影片
以上资料只供参考，请与餐厅确认详情
黄埔真系有好多宝藏餐厅例如呢间饺子店 门面几靓有啲日式嘅感觉长期都有唔少人排队 人流不绝今次终于比我食到 地铁站行过嚟几分钟就到先讲结论：好食！高评价饺子店个人最喜欢的口味 1.鲜虾带子猪肉 / 黑松露粟米猪肉 （好似几重本，整个配搭有层次，真心好食平时少见）2.芝士辣鸡饺 （唔会太辣，仲有芝士拉丝平衡一下，好惹味）3.韭菜猪肉饺 （传统口味一定好食，馅料好新鲜）汤饺最紧要系个汤 佢哋嘅鸡汤系每日新鲜煲 鸡骨鸡脚仲有哈密瓜 火候够 入口有种微甜 饮得好舒服听人讲好多时候加咗「手工」就会贵好多但系呢间手工饺子店 价钱又几合理几十蚊一碗 选择又多而且口味比较有惊喜 有几款套餐 汤饺和煎饺 仲可以另外再加配面两个人拣咗几款食物share饮品方面，有几款自家制饮品都唔错我就拣咗金罗汉果白茶 仲要系罐装 饮完好似真系冇咁热气 另外苹果雪梨茶都几正亦有自助茶水服务 亦有纸巾供应 （重点系佢哋嘅自制辣菜脯 好食到我哋买咗一罐）口感好爽 值得一试 （落单时 可以拣埋 可以配饺子食，唔使加钱）相信店主应该真系好钟意日本料理噌系大根类似日本关东煮的大根萝卜 鸡汤好入味而且大根完全冇渣饺子套餐可以加购面食 麻辣鸡丝拌面 +30份量超多 仲有鸡丝和麻辣酱 仲可以唔同面质最后啲汤真系饮晒
继续阅读
今日嚟到黄埔呢边觅食，行过见到呢间装潢好日式嘅饺子专门店，见佢哋都几多客，等我又试吓先🤓今次试咗佢哋三种饺子，两款汤饺一款煎饺，整体感觉都好足料，汤底无味精，而且都几浓。大葱牛肉汤饺呢款汤饺啱哂中意大葱嘅人，浓郁大葱香气咬一口已经闻到，系爆发出嚟啊！牛肉同大葱嘅比例啱啱好，汤饺建议一上枱即刻食，以免层外皮浸得耐会穿。大叶鸡肉汤饺 呢款我个人极力推介大家要拣，佢哋用咗紫苏叶包住鸡肉制成饺子，一口咬落充满着紫苏叶嘅香气，而且鸡肉饺子相对猪肉或其他肉类少脂肪，适合比较注重健康，想要优质蛋白质饮食嘅人。鲜虾带子猪肉煎饺呢款饺子用料十足，咬落去见到包裹住原粒带子同鲜虾，估唔到食落都几夹㖞，充满着海鲜嘅风味。而且煎饺外皮非常焦脆，放多一阵食都OK，一向钟意食煎饺嘅朋友唔可以错过！皮蛋酱拌面出面较少见到呢款皮蛋酱拌面，所以朋友点嚟试吓，𠮶酱系佢哋自家调配，几惹味，而且冇乜味精，食完都唔会口渴。醉鸡翼用花雕酒腌制而成嘅醉鸡翼，食落相当有酒香，除咗外皮，入面肉质都充满着香气，估计已经腌咗一整晚，作为小食几唔错。醉虾醉虾味道都相对浓味，可能一样腌制咗整晚，呢个建议配埋面食。鲜味花甲粉呢款花甲粉系期间限定，花甲嘅份量都唔少，鲜味充足。
继续阅读
喺红磡要揾间小店食Dinner好轻松~但揾间 又好食+又有heart+价钱亲民+ 环境舒服既小店 真系唔易嫁!今次就系揾倒劲饺笑喇🙌🏻玩食字 劲搞笑😂本身谂住而家香港嘢缤纷~ 谂住8:30后应该好多位可以堂食…点知劲饺笑得返两个位😂啱啱好平时坐吧枱位🥲最怕就系冇位摆袋而呢间舖头好贴心!吧枱位枱底下面会有个钩俾你挂袋~餐牌上面都好多选择, 饺子为主另外有几款面食同甜品~好多都好吸引! 好想试多几款~所以每人都叫咗个双拼🙌🏻一份煎饺+一份汤饺In general~ 无论煎饺定汤饺, size都好大只~ 成个散子包咁大🤡饺子皮唔会薄到一夹就穿, 但咬落又唔觉得厚皮~馅料非常之多, 而且唔会散晒出嚟!辣菜脯可以免费加~连埋饺子一齐食, 口感好加分 & 香味亦都好突出🥟煎: 黑松露粟米猪肉饺+芝士辣鸡饺松露饺劲香黑松露味🤡啖啖肉辣鸡饺好香口可能因为拣咗煎饺, 食起上嚟多咗一份焦香🫶🏻🥟汤: 大葱牛肉饺鲜虾带子猪肉饺汤底比较清香. 饮落唔会有味精味, 真系饮得㗎!猪肉饺入面, 真系会见到有粒带子! 真材实料啊~唔系带子碎!如果怕唔饱🤡可以加多个麻辣鸡丝拌面/花甲粉我地两个都叫哂😂麻辣鸡丝拌面麻辣酱捞得够匀淡淡都有味，而且份量好足够花甲粉有金菇, 粉丝, 6-7只花甲~ 过足口瘾
继续阅读
红磡｜劲饺笑 -▪️汤饺🥟 (鲜虾带子猪肉饺🦐🐷 拼椰菜猪肉饺🥬🐷)饺子大大只，个皮厚薄适中，包住满满嘅馅料。鲜虾带子猪肉饺内馅有鲜虾、珍珠带子，爽口弹牙，仲加咗啲粟米粒，更有口感。椰菜猪肉饺个菜同肉比例啱啱好，椰菜仲保持到爽脆口感。而个汤底就用咗鸡壳🐔、鸡脚🐔、蔬菜🥬等熬煮5小时以上，饮得出系冇落味精▪️煎饺🥟 (黑松露粟米猪肉饺🌽🐷 拼白菜猪肉饺🥬🐷)煎饺外皮煎得好脆口，又唔会太油。黑松露粟米饺一入口个黑松露味出晒嚟，好香浓。白菜猪肉饺味道就相对清甜▪️花胶鸡丝汤面🐔🍜拣咗米线，份量都唔少，花胶口感软腍。不过整体味道偏淡少少，可以加啲自家制菜脯一齐食▪️鸡丝胡麻酱拌面🐔🍜拌面系热嘅，拣咗扁面，有咬口，而且几挂到个胡麻酱▪️煮蚬蚬肉鲜甜，个底仲有大量金菇同粉丝，好入味，仲带少少辣，几惹味▪️麻甩饺🥟外皮香脆，中间包住麻糬，烟烟韧韧，沾啲花生芝麻粉🥜，真系好似食紧糖不甩咁▪️煎红豆麻糬饺🫘🥟中间同样包住麻糬，再配上红豆，口感绵密，甜甜哋，好夹▪️自家制金罗汉果白茶🥤▪️自家制苹果雪梨水🍎🥤饮品都系自家制，唔会太甜，好滋润健康嘅感觉劲饺笑📍红磡德民街36号地下5L号舖
继续阅读
劲饺笑，果然有够「劲」！今日这趟饺子之旅简直是味蕾的狂欢。首先登场的是鲜虾带子汤饺，一口咬下，虾肉鲜甜、带子嫩滑，配上热腾腾的汤头，犹如海洋的精华浓缩在一碗里，每一口都是奢华的享受。汤底温润醇厚，完全衬托出馅料的鲜美，令人大呼过瘾。然后来到皮蛋酱拌面，这组合绝对是创意爆发！丝滑的面条裹著浓郁的皮蛋酱，带点咸香、带点甘醇，还有微微的豆香与泥土气息，整体层次感丰富得让人惊喜。拌匀后，每一口都是味觉的大冒险，令人不禁一口接一口。这间店的名字叫「劲饺笑」，而我吃完确实是「笑住离开」！如想寻找既有创意又满足味蕾的饺子料理，这里绝对值得一试。
继续阅读