劉興記生煎包專門店

营业中

休息中

超爆汁發哥生煎包🤤麻醬青瓜絲粉皮 + 一隻生煎包 $54青瓜呈幼絲狀，份旺好多好清爽仲可以揀多麻醬，粉皮超爽口生煎包6粒 $50生煎包超爆汁，一咬開熱辣辣外皮好脆口，略嫌個底少少厚再薄身啲就完美啦！！📍 劉興記生煎包專門店地址: 旺角通菜街1M-1T號華發大廈地下D號舖

👧🏻Wodafoodie in Mong Kok呢間人氣生煎包專門店，連發哥都幫襯，依家港九新界都有分店，套餐送任飲豆漿好抵食🥹最推介一定係佢地既爆汁生煎包🥟‼️‼️一試愛上！🥰✨💖招牌生煎包 $35/4隻每粒煎到好酥脆，上面仲灑左黑白芝麻～建議細細啖咬開，飲少少湯汁，再成粒食，係口入面爆曬汁🤩好好食🤤🤤🤤‼️真心必食❤️❤️❤️✨🍖招牌上海排骨菜飯+生煎包套餐 $54 （轉拌麵+$10）招牌排骨其實就好似炸豬扒，大大塊，炸到金黃香脆，無骨食得好開心😆超級建議轉拌麵🍜蔥油同醬油撈過既上海麵，煙煙韌韌，好惹味😋✨豆漿（任飲）💯‼️‼️叫套餐送豆漿😍仲可以任飲，老細會唔會太慷慨！豆漿低糖，仲要真材實料，仲濃郁過出面買既紙包豆漿，一唔小心飲左3杯🤣🤣🤣😚📍 劉興記生煎包專門店 (旺角)旺角通菜街1M-1T號華發大廈地下D號舖👅更多同區推介☺️ #wodafoodieinmongkok

Weekend 喺旺角行街行到肚餓想食個下午茶，經過見到呢間出名生煎包嘅好似幾唔錯，於是就決定試下雖然係下午茶時段，但幾乎張張檯都有客人，生意似乎幾好雞絲酸辣湯個酸辣湯好足料，而且好夠酸夠辣，就算唔再額外落胡椒粉或者醋都已經好夠味。而且佢超大碗，兩個人share都仲得生煎包我特別中意佢個皮厚薄度啱啱好。仲有，檯面貼住張紙話「爆汁請注意」原來係真，一食個生煎包入面超多湯流出黎，一個字：爽麻醬青瓜雞絲粉皮佢又係超大碗，絕對唔洗驚唔夠食。麻醬調得唔錯，唔會太甜，青瓜同雞絲都切得好細好易入口，同粉皮撈埋一齊食真係透心涼凍豆漿呢個豆漿係低糖，健康得黎又唔會話覺得太淡，飲多d 都唔會覺得有負擔。而且重點係，原來係一大樽俾你任斟！如果唔係食得太飽，我真係可以飲曬佢

今日去咗間地道上海菜小店，店舖裏面嘅服務員姐姐全部服務態度一流😭🔥，同埋店舖裏面嘅所有菜式都非常大份，值得一試😍仲有幾度餸唔記得咗影相喺呢度介紹埋先！！✏️蟹粉小籠包 $80真係好正！🥟蟹粉嘅味道濃郁，餡料多汁，咬落去肉汁四溢，超滿足！蟹粉搭配豬肉餡，味道層次豐富，真係好享受！而且，包子嘅皮薄而有彈性，蒸得剛剛好，令每一口都係蟹味，真係好想再食多幾個！😍✏️蟹黃生煎包 $70包子外皮酥脆，內裡嘅蟹黃令人驚喜！🦀️🔥每一口都係香濃嘅蟹黃，搭配少少醋，味道更加出色，真係一個不容錯過嘅選擇！🍽️生煎包底部煎得金黃酥脆，表面輕輕一咬就流出蟹黃，真係太好味了！🤤✏️麻醬青瓜雞絲粉 $42盤上面鋪滿咗新鮮嘅青瓜絲🥒，再加上嫩滑嘅雞絲。麻醬非常香濃，拌落去之後，香味立刻撲鼻而來！🥜青瓜清脆，咬落去有一種爽口感，而雞絲則非常嫩滑，兩者搭配得恰到好處。麻醬嘅味道濃烈，但唔會過於膩口，整體味道非常均衡。加上粉條吸咗麻醬嘅味道，真係好正！🍜👌✏️上海排骨菜飯 $42然後我試咗上海排骨菜飯，價錢$42。呢碗飯份量十足，排骨經過醃製，食落去特別入味！🍚🍖排骨外皮香脆，肉質軟嫩，咬落去有一種滿足感。搭配白飯，飯粒吸咗肉汁，味

呢間雖然多人，但下奏都可以唔使排隊就入到上海排骨菜飯🌟4/5炸排骨有一層薄薄的脆皮，肉汁鎖左喺入面，非常好食但係佢嘅菜飯就差啲，啲飯細粒又唔粒粒分明，無咩口感，而且好乾，可以淨叫炸排骨就得生煎包🌟4.5/5套餐包埋一個生煎包，生煎包果然係佢嘅招牌，熱辣辣，入面好多肉汁，係好食嘅豆漿🌟5/5最大方係叫套餐豆漿任飲，姐姐幫你斟完仲會成樽擺係枱面，而且係好飲嘅，同出面有添加嘅唔同阿媽食上海排骨湯麵，就話個麵好普通，無咩嚼口今次無叫到蟹皇小籠包同拌麵，都算係平民餐廳，好多人食個快飯都會選擇呢度

人手有點不足的店 可能是吹捧得太勵害了 抱著很大的期望過去 但其實都不是什麼特別好吃🙃店員會主動叫客人用QR code 下單 但…網絡有點不順 最後還是要麻煩店員幫忙落單🙃·招牌生煎包 主打會爆汁的生煎包 的確裏面有很多湯汁流出來 但…非常非常油膩 吃完一個 整個口腔裏面都是油 那種一直保留著的味精味道 真的很辛苦🥲·上海排骨湯麵 等了超耐才上菜 排骨是新鮮炸起 挺嫩的肉質 但都是一樣 油膩的味道在口腔里徘徊 沒點飲料的我來說 真的很痛苦🙃說起飲料 看到餐牌上有熱的豆漿 所以就跟店員說我要熱的 店員用有點寸的語氣：我哋無熱嫁喎 得涷嫁炸喎！ 嗯！果下真係心諗（嗯！一定係我屈你🙂）那就只要一杯涷🙂 味道怎麼樣我不知道反正我無得飲 一整頓餐食都是油油的味道 超級辛苦的一餐聽店員說每人叫大約$50-60 就可以豆漿任飲 哈

難得一個人喺旺角覓食，見到餐廳嘅價錢都唔會話好貴，豐儉由人，作為一人飯堂呢個價錢都相當之合適，所以如果想一個人食吓生煎包、小籠包絕對可以揀呢間餐廳。‣ 上海排骨菜飯＋生煎包 $54佢嘅排骨講到明係即刻炸，所以上枱嘅時候都仲係熱辣辣，炸得相當之金黃酥脆，而且肉質軟嫩，真係值得嗌嚟食。米飯就粒粒分明，配淡淡嘅菜香，唔會太硬又唔會太軟。見到隔離枱嗌拌麵都好吸引，下次應該會試吓食拌麵。而佢嘅生煎包確實真係好出色，外皮酥脆而且一啲唔會太厚身，唔會令到個口好乾，啱啱好。入邊仲保留咗好多肉汁，所以咬落去嘅時候都要小心啲焫親，味道相當之唔錯，鍾意佢唔會好油膩。‣ 原味上海小籠包 $40就算食唔晒啲飯，我都要嗌個小籠包食吓，價錢唔會話好貴，一樣皮唔會好厚身，而且又保留到佢啲湯汁。鮮甜得嚟又帶有少少油潤感，呢個價錢嚟講絕對係冇得輸嘅小籠包，食完一籠會覺得唔夠喉想嗌多一籠。如果下次我同朋友一齊嚟，我應該會試吓佢嘅蟹黃小籠包，感覺味道應該再提升一個層次。而套餐就送咗杯凍豆漿，而家做緊無限添飲推廣，不過飲慣咗無糖豆漿，飲返甜豆漿有啲唔慣。但係佢啲豆漿嘅豆香味真係好濃郁，唔會飲落口淡茂茂溝咗好多水咁，呢個價錢真係

我地一開門已經入去 叫左3個飯 等左半個鐘都未有 隔離枱遲黎都已經有生煎飽 我地乜都冇 服務態度又唔好仲同我地講岩岩開舖 個爐未開 炸唔到野咁點解一早唔同客人講呢仲要拎左個生煎包過黎都拎返走話要俾隔離枱明明我地叫先 佢俾隔離枱都唔俾我地黎到個飯凍既 雞扒個炸粉又厚雞絲粉皮又難食 雞絲得個幾條啲粉皮又硬又唔入味生煎包個底又厚 仲要勁硬 一啲都唔好食杯豆漿有渣 唔好飲 一個字 「差」「差」「差」🤦🏽‍♀️唔明點解咁多好評🤷🏽‍♀️

今日同朋友一齊食飯，見呢間好多人排隊，價錢又合理，就試一試，排左唔算耐，大約十分鐘已經有得入。服務員態度好好，我地入到黎已經介紹我地有咩好食，豆漿任飲我地叫左8隻招牌生煎包生煎包外皮好脆，多汁，一咬到要小心啲汁噴出嚟，我哋一人四隻，好好食麻醬雞絲粉皮雞絲多，粉皮份量足夠兩個人食，雞絲有少少似手撕雞，都算滑，而且仲有少少青瓜做盆菜炸豬扒撈麵豬扒炸得好香，大份，價錢上嚟講算係好抵，撈麵應該用豉油加咗一啲醬汁，如果可以再多啲汁就正啲，不過都好食嘅小籠包又係好多汁，好軟熟，職員話係即刻蒸，所以都等咗一陣豬肉湯丸呢個係一個比較創新嘅菜式，佢嘅外皮係類似湯圓嘅外皮，好似食緊湯圓咁，但係入面係豬肉，會配埋湯同埋少量嘅配菜，所以有少少似食湯圓，不過係鹹嘅，但係又幾夾價錢嚟講算係好公道，我哋食咗五樣嘢$300都唔使，而且職員態度好好，時不時都會幫我哋加添豆漿，同埋會驚我哋冷氣太凍凍親，有少少感覺似家庭式經營，好有人情味😊👍👍👍

呢間排晒隊嘅上海餐廳，主打生煎包、小籠包、上海菜飯擔擔麵等等。當中我最愛嘅上海排骨菜飯同酸辣湯，真係足料又好味。仲有特價午餐可以點。今日點下其他嘅菜式先！🥟上海小籠包4隻 $40 小籠包要等15分鐘，因為即叫即蒸，熱辣辣上桌，一咬開超多濃烈嘅湯汁爆出嚟🤩🤩，入面嚿肉餡都好足料啖啖肉😋。🍲雞湯小雲吞12粒$35最鍾意食佢呢度嘅小雲吞，一份有12粒。小雲吞包到細細粒，但係食到鮮甜嘅肉味，入口嫩滑。🥬上海菜飯$20每次都食到好飽，而且職員服務態度都好好👍，見到你啲豆漿飲晒都會主動幫你添，佢幫我添成兩三次，我飲豆漿都飲到飽晒🤣，佢啲豆漿都幾好飲㗎，係好濃郁的豆漿💯💯💯。

 招牌生煎包（2件）$20 ♪劉興記名物招牌生煎包，皮薄餡靚不在話下，肉餡厚實而且充滿湯汁，簡直係口腔入面上演緊一場肉肉嘅party🎉，不過食嘅時候要小心太熱燙口！ ᗦ↞︎◃︎ 值quota指數: ✿✿✿✿ / 5 雞絲酸辣湯麵$34 ♪ 鹹酸辣味道非常平均🍜，麵底份量好足，雞絲份量貴精不貴多，個湯底比較稀建議可以先試其他更多出色嘅菜式ᗦ↞︎◃︎ 值quota指數: ✿✿.5 / 5 原味上海小籠包（4隻）$40 ♪ 上海小籠包湯汁飽滿🥟，皮薄餡靚，肉餡味道同招牌生煎包相似，味道非常濃郁！ᗦ↞︎◃︎ 值quota指數: ✿✿✿✿ / 5 麻醬手撕雞粉皮 $42 ♪ 超級足料嘅手撕雞粉皮，麻醬嘅芝麻味非常香濃兼帶帶小小花生醬味🥜，令人一啖接住一啖！ᗦ↞︎◃︎ 值quota指數: ✿✿✿ / 5 手工豆沙窩餅 $28 ♪ 不過不失嘅豆沙窩餅，餅皮淋身有蛋香味🥚，同傳統嘅豆沙窩餅相比有分別呢ᗦ↞︎◃︎ 值quota指數: ✿✿.5 / 5✎ 總括：生煎包非常出色，值得一試，其他菜式整體不過不失！✼ 加一服務費✘ෆ̈ 劉興記生煎包專門店 (旺角)✇ 地址：旺角通菜街1M-1T號華發大廈地下D號舖

🏅皇牌S3 麻醬手撕雞絲粉皮+生煎包 $54一次過有哂食上海菜我每次都會嗌嘅兩款！雞絲粉皮比想像中大碗好多 女仔做正餐絕對夠飽😍一卷卷嘅粉皮嫩滑爽彈口感好唔錯配搭大量青瓜絲同埋粗條雞絲口感豐富滿足麻醬香醇濃稠帶啲燒香味然後嘅鎮店之寶 米芝蓮主角當然要試試啦～～生煎包絕對係意猶未盡😋底部金黃香脆 入面係滿滿嘅肉汁 一咬開就爆汁特別要提係佢哋嘅內餡唔會話太多肥豬肉太油膩嘅感覺！🍲雞絲酸辣湯 $35個湯好足料啊！有冬菇 雞絲 木耳 蛋花 同埋筍酸味比辣味突出 食唔到好辣嘅朋友都唔使擔心酸辣湯質地帶微黏性 酸辣中帶微微甜味仲有仲有！！！豆漿任添任飲哦微甜新鮮帶豆香味嘅豆漿解膩開胃又滿足🤤

到了旺角呢間劉興記，上海麵專門店，主打人氣生煎包，黎到當然要點佢地嘅招牌生煎包品嘗下啦，煎得皮香脆，咬落好爆汁，肉餡鮮甜確唔錯啊！招牌擔擔麵，麵上鋪了很多的櫻花蝦&肉醬，跟醇厚的擔擔醬汁拌勻食很讚。排骨蔥油撈麵，排骨炸得香脆，內肥瘦適中，撈麵的醬汁剛好，麵質爽口彈牙。白灼小棠菜，翠綠新鮮健康之選。手工豆沙窩餅，外皮蛋香鬆軟，豆沙餡都唔會太過甜。套餐奉送豆漿，仲可以免費添飲，真係一間親民又溫馨的小店。

見到open rice咁多好評 我都抱住好大期望入去夜晚7點幾去到都派左陣隊但排5-10分鐘左右就入到去👍🏻✨鮮雞湯小雲吞12粒配2隻生煎包$54✨老實講….個小雲吞我真係唔識欣賞肥豬肉好多 無鮮味 個皮又唔特別薄真心急凍小雲吞都好食過佢好多🥲生煎包係我最期待既環節😍不過我食既第一粒係冇汁既搞到我好失望😭但第二粒爆汁係唔錯既但d生煎包都唔係熱辣辣上可能唔夠熱？所以我覺得個味道都唔係話好好好好食個種…呢個生煎包期望太高 搞到有d失望！✨招牌上海排骨拌麵配1隻生煎包$54✨排骨炸得好好食 我好怕d炸排骨會好乾但佢唔會乾之餘 仲有少少肉汁 唔錯既！不過個拌麵就….好！普！通！唔夠惹味另外每個餐都包豆漿 而且豆漿任飲但如果你話佢係豆漿 我覺得似豆奶多d有少少奶香味 不過我差唔多杯杯佢都係比最底個d我所以我杯杯都有渣咁濟😂上網d人講到好好飲咁🤔低糖係唔錯既 但我想飲豆漿多過豆奶咁囉…整體而言，好一般，座位又細，拎多個袋都擺唔到… 不過鋪頭同餐具都乾淨，但下次未必再試～

🍚劉興記生煎包專門店  📍前一排social media有好多飲食page、foodie 都有po生煎包，好似好hit咁，搞到我都好想試，今次終於有機會啦🍴蟹黄生煎包（2隻）  $38 一上枱就聞到陣陣嘅蟹黃香味，煎得金黃嘅外皮，咬落去「卜」一聲，熱辣辣嘅湯汁就爆晒出嚟！個湯底好鮮甜，帶有微微嘅蟹膏嘅鹹香，而個餡料就充滿住蟹肉嘅鮮味，每一啖都好似喺食緊一隻迷你嘅蟹咁！🍴蟹粉小籠包（4隻） $80 蟹粉小籠包嘅個頭比生煎包細啲，但係個餡料就更加濃郁。輕輕一咬，熱辣辣嘅湯汁就喺口腔爆開，蟹粉嘅鮮味喺舌尖上慢慢散開，真係好滿足！
🍴雞絲酸辣湯  $35配埋一碗雞絲酸辣湯，酸酸辣辣嘅湯底，飲落去好開胃，而且雞絲嘅份量都幾多，口感豐富。🍴低糖豆漿   $0 （消費滿$60）呢間店嘅豆漿竟然係免費送嘅，而且任飲！豆漿嘅味道香濃，而且唔會太甜，係一個完美嘅結尾。