加多娜天然酵母手作麵包店

营业中

休息中

近期人氣高企既法式布甸麵包超級好味😍😍😍每到出爐時間餅店出面都有長長既人龍，餅店用盒裝好，一盒有4個，每個15蚊，比起平時出面食一個甜品或者一件cake黎講真係好抵食～一拎到返屋企第一時間新鮮食左個，個皮煙煙unun，個心d creme burlee又滑又香，好好味~💕另外個d放左入冰箱，第二日拎出黎解左陣凍，再放入焗爐用180度焗左5分鐘，個法包既香味出晒黎，而且焗過既包面脆脆地，配合入面既creme burlee真係好味到暈，近包既位解左凍微微流心，最中間因為未完全解凍，食落有雪糕既感覺，成個包變得好有層次，真係超超超好食😋😋😋❤雖然要排隊，但下次去開油麻地都一定會再encore!! 🔥🔥🔥

四點左右到油麻地排隊已經有人在排隊了排了30分鐘左右 準時430開賣抹茶口味有一點苦 面包是法包比較乾身麻糬很大塊紅豆很足料原味很好吃 比較喜歡原味的 像在吃雲呢拿布丁 非常流心

《油麻地超人氣布甸包-📍嘉多利天然酵母手作麵包店》今次終於有緣份買到佢地最近人氣布甸包 每人限買4個。排左一個鐘先買到。 為左個抹茶味布甸包💚係值得既。咁我都買左4個 試下新鮮出爐既口感 同拎返屋企焗熱5-10分鐘口感 同埋凍食口感。 👅食評：🌟 抹茶紅豆麻薯布丁包💚 $23 （8.5/10） 一食落去真係超級濃郁抹茶味🍵，麵包同布丁都好有香茶味，凍食咬上去麵包好煙韌有口感。麵包表面上鋪左抹茶粉同勁多紅豆🫘用咗日本紅豆淡淡清甜味，而抹茶粉中和左紅豆嘅甜味，提升左抹茶嘅味道。布甸中間夾住左麻薯，好軟糯又煙煙韌韌，如果再多啲會更開心。自己食哂一個都得都完全唔漏。滿足到抹茶迷💚原味法式布丁包$15 （7.5/10）食落好有蛋香味，相對抹茶味就比較甜。係屋企用焗爐焗左5至10分鐘。食落麵包好脆口，布丁有流心好creamy，口感好似食緊心太軟😋～整體黎講🍽～抹茶味比原味更好味 ，冇咁甜同埋口感會較豐富。抹茶加埋麻薯真係冇得輸。但排隊真係太長時間，少啲人嘅話一個禮拜都會想食一次。#cc_甜品* #cc_油麻地推介——————————————————💕Encore指數：4/5 💕餵食指數：4.5/5

之前睇呢間好多人排隊買佢嘅布甸包但當日係星期日唔賣，可惜試唔到於是就試試佢其他兩款3Q椰汁麻糬、芋頭酥。兩款都係$10蚊一件芋頭酥真係難食到不得了，d芋頭係完全冇味道，連芋頭味都冇，而且水水濕濕地咁。同以往食開嘅事但一款芋頭酥都比佢好，好失望！！本來以為芋頭酥來來去去都係戈d料唔會點中伏，仲買多咗幾件返去俾屋企人試試……真係好難食另外一款3Q椰汁麻糬，睇到有食評係唔錯，又係買咗好幾件，好在呢個還算Ok，正正常常。但呢兩件都唔會再回頭買

當日平日2點半左右到達，店內人流幾多。小店有唔少特別包款，好多都想買…. 芋頭酥 $10芋香幾出，而且仲食到少少芋粒，甜度唔高，個人覺得只算微甜，怕食甜野嘅人可以試下。我妹話咁多款入面最中意佢。Q酥 $10內有麻糬、肉鬆、鹹蛋黃、豆沙蓉；男朋友最中意，因為味道偏鹹，而且材料豐富，又有口感，但如果鹹蛋黃可以放係正中間就最好，我切開後得一邊有蛋黃😥。咖啡鬆餅 $9 (鬆餅上嘅紫色係因為切完紫薯包無抺刀，請忽略😂。)鬆餅好實心，入口偏乾，有少少吸哂口水嘅感覺。呢款鬆餅，無論聞定係食，都好有咖啡香，中意飲咖啡嘅我最中意係佢🤤；至於D朱古力，存在感唔大。提子鬆餅 $9味道普通，我都係中意咖啡味多D。紫薯麻糬、忌廉芝士、合桃栗子 $20/3件其實買果陣個樣脹D，大概有女仔手掌心咁大，只係拎番屋企嘅時候砸扁左😣。三款麵包都好軟熟、餡料都比得幾慷慨😲。紫薯麻糬 – 食得出紫薯味，唔係好甜，味道一般。合桃栗子 – 比紫薯甜D、好味D，有合桃粒。忌廉芝士 – 雖然味道最普通，但忌廉芝士係我最愛，所以三款中最好味係佢😋。芝士排包 $26排包望落細細條，得6厚片， 但其實好墜手，好有份量😯。重申一次我係芝士控

近排不斷喺ig見到呢間麵包舖，但係懶得排隊嘅我，試唔到布丁包就試下佢嘅麻糬包，點知又真係幾有驚喜。20蚊3個，我每隻味都各買咗一個，分別係紫薯、栗子同芝士，仲要係新鮮出爐嘅。不得不提紫薯味真係好好食，入面係爆餡的，麻糬都大大粒，係必食之選💯

最近越來越多地方都有得買布甸包 所以呢一間人氣麵包店終於少咗人排隊～上次就買咗一個法式布甸包嚟食😎焗返熱之後 麵包外脆內煙韌 中間嘅布甸好軟滑 夾埋食口感非常之豐富🤩🤩

法式麵包布甸 $15法式包的煙韌口感，布甸口感滑流細膩，好creamy ，雲尼拿味好重😍，而且布甸餡好多，布甸多過包推薦度 4/5抹茶紅豆麻薯法式麵包布甸 $23🫘🍵 淡淡抹茶法包一樣煙煙韌韌，布甸中的抹茶分量絕對不少，加上雲尼拿味，又甘又甜又香，味道層次更豐富，當中更加入自家麻薯，口感軟糯，面上鋪滿滿的北海道大粒甜紅豆🫘最後撒上抺茶粉，整體口更上一層樓，相比下，抹茶布甸包更勝一籌🫶🏻🫶🏻推薦度 4.5/5⚠️⚠️ 總店出爐時間逢星期一至六4:30pm會俾預期早少少 pack好，開售所以要早啲排隊 排隊記得唔好阻到附近鋪頭嘅門口每人每味限兩件嘉多利天然酵母手作麵包店 (油麻地)油麻地碧街54號地舖

終於有機會試到呢個超人氣排長龍法式麵包布甸去左三次都撞唔岩時間，今次咁上下時間去到附近，就排半個鐘試下佢係咪真係咁好食啦食物方面:法式麵包布甸 : 可以凍熱兩食，兩種食法各有不同的味道凍食就可以食到流心同滑溜的感覺，甜度適中，蛋香濃郁，但法包就會比較有咬口熱食焗熱後布甸流心到蛋漿，可以完全滲入到鬆脆法包中，甜度極高，法包更加有味道，鐘意勁甜甜品既大家一定要試試Ours Tips : 每次出爐400個，每人限買最多一盒四個，建議預早半個鐘去排隊就唔會失望而回

⭐️抹茶紅豆布麻糬甸包$23（油麻地店舊產物）👍🏻同樣外層煙韌 👌🏻抹茶粉感覺唔錯好濃🙂家姐抹茶控表示：抹茶布甸 有抹茶回甘 但好甜🤢我不是抹茶控表示：抹茶布甸 好鬼苦 好甜入邊麻薯好軟熟同布甸係夾既但抹茶真係好苦 其實食返原味布甸包仲好.⭐️評分：味道：4/5 原味好食好多4分 抹茶味太苦唔啱我2分環境：-/5服務：-/5抵食：4/5.‼️想睇更多資訊‼️ig/mewe： hkfunfoodrecord‼️fb:funfunfoodrecord.#飲食 #美食 #優惠 #抵食 #hk #hkfood #hkfoodie #foodiehk #hkfoodblogger #hkblogger #hkfoodies #hongkongfood #吃貨 #食評 #增肥 #搵食 #食好西 #相機食先 #香港美食 #佐敦美食 #麵包店 #布甸包 #一日一黃店

嘉多利除左原味布甸包之外 我個人更加鍾意新出嘅京都抹茶紅豆麻薯口味🍵🫘內餡嘅抹茶吉士醬真係超級濃苦 回甘十足💚面頭嘅紅豆大大粒 仲好清甜 中間仲有麻薯 一齊食口感味道超豐富！

講咗好耐都未食到加多娜嘅麵包布甸，今日終於有機會試一試，平日嘅晏晝都要排個半鐘先買到🥺人氣依然旺盛！🍴法式麵包布甸 $15 (8/10)用焗爐焗左5分鐘再食！麵包係比較硬嘅豬仔包，口感比較有咬口同煙韌嘅麵包，蛋係超級嫩滑，仲有少少流心質地，好香濃雲呢拿嘅味道，但唔會好甜，係啱啱好嘅甜度！真心係幾好食嘅！推薦指數: 8/10個人覺得佢哋嘅麵包布甸同紅豆烘焙嗰一個都差唔多味，所以想食嘅話都唔需要特登去排咁耐隊🙈🙈

《抹茶控100% approve💚》記得第一次食嘉多娜原味麵包布甸，覺得真係好好食，終於俾我試到🍵抹茶紅豆麻糬味😆估唔到更加正‼️真係要多謝我爸媽專登去排隊買🥰—————————————————🔹抺茶紅豆麻糬麵包布甸 $23食落真係超級濃郁抹茶味🍵，麵包同布甸🍮充滿甘香茶味，係淡淡清新感覺🍃 呢款係凍食❄️，包仲保持到少少chewy唔會硬🍞表面鋪滿抹茶粉同勁多紅豆，紅豆🫘大大粒勁腍又甜，粒粒都有光澤又飽滿！抺茶味甘香🍵平衡咗紅豆🫘的甜，令甜度更適中😆自己可以食晒1個🤤完全唔漏！抺茶加麻糬真係一定好食😋超軟糯又煙韌⚪️如果再多啲就好！🔹法式布甸 $15 依舊十分creamy滑溜好味，不過比抹茶味甜💛詳細食評可以睇返之前的post🤭💡大家記得抹茶茶紅豆麻糬麵包布甸只有一輪，岀爐時間係星期一至六下午4:30🔹芝士吐司 $26實彈，表面係港式脆脆芝士皮，切開滿滿大大粒芝士，真係澎湃到嚇一跳😳熱辣辣食芝士呈微融狀態，芝士咸香味濃💛，芝士同麵包嘅比例啱啱好唔會膩，就算隔日拎返出嚟食麵包保持鬆軟，食完充滿飽腹感🤰🏻✨鍾意芝士嘅朋友仔都可以試吓乳酪芝士包，包好鬆軟，有好多好多cream cheese同芝士粒

次次行過都見到好多人買，呢次行過見到佢拎住盤新鮮出爐嘅芝麻酥餅好吸引咁喎！原來佢係台式嘅酥餅，仲有麻糬係入面我至愛 $10個，超抵入去俾錢時又見到粒紫色嘅包仔好靚$7個，拎超仲好重手，睇落細細粒但呢位選手好有份量喎而且又有麻糬餡，我又點會放過啊椰汁麻糬3Q餅個唐餅皮夠薄身，面頭芝麻夠香，有咸蛋黃架～☺️其他蓉係咩我食唔出架，不過佢唔太甜，好容易就可以食晒，我亞媽就好鐘意，我都好驚喜佢整得咁出色，事關平時食親都鬼死咁甜，食一啖就唔想再食落去。個紫芯麻糬迷你包令我更喜愛因為真係好好食個餡好足麻糬有成1/3有多，紫薯蓉都好香滑，包身又軟熟呢個真係食幾個都唔厭臨走時又望多眼個餅櫃佢d椰tart都好大個好正咁.... 仲有d蛋糕好似都好好食咁！

作為一個抹茶控，自從知道嘉多娜出左抹茶紅豆麻糬味之後一路都念念不忘好想試🥺。之前平日16:45去過排隊，淨係買到原味😢。呢次男朋友自薦做跑腿，16:15左右開始排，排左大約35分鐘，終於買到😭🥲。🔅京都抹茶紅豆麻糬法式布甸 ($23)🔸氣炸氣炸完布甸會變到流心抹茶醬咁🤩，包體外層脆，入面都仲係好煙韌🤤。抹茶濃而不膩，有回甘，適合抹茶控🥺💚。紅豆唔會搶左抹茶味，但豐富左個口感。麻糬就偏腍，幾香奶味。🔸室溫包體更煙韌，布甸雖然都唔係好solid，不過唔會好似流心咁食到好論盡😂。同埋就咁食無咁甜，平時咩都鍾意整返熱食既我覺得抹茶味係室溫好啲🤣。💬鍾意抹茶特有既苦味(回甘)既推薦試👍🏻。不過應該16:30前要去到🥲，同埋記得暫時只有油麻地分店有抹茶味，同埋星期日係無得賣⛔️。