利強記北角雞蛋仔

营业中

休息中

又開學了！由於早到的關係，咪又食下ｄ零食先囉。呢間雞蛋仔之前食過一次，覺得冇乜特別，今次就試下ｄ格仔餅。ｄ格仔餅中間有好多煉奶同花生醬，都幾香甜，可惜個餅冇乜雞蛋味。我諗呢間野咁多人幫襯，係因為佢個位好，經過試下都無妨。

sep 19, 09去開北角食晚飯,完咗之後,友人帶埋我嚟呢個北角出名嘅雞蛋仔 : 1) 雞蛋仔 (hk$12)-9.30pm左右,無人排隊,真好-上手暖熱-個皮的確脆,但裡面就唔喺全滿-唔多發現蛋香味-只喺脆口度好-唔喺難食,但仲未搵到啱我口味嘅

琴日傍晚經過北角見冇咩人排隊, 超開心即刻走去買, 點知食落, 水準差過對上兩次超多, 之前食, 一低雞蛋仔起碼有8成係近符實心,今次食, 冇錯d雞蛋仔的而且確好脆口, 不過全部都係空心,咁同一般鋪頭嘅雞蛋仔有咩分別啫, 使咩特登搭車走去食

約六時到，沒有長長的人龍，排了數分鐘便買到了個人認為比其他大底一點，而且受熱均勻，因為每粒都是金黄色的！咬下去外皮很脆，嗅到淡淡的蛋香，而甜到適中，很不錯的確它不像牛下那檔般實心，但它也有其功架，至少放涼了也脆的，光是這點已值回票價！不同意的大抵是各花入各眼吧！

好耐冇食呢度既雞蛋仔, 成日經過都排晒長龍...難得今次冇乜人, 即刻衝過去買...點知就係因為冇人排, 有時間整定幾底...我同前後三位客人都係買預先整好既...雖然都熱熱哋, 但係味道認真麻麻...每粒雞蛋仔幾乎得個殼, 而且脆得嚟帶硬...冇咗以前外脆內軟既質感...結果食咗幾粒放棄咗...認真失望!

每一個人，都有其獨特的個性和喜好；雖孔子有云「知其不可而為之」；但要人作與其喜好相違之事，自是難矣。太公性喜嗜甜，奈何近日發現自己身型暴漲，對自己千叮萬囑，甜食絕不可碰；不過正所謂「江山易改本性難移」，忍了數天，是日午膳後路過琴行街，看見這雞蛋仔名店，受不住其吸引，在沒有朋友陪同之下，竟失控要了一整底雞蛋仔獨食！ (<聲音經過特別處理>其實冇食更甜更膩既格仔餅，我已經好克制架啦...個格仔餅都超吸引呀...嗚....)那底雞蛋仔，真固作得相當精彩；粒粒也有六至七成飽滿，外脆內軟，而且沒有過濕，竟比中學時的石籬車仔檔更好吃！吃著吃著，蛋香之外還隱隱透著清香，後來向居於北角的朋友查詢，許是下了香蕉油之故。呼！失控換來的美味，讓人既滿足，卻又充滿罪惡感啊.....

食完lunch，一d都唔飽，見無咩人排隊就買格仔餅。格仔餅其實好一般，皮好厚好厚，醬料不夠，但又未至於好難食，因為我真的食過好難食好難食的格仔餅。所以我覺得元朗有間格仔餅比這裡做得出色好多好多！

六七點收工時間，人龍都幾長，不過唔係等咗好耐就有。十二蚊，可以話幾貴，食落口係好夠熱（新鮮做好嘛），但等個脆字，咬開入面幾乎係空心，而且食幾個已十分口乾，仲覺得好熱氣！我覺得雞蛋仔唔應該會係咁。

第一次嚟北角,有人排隊,大約等左15分鐘,好香,但食咗一淡,完全無蛋味嘅雞蛋仔,得脆,晤係我要嗰隻!

我好多時都會經過北角, 記憶中幫襯過呢間舖頭不出五次, 而雞蛋仔只係食過兩次, 因為我係炭爐雞蛋仔既die hard fans, 無炭爐味既雞蛋仔硬係好似爭咁啲! 琴日放工經過時覺得有少少肚餓, 咁岩又無人龍 (好難得ga!), 於是用左$12買左一底頂下餓. 岩岩整好既雞蛋仔果然好香, 好有焗爐味. 肚餓既時候理應食乜都係好味既, 但我覺得呢啲雞蛋仔無乜味, 點講呢... 即係無雞蛋味又無奶味, 好似食左一啖糕入口咁樣!! 無可否認啲雞蛋仔好脆好香, 但就淡而無味, 咁無蛋味既雞蛋仔仲可唔可以叫雞蛋仔呢?

唉!搵左呢間野搵左好耐啦坐在幾程電車周圍望都見唔到可能係佢冇個大大招牌掛雖然要等,但點樣都比整好烘左好耐的街邊檔好熱辣辣到手即時擠入口好脆!真係卜卜聲內心只有一半,另一半係超脆的外皮內心係軟的,做到外脆內軟呢甜度剛好,不像得灣仔分店淡而無味由於雞蛋仔真係非常脆口,喜歡軟身的雞蛋仔就不太合適了。

其實呢間食左好多次~一向都好出名嫁喇今次返工係附近就走左黎買返公司食~$12一底呀!不過唔知點解出面係好脆呀..仲脆過d薯片呀所以我食完要飲好多水~但係唔係我想食既雞旦仔囉~本來得原味已經唔係my first choice嫁喇點知而家仲要唔係外脆內軟...得外脆...熱氣爆呀!咁既價錢..唔會再食lu

這間店子都是有有名的！在放工時總是有一條長長的人龍可是最近水準下滑。首先是同事買到公司吃，A同事說沒有蛋味B 同事說因為不夠熱，已經買了1小時有多A同事則回答：我不是說不夠脆，而是沒有蛋味。昨天我證實過，的確和新鮮不新鮮夠熱不夠熱無關只是他們的蛋水不夠購濃，不夠味道，最後失去了蛋味。至於衛生，在主要的馬路附近黑煙始終不會是太衛生，但街邊檔風味嘛~~~沒問題的。不過12元1客，又不夠好味。真的貴了一點點。

鮮有到北角一帶，今天是專程到來，目的當然又是為了一個「食」字，除了主角的「手信店」外，到訪前當然要找找有甚麼美食可以一試。最後找了三間食店，由傳統街頭小食、北方小點，到正宗福建平民食店也包括在內。先在成坤廣場附近下車，馬上走到只在對面馬路的「勁辣派甜甜掌門(北角雞蛋仔)」，傳聞說經常要大排長龍，但今天在店前只有一位客人在等候。店前只能看見「一對手」及「多座電熱式烤雞蛋仔爐」，而十二元一底的價錢亦不算便宜。要了一底「雞蛋仔」($12.00)，由於有多個烤爐同時處理，在數秒內已可在其中一個取出弄好了的出來，一看之下已覺得有點烤過了頭。雞蛋仔的表面已不是金黃而是程淺啡色，香脆感雖十足，但亦令到內裡的蛋心收縮，沒有豐滿之感。蛋漿甜味有點過火，令味道只有甜而沒有蛋香，但一底只是一般水準的雞蛋仔，如真的要花十分鐘或以上的時間來排龍購買，就真的不值。再加上不是用炭火來烤，沒有了炭火的不猛而高溫的火力，強硬地用電熱來烤，吃下去時有點生硬感。

在北角區經常有兩條人龍，一條係位於書局街王記糖水門外，另一條係一街之隔，位於琴行街北角雞蛋仔門外。此店嘅雞蛋仔做到街知巷聞，不少城中名人都有幫襯過，還拍照留念。筆者與太座食過唔少街邊嘅雞蛋仔，發覺此店嘅出品果然與眾不同。一般嘅雞蛋仔有幾個弊病，第一係以雞蛋粉充之，焗出嚟嘅雞蛋仔只布雞蛋嘅顏色而冇雞蛋嘅味；第二係火路控制唔純熟，令整個雞蛋仔好硬，兼且會界口；第三係材料唔足，焗完之後，冇錯外皮係香脆，至弊內裡亦空空如也，好似紙一般穿腸過肚，食完好似冇食過一樣。呢度出品嘅雞蛋仔冇犯以上毛病，外表焗得金黃香脆，有蛋香味。裡面還有一層軟綿綿嘅餅底，幾乎佔據內部空間嘅一半。紙袋布滿小孔，幫助水氣散發，防止雞蛋仔變淋。一底十二蚊(兩份廿二蚊)，如果唔係太肚餓嘅話，呢一底絕對可以充饑。