劉興記生煎包專門店

营业中

休息中

今日（25-1-2025 Sat）老公唔舒服，但佢係都要落荃灣食晏，我哋先喺大班攞兩個年糕，然後至諗食咩嘢，我記得呢喥新開咗一段時間嘅生煎包，於是行嚟。我哋嚟到睇，格局係我哋曾經帶過爸爸食餃子嘅嗰間舖（https://www.openrice.com/zh/hongkong/r-%E5%9B%8D%E9%BA%B5-%E8%8D%83%E7%81%A3-%E6%B8%AF%E5%BC%8F-%E7%B2%89%E9%BA%B5-%E7%B1%B3%E7%B7%9A-r791381），我哋重坐去嗰時同一張枱（食評係2023年4月23日刊登嘅呢篇：https://www.openrice.com/zh/hongkong/review/%E9%9D%9E%E4%B8%80%E8%88%AC%E6%B9%AF%E5%BA%95-e4796703）。坐低睇完menu後，要咗：1. $54.00嘅3號餐麻醬手撕雞粉皮+生煎包一隻嚟到睇，份量同size都唔多同大，先食生煎包，個皮係脆同爆汁，但唔太熱，同平平無奇，冇驚喜。3分麻醬手撕雞粉皮，有麻醬就知會好膩，所以份量少都會好滯，食落，麻醬味道濃我得嚟

平民高質美食😆，每次食，每一次都會比佢個招牌生煎包驚艷到，爆汁juicy，鮮香味齊全，仲記得第一次食，唔小心爆汁彈到對面😂，真係好正👍🏻，絕對要食！ 必叫！招牌生煎包6隻同朋友每人3隻，都有啲唔夠喉🫣，真係太好食🤤底部係脆脆地咁，入面肉汁飽滿鮮甜酥炸小雲吞 12隻有啲驚喜，之前食過佢炸雞扒都好正，今次試埋小雲吞，外皮酥脆，口感好有層次既脆卜卜，炸物好出色上海小籠包 4隻小籠包即叫即蒸，熱辣辣，外皮唔厚，肉餡飽滿，湯汁都好鮮甜仲叫左個白灼小棠菜苗

今日中午同朋友揀咗嚟食劉興記，睇佢鋪面平平無奇，估唔到啲嘢食真係幾好味！而且價錢唔貴！食lunch嘅一個好選擇！我哋叫咗兩個餐，朋友食炸雞扒菜飯，我就食炸豬扒拌麵！兩款都炸得好香脆，但又唔會覺得好油膩！每個餐都會配一個生煎包，唔使嗌多一碟食唔晒！生煎包好Juicy，個底煎得好香脆！好食！另外餐飲方面，竟然係豆漿任飲，姐姐不斷幫我哋加豆漿，差唔多飲晒就自動波過嚟加滿一杯！見生煎包不錯，仲叫多咗龍小籠包試下！個皮唔厚，夠juicy！推薦！

講到生煎包，大家一定唔可以錯過位於荃灣街市街嘅劉興記。佢哋個生煎包唔爆汁可以換貨，確保質素。難怪依間舖頭成日都大排長龍👍🏻一坐低，店員立刻遞上凍豆漿，喺炎炎夏日飲凍豆漿，真係好解暑，仲係無限添飲。店家認真大方。🥰呢度食物價錢唔貴，可以食套餐，有齊招牌菜生煎包同上海美食。由於餐廳有太多名菜，我哋單點咗幾樣1）招牌生煎包-咬落去即爆汁，熱辣辣，豬肉原汁原味，要慢慢食，先可以食到豬肉同湯嘅精華2）雞湯小雲吞- 另一招牌菜，雞湯鮮甜，小雲吞細細粒，皮香肉嫩，一啖一啖食非常可口！😋3）雞絲酸辣湯- 一上枱酸爽味十足，配料雞絲木耳竹筍好多，好爽脆，湯底厚實，酸酸味味非常開胃😍4）白灼小棠菜苗-小棠菜鮮嫩清新，每條都大大顆，好飽滿！

今日喺荃灣整完嘢又夠鐘食lunch咁啱見到劉興記條隊唔算太多人加上好耐冇食過生煎包所以就一於食下❤️🔹麻醬青瓜雞絲粉皮粉皮撈埋濃香麻醬 加埋青瓜絲脆卜卜雞絲嫩滑唔"鞋"口 夏天食真係好清爽🔹生煎包個底煎到金黃脆口 豬肉餡鮮味十足一啖咬落去熱辣辣爆晒汁難怪咁有信心話唔爆汁就免費換🔹豆漿豆味香濃唔會太甜 仲要無限添飲店員主動keep住不停斟 唔使驚唔夠飲🔹招牌炸豬排即炸上枱 外皮酥脆 豬扒肉質Juicy唔乾身價錢抵食份量多 絕對值得排隊去食👍

呢間都好多人食，生煎包最突出，脆口多汁好味，拌麵好味，麵質好，彈牙，雞排吾錯，豬扒就差了，無豬扒味+無味道，非常淡，雞排都叫做不錯，有0的味道。湯麵都不錯，豆漿任飲

今日經開荃灣買餸，順便黎呢間任飲豆漿上海菜餐廳食嘢！入到去門面充滿住中國風格的設計！坐位舒適，服務態度好好👍🏻非常親切，定時定候會問你需唔需要添飲豆漿😆🩵🔎餐飲方面我去到已經係中午時段，有中午套餐提供，非常化算！$54套餐多樣化配搭，我叫咗麻醬手撕雞絲粉皮＋生煎包一隻套餐及鮮雞湯小雲吞12粒+生煎包2隻套餐，份量超級足料！超級滿足！😝❣️❣️必點推薦❣️❣️⭐️生煎包爆漿超級Juice！建議加埋豆瓣醬一齊食，非常惹味呀！🔎環境方面座位舒適，枱面櫃桶有匙羹筷子方便自取，code落單亦可以人手落單，方便顧客的需要，裝修簡約風格，可以望到開放廚房，廚房非常乾淨企理！

荃灣呢間劉興記長期都好多人，質素都好穩定，成日同媽子幫襯。今日又黎食晚餐。一坐低店員送上冰凍豆漿，好夠凍好香濃，真係自家煲既，仲要無限任飲，勁吸引。👉🏻麻醬青瓜絲粉皮青瓜同雞絲都好多，一啲都唔孤寒，麻醬稀杰度較得好好，加啲豆瓣醬食更惹味。👉🏻招牌生煎包落左單唔夠5分鐘就上左😅以為佢係煎定唔熱，原來都係好辣口既，每粒都新鮮煎製，一咬開勁多肉汁，加醋食真係好正。👉🏻招牌炸豬排好香口，簡單好味，本身已經有咸味。

呢間幾抵食嘅上海小店，得閒行過荃灣都會幫襯吓。💙小雲吞湯麵（12粒）$45呢個係媽媽最喜愛嘅菜式之一，湯底清淡，配上粗大的麵條。💙雞湯小雲吞（18粒）$45小雲吞細細粒，但係食到鮮甜嘅肉味，入口嫩滑。食晒18粒好滿足！💙麻醬手撕雞絲粉皮$50呢排日日都30度以上，好熱要食返啲凍嘢，呢個由雞絲、粉皮、麻醬所配搭嘅菜式，好開胃！真係啱晒夏天食嘅開胃菜。如果想要再清爽一點，可以點青瓜🥒雞絲粉皮。💙上海菜飯$20好鍾意食呢度嘅上海菜飯，香噴噴嘅飯再加上菜，感覺好健康。

Weekend 未到一點已經要排隊，好彩早左少少到，排左5分鐘左右，我13:45食完出黎門口已經有10多個人排緊隊。餐牌上都有好多唔少選擇，黎得食當然係食生煎包，所以原味同蟹黃都試下~ 叫左2個套餐加2隻蟹黃生煎包：蟹黃生煎包蟹黃生煎包外皮煎到金黃香脆，裡面有仲有好多蟹肉同蟹黃，味道好鮮。底部煎到微微焦，咬落去仲有湯汁爆出嚟，配埋醋同辣油就仲好味。生煎包生煎包比起蟹黃生煎包仲包得多肉汁好多，一咬就爆晒出黎，真係食都要小心雞絲酸辣湯麵酸辣湯底真係好開胃，由其係食生煎包，搭埋一齊食都好岩，而裡面有雞絲、豆腐同蔬菜，面條Q彈，吸住湯汁招牌炸猪扒拌麵炸猪扒真係一定要叫，因為我眼見咁多枱都有叫，我都叫埋一份，但真係無叫錯，炸猪扒好酥脆同肉都好淋，拌麵用左乾蔥同秘製醬料，好香口豆漿豆漿佢係可以無限添飲，店員仲會主動幫你fill，唔怕口渴總體都好好👍🏻最like 佢可以無限fill 豆漿

夏日炎炎，坐進這店就先喝了2杯豆漿，任飲真的太好了，立馬便消暑了大半呢。又來如常的點了必吃項目生煎包外皮金黃酥脆，內餡鮮嫩多汁，每一口都能感受到肉汁的鮮美。搭配醋和蒜蓉，風味更佳。麻醬粉皮麻醬粉皮的口感滑順，芝麻醬的香氣濃郁，而且還可以免費加添醬汁啊。這次走了青瓜絲，但仍不失口感，十分開胃。小雲吞湯麵小雲吞皮薄餡多，湯底清淡而鮮美，更加入蛋絲和青菜，增添了營養與色彩。整體味道和諧，很是飽肚的主食。從來沒有失望的午餐，店員亦勤快的添飲豆漿，真的每個月也過來吃上。

中午同同事在荃灣食飯，特地選了這家生煎包，好久沒吃過了！午市套餐也很豐富，我們選了一個炸豬扒配拌麵+生煎包和炸雞扒菜飯+生煎包，另外還加了蟹黃生煎包兩隻！炸雞扒和豬扒都是新鮮炸出來的，味道很好，豬扒和雞扒都很嫩。拌麵有點驚艷了，調味得很不錯，而且麵條煮得剛剛好，很開胃～生煎包就是外焦裏香，鎖住的肉汁咬開的時候就噴出來，很鮮甜！肉餡的味道調得剛剛好👍另外的蟹黃生煎包風味很特別，蟹黃味道突出，也不會很腥，好吃！這裡的豆漿都是免費續杯的，很健康呀！

同男朋友喺附近經過見到佢出咗新嘢就立即去試（可能佢已經出咗好耐，不過我真係比較少過嚟🤣），一坐低無耐姨姨已經好快手俾咗兩杯豆漿我哋，喺出邊行到熱辣辣飲番杯豆漿真係好舒服，呢個服務態度真係一流#瀨尿蝦生煎包我想講呢個包真係冇得頂，一樣一咬開就會噴汁，跟住就見到大大嚿瀨尿蝦肉，超級足料，而且食落仲有啲鮮甜味，都幾有驚喜而#麻醬青瓜雞絲粉皮 同上次一樣，都係麻醬任加，份量極多，熱辣辣食返啲涼野真係一流我哋仲叫咗個#招牌炸豬扒拌麵 ，第一次是拌麵冇諗過佢個醬係咁好食，同埋食吓食吓個份量都幾多，所以到最後我哋係食唔晒，而個炸豬扒都好厚身，加埋個醬一齊食，反而仲開胃今次我哋仲叫埋#小籠包 ，佢嘅皮係超級薄，薄到可以睇到入邊啲湯汁，食落真係皮薄餡靚，肉汁超濃，啱晒重口味嘅我

劉興記生煎包專門店真係近年香港生煎包界嘅人氣王，尤其係佢哋嘅招牌生煎包同蟹粉生煎包，絕對係必試之選。我地今次仲試埋小籠包同樣出色！首先講講招牌生煎包，包底煎得金黃香脆，皮薄唔會太厚，咬落去即刻爆汁，汁多肉嫩，豬肉餡用嘅係本地新鮮豬肉，味道鮮甜。生煎包嘅汁係熱辣辣咁爆出嚟，食嘅時候真係要小心啲。至於蟹粉生煎包，又係另一種正！同樣超多湯汁，餡料除咗豬肉之外，仲加入咗蟹肉同蟹黃，味道鮮甜而且帶有濃郁蟹油香，咬開包嘅一刻，蟹油汁水即刻爆出嚟。劉興記嘅原味小籠包都要推介。小籠包皮薄軟糯，豬肉餡同生煎包類似，多汁肉味香，配埋姜絲同醋，味道更加豐富。劉興記荃灣店堂食仲送豆漿，唔會太甜，飲落去順滑有豆味，食完熱辣辣生煎包同小籠包，飲返杯搞晒清爽。

假日想食小籠包，去左午晚市時段例牌排長龍滬菜小店劉興記!每個生煎包都在店內即做即煎，爆汁多餡，生煎包整得夠脆，邪惡大滿足，小籠包的外皮很薄，輕輕咬一小口，大量湯汁湧出!堂食仲送豆漿，無限添飲!上湯小雲吞細細粒，易入口，個雞湯幾好飲，唔會係味精湯。仲有一打份量，隻數取勝，少食多滋味!上海菜飯菜感受到正宗上海菜的滋味!加埋夏日消暑小菜醒胃麻醬雞絲粉皮，滿分之作!食左甘多樣都唔使兩百蚊，性價比十足，唔怪得長期甘多人!