勝利牛丸

营业中

休息中

今日係第1次去元朗食勝利牛丸;之前留意左呢間店仔O既食評好耐!發覺佢D評分1落咁跌緊!所以今日就同男朋友去左食;1入去;果然係勁多人!搭枱啦;我同我男朋友1人叫左碗雙拼;我食河粉佢食油麵;聽D牙姐落單聽到1頭霧水!呢間野真係好似淨係做牛丸牛腩生意!其他野都好貴!食野啦!碗野比想像中細;$19蚊講真吾係咁值!湯底真係好似之前O係OPENRICE睇食評咁講;好咸!牛筋幾林!牛丸細粒咁;整體都算係咁!試下又無彷!

經常性聽身邊既朋友講，最好食既牛丸非勝利莫屬，於是某日就同男友一齊去試試一入到去，發覺得小貓3~4隻，之後就搵位坐抵，唔夠一分鐘，d啊姐就係咁問食咩，心想:睇都未睇...諗都未諗，鬼知咩最後我地嗌左牛腩河+牛丸河，其實我想食麵架...但係唔知點解佢同我講冇，淨係得米同河...勁失望囉><"唔夠幾分鐘，就有得食...發覺佢地既牛丸真係好彈，而且都幾有牛味呢，真係唔錯但係唔知點解我男友個碗，就變左牛筋...得1~2舊牛腩，不過咁都算啦...。食到半路，發覺冷氣愈來愈大咁，吹到個人勁唔舒服...結果啦啦聲食完就走。讚:牛丸真係好彈+好有牛味彈:啊姐好似趕住收工咁，係咁問...問...問...(煩)

我本身唔太鐘意食太多肥膏的牛腩而且呢間餐廳ｓｅｌｌ的款式，只有牛丸ｒｏ牛腩．．．．．我覺得唔抵食，１９蚊１碗，當然飲品要另加錢～所以我要１碗牛腩河便算＝〕雖然送埋黎果陣，睇個賣相又好似幾多牛腩但食落．．真係唔係好多真正的牛腩，在圖中可見，真係好多肥膏有點怕怕ｄ河粉唔會出油，都ｏｋ的不過個湯底濃左ｄ，仲要食完都唔係咁見飽果種......我的3位朋友當時只點了奶油多~好像7元左右...環境有少少ｄｉｒｔｙ的ｆｅｅｌ加上服務態度又唔太好PS::評分方面唔係亂比分,只係覺得各方面唔值3分 =v=

牛丸....爽滑都無用, 完全無牛味牛腩....除左咸係無味, 我呢d牛腩怪都唔鐘意湯底....水味~尋日一食好失望比起一般麵店仲差如果我肚餓, 加上免費再送到我面前我會再食既

尋晚專登同男友渣車由上水過去食, 想試下d牛丸係咪真係好食得甘緊要,去到門口, 入面得幾條友, 就已經心知不妙,岩岩搵左個位一坐低, 阿姐就即刻問要食咩...我就話:等我諗諗先...阿姐就一路企係隔離望住你, 我同男友覺得怪怪的...分別就點左牛丸米同牛腩面, 跟住阿姐就話: 得啦, 呢度得牛丸同牛腩咖咋,無其他野點咖啦,當時心諗, 咩態度呀? 就算係得呢樣野, 都應該好小小既服務態度呀~~我即刻再問: 連油菜都無呀? 阿姐先話: 有...得生菜,無其他野揀.. ...真係比佢激到"啤"一聲... ...算啦, 叫多2支可樂, 食完快快走人... ...好快兩碗面就端上枱, 無可否認, 佢d牛腩真係比得幾多, 牛丸有6粒,我同男友交換左d餸, 就開始食啦~~當然即刻試下佢d牛丸,係彈牙既, 但我覺得而家好多粉面店都可以做到喎, 甚至係好食過佢既都有唔少,我唔覺得有咩甘特別, 至於d牛腩... ...嘩...咸到死... ...講味道係ok既, 但真係好咸... ...食到一半, 阿姐突然好大聲甘叫: 仲有無野加? 收工啦... ...我見隔離枱仲好似想叫野,但阿姐好快就話: 收左啦,

元朗之行, 去到勝利牛丸門口, 見到另一間的招牌, 都唔知邊間先係真, 又或者兩間都係佢開, 不過點都好, 入去食lu嗌碗牛丸河食, 主要都係試食牛丸係唔係如大家所講咁超好食? 一試之下, 五粒牛丸全部都通過了我嚴格的測試了, 係... 好味的! 牛丸有牛肉汁的, 唔係乾爭爭好多渣嗰種, 粒丸有彈性, 蹝屎唔算好大粒, 不過好味先係最重要!重有奶茶檸茶供應, 飲左杯凍檸茶, 過得去!

居於元朗多年，勝利牛丸真係由細食到大嘅醫肚首選。自從搬走後，就好耐無幫襯。昨日專程入元朗，就去探吓呢個「老友」。次次幫襯都係例牌的「牛丸麵加色走冬菜、凍茶」，端來後當然影張靚相準備放上嚟openrice。一諗起openrice，就記起成年前已經在自己blog寫過「勝利」的文章...『每次吃勝利的丸麵，都會浪費掉一兩顆牛丸；因為，這裡的牛丸彈性強橫得好比扭蛋機裡的「彈彈波」，靠我拿筷子的功力，是注定失敗。今天，如常的隨意找個座位坐下，如常的叫聲「丸麵、凍茶」，不消一會，就有得吃。同樣如常的，是第一顆牛丸又從雙筷彈走，而且還傲漫的在地上反彈了好幾下才肯停下來。勝利的阿姐見狀，親切的拿著湯勺，從鍋爐給我補回一顆「牛肉製彈彈波」。「彈彈波」很好吃嗎? 其實沒有去到非吃不可的地步。多一顆、少一顆，其實無關痛癢。那份街坊街里不用計較的待客之道，很窩心，很加分。就是這份親切感，「勝利」從來都客似雲來。』這是去年仲夏的回憶。當時這文字只是放在私人的blog裡，也不是想放在openrice替它宣傳之類的，所以，這文字是很真實的感受。不過老實講，勝利的出品似乎真係有每況愈下嘅情形...現時吃到的牛丸似乎不

吃過鴨後，興致勃勃的來到馳名的勝利牛丸，當然是主打牛丸，但見OR的介紹其名菜是牛丸及牛腩，而且本人愛吃牛腩，所以既然山長水遠來了，也一試吧。所以櫈也未坐暖，已着侍應點菜了，要吃多點牛丸又想吃牛腩，而又想試試其河粉，因為個人認為河粉伴牛腩吃是一流的，河粉吸盡腩汁，特別美味，所以點朋一碗牛腩牛丸河及一碗淨牛丸，另外也見到油菜很是便宜，一於放一點纖維下肚吧，點了一客西生菜。不久後，也有得吃了，牛丸看長相已是像極在老尖的德發，所以急急的咬下一口，所以丸是可以賣相的，連吃感也跟德發牛肉丸非常相似，所以不得不懷疑是否真的好味到要專程入元朗吃呢？哎！我想在德發也可吃得到，至於牛腩是潮式的做法，鹵得入味，但鹵水得個鹹字，沒有其他花椒八角等香味，很單純，而且瘦肉部份也很嚡，連筋的部位則好一點，另河粉粗身，不夠幼薄也罷了，連最基本的滑口感覺也沒有，真的懷疑店家是否用了用來炒的河粉當湯河來煮，伴上的冬菜也是個人喜愛吃的，但今天的冬菜也是得個鹹字，沒有較複雜的鹹香，這碗麵，以失敗作結。而淨牛丸及西生菜也沒什麼好評的了，牛丸是如上爽而有咬口，也算是彈牙，牛味也足，但不會比德發好，而西生菜爽口，味道也因為是無添加

呢日一心入元朗就係為左試爽爽及勝利.唔識路情況下, 去完爽爽, 終於去到呢間排首位的勝利牛丸.以往太夜收工, 冇可能食到, 今次有機會了.剩牛丸- 係我細個食過既牛丸味! 當年父親工作的客家菜飯店就係用呢隻牛丸! 不過唔知佢地同邊個入貨... 好懷念, 廿幾年來都係呢隻牛丸最好味! 連個湯底都好似, 有菜乾及冬菜! 我好喜歡!牛腩米- 估計佢咁大張POSTER SELL秘制五香牛腩... 又瀨野, 好似好大碗, 成碗都係牛...肥腩, 甚至係腩碎! 望到完全唔開胃, 食一啖, 秘制得佢極怪味, 我唔識欣賞! 唔鍾意!!!凍汽水- 天口咁熱, 點知唔夠凍囉, WASTE晒個樽裝! 由於牛腩好濃怪味, 仲飲得好快...3樣野, 除開, 我比OK囉...

放假打算剪頭髮,行開呢度咪幫襯！叫了牛丸米粉加腩汁, 金融海嘯下碗米粉的做縮了水,啱晒我地d女士牛丸依然彈牙,非常出色,第二到食唔到！

聽講勝利牛丸o既牛丸米好好味, 是日正身處元朗, 打算試試一碗牛丸米有六粒牛丸, 牛丸不很大粒, 好似平時食魚旦粉的魚旦咁上下大, 粒牛丸咬入去o既時候係有肉汁, 味道又真係幾正未試過o既朋友, 勝利牛丸都值得大家o黎試試

食完b仔, 再行過幾步, 就到今次的目的地勝利牛丸了期望都幾高架, 朋友講到牛丸全港最好食咁滯, 但, 又係一次期望過高的旅程..一碗牛丸麵有六粒牛丸, 麵係油麵, 哈, 唔平凡, 用油麵嚟做麵的食店通常都唔簡單, 所以第一眼見到碗麵的時候都幾期待, 油麵又係幾好食o既, 滑嘟嘟咁, 陣豬油味好鬼香牛丸有六粒, 細細粒的, size 其實唔係問題, 不過覺得牛丸唔係好多肉汁, 同埋唔夠爽, 不過要強調, 其實味道都ok, 只係同想像中差一啲而已所以, 以食唔食得過嚟計, 其實都算幾好, 只係咁遠嚟, 想要更好的食物吧

與友人累透又不想吃得太膩太濟的東西,最後去了勝利牛丸聞說勝利牛丸 牛丸爽口彈牙 牛腩又夠入味但吃過才知道都不過是浪得虛名d牛腩又老又無味 麵又細碗不知是近年水準下降還是怎樣但$19的價錢的確不值試過一次就夠了,以後不會再光顧

元朗的第一站，不想食太飽，只叫了淨牛丸和牛腩米。牛丸確實很彈牙，食落爽口，不過仔細地食也不覺得有牛味，也就是說，其實也和出面較好的牛丸差不多，湯底也沒有什麼特別。牛腩，見相都看得出很瘦。牛腩呈紅色，不知下了什麼，燜得淋但鞋口，柱候入味但亦蓋過了肉味，個人則不太喜歡。腩湯沒有濃濃的牛味，只以味道來說卻也不錯。不難食，若不用千山萬水入元朗，應該也會久不久來食碗牛丸面。

行山來到元朗, 打算簡簡單單地吃碗粉罷了,店面貼著店主與曾特首的合照, 便走進去試試只賣牛腩和牛丸, 厲害!牛腩+牛丸米 ($19) 牛丸的確比較彈牙, 不過比想像中普通, 而且很小, 一口吃一個還可以. 牛腩也淋, 略咸總括而言, 東西比較普通, 不過若想簡簡單單地吃碗粉也可以到這裡試試