劉興記生煎包專門店

营业中

休息中

1. **瀨尿蝦生煎包瀨尿蝦生煎包真係不得了！一咬落去，啲湯汁爆出嚟，鮮味十足，瀨尿蝦嘅鮮甜完全滲入咗包皮，外脆內軟，真係試食價$18！抵🤓 2. **蟹黃生煎包（2隻）** 蟹黃生煎包簡直係邪惡級別！蟹黃嘅濃郁香氣撲鼻而來，一啖咬落去，蟹黃嘅鮮味同生煎包嘅脆皮完美結合，真係食到停唔到口！3. **S1上海排骨菜飯＋生煎包（1隻）配（凍）豆漿** 上海排骨菜飯嘅排骨炸得啱啱好，外脆內嫩，啖啖肉，菜飯嘅香氣同排骨完美配搭！再加埋一隻生煎包，滿足到爆！凍豆漿清新解膩，perfect match！ 4. **S3 麻醬青瓜雞絲粉皮+生煎包（1隻）麻醬青瓜雞絲粉皮真係清新！麻醬香濃得嚟唔會太膩，青瓜爽脆，雞絲嫩滑，粉皮滑溜溜，食落好開胃！再加埋一隻生煎包，脆皮多汁，簡直係雙重享受！

同朋友誤打誤撞入左呢間上海菜小店，真係超驚喜！😍首先價錢真係好抵，五十中嘅價錢可以食到一個餐，有主菜小食同任飲豆漿💯雖然豆漿係任飲但質素真係唔差❤️唔太甜有豆味，而且仲飲到淡淡嘅奶香，好香醇。🥰唔太好豆漿嘅我都飲左3杯！⭐️麻醬手撕雞粉皮🫶🏼手撕雞份量幾多，而且醬汁調味幾好😋食到好香厚嘅芝麻味！配埋青瓜絲一齊食令到成件事冇咁膩☺️配搭得好好。招牌上海排骨菜飯排骨好高質，肉質軟腍偏肥，每一啖都油香滿溢好適合送飯😋外層炸到好焦脆，每一啖都好幸福！菜飯就正正常常冇咩特別😂生煎包每一隻都金黃香脆🫶🏼底部煎得恰到好處，咬開個陣要小心，因為啲肉汁多到瀉！！餡料豐富🌸肉味十足，食落真係超級過癮！🤩 一定會encore，下次可以試試佢地嘅蟹皇拌麵！🥳

同阿仔上星期去咗荃灣街市街劉興記生煎包專門店，呢間鋪頭真係出名，未到12點已經有人開始等位，果然👍。一坐低就有職員送上熱騰騰嘅豆漿，係任飲，豆味幾濃郁唔會太甜😋。雞絲酸辣湯唔太辣，味道幾夠，幾開胃，份量都幾多🍲。招牌生煎包出名爆汁，一咬落去就啜汁湧出嚟，我哋食嘅時候要小心啲，唔好辣親😅。包底煎到香脆，豬肉餡新鮮多汁，胡椒味微微地，好好味🐷。蟹黃生煎包包底同樣香脆，蟹黃味濃郁，我都鍾意😋。秘製上海排骨外皮香脆，已經去骨，食起嚟方便又唔麻煩👍。麻醬青瓜雞絲粉皮青瓜絲同雞絲好多，師傅落咗好多醬汁，粉皮滑溜溜，好味😋。值得一讚係呢間店雖然人多但人手充足每個店員都好有禮貌，服務💯👍劉興記生煎包專門店📍荃灣街市街37號地舖

好友約我去位於荃灣荃灣街市街37號地舖的《劉興記生煎包專門店》食生煎包，小店型式經營，環境舒適，坐得舒服。我地點左 2款人氣熱賣皇牌套餐：🥢S1 上海排骨菜飯+生煎包（1隻），配凍豆漿🥢S2 葱油雞扒菜飯+生煎包（1隻），配凍豆漿🥢蟹黃生煎包（4隻）上海排骨菜飯係分碟上，排骨炸得皮脆肉嫩，菜飯好味，生煎包（面頭係黑芝麻）煎得面鬆底脆，好爆汁（要小心呀）；葱油雞扒都係炸得香脆，雞肉嫩滑好味；蟹黃生煎包上檯時熱辣辣，等左一陣才食，都勁爆汁，相對原味，我較喜愛蟹黃生煎包。

餐廳以「噴射式」爆汁生煎包作招牌，豆漿更是無限任添！就連發哥都是常客。招牌生煎包 皮薄軟鬆，焦底酥脆，有芝麻及蔥香餡料使用本地新鮮豬肉，肉汁澎湃。蟹皇生煎包有蟹肉及蟹黃蟹肉鮮甜蟹皇香濃，每口都是滿滿的鮮味。上海小籠包 現叫先蒸熱騰騰，同樣做到爆汁效果，排骨蔥油拌麵 上海排骨黃金香脆，軟腍入味，肉質鬆化不柴。拌麵口感彈牙，啖啖焦蔥的香味。雞絲酸辣湯麵湯底的酸辣開胃超好喝，口感刺激著味蕾，可惜麵條稍微偏淋。

🍽️食物方面： 招牌生煎包💲50/6隻好食 個底好脆 真係爆汁S3麻醬青瓜雞絲粉皮+1生煎包💲54套餐抵食 大碗粉皮多到食唔晒上海小籠包💲40/4隻皮肉比例滿意 唔會太厚皮白灼小棠菜苗💲2215條菜擺得好靚 低糖豆漿 keep住fill 任飲📷打卡方面：有個包肉區 4個staff即場包🔈環境方面： Staff好服務 lunch等10mins內入到💬其他資訊：劉興記生煎包專門店 📍荃灣荃灣街市街37號地舖💰人均💲83

又黎到最愛飯堂，今日同行朋友是第一次來，當然介紹幾款招牌菜給她嘗嘗生煎包（4件）每次必點的生煎包，外皮金黃酥脆，內餡鮮嫩多汁，咬開時湯汁四溢，提醒她不要向著我，哈，怕比湯汁濺到啊！小籠包（1籠）小籠包皮薄餡多，湯汁豐富，口感滑嫩。每一口都能感受到肉餡的鮮美，搭配姜絲和醋更美味。麻醬青瓜雞絲粉皮麻醬香濃，青瓜青爽可口，和雞絲的搭配讓人感到清新。粉皮的口感滑順，可無限添加醬汁的。糖醋炸排骨排骨外酥內嫩，甜酸的口味胃口大開，亦是可以要加額外添加醬汁。菜飯菜飯清淡可口，米飯吸收了蔬菜的鮮香，成為不一樣的主食。每次過來總喝上幾杯豆漿，任飲這賣點確實不錯，尤其搭配各種點心就更加完美。看到師傅現場包好，非常新鮮。📍劉興記生煎包專門店荃灣荃灣街市街37號地舖

今日去左荃灣試左間生煎包，呢間餐廳好有驚喜😚 一入座就送左杯豆漿，而呢杯豆漿係可以無限添加，好正👍🏻👍🏻我叫左招牌生煎包，外皮金黃酥脆，咬下去時能感受到裡面湯汁的鮮美，絕對是生煎包的精華所在。內餡的豬肉鮮嫩，與香蔥的搭配恰到好處，讓人一口接一口，停不下來😍之後仲點左蔥油雞扒拌麵，蔥油雞扒拌麵的雞扒係分開上，雞扒嫩滑多汁，蔥油的香氣與麵條的彈性完美融合，每一口都令人陶醉。蔥香四溢，讓人食慾大開，搭配清爽的青菜，更添層次感。

每隔一排就會心念念想食生煎包！又來到呢間人氣依然嘅劉興記生煎包！呢到嘅每一隻生煎包都係每日用人手新鮮包製而成，現場仲可以見到店員即場包製添啊～招牌生煎包(6隻)💰HK$50每一粒生煎包都熱辣辣，內餡非常之有水準，一咬落去仲有爆汁效果，湯汁非常鮮甜！外皮嘅表層軟糯，底層則有香脆嘅效果，表面嘅黑芝麻仲增加咗一啲爽脆嘅口感～蟹黃生煎包(4隻)💰HK$70蟹黃生煎包嘅水準亦都一啲都唔遜色，一咬落去就見到內餡有蟹肉、蟹黃同埋蟹膏，真材實料！多咗一份蟹肉嘅鮮甜味～上海小籠包(4隻)💰HK$40小籠包皮薄餡靚，同樣都有爆汁效果，湯汁鮮甜，正～✨低糖豆漿豆味香濃，飲落去質感好濃厚！重點係免費提供，仲可以無限添飲添～

📍 劉興記生煎包專門店（荃灣）荃灣係首創主店，喺荃灣到打響名堂😍爆汁嘅生煎包，熱辣辣嘅酸辣湯，令到冬天帶來溫暖，差唔多每一台都一定會叫生煎包，大家都會為咗招牌生煎包慕名而黎，最近店內亦都推出咗小籠包，蟹黃生煎包，但係我都最鍾意食佢嘅招牌生煎包，爆汁嘅感覺真係令我好滿足😌✨ 招牌生煎色生煎包外皮金黃酥脆，內餡鮮嫩多汁，散發著香氣。每咬一口，湯汁瞬間爆發，搭配微微的香葱香味，係一種幸福的享受😎✨ 雞絲酸辣湯湯頭酸辣適中，雞絲鮮嫩入味，每一口都能感受到辣味的刺激與酸味的清新，令人胃口大開，是寒冷天氣的完美暖心選擇。✨ 上海排骨飯豬扒炸衣薄，鬆脆，啖啖肉，入面肉質軟嫩，一啲油膩感都無。配埋好久不見既菜飯，好滿足😌

第二次幫襯劉興記😋今次係同同事嚟食，我哋叫左6粒生煎包，價值$50大元，真係抵食夾大件呀～生煎包size有番咁上下大，標榜爆汁，唔爆汁包換的。食嘅時候要小心，好多湯汁容易辣親。豬肉餡新鮮鮮甜，無過多調味，仲有小小胡椒香味。青瓜雞絲粉皮好多青瓜絲同雞絲😋師傅落醬毫不手軟，非常大方。粉皮滑溜溜。糖醋排骨呢樣有小小失望，雖然炸得好脆，肉質都幾鬆軟，但個汁咸左小小，無乜糖醋嘅感覺？上次食炸排骨好好味。

對呢間餐廳嘅小籠包同生煎包印象深刻以一家平民小店嚟講可以分店一間接一間質素確係穩定嘅去過唔同分店串門水準都keep到見大家都追捧佢嘅菜飯平時少食飯嘅我都嚟牛刀小試套餐嘅「蔥油雞扒菜飯」 加一甩生煎包價錢都算合理豆漿跟餐係任添飲菜飯嘅presentation 好decent 菜量幾多飯比較爽身，口感唔錯雞扒切好上碟炸粉唔係好厚身，啖啖肉！生煎包唔駛多講，脆底好鬼正另外追加嘅小籠包都係一貫發揮入口juicy～～💯

今日（25-1-2025 Sat）老公唔舒服，但佢係都要落荃灣食晏，我哋先喺大班攞兩個年糕，然後至諗食咩嘢，我記得呢喥新開咗一段時間嘅生煎包，於是行嚟。我哋嚟到睇，格局係我哋曾經帶過爸爸食餃子嘅嗰間舖（https://www.openrice.com/zh/hongkong/r-%E5%9B%8D%E9%BA%B5-%E8%8D%83%E7%81%A3-%E6%B8%AF%E5%BC%8F-%E7%B2%89%E9%BA%B5-%E7%B1%B3%E7%B7%9A-r791381），我哋重坐去嗰時同一張枱（食評係2023年4月23日刊登嘅呢篇：https://www.openrice.com/zh/hongkong/review/%E9%9D%9E%E4%B8%80%E8%88%AC%E6%B9%AF%E5%BA%95-e4796703）。坐低睇完menu後，要咗：1. $54.00嘅3號餐麻醬手撕雞粉皮+生煎包一隻嚟到睇，份量同size都唔多同大，先食生煎包，個皮係脆同爆汁，但唔太熱，同平平無奇，冇驚喜。3分麻醬手撕雞粉皮，有麻醬就知會好膩，所以份量少都會好滯，食落，麻醬味道濃我得嚟

一直都好鍾意食生煎包，見到好多人介紹呢間生煎包專門店，而且開到周圍都係分店，但係一直都冇機會試，根本終於有機會嚟試吓啦。一坐低已經擺低咗一杯豆漿，仲以為比錯咗，原來呢度嘅豆漿係任飲㗎，唔怪得咁多人讚呢間舖頭啦，老細果然好識做生意。佢嘅豆漿唔會太甜，豆味好濃郁，真係好值得欣賞啊。我覺得最值得讚賞嘅就係呢個酸辣湯麵，因為佢嘅酸辣湯唔會太辣，但係味道好夠，越食越開胃。而且佢嘅麵煮得啱啱好，配埋酸辣湯真係好好食。另外佢嘅菜飯都好出色，我朋友叫咗個雞扒菜飯，估唔到生煎包專門店嘅雞扒都咁出色，我朋友話下次都一定會再嚟食呀。呢間餐廳價錢超平，而且質素好好，唔怪得開到周圍都係分店啦。

朋友好鍾意食生煎包，去到荃灣又點可以錯過去岀名爆汁生煎包嘅劉興記。今日12點幾去到應該未到放飯時間，所以無乜人。坐低職員會先俾2杯豆漿，而呢杯豆漿係無限添飲，職員會主動添加好正！朋友話杯豆漿唔太甜，好啱口味。招牌生煎包（$35/4隻）去劉興記又點可以唔叫佢哋岀名爆汁嘅生煎包呢。一如以往包夠熱，咬一啖啲汁就湧岀黎，我習慣會飲曬啲汁然後先食包。就算飲左啲汁，包嘅肉都唔會乾，連埋脆脆嘅包低一齊食啱啱好！蟹粉小籠包（$80/4隻）小籠包一黎到已經知道皮夠薄，因為就咁望已經睇到滿滿嘅湯汁喺小籠包裏面。當我好驚一夾起會漏汁嘅時候，點知點埋醋放落碗都無事，以幾十蚊黎講的確高質。而蟹粉亦好足，咬開已見到滿滿嘅蟹黃，絶對滿足到愛蟹嘅我。素麻醬青瓜粉皮（$24）朋友大愛麻醬，所以佢一定會叫。今次亦如以往多麻醬，有青瓜絲中和唔覺膩，粉皮亦夠爽滑，份量亦夠曬大，岀面$24應該只有一小碟，呢到有一大碗！排骨葱油拌麵（$42）呢個拌麵有驚喜，因為我好怕炸嘢好油，但呢個似豬扒嘅排骨一啲都唔油，而且好脆厚薄剛好易咬。撈麵亦好夠味。價錢平，CP高，下次會再試其他嘢。