勁餃笑

营业中

休息中

紅磡呢間新開嘅餃子店，店面店內都好有日式嘅風格，而且好多唔同款式嘅餃子可以揀黎食，價錢都經濟。另外坐低之後，仲有店家自家製嘅辣菜譜送上，勁香🤩🥟鮮蝦鮑魚餃其實餃子每款都好好食，不過呢款餃子嘅包餡真係好豐富，好多蝦肉係入面之餘，餃子入面好多肉汁流出黎，皮唔會太厚，整體都好正🍜皮蛋醬拌麵大大碗熱嘅乾拌麵線配上好多嘅皮蛋，皮蛋有流心嘅感覺所以撈一撈埋麵線之後成碗都好香。另外加左蒜蓉辣椒同埋芫茜，味道上好鬼香，辣辣地又夠濃香，好鬼好食🤩🤤煎朱古力餃（4隻) +$35原來食餃子都可以有甜品，個皮煎到勁脆！入面朱古力溶晒流晒出黎，朱古力個味唔會太甜，好有驚喜⭑⭒⭑⭒⭑⭒⭑⭒⭑⭒⭑⭒⭑⭒⭑⭒⭑⭒⭑🥟水餃套餐（10隻) $52韭菜猪肉餃，鮮蝦鮑魚餃（雙併）🍜皮蛋醬拌麵 +$20🦐醉蝦 +$28🍫煎朱古力餃（4隻) +$35🥟煎餃套餐(6隻) $40(煎）大蔥牛肉餃，（煎)芝士辣雞餃🍜花膠雞絲湯麵(轉菜底) +$30

上網見到關注組個post知道有新餐廳開張，個名好攪笑，而作為紅磡既街坊就好開心又有新嘢試～成間鋪頭日式裝修好舒服，我地一坐低，店員就比筷子我地，仲有個超得意既餃子形狀筷子拓同辣菜圃😍 我地叫左一份水餃一份煎餃，雙併可以試足4隻味～ 個煎餃煎得幾靚，黑松露味好出同粟米粒好夾，個辣雞餃好過癮咁辣同脆口🌶️ 水餃叫左最安全既韭菜同白菜好清甜仲有皮蛋醬拌麵同埋花膠雞絲湯麵，個雞雞湯好黏口，feel到滿滿嘅骨膠原，食完唔口渴再加麻辣牛腱，飽到呢～ 食咁多野都係百幾蚊，抵👍🏻侍應超有禮貌，加分✅ 下次再試其他餃先

呢間聽朋友講起個餐廳改得好有趣，玩食字gag叫勁餃笑，夜晚去開呢頭諗起就試一試。裝修好別緻，連筷子座都係餃子會唔會太可受～。入去有一個自助區可以自己裝醬料，個人係豉油派，但好多餃子店迫我點醋嗚，但呢度連青檸汁都有。任食嘅麻辣菜脯係自家製，有落xo醬，味道比較港式又好惹味。💡水餃套餐 (韭菜豬肉餃 x 椰菜豬肉餃) 女店主落單個陣親身小推介，湯餃揀返主打菜嘅餃子體驗更好，韭菜豬肉呢個基本款係必點，韭菜香豬肉半肥熟先唔會柴或者膩。椰菜相對比韭菜就甜啲，💡煎餃套餐 (大蔥牛肉餃 x 芝士辣雞餃)煎餃煎得幾靚，大蔥牛肉仲有啖啖肉汁，大蔥勁香口，搭住菜脯食一流。到個人最愛嘅芝士辣雞餃，味道調得剛好，辣辣地好開胃，芝士都做得拉絲效果，仲有少少粟米有口感有甜味。💡麻辣雞絲拌麵香香辣辣，雞絲搭住麵食，個人推薦加埋菜脯更濃味同有口感。💡醉雞翼醉雞翼酒味唔濃，口感清新。💡羅漢果白茶呢個又係自家製之作，好似媽媽煲嘅感覺，甜甜地又天然健康。💡煎朱古力餃估唔到連食餃子店都可以揀甜品，見呢個咁得意就叫嚟試試。皮竟然都係餃子皮，餡係類似平時食朱古力包嘅流心餡，唔會係假甜膩個隻，真心似餃子版心太軟。

黃埔最近開左好多新餐廳， 呢間食餃子價錢親民， 人氣都好高， 日系裝修明亮乾淨, 而家新張優惠仲有9折， 坐低見到師傅撈緊餃子餡， 真係每日係街市用新鮮豬肉牛肉現包，食得放心。 自家製辣菜脯好開胃， 連飲品都係自家製再入罐， 出面搵唔到！推薦湯餃， 雞湯好甜， 老闆話加左一款水果落去煲，試過嘅歡迎又估下係咩， 我估左3款都唔中。6隻水餃套餐 $40鮮蝦帶子餃 併 鮮蝦鮑魚餃 +$8好矜貴嘅材料，真係食到鮑魚同帶子粒係入面，口感層次豐富。麻辣雞絲拌麵 +$25建議跟湯麵，因為佢個湯真係好清甜無味精。6隻唔知食咩好－煎餃套餐 $44因為太多款餃子黎個盲盒， 估唔到有2隻係黑松露粟米， 雖然賣相燶燶地， 但唔會食到成口油，仲有少少焦香。羅漢果白茶（凍）+$10

原木色帶點日式風的 勁「餃」笑價錢優惠且新張期堂食外賣全單九折吸引不少街坊學生 亦吸引愛餃嘅我除餃子亦有麵食、小食同甜品醬料(共四種)同水都係自助的不得不提辣菜甫(蘿蔔+蝦米)！夠辣之餘 個辣慢慢滲出 越食越好食 送麵的話一流👍🏻🥟 𝟔隻$𝟒𝟎 𝟖隻$𝟒𝟖 𝟏𝟎隻$𝟓𝟐可雙拼 某些款式需另+$𝟔/$𝟖水餃煎餃餡料肉質嫩腍唔會硬實實🥢水餃套餐▸ 黑松露豬肉拼鮮蝦帶子 $𝟒𝟖香濃黑松露食落味剛好不過濃唔會只食到黑松露味鮮蝦帶子都幾脹卜卜蝦肉新鮮爽口 但唔太食到有帶子▸ 白菜豬肉 $𝟒𝟎雖然餡料較少且有點鬆散但整體味道係唔錯嘅煎餃套餐▸ 芝士辣雞 $𝟒𝟔芝士味剛剛好不會太濃太咸食落唔太似雞肉 有少少粟米辣辣地好惹味 感覺似食泡菜餃點埋檸檬汁食不覺膩▸ 椰菜豬肉 $𝟒𝟎椰菜爽爽地又夠腍菜比例較多但食落不失肉鮮呢款我個人鍾意點埋醋食😎🍹▸ 洛神花茶 $𝟐𝟎雖用鋁罐但係店家自己煲的飲落味似山楂+話梅 酸酸微甜 開胃又解渴

新店開業有9折，兩個人分別點了雙拼白菜豬肉併椰菜豬肉湯餃，和大葉雞肉併鮮蝦豬肉煎餃，全單101元。湯餃先上，大約是餃掂那個大小，涵料比餃掂實，但不會撐得整隻餃都是料，所以建議食量大的可能要多點個面。料是新鮮的，不過沒有驚喜，反而青紅蘿蔔湯很濃很好喝。有點取巧是陶瓷碗很高但修身得底部很細，所以其實湯沒有多少。餃子皮是偏厚的，會稍稍有點粉味，如果喜歡有筋道的會比較合適。煎餃有點點黑焦了，驚喜是大葉是紫蘇葉，很重香料味。但我會建議大葉配肥肉會更搭一點，你見壽司是用來配灸燒左口裙邊就知道了。整體而言算是一間不錯的小店，水準平均，份量稍少，下次可能再試試面底看看會不會有其他驚喜。

可能新開張都有少少亂，同埋好多人想試 要等位，但係佢個環境幾乾淨企理！我叫咗鮮蝦帶子餃，好好味，入邊大大粒帶子，食到好鮮味。另外嗌咗個雞湯麵，個雞湯冇味精超濃雞味，有阿媽煲雞湯嘅味道。我啲朋友就試咗大葉雞同埋鮮蝦鮑魚餃全部都一致好評。我地仲嗌咗朱古力 有驚喜！個皮好薄入邊啲朱古力唔會好甜，但係又覺得好有味覺衝擊！爭啲唔記得咗講，佢啲自家製菜脯都好好味。店長話而家新開張外賣同埋堂食都有九折優惠。為返都係$100一個人真係好抵（仲要係食到超飽）睇得出店長用心做！真心推

最近真係好鍾意食餃子，今日咁啱去紅磡黃埔花園搵個朋友食飯，佢竟然提議去食餃子，話有一間新嘅，裝修都幾靚。去到門口嘅時候真係嚇咗一跳，裝修好日式，好有小清新感覺，周圍都有好多小貓咪嘅裝飾，超可愛。餐牌都有好多選擇：水餃、煎餃、麵食、拌麵、小食同甜品樣樣都有！呢到店面細細，但超多人，入面坐滿晒資源，我哋都排晒長龍，除咗堂食之外，外賣單都勁多。今日我地真係乜都叫黎食，食得好開心！韭菜豬肉餃同白菜豬肉餃我哋都要咗湯餃，湯底好好飲，雞湯味好濃，每隻狗都超飽滿，入面嘅菜亦都食得出係好新鮮！椰菜豬肉餃我哋就要咗煎餃，煎得香口之餘又唔會太油。另外都要讚吓個醉蝦，真係整得好好食，酒味唔會太濃烈，隻蝦又夠大隻。最後甜品我哋就決定要咗個煎朱古力餃，都幾特別！

勁有心嘅小店！手工餃子好味、皮蛋拌麵有特式裝修日系乾淨❤️坐位唔算太多、但坐落空間唔會窄紅磡輕食好推介👍🏻好食到唔記得影相🤣 淨返啲吉碟下次試吓同同事嚟食lunch 希望唔使等太耐位