利強記北角雞蛋仔

营业中

休息中

20060806 1700聞名已久的北角雞蛋仔, 今天終於有機會一試.條龍不算長, 只有五,六個人左右, 每個顧客買到的都是剛出爐, 不會放到腍晒.$10一底不算太貴, 果然能做到每粒都外脆內軟, 蛋漿的味道不太甜, 正中下懷, 很快已給我同事頭婆掃清.順道食埋旁邊的碗仔翅($10), 足料, 真的有火腿及木耳絲, 冬菇等, 縱然都是假翅,但這店用的是素翅, 即是兩頭都係尖的那種, 總比用粉絲的多了一份好感.又順道買了一枝檸檬薏米水($7), 少少杰, 口感幾厚, 又係少甜之作, 解渴一流!

去到已有六七個人排緊隊,等左十分鐘就有得食喇,食一粒...真係好好食,外層脆內層軟就係基本要求啦.最難得既係入面真係空心架,而家好少食得到,印象中除左佢,我只諗到以前維園門口阿伯既推車仔,比較起黎,阿伯既出品仲有陣好香既炭燒味添,而呢度既蛋香味卻勝阿伯一籌.就打成平手啦!根據我既觀察,佢之所以咁正有幾個原因,第一:唔會因為見多人排隊,就想快快趣趣了事,照舊等到夠烘得'透',再離火又擺一輪,先會起出黎比客食;第二:份量拿得準,唔理個鐵模有幾重同幾熱,有過多蛋漿一定會倒番出黎,所以先做到空心;第三:當然係個蛋漿較得好啦,落足蛋再加埋少甜,GOOD!

10蚊一底雞蛋仔,無論係tst or cwb對我呢個學生黎講都係貴,何況呢一間係北角,更唔會試,不過..見佢既評語咁好,就乾脆一試。 幾搞笑...一行埋去,阿姐就問係咪要雞蛋仔,問完唔別1秒已經第左袋雞蛋仔黎,岩岩整好的, 佢連錢都冇問我地收=.=""咁當然自己俾番佢啦~ 聞左一聞,唔係太香,不過一咬...真係好脆,以前我自己食雞蛋仔食到一半或大半就唔想食,通常死症係太厚,唔脆,但佢底雞蛋仔每粒都唔會太厚,而且好脆,所以唔覺唔覺就食晒成底。 味道唔係話好好食~~不過都唔錯,但唔好話我煩...真係好脆!

好吃兼好多人排隊！必試！

放工路過見到咁多人排隊,我又唔執輸排番底.食落都幾有蛋香,又唔會好甜.幾好.但略為乾身,外皮太脆口,但都唔錯架la.

前兩個禮拜日十點零專誠呢到買雞蛋仔同夾餅，估唔到都要等成十五分鐘。事關佢真係逐份好認真慢慢咁整，唔會因為人多而較大個電熱板做快Ｄ，可能呢個就係佢好食原因。一食落口，果然好正：雞蛋仔外脆內軟，充滿蛋香；而夾餅亦係非常香軟好食。唔怪得呢到日日有人排隊；但要有心理準備要等。

我覺得佢地既夾餅好味d, 邊位好脆而且佢地d夾餅係厚過出面個d, 所以食落內裡鬆軟. 仲可以要求落多d醬..佢地亦唔會市儈架...有求必應.

因為吃了恐怖的炸雞飯，心中相當難過。便來這兒買番底招牌「古法雞蛋仔」（$10），讓女友好過一點。排足十分鐘隊，才輪到我們。十蚊底的雞蛋仔，在此區其實唔算平。但吃過就知道係值得。要求添加「邊」，正一「下欄嘢」。但卻是最被女友欣賞的東西，香脆惹味誘人，好得沒話說。結果，雞蛋仔只吃了大半，「邊」卻一片不剩！

其他野好似魚旦呀，我唔會係度食，因為好多車仔檔都整得好食過佢，但係雞蛋仔又真係做得唔錯既，排咁耐都算係值得．．．．

食過兩次- 一次係下午大約一點...一次就係夜晚七點夜晚次好食好多!!!...唔知會唔會係因為唔同人整, 所以搞成咁呢...anyway, 我都會推介呢間雞蛋仔, 但就建議夜晚先去囉排隊呢...我就去兩次兩次都排十分鐘...就連平時搭車經過都見到佢條人龍!... 我估真係無咩時間唔洗排啦講番d雞蛋仔...睇住佢整...d蛋漿多到漏晒出(唔知咁整係咪會好食d呢)...令到個雞蛋仔好飽滿咁...個fill 一半...而且好軟好香...個皮就好脆...但千奇唔好凍先食........味道會差好遠ga!!!!!!

每次經過都有好多人排隊等雞蛋仔...所以我都有排隊買在個雞蛋仔試下先...皮係比其他店脆..不過都無咩咁特別啦...

我係住係雞蛋仔舖後面條街GE.1想食落去買都好方便=]的而且確呢間野D雞蛋仔真係好味..永遠落街經過又好真係去買又好都鬼死咁多人..呢排冬天仲勁..條人龍長到去街尾..佢間舖係街頭BOR..可想而知佢真係幾受歡迎。我覺得佢最吸引人GE地方係表面脆卜卜兼薄皮,唔會好似有D舖頭咁就算新鮮個皮都好厚同埋''UN'';入面個餡佢係軟棉棉係晒1邊,煙煙韌韌..出面好多都係D餡佈滿個心..漿住個口咁。整好一底之後佢會吹一陣先俾你,不過依然熱手GE.個袋有好多窿窿俾雞蛋仔透氣保持脆口.正!我知佢出面多分店所以都搵過D分店試..不過味道真係真係差好多..連我的D朋友都咁講。始終原店係好味D!另外就係我見到有D食評都有講過中央圖書館出面果個阿伯..我間學校就係果頭附近..低FORM果陣都仲有幫襯佢,貪佢係用炭燒,有另一種風味,兼且佢係放學時間會擺檔係我學校條街出面(ST.PAUL醫院入面條街),因為有幾間學校做佢生意。不過FORM4開始我就開始驚...因為有日黃昏我仲見佢檔口係度(學校出面)..但個人就唔見左..我周圍望..點知佢就係附近有個停車場GE位入面.''方便''緊-_-自始怕怕喇..唔敢再食佢

雞蛋仔好鬼新鮮同有蛋味....尋晚試左夾餅... 都係雞蛋仔好d!!!

曾經響北角做part-time既時候，已經食過呢度好好味既雞蛋仔喇....不過都仲未試過格仔餅。星期五放工後心血來潮好想食...就特登老遠走到呢度買0黎食....食後真係唔會令我後悔呀^^ 因為真係好好好脆呢...都未食過咁好食既，真係開心...個亞姐仲好好人比好多醬比我tim!!

After eating at 阿鴻, we walked to 勁辣派甜甜掌門, just for 雞蛋仔1.雞蛋仔:8分, just wait for a while and we could get this 雞蛋仔, it brings me the memories in my childhood of tasting 雞蛋仔, just the same standard as the one that I tried be4!. At these days, it is getting more and more difficult to try this kind of old-styled 雞蛋仔.好脆,好熱,辣手!