勝利牛丸

营业中

休息中

勝利牛丸是元朗必吃的東西 今日終於有機會去試試環境不錯 企理 不刻意造出的氣氛很好牛丸好味 彈牙爽口 大小剛剛好而麵就一般 河粉雖滑 但有點lum牛腩牛肋都好林 卻欠缺柱侯的味道 比起真正好味的牛腩略遜一籌清湯有其特色 味道可口 但最終我還是加添了牛腩汁個人認為不加更好 加了反而變得濃味 影響著整碗麵有些事 做了便不能回頭 就算如何沖淡它 還是不行..硬食 喝一大口汽水 苦中作樂 不是更好嗎?

5月21日放假去濕地公園前來此食下出名既牛腩同牛丸,內裡好多人, 好迫, 我們一行五人也要分開坐, 因實在找不到位.我叫了雙併, 一來到個碗好細, BUT內裡野食奇滿一食, 牛腩好林, 牛丸是好味, BUT D湯底令成個粉都變得好咸, 即時影響了成碗野既味道

勝利牛丸都係元朗名店之一.....最好食一定是牛丸彈牙.牛味同粉味份量都剛剛好.絕對好食奈何湯底如水一般淡...我建議大家來呢間店食淨牛丸就行一件事要成功真係要7分努力3分運氣.有些人做生意搞到間店十合一...勝利牛丸只賣牛丸.牛腩.同多士就成功啦......點先能成功?真的靠人摸索.但願我的餘生.能摸索到價錢加汽水要26元都幾貴....

今日去開元朗，雖然已飲完茶，但我仲有位試埋碗牛丸。親友們都說不太好食，但十年先黎元朗一次，點都試吓啦。要了碗牛筋牛丸河，$19。份量都幾多喎。有好多舊牛筋同三粒牛丸。河粉抵讚，好滑身，也挺身，不會一夾即斷。牛筋炆得好淋，黏黏的口感，質地甚是對版。但柱候味不足。牛丸偏細粒，爽口彈牙，也有牛味，絕對唔係差。湯底也有點腩汁的味道，但柱候味較淡。加點辣椒油就好吃多了。

招牌菜丸腩河 $19真係好好食呀...佢d牛丸好彈牙好爽..但我鐘意食佢d牛筋多d好林勁入味..仲有佢個陳牛腩汁真係冇得頂..好濃又好舔口.記住唔好落太多醋..要食佢原汁原味好d..尤其係個湯呀.夜晚佢地收7點都係有原因...因為咁夜賣哂都唔出奇..要食既最好下午時間去食.不過都好多人坐滿哂..可能要等一等位.

2010年02月26日，20:22吃過清淡的花生粥後，再到這裡來碗麵。店在20:30收市，在最後5分鐘進店，仍不見黑臉，要讚還完基本法，要了牛丸麵。湯底：清鮮帶冬菜的鹹香牛丸：爽、彈，咬開濃烈牛味直湧。麵：油麵我的至愛，喜歡她的口感。到28分姐姐才叫，收爐啦，還要不要加單褔相妹妹的經驗，這店的牛丸，剛造好離鍋，食味好到不得了，可惜我輩無緣一試

是日去元朗返工，作為半個地膽既我就帶左同事黎食lunch好幾年冇黎，都仲好光猛同乾淨（以食麵黎講）天氣太凍，唔食熱野點得?我要左牛丸牛筋米，牛丸好爽！不過我鍾意牛筋多ｄ，大大件好入味食左同事少少西多，都幾好，之前黎都係食麵，原來多士都ok。如果我唔係夜晚食buffet都要返個奶醬多p.s. 臨走時發現牆上有個『視覺提示』，笑死我地

午餐時刻，一句 "呢度個間牛丸幾好味"把我從荃灣吸引到元朗去本小姐對牛丸還真的蠻喜歡的說勝利門面不錯內頭明亮整潔很舒服也很乾淨一碗牛丸麵 或 牛腩面 只要 19蚊就算兩溝也是同價 ！牛丸不會太大，size 適中可味到很好，尤其彈牙牛腩不及牛丸好味，不夠入味牛腩可以不試，牛丸就一定要嚐嚐

難得放假, 要來食勝利牛丸, 佢平時 7pm 就收工, 唔係放假基本上唔會食到! 真巴閉~學人哋叫咗牛腩河, 牛腩炆得好入味, 不過好似咸咗少少,腩汁撈河, 勁正!另外再叫多一電淨牛丸, 因為上次經驗係佢嘅一碗份量都幾少, 男士會唔夠飽....牛丸出名在真係好彈牙, 同埋完全唔會有溝D 粉落去咁~

今天下午往元朗逛街,路經勝利牛丸與嘉麗園交界,正考慮進入那一家光顧,最後因未曾光顧過勝利,進入店舖,叫了一碗牛丸牛腩雙併米,味道一般,牛丸超小型稍羶,牛腩碎濕濕,(雪腩有渣),乃預先大量製作,當落單時從煲內撈出,很不是味兒,與其名聲大相逕庭,真大叫呻笨.(正一老闆勝利---顧客失利)

有日同gf 係元朗搵野食gf 話試過勝利牛丸好普通, 唔抵食咁我覺得話晒係老字號 睇到裡面都幾多客人唔好都試一試就叫了個牛丸牛腩雙拼河19蚊真係同想像中一般咁差細細碗, 湯底咸之餘仲有d "劫"牛腩唔夠淋, 唔夠入味牛丸都係較為細粒, 我又唔覺佢有幾彈淨係靠名氣, 其實賣既係普通野, 自然覺得19蚊唔抵純粹頂肚當下午茶還可以, 不過點都唔稱得上好食試一次就算, 我諗下次都唔會幫襯

真係好難食, 我同老婆叫左雙併油麵同河, D牛腩不知所謂, 難食到嘔, 牛丸好DD, 但係戶為招牌菜, 我唔覺得有無過人之處, 面底亦都好一般, 我估我唔會再食D蠔油生菜我食左一半放棄兩個人50蚊, 唔知算唔算係優點......

今日係我 第1次去元朗玩, 同honey在元朗玩玩食食, 又睇完戲~ haha又係下午茶時間, 雖然 吾係好餓, 但是 知道 勝利牛丸在 元朗 好似 好 出名, 心想一定要試.在openrice 見到 d 人話牛腩 & 牛肋好味, 於是 叫了 兩碗 雙拼($19)~ 牛丸&牛腩米; 牛丸&牛肋.米…碗米size 比想像中細;好似兒童餐~ 成 $19蚊~吾係咁值!湯底只有 一個字 ~ 咸!牛腩, 牛筋幾林! 但不是 太入味 , 好普通. 我覺得牛丸太細粒, 味道似四海出品既丸, 沒有特別 ~ 唔抵食，有d失望 ~ 到元朗不用試的小店.

搬左去九龍成年,今日得閒特登番黎元郎行吓,當然唔少得食番豌牛腩面啦,其實真係好次差個以前dd,例如油面比以前硬左小小,個腩汁冇以前咁痴口,但味道就差唔多啦,都ok啦

細個果陣住元朗已經成日食, 早兩日襯住有假就去左元朗重溫味道. 頭先預備打食評的時候, 先看了一下其他食家的睇法, 發現近來的評分不斷下滑, 我自己的看法實在有些不同.先從態度講起, 我自己覺得是正正常常的, 同其他麵店沒有太大出入. 唔會出現催人走的情況, 不過阿姐們對遲遲不落單的朋友是欠缺了一點耐性. 不過, 應該都不可以怪她們吧, 選擇這麼少都決定不了, 難免令人感到不耐煩.味度方面, 牛丸非常爽滑, 牛的味道剛剛好, 唔會出現酥味. 牛腩亦夠淋, 如果牛根可以爽一點會更好! 提醒其他會去嘗試的朋友, 如果你特別喜好牛腩或牛根, 可於落單的時候講明多腩或多根的.最後, 19蚊一碗麵, 其實偏貴的, 不過我自己覺得值. 你如果要去元朗做野, 或者去影相, 又或者去濕地公園後, 絕對應順道來這裡嘗一嘗這碗麵.P.S. openrice提供的鋪頭相片, 應該是另一分店的