返咗工咁耐都未試過元朗好出名嘅勝利牛丸，啲人話牛丸好出名好好食喎，咁就入左去啦。呢到出名食牛丸咁梗係要叫碗牛丸河啦，一叫完幾分鐘就有得食。 裡面有6粒牛丸，上面有少少冬菜。湯就冇乜特別，成碗野既重點都擺咗喺牛丸身上，一食落口比我想像中彈牙，感覺到真係有牛肉打咗入去，充滿牛肉味。價錢有啲貴...不過只食牛丸有啲唔夠喉，聽其他人講話呢度啲牛筋牛腩都好出名下次應該要試吓嗰度啲牛腩或者牛筋啦。

中午行過勝利牛丸，叫了一碗外賣牛丸河加色，勝利嘅牛丸十分爽口彈牙，但是牛肉味不夠，河粉可能外賣嘅緣故河粉回到家變得很林，牛丸河的湯比較鹹，整體來說一般，價錢也不便宜，未必會有下一次

千山萬水，長途跋涉搭車入元朗 🙄🙄~朋友介紹我去在元朗最歷史悠久的勝利牛丸。人生第一次吃勝利牛丸，傳說是自家製牛丸，是夠彈牙的，是沒味精沒筋食不出有冰鮮雪味，食得出是新鮮牛肉製造的🐂🐮，可惜沒什麼驚喜食後感一般覺得不過不失，米粉也一般，湯底沒特別😉😉價錢方面就比較貴了一點，性價比都是好一般。如果去元朗為了食勝利才入元朗的朋友，請三思，不如留肚食其他食物比較好一點。不值得只為食勝利牛丸才來了，我應該市區的牛丸比勝利還要好。

來到元朗，不得不吃出名的勝利牛丸。😄因為近來經常打邊爐食炸嘢，真係好熱氣， 所以決定食番啲湯粉之類的食物。🍜我同朋友兩個人每人叫了一碗雙拼，一碗係牛丸牛筋米，一碗係牛丸牛腩米。🐂🐃🐄🐮牛筋和牛腩都好淋，啲腩汁應該係佢哋秘製嘅 ，好夠味。但講到最好食嘅，莫過於佢哋嘅牛丸，真係非常彈牙，仲食到牛肉味，喺出面一般嘅餐廳食唔到嘅味，真係好值得一試！🤗佢哋嘅雙拼或者三拼都係同價嘅， 只需34個大洋，其實都好抵食。但記住佢哋七點就關門，想食嘅請記得要早啲到啦！

元朗美食真喺唔可以少看，你說甚麼有甚麼，但說到最有名當然不能少看勝利牛丸，簡單一碗牛丸麵可以賣到咁出色，牛丸每日手打，打到有嚼勁，肉汁唔會少，最重要係牛腩都係夠曬入味，牛筋軟腍易入口，但講到底我都係鐘意食牛丸米，米粉加返啲辣椒油就仲惹味，辣辣地加返啲麻，正完港式辣椒油味道。環境算係乾淨，一食完啲姐姐好快會清返個枱面，所以唔會怕地方不整潔。價錢食咗咁多年都已經加咗唔少次，不過都冇阻我食牛丸米嘅意慾嘅。下次可以食牛腩牛丸米。

昨天到元朗逛街，想起久違了的勝利牛丸，爽口的牛丸及恰到好處的湯底。眼見比較多客人選擇牛丸牛腩，不過我較喜歡此店的牛丸牛筋河，所以點了牛丸牛筋河。喝了一口湯，還是記憶中的味道，小小的份量加入辣椒油後吃了個底朝天。

放假跟老公揸車入元朗搵食，當然要去食我最愛嘅牛丸，可能早去到唔駛等就有得入坐，坐底左諗右諗個麵底，到底食米粉定油麵因為個湯底都好香又想索多D湯汁但又想有咬口， 最終都係揀咗油麵我依D貪心鬼當然要揀雙併可以食多個餸麻。麵到啦當然要飲啖湯先再食餸，因為牛腩係我首次叫所以先食佢，因有少少令我失望個牛腩唔夠香我好擔心我最愛嘅牛丸會唔會有變，好彩仲keep到水準令我個人即刻開心番灑，記得食個時要加番少少辣椒醬令個味更好。

勝利牛丸這名字為元朗的居民所熟悉，而我有十多年沒光顧，如果不是媽媽最戒豬吃牛，又懶於行去其他牛丸牛肉粉麵店，我應該都不會自己一人來吃這，始終元朗食店何其多。一次想吃畢全部配料當然是選三拼吧，三拼有牛筋，牛丸及牛腩，至於麵方面我很久沒吃過米粉，便點了米粉。勝利牛丸最有特色的是粉麵都撒上冬菜，現在很少粉麵店會這樣做，最多都是以蔥花提味。湯底雖雖深啡色，不過味道不夠濃郁，不太喝到牛肉味。牛丸頗有彈性，吃得出真的用牛肉打製而成，真材實料，味帶牛香。牛腩方面真的失望透了，肉質過於軟爛，零零碎碎的，就像鹹牛肉般的口感，完全不像吃牛腩，當然沒有牛味道可言。牛筋嚼起來軟彈適中，且含豐富的膠質，嘴巴都被骨膠原黏得滿滿的，三款配料中我意外地覺得牛筋最好吃。