勝八居酒屋 (已結業)

登龍街是中學時代留下腳毛的地方, 由一條烏黑的街道, 整條街唯一會光顧的超霸機舖, 變成了一條美食街。今日去食依間勝八其實之前都黎過食Lunch, 我記得依度嘅Lunch set係超多選擇同配搭, 最後要店員介紹揀左好耐先落到order一開門就有日本感覺雖然是居酒屋，但其實食物的種類是十分多.刺身壽司，鍋物，揚物，串燒，鉄板，燒物，煮物應有盡有。最特別是這裡有吉列和牛, 更加還有少不得的日本清酒, 可惜我地唔飲酒, 但我見店員對其他食客講解清酒時好專業, 種類也很多, 不少都是頂級或期間限定.我們一坐下就有店員來介紹食物，基本上沒有必要睇menu. 再者因為店員有時令secret menu, 睇menu都無用.因為過年暴飲暴食關係, 是時間收斂一下, 刺身可算是不錯的選擇. 店員推介1: 時令魚 - 九繪魚, 店員說日本名叫羽太 (即石班科，又長知識). 石班刺身真係第一次聽, 第一次食. 石班魚生片卷著海膽魚子再配上蔥花, 魚肉質結實清淡, 加上海膽魚子配合提升味道, 特別的是魚肉會愈咬愈出味道, 讚店員推介2, 九州牛腸鍋.初時都有個問號, 牛腸都會聯想起韓國, 原來日本人都會食

今日同朋友去食飯，搵左間日本餐廳，新年日日食中餐好悶，好掛住日本菜。午市原來有8折好抵食呀叫左個牛肉火鍋。坐低就有沙律有前菜，好清新好開胃。好鐘意芝麻醬豆腐，香口夠滑，仲加左三文魚籽。牛肉粉嫩唔鞋口，份量仲有好多，定食包一碗白飯。湯底微甜可以送白飯，無咩味精飲完都唔覺口渴。生雞蛋攪勻可以做蛋花湯，超正底下有好多蔬菜，吸哂湯汁。朋友叫左刺身定食，睇落好厚賣相都好靚，朋友話好新鮮。最後仲有甜品食，曲奇雪糕好正！

🍣刺身大盛新鮮超抵食🤩牆身貼了日本舊海報，令裝潢好有日本風味。估唔到第一次黎就有驚喜，店員同我地講刺身逢星期一至四都有優惠，刺身大盛$380咋，真係超級非常抵。加上有三人份量，刺身仲要新鮮同埋質素黎講抵到爛，兩人食超滿足。🥢勝八刺身大盛 $380有池魚、海膽、三文魚、赤蝦、帶子、拖羅、油甘魚。刺身全部都好新鮮，加拿大海膽鮮甜，帶子大隻肥美，赤蝦滑溜帶甜，拖羅入口即溶，邪惡極致，呢個價錢真係超級抵。 🥢牛油果大蝦卷 $138呢度既大蝦係用珍寶大虎蝦黎做，彈牙啖啖肉，滿佈蝦籽增添口感，賣相同味道都很好。 🍲地雞白湯鍋 $398店員話個湯底係用鮮雞淆制，飲落真係好有雞味，鮮味十足。雞肉份量多，兩個人食真係飽飽飽，上碟時雞被煎至半熟，再放湯底煮至全熟，雞肉無乜個人之處，勝在湯底好飲，飲左兩大碗。🍹巨峰梳打 $38略甜但巨峰味好濃，幾好飲架。🍨甜品上層係桃味雪米滋，清新又好味，底層係芝麻雪糕糯米滋，充滿芝麻香，又唔會過甜。

聽朋友講呢間日本餐廳啲刺身逢星期一至四特別抵食，唔使講，即刻去食。雖然係銅鑼灣區，但平日夜晚呢棟大廈的確唔算多人。反而樓下間拉麵就大排長龍。店鋪面積不少，裝潢什具日本風格。唔太飲酒既我叫左杯巨峰梳打，好重巨峰味，略甜但係幾好飲。到我地今晚想食既主打喇!3人前盛八刺身大盛既刺身，有池魚，海膽，三文魚，赤蝦，帶子，拖羅，油甘魚。咁既份量未加一都係380蚊，真係堅抵喎。個加拿大海膽出面食都起碼80蚊片，味道仲係好新鮮好甜好正。拖羅又係，肉質肥美，入口新鮮即溶，口感嫩滑。赤蝦肉厚甜美，其他刺身都係水準之上，好掂呀～牛油果大蝦卷，賣相非常吸引，唔同出面啲蝦卷，呢隻出大虎蝦天婦羅做呢set卷物，啖啖蝦肉，彈牙爽口，食完都飽一半。已經半飽既我地，當然想食啲熱辣辣既吃暖暖胃。牛肉鍋就成日食，今次食下雞鍋。湯底係雞汁湯，啫係用雞淆左好耐既湯底，好有雞鮮味。而雞肉就用煎既方法煎香雞皮上碟，再用湯底滾。食完真係飽晒。當然唔少得芝麻雪糕糯米滋作為甜品，桃味雪米滋口味獨特，不錯。雪糕亦充滿芝麻香，為我地呢餐畫上完美句號。

1行9人諗住happy Friday book定位食飯，Book檯double cfm電話係岩，到步就話無留檯因爲無人接電話，問落先知打錯電話，然後又賴我地遲過10分鐘到唔會留檯，企係到嘈都嘈左10分鐘，真心明白咩叫死雞撐飯蓋，9個人完全失預算唔知去邊， 哩間野真係black list唔想再去

永光中心係銅鑼灣黎講真係不得了，咩菜式都有，價錢由中等到好貴都有不論係行開街想食飯但又無book位，或者係大時大節要慶祝都係唔錯既選擇~今次就發掘左入面既其中一間居酒屋 - 勝八 首先係軟殼蟹沙律，新鮮炸出黎既軟殼蟹真係無得輸! 又juicy又脆配酸酸甜甜既沙律醋同流心蛋，好開胃!男朋友最鍾意試d古怪野，見到是日推介條魚個名叫「魴鮄」就好想試食落口感都幾脆身，唔算係好濃味既魚，所以都配左個酸酸地既汁咁大條魚都係百幾蚊，好抵另外仲有海膽，係好鮮既加拿大海膽，大大片yum!甲羅燒簡直係居酒屋必點既食物!雖然係大同小異，但每間居酒屋既做法同伴碟都有唔同以前有試過用薯片配黎食，呢到就用脆麵包將蟹肉同蟹膏滿滿咁舖係麵包上面，超滿足! 最後黎多個燒牛肉粒，日本和牛食落去係唔同d既基本上塊牛靚都唔洗點醃!

上星期食左西餐，今個星期就重投番日本嘢既懷抱想食好少少，就揀左依間係銅鑼灣既居酒屋見食評都唔錯，就早兩日book左嚟試下一出lift就會見到個好氣勢既招牌裝潢走日本風，牆上除左有餐牌外，仲會有唔同魚類既相同名另外仲會有勾比啲人掛起件大褸，好細心同好有居酒屋既感覺本身嚟之前都睇過下份menu有少少心水想嗌咩咖啦不過一坐底，店員就好親切咁問鐘意食咩同唔食啲咩咁講左一陣，佢介紹左好幾嘢，我地都ok咁就交左比佢全權話事依家好多居酒屋拎住居酒屋既名，但其實只係普通一間日本餐廳依間既店員真係好有心咁介紹同關心我地既口味，有溝通有交流先有居酒居既感覺咖嘛，依到絕對有坐我地隔離兩枱既客人都好似同店員好熟絡，互相嗌得出名，好親切咁餐具扮得好整齊，選用既餐具都用左啲心思柚子酒($68)嗌好左之後會先上左酒比我地飲住傾下計先杯柚子酒既柚子味偏苦，飲落既酒味都偏重所以對鍾情甜味/果味重既女仔黎講，可能就未必咁啱飲啦但我個人覺得還好，一來佢夠凍，食之前可以解下渴二來飲飲下又無咁苦，柚子同酒既苦都夾得幾特別眼仁奈($198)同朋友傾左一陣，第一樣嘢食就嚟左係一條既眼仁奈刺身店員介紹話依款魚時令飛機貨，唔似其他好似

登龍街一向日本餐廳雲集 朋友話想試下勝八 所以由佢book枱 一上到去 職員已經好熱情招呼我地 餐廳入面好有日本居酒屋feel 牆上面仲有個勾俾客人掛住外套 都幾窩心望住menu好多野食都唔知叫咩好 見到人地問意見 我地又問埋一份 職員介紹時令既刺身同壽司 最後揀左時令刺身眼仁奈 可以配酸汁或者普通壽司既鼓油 我自己就鐘意配鼓油多啲再叫左個都係時令嘅白蝦壽司 話唔係成日有 食落好甜 食落唔似平時嘅普通蝦壽司 但又有蝦既感覺 而且好多 鋪到好高好足料特大珍寶大蝦 雲丹燒 上面有一層自家制嘅海膽醬 海膽控覺得超好食！！食完仲想點埋啲醬和牛陶板燒係日本既a4和牛 要自己落手落腳燒 職員有教大概每邊燒5至6秒 我本身好怕食呢種燒牛肉 燒得唔夠熟就怕咬唔開 燒得太熟又怕變牛肉乾 但今次完全冇呢個困擾！好容易燒 又唔會痴底 入口好軟熟之餘仲好多肉汁 反而係啲蔬菜 我燒極都唔知得未 好似燒極都唔熟咁😭最後有個芝麻雪糕配番薯雪糕糯米糍食埋之後好滿足😚

放工又約咗朋友黎銅鑼灣食晚飯，行過時代廣場見到登龍街好多餐廳，永光中心上面有好多好吸引的日本餐廳，就上黎試下。餐廳入面環境舒適，燈光昏暗，有情調，適合朋友好好聚會傾計軟殼蟹溫泉蛋沙律，軟殼蟹香脆新鮮，肉多，沙律菜爽脆，溫泉蛋十分滑溜牛油果大蝦卷，大蝦果然份量多，蝦肉新鮮彈牙，蝦味重，加上牛油果的搭配好新鮮，飯卷軟身，米香美國安格斯牛肉涮涮鍋，菜的款類多，有小唐菜，娃娃菜，金針菇，冬菇，仲有粉絲蘿蔔等，湯底十分清甜，煮菜好入味安格斯牛肉切得薄，新鮮，一煮就食得，嫩滑，入口即溶，吸晒湯汁的美味巨峰提子梳打，清甜甜品，芒果雪糕加糯米糍，香滑，芒果味香濃。

銅鑼灣日本料理餐廳多不勝數，今次就同3個好友一齊試試燈籠街永光中心樓上店勝八居酒屋門口裝修精緻，很有日式居酒屋的風格,餐廳內裡的裝潢都很舒適，很有日本的風味我們坐下來睇睇餐牌就點左定食，我地一人一份， 定食包括了前菜、湯和甜品，配搭非常好，十分滿足前菜分別為沙律、湯、小食，平日餐湯通常係麵鼓湯，但由於今日週末關係，餐廳特別安排了豬骨湯，夠熱又暖胃，perfect 餐前點綴。小食是海折，配上醬汁鮮甜味道，爽口野味勝八便當好豐盛的便當，有天婦羅、刺身、牛尾蘿蔔、還有一碗鵝肝飯，味道層次豐富。咁豐盛的便當我最愛一定係鵝肝，呢款鵝肝Creamy，鮮味濃厚，我好快就食side，手快手慢冇。自選壽司定食賣相相當華麗，可以自己揀自己中意ge壽司咁就選擇了吞拿魚腩、深海池魚、油甘魚、牡丹蝦、海膽、三文魚籽、時令魚（真鯛）；各種壽司都非常新鮮美味 另外真鯛係季節限定，魚鮮味好突出，口感彈牙。壽司定食還有牛肉烏冬，好豐富！味道不錯，口感及味道都好滿意。 超豐富又抵食，午市定食仲有85折優惠，而且服務一流，食物品質也相當高，我給10個讚，一定會再來！

店舖門面簡單、木牌垂直掛在牆壁、木門吊著布簾。店舖掛滿和式燈、右邊一個大電視播放飲食節目、一堆回憶照片訴說每段故事、坐位舒適。軟殻蟹溫泉蛋沙律hkd108軟心溫泉蛋配上脆嫩多肉多汁軟殻蟹、酸甜醬配搭青脆沙律菜，開胃惹味之選。牛油果大蝦卷hkd138壽司飯包裹香脆炸大蝦，再以滑嫩牛油果及蟹䰵沙拉醬作點綴。好味又飽肚。美國安格斯牛肉壽喜鍋hkd398鍋底豐富，有新鮮青脆娃娃菜、小棠菜、嫩滑豆腐、兩片大冬菇、金菇、彈牙q軟小薯粉、湯底香濃咸度剛剛好。牛肉有厚度、脂肪均勻、濃烈的牛味彈牙吸引。巨峰梳打hkd38巨峰果味重、梳打不算甜，不錯店家送上甜品，香滑芒果味雪糕配香芋糯米糍。

今天與友人到銅鑼灣逛街後，想吃日本料理，我們便到登龍看看有什麼可以值得一試。最後，決定來到勝八居酒屋。店內裝潢好日式，枱與枱之間有充足空間，不會有壓迫感。所有定食有前菜、主菜和甜點品。前菜是新鮮蔬菜做的沙拉。美國薄燒牛肉定食牛肉肥瘦分布均勻，雖有八成熟，但絕不感覺’鞋’ 口，而且還很軟腍，份量十足。八勝刺身定食八勝代表招牌的意思，所以刺身用料和質素較普通刺身為佳。包括有：海外膽、帶子、甜蝦、三文魚、吞拿魚和鯛魚。兩大扳海膽再加上大粒魚籽，更特出鮮味。帶子厚肉，甜蝦夠爽，其他魚生新鮮肥美，不愧是招牌刺身定食。甜品紫薯雪米滋，雖然不是自家製，但有香濃的紫薯味，細細粒，份量剛好。總括午市有多款定食任均選擇，而且還有八五折優惠，有這樣的質素，是絕對抵食。

好久沒有見好友了，我就看她什麼時候約我，終於還是忍不住主動約她，要不然到天荒地老還是等不到她約我的，只是我一約，她又會用最快的速度應約，好朋友大概就是這樣，由於我們都是最愛吃日本菜，所以選擇吃日本菜是必然的選擇。1：紅豆雪糕+芋頭糯米糍吃日本野，到最後不吃返個甜品，總覺得美中不足，紅豆還是日本餐廳做得好，不能不否認的。紅豆又粉又甜，非常美味！2：海膽炒飯----$158總體還是不錯的配搭，原來加上洋蔥更加好味，為這個海膽飯加了不少分。3：羊架------$156大概7成熟的羊架，外脆內嫩，配合醬料，非常可口，加點檸檬點綴一下，更能夠帶出肉的鮮味，又不會強了羊獨特的騷味。喜歡吃羊的人，就是喜歡羊的那股騷味，就像喜歡吃榴蓮的人一樣，會覺得它的味道就是獨特！4：黑豚露筍卷----$96黑豚帶點肥肉，帶點香肉味，露筍很脆，絕配!5:，免治雞肉串----$56免治雞肉之所以好吃，因為有軟骨的存在，再加上一個生雞蛋伴成的醬汁，這是今晚我覺得最好的吃的一道菜，普通中有驚喜！

友人知我近排都很大壓力，所以約我出來吃吃飯。櫃台上放滿了魚種的木牌，想必主打海產。魚缸上的魚產色澤鮮豔。我們點了壽司。活寄貝，$168做了兩件壽司，色澤光鮮，口感彈牙。新鮮的寄貝有海產的彈性，不會似吃像筋。白蝦壽司，$80 x 2蝦切成了一絲絲，少了平時蝦刺身的滑潺潺，多了一份鮮甜。拖羅筋壽司，$70 x 2拖羅去燒是少有做法，拖羅魚油充足，燒製後魚油融化於魚肉中，加上魚身燒得軟軟的，一直吃那口腔一直泌油啦，好滋味。立魚壽司，$40 x 2立魚連了少少魚皮，魚肉不是有靭性那種，是較軟滑，連皮的味道有所提升。最後還送了甜品，雪糕上更有雪米滋，雙重享受！ 這兒不會很快上菜，所以可以和朋友傾了很久呢！

發現銅鑼灣隱世高質居酒屋！！店子地方吾算大的，座位有善用到空間，燈光較暗。.我同朋友午飯時間去，叫左三樣野食，估吾到樣樣都咁高質，好好食呀！😳🤤.跟餐有沙律同湯鐵板牛舌定食牛舌非常厚切，好腍！！😍👍🏼 個醬汁又好惹味，好正！送飯一流呀。.黑松露角切魚生飯丼上菜時已經聞到好香濃既黑松露味喇！有幾款角切刺身，好足料👍🏼跟本就係刺身多過飯，好滿足❤️.溫泉蛋照燒牛扒丼牛扒切成塊，幾入味，如果再juicy啲會更好。個飯入面有好多炸蒜片，超級香口！！將溫泉蛋攪拌均勻後一口食，好食到冇得彈呀！🤤好想即時食多碗😂.跟餐有黑芝麻雪糕，超濃郁，好好味😍星期一至日兩點半前埋單有85折！幾好wo不過三款食物既份量都較小🙈所以叫左三樣野先夠飽😂