利強記北角雞蛋仔

营业中

休息中

途經呢頭見到有人掛隊買雞蛋仔, 見到個名先記起睇過食評話正, 咁我又排埋一份。熱辣辣的時候好易一搣就難, 凍左依然好脆, 開頭食到有香蕉味以為自己錯覺, 個friend都話有先知自己的味蕾冇事, 不過買的時候冇寫喎, 但有冇人食過佢地的夾餅呢?

昨日去車品品摸完門釘後，走去呢度搵雞蛋仔食。真係要排隊，唔好講笑。見佢裡面6、7個雞蛋仔模不斷咁整，厲害。起手真係好熱，食落好脆，但自己比較鍾意甜d 的雞蛋仔，但呢度的就比較淡，可能expectation 太高，反而冇乜驚喜。仲比老婆串，話有冇須要專程走過來食，我當然死撐啦，不過講真，都有d同意佢講，如果專門搭車走過來食，就唔係咁值了。

今日陪火星朋友搵食，駕車可以周圍去，所以就諗住食D 遠少少0既先，一諗就諗起北角雞蛋仔﹗搵左一陣先搵到，有七至八人排緊隊，但又唔算等左好耐，十分鐘唔洗有得食﹗個紙袋打晒窿好得意，個雞蛋仔勁熱，但好香。急不及待即刻整粒入口，好脆呀﹗好好味啊﹗火星朋友亦話勁鐘意，因為平時佢要駕成個鐘車先可以買到一"底"雞蛋仔，仲要好貴。而佢細妹仲慘，只係食過佢買外賣0既雞蛋仔，所以佢一入口就話：『熱架﹗』真開心﹗而且呢度D雞蛋仔最好係食到最後一粒都仲係勁脆架，其他食到一半已經淋晒，已經唔想食，但呢度0既真係食完都唔夠喉呀﹗勁正﹗大家一定要試呀﹗

尋日媽咪收工買左個雞蛋仔返黎. 我同家姐食完晚飯後一人一半"拆"左佢.同意前面o既食評, 個雞蛋仔真係有少少香蕉味. 唔知係咪買左返黎再擺左一陣, 個面唔係好夠脆. 佢有個優點,就係唔係好甜, 質素okay啦...不過好似細個街邊用炭爐燒o既雞蛋仔好味d...但係回憶裡o既通常都會好味d o既!

我食過華都擺檔幾次, 都覺得有d香蕉味呀, 真係好好味!!! 唔知佢地用咩EGG呢???? 北角賣幾錢底呀??

真係多得門口條人龍，先至搵到間舖。熱辣辣0既雞蛋仔真係幾好味~ 最欣賞佢果種外面脆卜卜，裡面又軟綿綿0既口感！而且每一粒都咁充實，唔會有「得塊皮」0既情況出現~味道方面，我自己就幾喜歡喇，淡淡地、唔太甜。另外，老闆娘會將從蛋模邊刮出來0既「脆皮」放埋一邊。見前面個女仔要求老闆娘俾d佢，我地亦照辦煮碗。我覺得呢d「脆皮」比起雞蛋仔本身一d都唔輸蝕，又薄又脆！各位下次去0既時候，唔好錯過了！

You can buy it in Shanghai Street

They have a counter in Tuen Mun 華都商場now.I tired it last week! very very yummy!!!

anyone knows where I can buy 雞蛋仔模型?

中央圖書館個擋係由兩公婆(我估係掛！)整的，有一次我企佢地則邊企半個鐘等巴士，一路望住佢地整，發現如果係由個阿伯整的會好好多，我估應該係整幾十年隻。但如果由個女人整的，就會好，比較生手，佢交件雞蛋仔比人時，會刻意遮住面，我見D人照食可也！(評分不適用)

無疑呢度的雞蛋仔係蛋味不重，但已比坊間一些喇喉的雞蛋仔好好多。加上焗得外脆內軟，要排隊都值得一試。’作為一個地遁掃街王，維園附近果個阿伯賣的雞蛋仔當然試過，佢仲有個特色，就係用一隻得番兩隻腳的叉去撩整好的雞蛋仔。比較起這裡，那個雞蛋仔有是脆有時又較濕，始終街邊檔幾難做得到水準穩定。雞蛋仔做得出色的一定要數一檔在摩利臣山，灣仔VTC附近擺檔的，佢又係用隻兩腳叉，不過就用汽爐，雞蛋仔又係外脆，好少失手。食到前幾年都有食，近來就不知了。

每次行過都見有人排隊買雞蛋仔，我都排過一次，因為要排隊等所以一定熱辣辣，不過味道一般，我覺得有d香蕉味咁，我唔多like!十個有九個買雞蛋仔，如果買格仔餅可以唔駛排即叫即整!p.s.中央圖書館門口有個伯伯賣雞蛋仔係炭燒架，我等巴士時見佢夾d炭落個爐度，用把扇潑潑下!唔知係咪好味呢?? 個時係放學時間都好多學生買!!

成日都想講下哩間野d雞蛋仔，但係真係唔知間野叫乜名，而加先知。佢d雞蛋仔好出名，成日都排長龍，食過幾次，未食過熱辣辣都可以咁脆0既雞蛋仔，但味道就麻麻，完全無味，所以都唔係好值排咁耐...

好想寫這間店，今日見到KC先生提到這裡真是感到好心，因為我就在對面的space上學。這一間店真是超多人去，我們的學生一有休息就下去買，好多時半班人都是給這店吸引走了而遲遲都上不了堂。多數人都是買雞蛋仔，外脆內軟，而且要蜜瓜味真是有的，不太甜，帶回課室就全班都是那雞蛋仔味。也十分高興他的袋同對品質的要求，小小一間點都不馬虎，值得一等十分鐘。

星期六陽光普照，人也精神一點。同老婆去北角食札幌拉麵，在港運城落車，見到這間聞名已久的雞蛋仔店已經排了一條五人的小人龍，我地當然唔執輸又排埋一份。呢度係用電的夾板，始終兒時食開的火燒鐵夾板已經幾難搵。見佢一開就六個夾板一齊整，雖然一底底的雞蛋仔密密出，但見前面排隊的是兩、三底的買，加上老闆如果見烘出來的效果未如理想的話，會扔掉再烘，所以都要等成十分鐘，我地果底雞蛋仔至可以到手。雞蛋仔果然外面脆脆的，而入面又軟綿綿，蛋味略欠，但比較起街頭巷尾的喇喉雞蛋仔已經高一班。呢度標榜不用色素，是否如此不得而知，但雞蛋仔的色水不是刺眼的黃。難怪呢度唔算旺舖，前面又無巴士站都咁多人排隊。載雞蛋仔是一個刺了圓洞的紙袋，用意是疏氣以免在紙袋內的雞蛋仔變腍，幾有心思。9蚊一底，價錢應比其他地方貴一蚊至兩蚊，但喜歡雞蛋仔的是值得一試。除了雞蛋仔，用同一原料製作的窩夫亦有賣，不過因為要另外烘，所以要買就要早揚聲。同老婆在舖外食雞蛋仔，見佢一路都有不少於五個人在排隊，直到我們食完札幌拉麵再經過，都仲係有五、六個人。賣雞蛋仔賣到成日有人排隊，呢度都算犀利。