劉興記生煎包專門店

营业中

休息中

見到IG 有介紹，睇相同片都吸引，以為都正正常常，其實係foodie 剪片同拍攝技巧太好了。因為唔係好餓，所以兩個人剩係叫左套餐，套餐係生煎包加迷你酸辣湯，再另加生炸雞扒。首先黎係生煎包，用堂食碟裝，之後黎嘅酸辣湯係外賣兜裝。生煎包我覺得個皮好硬，底燶咗啲，剩係feel 到湯汁好熱，除始之外唔覺有咩咁特別。酸辣湯個樣同碗仔翅冇分別，同埋唔明點解堂食要用外賣兜，明明見到隔籬枱食麵係有堂食碗。再嚟係生炸雞扒，個雞扒細到我懷疑佢未發育，得3,4舊仔，因為太失望，嗱嗱聲食完就走，相都冇乜影。冇下次。

🥢荃灣新開話題店 乒乓波咁大 超爆汁 瘋狂世一爆汁生煎包🥢最近發現荃灣新開一間人氣話題店，門連紅紙都未搣就已經超多人等位及買外賣，每個人為咗嘅係佢哋的即叫即煎生煎包，今次就特別過去睇下，門口已經成堆人等位，好在都好快手可以就坐，上菜速度都好快，一陣間就有得食🥢招牌生煎包 ,迷你雞絲酸菜湯套餐 (送豆漿 )$59見到每檯都點呢個招牌生煎包，就知道幾咁受歡迎，上檯時仲熱辣辣出曬煙，每粒都非常飽滿，成粒乒乓波咁大，輕輕一夾就已經爆曬湯汁噴出嚟真係好誇張，每一口都係鮮甜湯汁味道，外皮上層軟熟下層煎至香脆，脆卜卜咁好惹味，內餡用上新鮮豬肉製作而成，散叫一碟$45 /6 隻 ,除返開都只係$7.5 一粒，認真高質又抵食🥢排骨蔥油拌麵$42排骨蔥油拌麵，排骨大大片夠曬份量，咬落鬆脆口感，係上海排骨嘅風味，細心位已經切開一件件方便食，拌麵用上爆過的蔥油拌成，每條都充滿蔥油香，麵質爽口🥢酥炸小雲吞 $25 一碟好多粒的炸小雲吞，細細粒一口一隻剛剛好，即叫即炸熱辣辣的每粒都係脆脆口感，🥢手工豆沙鍋餅$28 豆沙鍋餅表面香脆，內餡放了香甜軟滑的豆沙，甜度剛剛好，口感香脆🥢估唔到呢個生煎包真心好有驚喜，每隻都

1️⃣「招牌生煎包($20/2)」好嘅生煎包個底要夠厚而且香脆 、餡要夠鮮甜爆汁、皮要夠薄🤤，而呢間都做到哂！師傅即叫即做！熱辣辣～Signature Pan-fried buns👍🏻-2️⃣「蟹皇生煎包🦀️($18/1)」呢款雖然貴好多，但佢用料實在，超多蟹子同蟹肉！～Crab roe paste Pan-fried buns👍🏻-3️⃣「麻醬手撕雞絲粉皮🐓🥒($35)」佢哋嗰醬係靈魂，充滿花生同麻醬香味！仲要夠晒多醬！粉皮滑lulu，咁大兜都係$35 🫡～Green bean noodles & shredded chicken with sesame sauce👍🏻-4️⃣「百步香蔥油餅💚($28/1)」熱辣辣，炸得酥脆，中間好多蔥，喺台灣嘅味道～Scallion cake-⚠️：肉汁好熱 要小心！Be careful of the hot juice while eating pan-fried bun

長假期最後一日，朋友拜完山，約了她去荃灣行街，本來打算去食越南野，經過此店，見新開張，招牌紅紙還未撕去，朋友突然記起説這店近來好多foodie讚好! 我見門外有數人排隊買外賣，店內還有空位，決定更改行程入內一試。第一步踏入店內已看見座位十分擠迫，凳與凳之間的距離十分窄，差不多要背對背而坐。再往店內行入數步，發覺地下頗為滑 ，要小心翼翼地前進。坐下看完餐牌後，決定叫兩個餐- S4($59):酸辣湯+6個生煎包和S2($54):雞絲粉皮+2個生煎包。以為個餐冇包飲品，所以另外加咗一罐可樂。但食物來時，每個餐跟送了一杯豆漿，再重看餐牌一次，都係冇寫有豆漿送的，如果一早知有豆漿，就不會叫可樂了！唔知係賺咗，還是蝕咗！？食物一到，草草拍了照片，就立刻要試吓咁多人推介的生煎包，生煎包表面不是脹卜卜的，而是多處往下沉。先不理外表，好唔好味才最重要！第一啖咬落去湯汁算多，還很燙，湯汁味道是濃郁的，但生煎包面煎過的部份不夠鬆脆，略嫌偏硬一點，相比祥興記的生煎包，湯汁的味道和煎包的效果，我毫不考慮會揀祥興記！吃過生煎包後，就到試吓個雞絲粉皮，雞絲粉皮份量頗多，但味道偏淡，味道一般，最後還食淨一點，由於本人

第一次見新開，出面玻璃介紹好嘢，好試新嘢點知一食就難忙，－見堂食用塑膠碗，好似食兩餸飯感覺🤔見到都唔想食，跟住嗰兩粒生煎包細個兵乓波，👍😡小雲吞個然係好細少，又細又難食，正常食量D人食都唔飽，結果伏伏伏，－肚氣，結果要過隔離食魚蛋粉🤨－晚走兩場，食食食。

“招牌生煎包(4隻)”($30)“蟹皇生煎包”($18/隻)“蔥油雞扒菜飯”($42)“排骨蔥油拌麵”($42)“雞絲酸辣湯”($30)“低糖豆漿”($10)荃灣最近開咗間超人氣生煎包專門店趁住假期有時間一於過去試試😍生煎包除咗原味,仲有蟹皇口味🦀生煎包煎到外層香脆一篤入去就爆哂湯汁🤤超級正🤤我地另外點咗2款主食蔥油雞扒菜飯,排骨蔥油拌麵2碗份量都好夠大😛而且蔥油香十足雞扒同排骨都炸得岩岩好☺️雞絲酸辣湯都係餐廳人氣菜式大大碗嘅酸辣湯果然夠酸😍配料有大量雞絲,木耳,荀☺️好足料😙

店舖開張第一天，試了店舖派嘅生煎包，比我印象係差嘅。本身睇到啲人講店舖唔係咁好，都有諗過唔去食。點知今日一食，唔錯唔錯。雖然啲位唔係咁好坐。希望之後有待改善啦。「生煎包做好啲啦！」其他產品仲好食過佢啊！

好耐冇入嚟荃灣，行行下經過見到一間新開嘅生煎包專門店叫（劉興記）個名有啲熟。入到去原來係先買嘢食再入座嘅，店面乾淨衛生，隨便搵個位坐低咗冇耐之後，就聽到叫號碼自己手上嘅票，上菜速度又幾快喎👍生煎包可能太耐冇食，一咬落去啲汁射到自己件衫度😂好彩隔離枱冇人睇到🤣估唔到生煎包可以做到咁爆汁而且個被做到咁薄個底又沾到咁香脆👍👍👍真係值得一讚👍👍👍不過可以提醒客人小心爆汁就更加好，下次試下排骨湯麵，聽講係用新鮮豬扒製作。

上圖先生炸雞扒蔥油拌麵🙌🏻塊雞扒都幾細 亦完全唔係生炸應該有嘅脆皮個蔥油完全唔香 食到晒個麵本身嘅麵味生煎包🙌🏻2個鮮肉 + 2個蟹皇一嚟都見到佢凹晒 食落唔係熱辣辣湯汁係有嘅 但只可以話好normal 咁細粒嚟講個價錢都幾進取小雲吞🙌🏻加幾條浸到爛晒嘅菜心落個味精湯度小雲吞正常味道 見到咁多foodie推介間新嘢，滿懷期待去食，食第一啖就知出事啦，絕對冇下次，希望大家唔好中伏🙏🏻🙏🏻

荃灣新開劉興記生煎包專門店 主打無敵爆汁生煎包 上海湯麵 新開已經好多客人圍住 今次去試試🥰.當然必點⭐️招牌生煎包2/4/6隻 $20/$30/$45😱唔係講小 個生煎包好高質 🔥外面煎到香脆👍🏻內裏包住大量湯汁 要小心熱 同慢慢食👍🏻做到好似小籠包咁 皮薄 夾起唔易穿 好高分如果一啖咬落去 可能爆到成身都係湯汁佢地仲有⭐️蟹粉生煎包$18選擇😍同樣高質 入面變左金黃色蟹粉湯汁.如果鐘意上海菜 路過荃灣 一定要試試下次再試試 酸辣湯 炸排骨.#hkfunfoodrecord窮遊香港#hkfunfoodrecord_荃灣. @lauhingkee #劉興記生煎包專門店 （民豐旁邊） 地址：荃灣街市街37號地舖.⭐️評分：味道：4.5/5 爆汁程度誇張環境：3/5服務：3.5/5抵食：4/5 .（記住分享比朋友 追蹤/like 感謝你哋支持🙏🏻）..#飲食 #美食 #抵食 #hk #hkfood #hkfoodie #foodiehk #hkfoodblogger #hkblogger #hkfoodies #香港美食 #旺角必食 #葵涌美食 #葵興美食 #葵芳美食 #荃灣西美食 #荃灣西

佢呢個味道係我十幾年前的祥興記味道爆汁，鮮味，但我排左半小時。講真不太高興。但好好食值得排。買完才可入去食包我無好似其他人甘又叫麵又叫飯。去煎包店當然食煎包個個話麵唔好食飯唔好食真心想笑你唔去腸粉店食牛雜？我覺得個煎包好好值得推介佢呢個包絕對係世一個包係香港最好我去上海食煎包都無甘好食我覺得佢好好keep住呢個包唔好似祥興記越做越差越加越貴30蚊4個包真心平希望唔好出名就加價最憎就係甘做無一陣就加加加

前兩日親戚黎我屋企開大餐，就陪媽咪去荃灣街市買餸加料，買完仲有一個鐘先食晚飯，見到對面有間新既餐廳，門口好多等外賣既人，行去望下原來係主打生煎包既上海湯麵店，裝修簡潔坐位闊落，個肚有少少餓但又怕食太多，晚飯食唔落咁就岩晒試下新鮮熱辣既生煎包，店員十分親切，叮囑我們生煎包岩岩出爐，𥚃面湯熱辣辣小心燙咀，生煎包包底煎到金黃色入口鬆脆，一咬就爆曬啲肉汁出，味道鮮嫩加少少醋減少油膩感之餘又可以增加味道層次，酸酸地令人忍唔住再食多粒！皇牌推介招牌生煎包 $30/4隻

唔明白套餐價錢貴過單點？另外，真心要改善落單上菜嘅問題，超碼俾塊號碼牌唔使咁混亂！本身睇reels期望好高，望到啲食物好吸引！但去到發現嘢食大部分用膠兜盛裝，有少少失色，感覺好似俾個位你食外賣咁！麻醬手撕雞粉皮+生煎包2個青瓜份量唔算多，但其他材料更寥寥可數！呢個餐真心唔抵食！蟹黃生煎包兩款生煎包其實都好味嘅，一咬真係會爆哂啲汁出嚟。但湯汁嘅熱度完全唔夠，失望！蟹黃拌麵唔知係咪未到蟹嘅季節，蟹膏顏色唔金黃，但蟹膏蟹肉份量算頗多。而且麵條有陣陣嘅蔥油香，雖然賣相麻麻唔吸引，但食落唔錯，蟹香味十足。百步香蔥油餅酥皮少厚，但勝在夠哂熱辣辣，蔥油味好香，而且幾濃味，算唔錯。

外賣多數都唔會寫食評，因為外賣味道一定冇堂食好食。但今次唔算講味道，想講整體。唔講脆唔脆，外賣有焗過唔脆好正常，但第一次見到生炸雞排炸完都咁淺色，而且份量好少，四塊拼埋冇我一隻手掌大。菜飯都唔係用小棠菜整既上海菜飯。生煎包汁係夠多但餡少。皮底唔燶既，厚薄就一般。個人就唔覺得特別厚但都唔係薄個啲。糖醋炸排骨，吉列既炸皮，唔係平時其他上海鋪頭食個款，糖醋汁一般，唔明點解個汁唔係撈埋上。可能上海野都分派系，做法都不盡相同。我見識少，食過既上海菜唔多。雞湯小雲吞ok，最正常係佢

本想食祥興記，點知執左。咁啱經過見到呢間新開又以爆汁生煎包排長龍，叫劉興記，諗會唔會係祥興記嘅分身？諗住買外賣試試，點知，未食先受氣受飽。首先得一個收銀，堂食外賣只可以喺呢到俾錢，最攪笑係堂食要喺呢個收銀落order ，外賣呢請你等到堂食全部落曬order 先可以叫。重點係……堂食嘅人企喺個收銀到……慢…慢…諗叫咩食？然後更外嘅堂食插隊落order ?!見到咁我已經話唔係喺到慢慢傾叫咩呀？然後堂食就不停打尖。同個阿姐講佢話堂食等左好耐⋯⋯What?我都有排，仲要被你啲堂食客打尖？咁外賣等到天荒地老啦？仲要之前喺收銀排第二，被個阿姐不禮貌叫岀門口排，然後被堂食打尖。咁仲唔走咩，我都要俾錢架！好彩無買到咋，啲人話好難食。