加多娜天然酵母手作麵包店

营业中

休息中

講咗好耐都未食到加多娜嘅麵包布甸，今日終於有機會試一試，平日嘅晏晝都要排個半鐘先買到🥺人氣依然旺盛！🍴法式麵包布甸 $15 (8/10)用焗爐焗左5分鐘再食！麵包係比較硬嘅豬仔包，口感比較有咬口同煙韌嘅麵包，蛋係超級嫩滑，仲有少少流心質地，好香濃雲呢拿嘅味道，但唔會好甜，係啱啱好嘅甜度！真心係幾好食嘅！推薦指數: 8/10個人覺得佢哋嘅麵包布甸同紅豆烘焙嗰一個都差唔多味，所以想食嘅話都唔需要特登去排咁耐隊🙈🙈

《抹茶控100% approve💚》記得第一次食嘉多娜原味麵包布甸，覺得真係好好食，終於俾我試到🍵抹茶紅豆麻糬味😆估唔到更加正‼️真係要多謝我爸媽專登去排隊買🥰—————————————————🔹抺茶紅豆麻糬麵包布甸 $23食落真係超級濃郁抹茶味🍵，麵包同布甸🍮充滿甘香茶味，係淡淡清新感覺🍃 呢款係凍食❄️，包仲保持到少少chewy唔會硬🍞表面鋪滿抹茶粉同勁多紅豆，紅豆🫘大大粒勁腍又甜，粒粒都有光澤又飽滿！抺茶味甘香🍵平衡咗紅豆🫘的甜，令甜度更適中😆自己可以食晒1個🤤完全唔漏！抺茶加麻糬真係一定好食😋超軟糯又煙韌⚪️如果再多啲就好！🔹法式布甸 $15 依舊十分creamy滑溜好味，不過比抹茶味甜💛詳細食評可以睇返之前的post🤭💡大家記得抹茶茶紅豆麻糬麵包布甸只有一輪，岀爐時間係星期一至六下午4:30🔹芝士吐司 $26實彈，表面係港式脆脆芝士皮，切開滿滿大大粒芝士，真係澎湃到嚇一跳😳熱辣辣食芝士呈微融狀態，芝士咸香味濃💛，芝士同麵包嘅比例啱啱好唔會膩，就算隔日拎返出嚟食麵包保持鬆軟，食完充滿飽腹感🤰🏻✨鍾意芝士嘅朋友仔都可以試吓乳酪芝士包，包好鬆軟，有好多好多cream cheese同芝士粒

次次行過都見到好多人買，呢次行過見到佢拎住盤新鮮出爐嘅芝麻酥餅好吸引咁喎！原來佢係台式嘅酥餅，仲有麻糬係入面我至愛 $10個，超抵入去俾錢時又見到粒紫色嘅包仔好靚$7個，拎超仲好重手，睇落細細粒但呢位選手好有份量喎而且又有麻糬餡，我又點會放過啊椰汁麻糬3Q餅個唐餅皮夠薄身，面頭芝麻夠香，有咸蛋黃架～☺️其他蓉係咩我食唔出架，不過佢唔太甜，好容易就可以食晒，我亞媽就好鐘意，我都好驚喜佢整得咁出色，事關平時食親都鬼死咁甜，食一啖就唔想再食落去。個紫芯麻糬迷你包令我更喜愛因為真係好好食個餡好足麻糬有成1/3有多，紫薯蓉都好香滑，包身又軟熟呢個真係食幾個都唔厭臨走時又望多眼個餅櫃佢d椰tart都好大個好正咁.... 仲有d蛋糕好似都好好食咁！

作為一個抹茶控，自從知道嘉多娜出左抹茶紅豆麻糬味之後一路都念念不忘好想試🥺。之前平日16:45去過排隊，淨係買到原味😢。呢次男朋友自薦做跑腿，16:15左右開始排，排左大約35分鐘，終於買到😭🥲。🔅京都抹茶紅豆麻糬法式布甸 ($23)🔸氣炸氣炸完布甸會變到流心抹茶醬咁🤩，包體外層脆，入面都仲係好煙韌🤤。抹茶濃而不膩，有回甘，適合抹茶控🥺💚。紅豆唔會搶左抹茶味，但豐富左個口感。麻糬就偏腍，幾香奶味。🔸室溫包體更煙韌，布甸雖然都唔係好solid，不過唔會好似流心咁食到好論盡😂。同埋就咁食無咁甜，平時咩都鍾意整返熱食既我覺得抹茶味係室溫好啲🤣。💬鍾意抹茶特有既苦味(回甘)既推薦試👍🏻。不過應該16:30前要去到🥲，同埋記得暫時只有油麻地分店有抹茶味，同埋星期日係無得賣⛔️。

最近呢一間麵包店嘅布甸包出晒名 但其實佢哋仲有好多其他麵包都唔錯！呢度嘅鬆餅真係超級抵食 幾蚊就有一個 而且仲好大過個！口感唔錯 外脆內鬆軟 揀咗咖啡味 咖啡都出☕️再加埋啲朱古力粒粒🍫好有mocha嘅感覺

上一次介紹布甸麵包已經係二月份lu事隔三個月仲以為唔會咁多人買啦🤤點知經過嘅時候仍然人山人海🙃唔通香港人真係咁鍾意排隊？還是係啲人氣小食好食咗呢！就等小妹同大家解答吓呢個問題啦～平日去到見到有三條隊😰左邊排懷舊小食，右邊排布甸麵包而中間就有一堆人買緊普通麵包🥯🍞 法式麵包布甸 $15天氣咁熱，今次就冇整熱嚟食啦包皮有嚼勁，布甸QQ地😍有流心之餘蛋香味都夠足😗無論係質地或口感都仍然保持到水準！☕️ 咖啡鬆餅 $9呢款係小妹嘅最愛，次次見到都買🐷雖然加咗$1但懷疑落多咗咖啡粉！咖啡味超級香，搞到整個袋都係...而且食落去咖啡味都好濃郁🥰就算放咗幾日口感仍然保持到蓬鬆嘅狀態絕對係下午茶必食嘅小食之一！🥥 椰撻 $9撻底香脆金黃，內餡鬆軟😄加埋椰絲餡料有陣陣嘅椰香～比起蛋撻做得更加出色，值得一試！⭐️ CP值：🐘🐘🐘🐘⭐️ 打卡able：🐘🐘🐘.5⭐️ 舒適度：N/A⭐️ 再食指數：🐘🐘🐘🐘（5 星為滿分）

🍡🍵🥯嘉多娜天然酵母手作麵包店Kadorar et Levain好多人都知道呢間餅店係網紅「布甸包」嘅始祖，但係可能大家都唔知道呢間餅店仲有好多好嘢食！。3Q餅 $10 🍮喺香港，常見嘅糕點包括紅豆燒餅，肉鬆包，麻薯，蛋黃酥等等，有冇諗過佢哋嘅合體呢！3Q餅麻雀雖小五藏俱全，入面嘅餡料你一定估唔到！裏面有紅豆餡，鹹蛋黃，麻薯，仲有肉鬆！真係超級豐富呀！。抹茶紅豆貝果 $9🥯🍵呢個貝果會比出邊Cafe買嘅細少少，胃口細嘅女仔啱晒。入面係多到爆出黎嘅忌廉芝士同埋紅豆，口感正到爆！。芝士貝果 $9🧀呢個芝士貝果，入面都係香噴噴嘅忌廉芝士。柔軟又滑加埋煙韌嘅貝果，簡直完美。肉鬆芋泥貝果$9🥯裏面係棉蜜嘅芋泥同香噴噴嘅肉鬆，呢個嘅口感一流，肉鬆同芋泥果然係完美嘅搭配。呢間餅店真係有好多新奇好味嘅食物，傳統得來又會創新！好期待下次光顧。價錢：平均$10樓下地址：嘉多利天然酵母手作麵包店 (油麻地)油麻地碧街54號地舖#hkfoodie #foodiehk #foodie #foodinsta #foodinstagram #foodblogger #foodbloggerhk #foodhk #f

呢間布甸包始祖相信大家都聽過 而家除咗原味之外 仲出左抹茶🍵紅豆味🫘呢隻味比起原味更加值得排隊一試 抹茶味真係超級回甘苦澀 再配埋清甜嘅紅豆 真係絕配！內餡仲有煙韌麻糬 加埋外脆內軟嘅法包 口感超正！

比起原味布甸包 我個人更加推介抹茶🍵紅豆🫘麻薯斯呢款 不過剩係得油麻地分店先有得賣 仲要4:30出爐一次！抹茶味🍵真係超級濃苦 仲有回甘味 紅豆🫘好清甜 兩隻嘅味道平衡返真係超正！中間個麻薯好煙韌 將成個口感提升左😍焗熱之後法包仲會外脆內軟 茶味更加濃苦 濃茶控必食呀💕

終於吃到了大家極力推薦的法式布丁麵包啦，提早3點半到的時候已經有20+人在排隊，6點就售罄，人氣超火的！每個人限購4個，探店之前記得查看下出爐時間哦（老闆偶爾會改時間）～🔹法式布丁麵包-抹茶紅豆麻薯（推薦）這個布丁麵包也太好看了吧，誰能抵抗抹茶+紅豆+麻薯的的組合？抹茶布丁很香很滑，味道偏甘苦，正好能夠與紅豆的甜互相平衡；麻薯被布丁包裹在中間，軟軟糯糯的太喜歡了！抹茶腦袋們這個必須衝！🔸法式布丁麵包-原味（推薦）一眼看過去有點像蛋撻嘿嘿，挖空了農夫包後往裡面加入蛋漿，奶香味很重，超級喜歡這個奶甜味，一點都不會膩；口感和布丁不太像，有點流心更接近芝士醬的口感。當時吃的時候麵包已經涼了，會比較韌，強烈建議拿回家加熱哦，這樣就能吃到脆脆的麵包啦～.🍴餐廳：嘉多利餅屋 (油麻地）📍地址：油麻地碧街54號地鋪💰人均：15-25

身為麵包控又點可以唔嚟呢間布甸包嘅始祖店買嚟試試😋果然真係好好食👍翻熱完仲正 中間嘅布甸會流心 非常之creamy 外皮嘅法包脆卜卜又煙韌❤️口感真係非常之豐富😍

⭐️⭐️⭐️⭐️📍嘉多娜餅店 (油麻地)~ 法式布丁麵包 ($15)🍴終於的起心肝去排隊試吓超人氣嘅布丁麵包😎，為食妹平日放假特登比岀爐時間早45分鐘去到，竟然見到有十個人已經排緊隊，真心覺得香港人為咗食可以去到幾盡😂終於等到岀爐喇，每人限買4個，想買得多都唔得呀😫，為食妹唔執輸買咗4個分畀屋企人同朋友仔😜🍴為食妹分別試咗凍食同熱食，凍食就係喺雪櫃攞岀嚟直接食，布丁滑嘟嘟，好有蛋香同奶味，唔會太甜👍🏻👍🏻，不過凍食嘅話麵包就會比較韌，有少少難咬🙈🍴為食妹將布丁麵包放入氣炸鍋180度焗咗5分鐘，點知拎番岀嚟布丁溶晒變咗蛋漿😅，不過一樣好滑好香蛋味，好處係麵包變得好鬆脆好易咬又香口啲，點埋蛋漿一齊超好味😋😋💬雖然真係超好食，不過要排一個鐘食個麵包應該就無下次喇😖—————————⭐️⭐️⭐️⭐️⭐️💲

最近嘉多娜推出新款布甸包，一直都想試，但一聽到要排一小時真是接受不到。今日下午去了附近的貓餐廳，離開時剛好4點，天氣又惡劣🌧，心想應該沒有人會排隊，怎知一樣有😅，只是沒有平常那麼長😆。最後都要等20分鐘！☔️現時只限每人購買四個，兩個款式兩個，總數$76。京都抹茶🍵紅豆🫘麻薯布甸🥖 $23大小如同原味法式布甸，但賣相就吸引得多，表層是粒粒紅豆，灑有綠茶粉，內餡是流心又濃郁的抹茶奶油，是濃到有少少甘苦味，中間是麻薯，無論賣相、味道和口感都出色，定價合理，難怪一推出就那麼受歡迎👏🏻但以原味作比較，我會較喜歡原味，因為我不喜歡紅豆、綠茶忌廉有點甘，所以試過一次就夠！

小妹三間分店都去過😆（另外兩間喺佐敦同何文田）佐敦嘅法式布甸好似好食啲！唔想排隊嘅話建議去何文田買～不過記得要留意時間呀！因為唔同分店出爐時間都唔一樣！除此之外其他食物嘅質素都差唔多🍞 法式麵包布甸 $15每日有兩次出爐時間而每人只可限買四個！凍食：包皮偏韌，布甸動L，咬落去會爆餡熱食：包皮香脆，布甸好濃蛋香味，香滑挺身好鍾意佢嘅布甸🤪 包皮就一般般👻但$15/個當作下午茶咁都唔錯呀😬係咪好食到會特登過去排隊買？🙅‍♀️但如果經過淨係排5至10分鐘呢？🙆‍♀️☕️ 咖啡鬆餅 $8 外面似曲奇，而裏面超級鬆軟！咖啡味都好重^_^ 建議焗熱食～私心推呢個🙈 已經回購左好多次🥰🍵 抹茶紅豆貝果（$15/2）用呢個價錢買個細細哋嘅貝果性價比好高呀 >.< 貝果夠煙韌😃抹茶味較淡但配埋cream cheese同紅豆粒整體幾balance，甜甜地咁幾有驚奇！🥯 肉鬆芋頭貝果（$15/2）芝麻炒得好香，有啲似中式酒樓嘅味道芋泥都幾滑，配埋肉鬆係個唔錯嘅配搭！不過比較起來味道就普普通通正常發揮純粹個樣幾可愛，打卡able😬🥥 椰子麻糬3Q餅 $9內含有肉鬆、蛋黃、麻糬同豆沙餡料夠足夠而且酥皮

嘉多娜餅屋個布甸包🍮食過真係返唔到轉頭🤣有日經過想博下有冇得賣，點知無🥲見有貝果照買兩個試吓🥯🥯返到屋企發現我媽咁啱都買左其他款😂笑左🤣見有咁多個就影幾張相share下啦！主要講下呢三款~我幾鍾意佢既貝果，比起坊間既佢只有大約一半size，得掌心咁大個(我既掌心👷🏻‍♀️)其實佢唔係好似Bagel無咩嚼勁，可以當實淨啲既普通麵包。不過啲紅豆好大粒，又搽滿cream cheese，幾好食😂 紫薯麻糬都足料，又唔會好甜，麻糬就淋左少少。不過價錢唔貴，間中可以過下口癮🤪🔸抹茶紅豆貝果🫘$17/2pc🔸芝士貝果🥯$17/2pc🔸紫薯麻糬🍠$19/3pc📍#嘉多娜餅屋 (#佐敦美食) (#油麻地美食)(#何文田美食) 油麻地碧街54號地舖佐敦文苑街1-23號文英樓地下1號舖何文田窩打老道69號地下C2號舖➡️𝗙𝗼𝗹𝗹𝗼𝘄左我未啊😚跟住我去飲飲食食😎吃是真愛❤️ @eatistruelove.hk 🌟