勁餃笑

营业中

休息中

呢間餐廳個名真係勁搞笑叫勁"餃"笑，入面有家庭式feel既裝飾，醬汁係自助既，仲有一黎就會擺左碟好靚既餃子裝飾同埋有辣菜脯食，我地叫左兩款煎餃入面包既涵料好多，芝士辣雞餃入面好芝士又唔算太辣，豬肉餃都好香口。蒸湯水餃就揀左韮菜餃，入面好多粒，粒粒飽滿分明，湯味清清地唔會好油膩。加配小食辣牛，青瓜好脆，牛切成細細粒甘，真係食食下好辣下既。飲品：自家制洛神花茶酸甜開胃，仲有自家制既其他飲品都好特別配餃子食岩晒

位於黃埔的手作餃子店，主打手工、新鮮現煮的餃子，傳統及創意口味皆有。門口看似日式料理店，走簡約清新的木系風格，裡面座位不多，吧枱位置有飲用水及醬料自助區。不論是店名、佈置、餐牌等都別出心裁，連桌上筷子座也是餃子造形的，很可愛。小食：涼拌日本山藥日本山藥，厚切帶點黏液，蘸點醬油及山葵，很開胃。水餃：大葉雞肉餃雙拼韭菜豬肉餃湯底是雞湯，濃而不膩。大葉是指紫蘇葉，那股天然的香氣非常突出，配搭淡味的雞肉恰好。雞肉肉質飽滿，很有口感。韭菜豬肉餃裡面包裹著韭菜、豬肉等，皮不易爛，餡料比例平均。麵食：花膠雞絲湯麵一大片花膠，配些雞絲的清雞湯麵，味道清淡、健康。飲品：羅漢果白茶自家製作的飲品，味道天然、甘甜。

聽講紅磡開咗間新餃子店，是晚同朋友特登過嚟試下，店名叫勁餃笑，都好易記呀😋大概八點鐘左右嚟到，門口仲要等位，等一至兩張左右啦。坐低後，店員便送上qr code同餐牌，示意旁邊有自助調味品同後邊有自助水。店內有不少貓貓裝飾，加上光猛的木系裝修，感覺都唔錯。⭐水餃套餐朋友點咗十隻嘅水餃套餐，單點同雙拼都係一樣錢，咁貪心啲一次試兩款口味先。揀咗韭菜豬肉餃拼香蔥豬肉餃，再加咗皮蛋醬拌麵😋兩款搞外觀很似，食落就知道邊款係韭菜邊款係青蔥，菜肉比例唔錯，兩款口味都係香口嘅😋除咗餃子，仲可以用跟餐價加份麵食，朋友揀咗皮蛋醬拌麵，剁碎的皮蛋加上大量芫茜，鹹香鮮味幾正喎😍⭐煎餃套餐自己就揀咗八隻嘅煎餃套餐，同樣雙拼都係唔使額外加錢嘅，咁就揀咗芝士辣雞餃拼大蔥牛肉餃，仲加咗一份胡麻醬拌麵😋辣餃入面包咗粟米同雞肉，小小辣仲有芝士香添，新款又好味。大蔥牛肉餃的大蔥勁香蔥味，鍾意食蔥嘅人一定鍾意呢款😋胡麻醬拌麵加錯唔少青瓜絲，清爽又有口感，正🤤⭐醉雞翼朋友仲加咗一份醉雞翼，一份有四隻，size仲係大隻嘅雞翼添，有酒香又有花椒八角味，雞翼入曬味真係好好食🤤⭐煎朱古力餃自己就想試下呢個朱古力餃，甜食嘅餃子真係好少見，

聽到個名都想笑「勁餃笑」Gaomoshiroi，原來”GAO”係廣東話拼音「搞」，”Omoshiroi”係日文解搞笑，所以老闆娘就改左呢個名🤭餐廳主打所有食材新鮮，湯底唔會有味精，超健康！老闆娘仲賣左個關子，據說湯底係落左種生果，所以湯底略略有d甜味的🐷椰菜豬肉湯餃 6隻 $40脹卜卜餃子，皮薄餡靚，肉汁鎖起，配上清雞湯，好有家既味道，主打無味精湯底，每日買新鮮雞同配料去煲😎🐣麻辣雞絲伴麵 套餐+$25麻辣醬放上面，唔會太辣，麵條煙靭，份量麵相當大，連埋餃子一齊食，好飽🤣🤣🤣🐮大蔥牛肉煎餃 6隻超推呢個煎餃，熱辣辣煎餃，皮唔會太乾，足料，咬落都有肉汁流出🦐醉蝦 $28 （套餐價）採用新鮮蝦，罕有見到蝦係直不甩，因為餐廳唔係用急凍蝦，仲相當濃味，以為自己要醉🤭🫖自家製金羅漢果白茶 跟麵食/餃子減$10採用金羅漢果，會比普通既羅漢果更加順口同易入口，比較潤喉，老闆娘仲落左白茶茶葉，更香更好飲，不得不推介自家產品一定要飲！📍 勁餃笑 (紅磡)🗺️ 紅磡德民街36號地下5L號舖

新開餃子小店！驚現朱古力煎餃、紅豆麻糬煎餃(*ﾟﾛﾟ)創意定係伏！？✿ 唔知食咩好 (6隻) $④④✿ 煎朱古力餃 (4隻) +$③⑤木系店面帶日式𝚑𝚘𝚖𝚎𝚢感 仲隱藏唔少喵喵裝飾ฅ•ω•ฅ專為選擇困難症患者而設嘅「唔知食咩好」餐～餃子口味由廚師發辦 好似抽緊盲盒咁！一次過食到幾款味餃子皮唔算好薄 係帶點煙靭嗰種 但粉感唔重內餡菜肉比例各半 咬開少少鬆散 但味道唔錯 係新鮮爽脆嘅(•‿•)除左白菜椰菜餃嗰啲 仲有鮮蝦帶子、鮑魚、黑松露、芝士辣雞餃仲有壓軸出場嘅煎朱古力餃 ¬‿¬望落雖然黑蚊蚊 但味道可以！少少流心 唔死甜 個皮脆脆地 無想像中嘅違和感 可以挑戰下嘅𝗁𝖺𝗁𝖺！

餃子控又出動喇‼️好多餃子店名都會玩食字遊戲，呢間「勁餃笑」亦是😃望見店名已經好有記憶點～～呢間餃子店帶有日本風，以簡約木系設計！「鮮蝦帶子餃」湯餃嘅湯係自家製雞湯，仲可以不停refill雞湯一啲都唔油膩，味道清甜雞味濃，餃子餡非常飽滿，餃子皮一啲都唔厚，入面有帶子、蝦隻、豬肉、粟米，材料勁豐富，入口好有層次，帶子鮮嫩口感+蝦隻爽彈口感，yummy yummy「煎韭菜豬肉餃」金黃色嘅底部，咬開係香脆爆汁韭菜味勁香，豬肉肥瘦適中，入口唔會有肥豬肉口感❤️「味噌大根」清甜大根完全無渣，夠入味又夠淋「醉雞翼」

最近係街坊關注組發現咗呢間新開既餃子店，仲要係因為食字上咗網媒報道人氣大增，小店主打新鮮現絞、現包、現煮既傳統及手工餃子，放假即刻過黎食個Late lunch裝潢以日式木系為主，入面佈局左邊就係面牆吧檯位，右邊就係二人四人檯等，另外仲有好多貓貓相關既小裝飾，非常可愛用心睇睇餐牌發現餐廳英文名係Gaomoshiroi，係將中文餃字同日文搞笑合二為一，真係勁餃笑。小店有10款餃子，同樣可以揀湯餃或煎餃，最特別仲有款廚師發辦餃，最啱想試新野既人，5款麵食同十幾款小食甜品飲品黑松露粟米餃 湯餃雙拼其中一款，皮薄透出肉餡帶點黑，食落黑松露味濃而不濁，提出豬肉餡鮮味，粟米令口感變多層次鮮蝦帶子餃呢度最貴既餃子之一就係呢款海鮮餃，一咬就帶子蝦味湧出黎，仲見到大大粒帶子，真係好真材實料大蔥牛肉餃煎餃雙拼其中一款，大蔥味都好搶，牛肉餡都幾多汁，煎得外層好脆，底部似用麵粉水開出既煎脆皮大葉雞肉餃大葉即係日本紫蘇葉，味道爽勁帶有清香，去除腥味都好好，雞肉質唔會鞋，亦有咬口味道胡麻醬拌麵原來呢款係熱拌麵，胡麻醬甜鹹惹味，麵質較爽彈

湯🥰鮮蝦帶子餃🥰 併 鮮蝦鮑魚餃🥰餃子餡料豐富，每隻都食到鮮蝦既鮮甜爽口，咸香味又煙UN既鮑魚同清甜既帶子粒，餃子皮亦都唔會太厚，夠薄身，咬落仲有好多湯汁，好juicy!!! 口感同味道都好豐富。湯底係雞湯，下面再分享湯嘅味道🥰好味!煎🥰 大葉雞肉餃🥰 併 黑松露豬肉餃🥰 超級惹味可口！用上清新日本大葉，夾埋爽口既雞肉，鍾意試特別口味嘅必點！黑松露豬肉餃香味非常之濃郁！黑松露香味完全揮之不去😂必點！餃子外皮煎得香脆可口，唔會入口好嚡，食落亦都唔會油膩。花膠雞絲湯菜底 🥰雞湯好濃郁，用雞 多款蔬菜同水果煲出黎，同出面會有浸豬嘅味，完全唔一樣！飲落好清甜唔會好咸，真係有雞味，完全冇味精，好健康。花膠雖然得一嚿，但係非常之有咬口。雞絲夠嫩滑，睇得出人手撕嘅痕跡蠔油時蔬 🥰 蔬菜煮得岩岩好，入口好嫩醉雞翼 🥰 嫩滑雞肉，清新酒香，開胃!醉蝦 🥰 用新鮮生猛基圍蝦，清爽彈牙 淡淡酒香味 蝦味濃，好鮮甜洛神花茶🥰甜甜酸酸小甘，師傅每日自家製,洛神花之外仲有九製陳皮喺入邊，所以飲落嘅味道豐富好多！如果中意食辣既唔好唔記得佢地既自家制辣菜脯 🥰 入面有蘿蔔同蝦米，初初入口唔會覺好辣仲好爽脆，一流! 越

當一個好鍾意食餃子嘅人遇上一間主打餃子嘅餐廳結果係會好瘋狂．好滿足配上木系裝潢．倍感舒適筷子座都係餃子形狀連餐廳名都好搞笑真係好多餡料選擇煎餃．湯餃 各有特色✨ 白菜豬肉餃 拼 鮮蝦帶子餃湯底清甜不膩餃皮厚薄適中每隻都真材實料好飽滿如果喜歡食辣．加上辣菜脯會更惹味✨ 香蔥豬肉餃 拼 黑松露豬肉餃煎餃好正呀．外皮煎得金黃香脆特別鍾情黑松露口味裡面仲加入粟米粒．令口感更豐富✨蠔油時蔬娃娃菜唔係白烚咁簡單味道清甜．配上蠔油唔食菜嘅朋友都食唔停口✨煎朱古力餃第一次食甜嘅餃子餃皮脆卜卜．咬開裡面朱古力湧出味道濃郁無諗過可以咁夾今餐未食完．已經約定下次要再嚟

行過見新舖開張,見到舖名勁搞笑,即本入去試試. 叫左牛肉餃, 黑松露餃, 胡麻醬拌麵. 餃子還可以,湯底唔肯定係咩湯,唔係一般清湯,有啲特色. 拌麵就麻麻地,冇乜麻醬味. 用咁大隻碗裝咁少食物,更顯得食物份量細. 個餃子造型筷子座都好搞笑,提供食物以外的一份情趣. 貓貓迷要留意裝修擺設細位,會有驚喜. 座位唔多,加上新開,要預左繁忙時間多人排隊. 櫈的高度比正常高,坐得唔係太舒服.

路過紅磡見到新開嘅餃子店入左去試下鋪頭座位唔多，坐落唔會覺得好逼夾叫左個8隻湯餃set，個湯底好濃味，好有住家湯嘅feel，唔覺得有味精，似係阿媽煲嘅湯個牛肉餃子好香 啲皮好薄啲餡又好多。講。另外雙拼叫咗帶子餃都唔錯，入邊有原隻蝦同埋帶子好有口感。之後仲食咗個拌麵個人覺得個面加咗佢哋嘅菜脯，個層次有提升啲面好彈牙，份量好足夠。唔使。最後甜品係朱古力餃，甜得來又唔會話too much。下次經過都會再嚟食！大推！

呢間餐廳名真係勁搞笑😹，比個名吸引左好想試下就約左朋友一齊去食。餐廳內有檸檬水，食客可自行斟黎飲。另外重有醬料可以自己出去攞👍🏻。醬料選擇多，有醬油、青檸汁、醋、辣椒油等。我個人鍾意煎餃點醋同吃，份外滋味😋。一坐底店員就問我地食唔食辣，原來比一小碟辣菜脯我地～嗌左兩個水餃套餐同一個煎餃套餐。水餃同煎餃都係即叫即製，夠晒熱。餃子🥟皮薄餡靚。水餃套餐(10隻)：韭菜豬肉餃併鮮蝦鮑魚餃(加$8)加$15嗌左「涼拌菠菜」有柚子，味道清新～水餃套餐(6隻)：鮮蝦帶子餃真係有粒粒帶子同蝦！夠晒真材實料！👍🏻加$23嗌左醉雞翼。有酒香～🥰煎餃套餐(10隻)：椰菜豬肉餃併黑松露豬肉餃(加$6)餃子皮雖然薄但唔會煎燶👍🏻，反而煎到個底微脆香口❤️。加$15嗌左「涼拌日本山藥」。山藥口感爽脆👍🏻。有少少豉油和wasabi，食落味道好似食緊刺身壽司咁。食飽，朋友想飲野，嗌左凍洛神花茶。酸酸甜甜好開胃。

紅磡呢間新開嘅餃子店，店面店內都好有日式嘅風格，而且好多唔同款式嘅餃子可以揀黎食，價錢都經濟。另外坐低之後，仲有店家自家製嘅辣菜譜送上，勁香🤩🥟鮮蝦鮑魚餃其實餃子每款都好好食，不過呢款餃子嘅包餡真係好豐富，好多蝦肉係入面之餘，餃子入面好多肉汁流出黎，皮唔會太厚，整體都好正🍜皮蛋醬拌麵大大碗熱嘅乾拌麵線配上好多嘅皮蛋，皮蛋有流心嘅感覺所以撈一撈埋麵線之後成碗都好香。另外加左蒜蓉辣椒同埋芫茜，味道上好鬼香，辣辣地又夠濃香，好鬼好食🤩🤤煎朱古力餃（4隻) +$35原來食餃子都可以有甜品，個皮煎到勁脆！入面朱古力溶晒流晒出黎，朱古力個味唔會太甜，好有驚喜⭑⭒⭑⭒⭑⭒⭑⭒⭑⭒⭑⭒⭑⭒⭑⭒⭑⭒⭑🥟水餃套餐（10隻) $52韭菜猪肉餃，鮮蝦鮑魚餃（雙併）🍜皮蛋醬拌麵 +$20🦐醉蝦 +$28🍫煎朱古力餃（4隻) +$35🥟煎餃套餐(6隻) $40(煎）大蔥牛肉餃，（煎)芝士辣雞餃🍜花膠雞絲湯麵(轉菜底) +$30

上網見到關注組個post知道有新餐廳開張，個名好攪笑，而作為紅磡既街坊就好開心又有新嘢試～成間鋪頭日式裝修好舒服，我地一坐低，店員就比筷子我地，仲有個超得意既餃子形狀筷子拓同辣菜圃😍 我地叫左一份水餃一份煎餃，雙併可以試足4隻味～ 個煎餃煎得幾靚，黑松露味好出同粟米粒好夾，個辣雞餃好過癮咁辣同脆口🌶️ 水餃叫左最安全既韭菜同白菜好清甜仲有皮蛋醬拌麵同埋花膠雞絲湯麵，個雞雞湯好黏口，feel到滿滿嘅骨膠原，食完唔口渴再加麻辣牛腱，飽到呢～ 食咁多野都係百幾蚊，抵👍🏻侍應超有禮貌，加分✅ 下次再試其他餃先

呢間聽朋友講起個餐廳改得好有趣，玩食字gag叫勁餃笑，夜晚去開呢頭諗起就試一試。裝修好別緻，連筷子座都係餃子會唔會太可受～。入去有一個自助區可以自己裝醬料，個人係豉油派，但好多餃子店迫我點醋嗚，但呢度連青檸汁都有。任食嘅麻辣菜脯係自家製，有落xo醬，味道比較港式又好惹味。💡水餃套餐 (韭菜豬肉餃 x 椰菜豬肉餃) 女店主落單個陣親身小推介，湯餃揀返主打菜嘅餃子體驗更好，韭菜豬肉呢個基本款係必點，韭菜香豬肉半肥熟先唔會柴或者膩。椰菜相對比韭菜就甜啲，💡煎餃套餐 (大蔥牛肉餃 x 芝士辣雞餃)煎餃煎得幾靚，大蔥牛肉仲有啖啖肉汁，大蔥勁香口，搭住菜脯食一流。到個人最愛嘅芝士辣雞餃，味道調得剛好，辣辣地好開胃，芝士都做得拉絲效果，仲有少少粟米有口感有甜味。💡麻辣雞絲拌麵香香辣辣，雞絲搭住麵食，個人推薦加埋菜脯更濃味同有口感。💡醉雞翼醉雞翼酒味唔濃，口感清新。💡羅漢果白茶呢個又係自家製之作，好似媽媽煲嘅感覺，甜甜地又天然健康。💡煎朱古力餃估唔到連食餃子店都可以揀甜品，見呢個咁得意就叫嚟試試。皮竟然都係餃子皮，餡係類似平時食朱古力包嘅流心餡，唔會係假甜膩個隻，真心似餃子版心太軟。