加東叻沙蝦麵 (已搬遷) 新店位置

今天到上環，是我喜歡搵食的其中一區。今天選了加東叻沙，天氣開始變，所以決定不食辣的，叫了一碗魚片蝦麵加豆腐朴。之前食過叻沙都不錯，但已經大半年之前。麵來了，吃了兩口，發覺不對路！我叫的是蝦麵，但蝦呢？找了很久都找不到。叫叔叔過來問問搞過清楚。他是很老實的人 ：「有的，但很少！」。我再海底撈針試試。找到了！有一片！都符合了商品說明條例嘅！大家，一片即是半隻蝦！蝦的長度約得我半隻手指尾的長度。天啊！價錢已經不平$66，成碗只得豆腐朴同埋魚片，真是有點離譜！這碗麵湯底一點蝦味也沒有，但又都不致於稀lung lung，可以接受。

差到不能的餐廳，會坐在我們桌旁催促下單…或許剛從新加坡旅遊回港，味道是不錯，但肯定不是做著新加坡味道。雞絲是超級乾和“鞋口”的雞胸肉，我沒多吃，吃剩了很多雞絲。麵不是米線，類似檬粉。重點是，我們才剛吃飽，一放下竹筷便有女待應快速收走碗筷。我們整頓飯只花了大概20分鐘，然後坐著閒聊10分鐘後，女侍應雙手按著我們桌子，以極大聲量喝我們！那聲量大到是整個餐廳的人都看著我們！所有人的視線都落在我們身上！尷尬得很！她說：食完未啊？食完就還返張台比我喇，好唔好？………我覺得簡直是侮辱！我們不是白吃的！餐廳外亦只見一人排隊，聽說只是一人用餐！但餐廳還有4-5個獨立座位。整頓飯用餐加閒坐只用了30分鐘，犯不著要用大聲喝走我們吧！？你要我離開，可以用請求語氣，但用大大聲的命令語氣喝走我們，就真的很過份了！！！價錢不是便宜，但服務質素差到極點，簡直是“貼錢買難受”！！！！

海南雞飯D雞有骨，肉質冇味，雪肉味，飯有飯焦，牙力少D都吞唔到。侍應D態度非常有問題，加多一碟酱汁都好似乞咁。友人D喇沙唔正宗，雞肉又是淡而冇味。未吃完就要客人找數，經典了。

吃完中環的Old Town，最近對新加坡菜幾有興趣。在灣仔經過加東叻沙蝦麵，好像幾吸引。一進去就有種不祥預感，侍應阿姐語氣很差。雖然有蝦麵，叻沙，檬粉選擇，但只賣剩油麵和米粉。羅惹，串燒等等小食，都一律售罄，太誇張！正宗叻沙顏色不錯，但味道麻麻。湯底帶幾重的椰漿味，除此之外，就只有辣味。蝦煮到嚡哂，豆卜都煮過龍。唯一喜歡的是吃到四五粒獅蚶。油麵過腍，沒有彈牙的口感。正宗蝦麵比叻沙更差。很咸，食到很口渴。肉很嚡，跟媽媽煲完湯的瘦肉不相伯仲。還以為樣樣都賣哂，一定是很受歡迎。沒想到會差成這樣，很失望。

這裏第一次來到，因爲老公話午餐好多人所以晚餐先來試試看！其實晚餐都滿的。我地大概７：３０到已經差不多座爆！之後好似８　點幾有遊客想入來都五得啦，因爲應該係關門的！兩個人＋阿Ｂ係肚子裏！叫了原味ＬＡＫＳＡ　跟肉骨茶！我ＫＯ了成個ＬＡＫＳＡ，　因爲湯實在太好喝了！有很香椰子味道，不過有點兒油！料就不算多，味道也不太新鮮，蛋好細，豆卜有點兒硬，其他料得魚蛋同菇　所以不太夠。肉骨茶就好大份，肉量十分多，我雖然中醫叫我五好食因爲不知道用了什麽藥材，但我都抵擋不住！味道實在太好啦！非常的容易入口，不會有藥材味的，但吃完好似有Ｄ熱！碗飯就超級大，但有點兒硬，可能預你放湯挂。。。　見到人地碟海南雞樣子好好味！好大碟！　不過都係期間限定的！下次一定會再試呢個！仲有，如果你穿白色，他們很貼心的給你一條圍巾！

早前留意到這家小店的食評，而最近一直很想吃喇沙，於是就建議來這裏。　　由於下班過來後比較晚，朋友先到先等。　　我一進門，服務員便帶歉意跟我說：「你是否約了兩位朋友來呢？剛有一位女士來了，但因為人多座位少，我請她先坐單人位，到人齊了我便換稍大的一桌給她。我已向她解釋了。她卻走了。我猜是你朋友吧。」　　我猜到朋友性格比較剛烈，又很自我。不管了，於是先找個座位坐下，服務員也很客氣，著我慢慢看餐牌，因為人少了，座位不緊張，沒有之前那樣的壓力。她給了我很友善親切的印象。　　這個小店的確很小，但我很喜歡它的燈泡，可惜沒能拍到，很有小店的情調，而餐桌都是木製的方方正正。坐下了不久朋友才來了。　　我點了素喇沙和涼粉冰，因為不想吃太多肉，又因為天氣有點熱呢。　　先說素喇沙吧，湯底有很濃的椰漿味道，以及有點鹹蝦的鹹香，十分惹味，而且也不會很辣，配料方面則有很多很多的蕹菜、豆卜和半隻雞蛋，而且喇沙麵的份量也不少，所以感到很飽足。　　至於涼粉冰的冰也很多，涼粉也很多呢。

呢篇文章，不想討論什麼食物味道、環境等等，只想講呢到所謂的服務態度！就O係尋日，同男友諗住食完個午餐就去書展，見呢到近近地，就揀O係呢到食。兩個人，一入叫一碗麵，再加一杯野飲，每人都食左成7-80蚊啦！一開始叫野食，個男侍應幫我地落單，都無乜野架，好啦，等緊野食O個陣有個女人走埋黎問我同隔離搭台個男人叫左乜，隔離搭台個男人都話"已經叫左野食架啦"，個女人仲話"你講啦！你叫左咩野！" 我已經覺得唔對路，心諗:呢D咩態度，原來呢個女人係幫我地開單，呀姐，你想開張單姐，而家審犯呀？好啦，我叫左一個正宗蝦麵，男友叫左一碗正宗叻沙，另外再叫了一杯。我的蝦麵有豆卜、三片豬腩、一隻蝦開為兩半、通菜，其實蝦麵的味道一般，不太特別。男友的正宗叻沙有一隻蝦開為兩半、蜆、豆卜等等，這碗吸引得多！蜆雖然細隻但好鮮甜，湯底聞落椰漿味重，少許辣，而粉又夠彈，不會過林。而且麵的份量很大，男友同我都食唔晒。差唔多食完時個女人羅走左我地張單，原來佢羅左去計錢，計完行埋黎同我講"150蚊"，咁我咪羅完整150蚊比佢囉，行到出門，呢個女人走埋黎點下我膀頭，同我講"喂！你比唔夠錢喎！呢到156蚊喎！"我話:"你同我講150蚊

位於灣仔內街既隱世小店一D都唔起眼，但其實喺天橋行過去都只係五至十分鐘左右，而且沿途都有唔少餐廳，非常易搵。雖然只係茶餐廳隔局，但收費一D都唔平，重要有最低消費添，一D都唔稱得上「大眾化」。可能因為第一次幫襯、「生面口」既關係，服務一如其他人所言只限於單字好似「要乜」、「駛唔駛小辣」等等既層面，不過勉強尚可接受。正宗叻沙︰因為冇「大蝦」既關係，價錢同「特式叻沙」比較平左差唔多廿蚊。雖然係咁，但整體既配料同餸都算非常足料，不過質素方面就好一般，但大路野好似蝦、肉片、魚片等等通通都有齊，叫做尚可接受啦！可能因為即叫即整既關係，都要等差唔多十五分鐘先至有野食。雖然係咁，叻沙上枱既時候既椰香真係非常之正，加埋混埋湯底既油再加果陣辣味真係好正！麵方面就只可以算係一般般，無乜野特別，叫做不過不失啦！串燒豬、牛、雞︰由於係即叫即整加上是晚人太多既關係，等左差唔多二十分鐘先至有野食。雖然係咁，但上枱時果陣香氣令我覺得即使等咁耐都係絕對值得！燒得非常香口，十足十街邊賣既熟食之餘，亦都因為個火夠猛既關係能夠錯住裏面既肉汁，唔會咬落口乾爭爭咁，超正！總括黎講食物絕對稱得上係中上，只係價錢偏貴同埋認真麻麻既服

星期六下午一支弓去食。之前睇過介紹，一直想來食，進去後點了個蝦肉蝦湯麵。先飲啖湯，好鮮好濃既蝦味，有dd過甜，可能係我唔喜歡太甜既野啦。不過真係好鮮味。油麵質地ok。蝦肉好爽口，肉片都好滑。整體好好食。50蚊有找，物超所值～！

今日黎左依到,加東叻沙蝦麵。有D似茶餐廳既環境,不過消費唔算嫁,有大約五十蚊既最低消費,當然叫一個人份量就會超過喇,依到幾唔錯嫁,飲落既水會有清清地既檸檬味，幾特別,黎到就當然要叫喇沙喇,我就要左依個雞絲,蝦同,豆卜配依個檬粉,咁樣叫已經過左最低消費嫁喇,黎到既時候已經有一陣又一陣既椰香，非常之濃郁,睇落就已經好開胃,再加埋湯底既油,口水已經慢慢慘出黎,已經知道佢應該好辣喇,D配料就無咩兆特別, 雞絲就真係好一般,淡得濟食落無咩味﹗但推介既係豆卜,因為佢會吸哂湯既精華，食落個味道非常濃郁,仲帶少少豆香，仲有咬口,一定要叫依個,不過個湯就一流，湯底質感非常之濃同埋稠稠地，仲有好濃既椰香味,當然係非常之辣喇。好彩既就係依到用既檬粉唔會太吸到個湯既味，如果唔係會辣到食唔到﹗ 

I know there are many restaurants and many cuisines in Wan Chai, so I would like to have my lunch in this district.Today, I do not want to go to HK stlye restaurant and I hope to eat noodle in Laksa. so I decided to try Katong Laksa Prawn Mee. The restaurant is very small but it was rush in lunch time. I found out that the restaurant has a minium charges in lunch time that is $53.From the menu, it provides laksa, prawn mee, Singaporean snacks and curry rice. If you do not choose curry rice, you

此喇沙（此店用叻沙二字）向來在灣仔著名，這次想不到吃甚麼便來嚐嚐。店員對不同食客服務態度迥異，可能因我倆較生面口，故店員對我們冷漠，亦欠友善。看了一會餐牌，女朋友仔點豬頸肉叻沙，店員才稱沒有豬頸肉了。其實，店員早早看見食客鑽研餐牌，理應前來通知一下，哪些菜式已賣光吧。結果女朋友仔只好選吃香茅豬扒叻沙，而我則點了燒牛舌叻沙。湯底輕微膩，相信還是混入蝦米、而椰漿亦不少吧。由於份量不多，不至於又會大添飽膩感。麵條的上湯能力一般，亦不太韌。香茅豬扒叻沙只得一塊紙皮般、亦鞋口的豬扒，比大家樂焗豬扒飯的豬扒還韌，女朋友仔吃得一點都不過癮。相反，燒牛舌叻沙竟然有三至四片面積不少的牛舌，大約有半部智能手機的螢幕這麽大，令感快慰。牛舌雖厚而不韌，乾淨，亦容易咬得開，小碗叻沙卻有這麽多牛舌，實在是意外驚喜。$5x一小碗叻沙，份量不多，味道不算驚為天人，亦無飲料。服務態度欠佳，相信較難吸引我回頭再吃。此店亦提供素食叻沙，卻是重要的加分點。

今日是19年難得一遇的雙料情人節，靚太Y&S原本約了小妹和老爹飯聚。誰知，今早收到通知，延期至下星期。我們只好去謝斐道搵食，最後揀左加東叻沙蝦麵。茶記的格局，然午市最低消費要$53一位，蠻昂貴的。 但店內仍人頭湧湧，座無虛席。 餐牌有各款檬粉叻沙、馬來米暹、飯、蝦麵、菜類和新加坡小食可供選擇。除了小食及菜類外，所有食物不包飲品都超過了$53，同區同街來說，索價算較為高昂﹗ 幸餐廳有水提供，飲下可嚐到清清的檸檬味，不俗也﹗小店名義上有12款喇沙，實質只是配料稍有不同而矣，素來偏愛濃味惹味的老爹要了一碗雞絲、蝦、豆卜叻沙配檬粉$56。端來時已經傳出濃濃椰香，再觀其湯底黃裏泛紅的油花，已感辣味非凡了﹗奇怪的是，配料只見零散湯面的雞絲和四塊豆卜，蝦卻不見了蹤影？難道是在和我們躲貓貓嗎？老爹用筷子不斷於檬粉中、湯底中搜尋，也徒勞無功﹗想向店員查問，又不好意思，最後不了了之……小妹用小匙搯了一口湯淺嚐，湯底質感濃稠，味濃帶椰香，且香辣無比。老爹也表示店家下了足量的椰漿，湯底不俗，吃罷全碗也不會有口涸之感。惜湯底偏辣了少許，初嚐覺得帶甜，但愈吃愈辣，嗜辣的他也受不了，邊吃邊叫辣。其實，幸好店家用

很遺憾，這次會是我首次發出餐廳黑名單的封吃令。要知道我太喜歡吃，也不捨得將餐廳發配邊疆。先自聲明，名單上的餐廳服務實是有著很大的問題，否則只是劣食，我連評語也省著寫。這一次意外發生於一個音樂會晚上，媒體朋友送我音樂會門票，下班立刻趕過去，只能去熟悉的謝斐道找找，地點是加東叻沙蝦麵。墨魚丸正宗叻沙(Laksa)叻沙一向吸引我，濃濃重椰味的湯，多重香料帶出的層次，配海鮮能帶出鮮味，米線米粉又索汁。這兒的味道算是不錯，但價格偏貴，差不多七十多元才一碗不連飲品的喇沙，份量也只一般。湯底不俗，不愧門口有著蔡先生的書本介紹，可性價比可太低。墨魚丸三顆配上每碗粉一式一樣的蝦、芽菜、豆卜，不太能果腹。米粉是高質貨，爽而不易散；墨丸普通。麵暹(Mee Siam)Siam為泰國地名，可這小食為馬來西亞的熱門早點及夜宵，可稱為一種撈米粉，香港較少見。味道酸酸甜甜帶微辣，十分開胃可口，與叻沙兩者皆濃味，但有一重一輕之分。可佈的服務態度雖然食物味道不錯，可是令我十分厭惡這餐廳的，是服務。1. 入內拎位，被問是否團購的，我倆不是，答罷疑似老闆娘(下稱"他")面口已開始轉。2. 門外等位，仔細觀看玻璃上貼的食評、貼

記得上上年仲係學生既時候，有幸參加學校的「新加坡交流團」，同幾位知己同學仔join佐學校個交流團去佐一轉新加坡。咁大個女，第一次離開屋企，都唔知係「解放」定係「磨練」。新加坡係一個好多美食既地方，叻沙、串燒、拉茶……仲好記得每一日都係吃吃吃同吃。係咁多樣美食中，最得我鐘意既就一定係「叻沙」，因為佢濃厚既椰香味，吸引到小妹一日三餐都要係佢。返到黎香港，一直都係好想念呢一隻味道，但係都一直搵唔返呢一隻味道。最新要係灣仔做野，係同事既介紹之下知道佐「加東叻沙。蝦面」。呢度主打既都係新加坡食物，當然小妹一坐底，二話不說就點佐個「雞絲叻沙」(hk$50)。唔單之食物既種類同新加坡一樣，就連飲品都係要單價買。係灣仔返工真係唔容易呀，咁就只好要杯水啦。唔使15分鐘，我要既雞絲叻沙已經上台了。一上台，就已經有一陣勁香濃既「叻沙」味傳入我既鼻。我選擇佐米粉，因為我覺得幼小既米粉係最可以吸收所有叻沙既味道。一口米粉，一口叻沙，真係好似劃火柴既小女孩咁，見到一幕幕自己係新加坡生活既情況。的確，加東叻沙賣既面都係重口味既，吃完即刻去佐7-11買佐一大支可樂，先可以cover返個叻沙重口味。