劉興記生煎包專門店

营业中

休息中

 招牌生煎包（2件）$20 ♪劉興記名物招牌生煎包，皮薄餡靚不在話下，肉餡厚實而且充滿湯汁，簡直係口腔入面上演緊一場肉肉嘅party🎉，不過食嘅時候要小心太熱燙口！ ᗦ↞︎◃︎ 值quota指數: ✿✿✿✿ / 5 雞絲酸辣湯麵$34 ♪ 鹹酸辣味道非常平均🍜，麵底份量好足，雞絲份量貴精不貴多，個湯底比較稀建議可以先試其他更多出色嘅菜式ᗦ↞︎◃︎ 值quota指數: ✿✿.5 / 5 原味上海小籠包（4隻）$40 ♪ 上海小籠包湯汁飽滿🥟，皮薄餡靚，肉餡味道同招牌生煎包相似，味道非常濃郁！ᗦ↞︎◃︎ 值quota指數: ✿✿✿✿ / 5 麻醬手撕雞粉皮 $42 ♪ 超級足料嘅手撕雞粉皮，麻醬嘅芝麻味非常香濃兼帶帶小小花生醬味🥜，令人一啖接住一啖！ᗦ↞︎◃︎ 值quota指數: ✿✿✿ / 5 手工豆沙窩餅 $28 ♪ 不過不失嘅豆沙窩餅，餅皮淋身有蛋香味🥚，同傳統嘅豆沙窩餅相比有分別呢ᗦ↞︎◃︎ 值quota指數: ✿✿.5 / 5✎ 總括：生煎包非常出色，值得一試，其他菜式整體不過不失！✼ 加一服務費✘ෆ̈ 劉興記生煎包專門店 (旺角)✇ 地址：旺角通菜街1M-1T號華發大廈地下D號舖

🏅皇牌S3 麻醬手撕雞絲粉皮+生煎包 $54一次過有哂食上海菜我每次都會嗌嘅兩款！雞絲粉皮比想像中大碗好多 女仔做正餐絕對夠飽😍一卷卷嘅粉皮嫩滑爽彈口感好唔錯配搭大量青瓜絲同埋粗條雞絲口感豐富滿足麻醬香醇濃稠帶啲燒香味然後嘅鎮店之寶 米芝蓮主角當然要試試啦～～生煎包絕對係意猶未盡😋底部金黃香脆 入面係滿滿嘅肉汁 一咬開就爆汁特別要提係佢哋嘅內餡唔會話太多肥豬肉太油膩嘅感覺！🍲雞絲酸辣湯 $35個湯好足料啊！有冬菇 雞絲 木耳 蛋花 同埋筍酸味比辣味突出 食唔到好辣嘅朋友都唔使擔心酸辣湯質地帶微黏性 酸辣中帶微微甜味仲有仲有！！！豆漿任添任飲哦微甜新鮮帶豆香味嘅豆漿解膩開胃又滿足🤤

到了旺角呢間劉興記，上海麵專門店，主打人氣生煎包，黎到當然要點佢地嘅招牌生煎包品嘗下啦，煎得皮香脆，咬落好爆汁，肉餡鮮甜確唔錯啊！招牌擔擔麵，麵上鋪了很多的櫻花蝦&肉醬，跟醇厚的擔擔醬汁拌勻食很讚。排骨蔥油撈麵，排骨炸得香脆，內肥瘦適中，撈麵的醬汁剛好，麵質爽口彈牙。白灼小棠菜，翠綠新鮮健康之選。手工豆沙窩餅，外皮蛋香鬆軟，豆沙餡都唔會太過甜。套餐奉送豆漿，仲可以免費添飲，真係一間親民又溫馨的小店。

見到open rice咁多好評 我都抱住好大期望入去夜晚7點幾去到都派左陣隊但排5-10分鐘左右就入到去👍🏻✨鮮雞湯小雲吞12粒配2隻生煎包$54✨老實講….個小雲吞我真係唔識欣賞肥豬肉好多 無鮮味 個皮又唔特別薄真心急凍小雲吞都好食過佢好多🥲生煎包係我最期待既環節😍不過我食既第一粒係冇汁既搞到我好失望😭但第二粒爆汁係唔錯既但d生煎包都唔係熱辣辣上可能唔夠熱？所以我覺得個味道都唔係話好好好好食個種…呢個生煎包期望太高 搞到有d失望！✨招牌上海排骨拌麵配1隻生煎包$54✨排骨炸得好好食 我好怕d炸排骨會好乾但佢唔會乾之餘 仲有少少肉汁 唔錯既！不過個拌麵就….好！普！通！唔夠惹味另外每個餐都包豆漿 而且豆漿任飲但如果你話佢係豆漿 我覺得似豆奶多d有少少奶香味 不過我差唔多杯杯佢都係比最底個d我所以我杯杯都有渣咁濟😂上網d人講到好好飲咁🤔低糖係唔錯既 但我想飲豆漿多過豆奶咁囉…整體而言，好一般，座位又細，拎多個袋都擺唔到… 不過鋪頭同餐具都乾淨，但下次未必再試～

🍚劉興記生煎包專門店  📍前一排social media有好多飲食page、foodie 都有po生煎包，好似好hit咁，搞到我都好想試，今次終於有機會啦🍴蟹黄生煎包（2隻）  $38 一上枱就聞到陣陣嘅蟹黃香味，煎得金黃嘅外皮，咬落去「卜」一聲，熱辣辣嘅湯汁就爆晒出嚟！個湯底好鮮甜，帶有微微嘅蟹膏嘅鹹香，而個餡料就充滿住蟹肉嘅鮮味，每一啖都好似喺食緊一隻迷你嘅蟹咁！🍴蟹粉小籠包（4隻） $80 蟹粉小籠包嘅個頭比生煎包細啲，但係個餡料就更加濃郁。輕輕一咬，熱辣辣嘅湯汁就喺口腔爆開，蟹粉嘅鮮味喺舌尖上慢慢散開，真係好滿足！
🍴雞絲酸辣湯  $35配埋一碗雞絲酸辣湯，酸酸辣辣嘅湯底，飲落去好開胃，而且雞絲嘅份量都幾多，口感豐富。🍴低糖豆漿   $0 （消費滿$60）呢間店嘅豆漿竟然係免費送嘅，而且任飲！豆漿嘅味道香濃，而且唔會太甜，係一個完美嘅結尾。

之前經過見到大排長龍已經心郁郁，今日趁tea time少啲啲人忍唔住食咗，即刻明白點解成日都有條龍。食物好味之餘，servers態度每一位都 非 常 之 好。入門welcoming, 點餐時推介有咩好食，臨走笑住道謝講再見。又真係幾想下次再見。 ✦ 皇牌套餐S4 鮮雞湯小雲吞12粒 + 生煎包2個 HKD54✦ 枱上面一早有警告生煎包會爆汁，只係我哋兩個都估唔到真係咁多汁 (請睇圖)。生煎包 好 好 食，個底煎成金黃色，汁好鮮好香，夾住大大舊鮮嫩肉餡。而小雲吞足料份量多，皮簿而餡仲有肉味，唔似得出面啲雪藏小雲吞。 ✦ 蟹粉小籠包 HKD80 ✦因為蟹皇生煎包賣晒，於是轉為嗌蟹粉小籠包。同樣皮簿餡靚，多汁多蟹肉，非常濃郁，物有所值。 值得一提，門口雖然寫買滿60蚊豆漿任飲，實情出面天氣熱辣辣，一坐低server已經會送定杯凍豆漿。豆漿又厚又香，飲咗三四杯飲到我都唔好意思了 (๑´ڡ`๑)

趁住今日⼀人午餐去到人龍店劉興記碰下運氣～好好彩等⼀陣已經有位⼀坐低店員已經送上自家製無糖豆漿👍豆漿真心香濃好好味！仲可以無限添飲正！用QR code落單方便易用午市有皇牌套餐有飯又麵加招牌生煎包價錢幾抵👍蔥油雞扒拌麵店員細心介紹👍炸雞扒由新鮮雞扒生炸而成入口多汁香脆蔥油同樣以鮮蔥炸油味道特香⼀試果然雞扒嫩滑香脆高質👍拌麵麵質軟糯飽肚招牌生煎包外皮香脆輕輕⼀夾湯汁已破皮而出🤤鮮肉湯味道鮮甜蘸香醋更甘美👍蟹季到來劉興記更推出蟹粉生煎包我當然要試蟹粉生煎包比普通版體型更大入口盡是蟹粉甘味👍👍非常滿足❤️生煎包做早點午茶都非常合適加上其他用心製作嘅高質美食難怪劉興記⼀直人潮滿滿😍

旺角高人氣生煎包專門店🦀蟹黃生煎包($70)包皮薄、下面炸到薄脆，一咬爆曬啲湯汁出嚟，有滿滿嘅蟹黃粒粒，蟹黃味濃！🐷原味生煎包($35)肉餡好鮮味，皮夠薄，同樣一咬都爆汁，啲湯汁新鮮滾熱辣！豆漿豆漿係店家自家製嘅，飲落好濃郁😍所以都飲左3杯😂😂食完呢度八粒生煎包都好飽，好滿足！係可以當成一餐正餐咁食🤣整體好出色，推介！地址：劉興記生煎包專門店 (旺角)旺角通菜街1M-1T號華發大廈地下D號舖

睇完戲之後想找些食。但一個人不知道可以食什麼。呢排環境差。去橫街窄巷搵些平價野食。招牌生煎包。生煎包既肉汁滿瀉。肉質咬勁。剛煎出嚟一口咬下去更是充斥口腔的滿腹感。底部煎特脆脆可口。要小心肉汁燙熱入口。蟹黃生煎包。蟹黃的獨特鮮甜海鮮味道。真的令人難以忘記。肉汁爆射。蟹黄令成個口腔內充滿口腹之慾。再配上可口肉質更勝過滿漢全席。小籠包。皮薄餡靚。入口即化。但真心要小心內部滾湯。肉質鬆軟。最重要係入面每位服務員積極&禮貌地服務。有介紹食物給我。勁好服務態度。

之前一直聽人介紹呢間生煎包好正，前幾日黎旺角終於有機會一試。店內寫住生煎包唔爆汁包換，重有低糖豆漿任飲，真係好霸氣！我地2人點左生煎包、蟹粉小籠包、雞絲粉皮同擔擔麵。生煎包真係會爆汁，要好小心食。小籠包皮好薄，就咁望都透到啲汁👍🏻 雞絲粉皮同擔擔麵份量都好足。最驚喜既係低糖豆漿，除左任飲之餘，佢重好香豆味，唔似一般上海菜舖咁好甜但豆味好淡，我地同埋其他枱都不斷refill。店員態度都好好，唔會厭你煩，重好有禮貌同笑容👍🏻

生煎包舖頭開到成行成市，價廉物美ge一定非劉興記莫屬。鎮店之寶推蟹皇拌麵，店家自家製成蟹皇醬，鮮味濃郁。材料選用清香帶回甘的大閘蟹蟹膏，配上鹹蛋黃和清新的紅蘿蔔蓉等調製，做出口感特別，一絕的醬料，麵質是偏軟及滑溜，好味到秘!生煎包外皮底部煎至金黄酥脆，撒上芝麻、香葱。聞着香，包面純白、鬆軟，肉餡鮮嫩。小雲吞湯麵小雲吞小巧精緻、皮滑餡鮮，鮮味香濃的冬菇、木耳和蝦米，令小雲吞更添鮮味，更有口感。麻醬青瓜絲涼皮是夏日清新小吃，開胃醒神!

看到不少foodie都有介紹此店故特意前來試試，果然門外已經有一條小小人龍在等位，大概等左15分鐘又唔算太耐的。不過店內座位真的比較窄，坐得不算舒適，還遇上了冷氣機滴水位，此點真的有待改善。店員已經非常親切兼有禮，知道很多人都在等生煎包等了太久，已經不停向客人說抱歉，難為了她們。點了兩個套餐，餐飲的豆漿是無限添飲，店員會細心看著客人如快要飲晒就斟，有時會整瓶豆漿放在檯上給客人，不過呢，豆漿好淡口無咩味。至於食物，整碗12粒的小雲吞一點都不小，都好夠飽，皮薄餡多。至於上海排骨都炸得外焦內嫩，肉質緊實而有彈性，入口有點香料的味道，幾惹味好食，麵條都夠彈牙不會太軟淋。主角生煎飽係最好食，煎到金黃色，飽底酥脆，內餡多汁，一口咬下去真的是會爆湯汁，要小心燙口。整體而言食物是有質素的，不過就要唔怕等同坐得無咁舒服。

經過一間店鋪，鋪面貼左發哥既合照，於是決定一試。餐廳入面全場爆滿。好彩等左唔係好耐就有得入座。蟹黃生煎包首先嚟到蟹黃生煎包，包皮金黃酥脆，一咬開就見到裡面嘅蟹黃流出！好濃嘅蟹黃味！招牌生煎包接著係招牌生煎包，底部煎得香脆，肉餡豐富多汁，咬落去爆汁，好有驚喜，大推!！上海排骨菜飯排骨係現炸，所以要等一陣，但等到嘅時候真係值得！排骨熱辣辣，又juicy，肉質嫩滑。菜飯唔油偏乾身，我覺得好好味，因為我好驚食到啲好油既菜的飯。麻醬青瓜雞絲粉皮最後，麻醬青瓜雞絲粉皮就係一個清新嘅選擇。粉皮滑，青瓜脆口，再加上香濃嘅麻醬，食完感覺好清爽。佢仲可以揀多醬😍豆漿只要嗌套餐滿$60，就可免費任飲豆漿，豆味濃郁而且少甜，正!後話呢間小館真係值得一試，雖然人多，但服務質素唔減，樓面得二位職員，其中一位職員係爆場既情況下長期帶笑容，我表示驚訝，而且佢地加豆漿速度勁快，見我地就飲完就即加加豆漿比我地。我見好多人嗌小籠包，我下次會再試下佢地既小籠包。

好耐之前已經想嘗試呢間人氣生煎包專門店，果不其然，去到真係要大排長龍，好彩等咗陣就入得。招牌生煎包唔係講笑，一咬落去真係爆汁，我朋友連個鼻都食埋🤣超新鮮滾熱辣湯汁，正呀！蟹黃生煎包呢個價錢貴少少，好香蟹粉味，咬落同樣爆汁，建議攤凍少少先食😗原味上海小籠包食上海嘢點可以唔嗌小籠包，肉餡好鮮味，皮夠薄，點白醋就最好食啦😋麻醬手撕雞絲粉皮手撕雞份量好多，麻醬勁濃郁，再將啲青瓜同粉皮撈勻，勁清爽🤤

【旺角都有好野食😋｜爆汁生煎包香脆惹味】🐨蟹黃生煎包 $20推薦度：⭐️⭐️⭐️⭐⭐️生煎包成日俾人嘅感覺都係好硬好厚包皮，但呢款生煎包絕對可以顛覆你嘅想像！一咬爆曬啲湯汁出嚟，入邊仲要有滿滿嘅蟹黃粒粒，蟹黃味濃！而且包皮薄、下面炸到薄脆，口感豐富🙂‍↕️🙂‍↕️.🐨麻醬手撕雞絲粉皮 + 生煎包（1隻） $54推薦度：⭐️⭐⭐️⭐️⭐‍餐廳有好多款唔同套餐揀，平均都只係50幾蚊，已經可以試到多款嘢食一個人嚟都唔使怕～麻醬手撕雞絲粉皮，粉皮薄薄沾滿麻醬，配埋手撕雞絲同埋青瓜絲，既爽口又清涼～仲有埋原味生煎包，性價比真係超級高！！.🐨手工豆沙鍋餅 $28推薦度：⭐️⭐️⭐️⭐推介大家嚟上海舖必定要是豆沙窩餅，好考師傅炸功，好易吸晒油㗎～ 呢度就絕對冇呢個問題！！！窩餅薄脆入邊有滿滿少甜嘅豆沙，唔會喧賓奪主相輔相成，作為甜品埋尾絕對一流～.⌫呢間舖頭絕對要大讚就係佢哋店員嘅表現🥰招呼認真一流，見到佢哋對住唔識中文字嘅老人家，逐樣逐樣介紹俾佢識，仲要耐心咁俾老人家慢慢揀🥹而家真係好少餐廳做得到lu...——☼——☼——☼——☼——☼——劉興記生煎包專門店 📍地址：旺角通菜街1M-1T號華發大廈地下D號舖🐨推薦度：😋😋