利強記北角雞蛋仔

营业中

休息中

早前跟同事見客後，路經來此，早上亦有多位來買，等了一會才有吃的，但卻沒有想像中的美味，雖是即叫即做，雞蛋仔香脆尚可，香味一般，但料就不夠，因該是外內軟，但內就不太有料，有點失望，幸好的不是太甜，味道可以食物用心做是好味的，但看到做的女士，只是是是但但，可能用心一點，會好味吧！或者出名了就不同啊！

食左呢檔咁耐,水準依照keep住,無得彈,格仔餅鬆脆,配料都夠,必食雞蛋仔雞蛋味濃,軟熟,外面又脆!不過由$8食到而家$13一底,都少吃左閒時經過都可食下,

由於去北角工作關係,工作完畢後剛好4點多,有丁點肚餓,就決定食出名的雞蛋仔填肚.位於十字路口旁邊,貼滿名星和食評介紹,非常易搵到;價錢就$13一底,$24兩底，價錢貴,如果好好食就值o架喇,不過....可能由於非繁忙時間關係,只係等o左5分鐘就有得食,雞蛋仔外層脆卜卜,但入面的料只係得三份一層,略縑冇乜咬口,食佐都唔多覺咁樣之於味道又唔係特別有蛋香...只係普通貨色如果你只係喜歡脆卜卜的雞蛋仔就一定o岩你,否則只會失望而回

阿鴻小吃後去試雞蛋仔等左一陣就有啦真係好脆脆到好似薯片唔會太甜有蛋味不過$13一底有D貴><

佳記無開咁arm行過呢間野，就try try 佢13一底24兩底，幾貴雞蛋仔ok ge，armarm整起一定好食外脆內軟，但係蛋味唔夠同埋佢d脆係多孔o個隻，唔係乾薄o個隻夾餅同雞蛋仔一樣味，係無咁脆onlyd醬唔得，抹得唔夠even糖唔夠，無芝麻椰絲唔洗試唔係食味，係食質感

剛剛去完榮記食完野,行左陣街,就過了來食好出名的雞蛋仔.不過, d 味就好普通, 冇驚喜.而且佢又0係馬路旁, 車多,塵多. 都係因為有咁多名人來, 才一試.不過一試就夠了.

尋日(20-3-2010 Sat)同男友返北角整完o野,行過o黎o度嗅到好香雞蛋仔味,男友話呢o度好出名,咦?!係咪就係北角雞蛋仔呀?佢答就係啦.啊,咁見有人排隊都要要試試喇.但我唔想食好漏o既雞蛋仔,於是決定買夾餅.到我喇,我見有一件已整好擺o係o度o既夾餅,我話要即整另一件,佢答冇問題,$13.00一件o既夾餅,快就整好o左喇.好熱好熱,我同男友快快行去北角碼頭食,但一直急不及待忍唔住食,嘩!個邊位好脆好好味呀!而夾餅唔太甜,但食到好入都重未食到鍊奶同花生醬o既?流晒o係個紙袋o度?唔好o掛.但其實佢真係落得好少.不過成個都唔太漏,好味.

吃完台灣香腸，又不想放過雞蛋仔和格仔餅，加入排隊人龍。雖然越來越多有水準的雞蛋仔出現，例如試過天后的臨記，但眼前這些剛出爐的雞蛋仔，仍然覺得是心目中最好的。熱呼呼的，外脆內軟，有蛋香。反而格仔餅可能太厚，味道又一般。不過，從 $9一底到現在，巳要 $12一底了($22兩底) 。

這裡的雞蛋仔平均比出面貴很多（銅鑼灣只賣$8啊）而它是不是真的值得食呢？相信這是很多人第一次來吃的疑問。雞漿下得很薄很少，為的是要製造超薄超脆口的皮，所以吃一整塊都不會有半點飽肚。如果是追求極度脆皮的人，這裡是值得吃的。問題是，如果閣下不追求脆皮，而追求有質感、有彈口、有蛋味的話，那麼這裡絕對會換來極大的失望，而且絕對覺得虧錢了。很不幸我是後者，只覺得像是吃了超級香脆的蛋皮，而不是在吃雞蛋仔。所以嘛，我不會再來第二次了。看大家的口味吧！畢竟不是人人都有同一樣的口味嘛。

咁難得出北角補習當然要搵下有咩好野食啦前一晚已經plan定要食北角雞蛋仔啦$12一底 $22兩底雞蛋仔外皮脆卜卜 入面軟既部份相對下不太突出有好有唔好啦 睇下你自己口味啦蛋味都叫有既 不過偏淡格仔餅呢個唔得啦 皮好厚 但醬料就得好少好少好似食蛋餅咁 好淡好淡好淡

成日行過見倒都排哂隊,所以一次都冇買過黎食..今日咁岩有同事想食,陪佢一齊買..之後買左兩餅雞蛋仔..脆就真係好脆..但係一D蛋味都冇..唔講都唔知食緊雞蛋仔排隊一向都係呢度既『招牌』,點解成日都要排隊?今日先知,D阿姐做野真係好慢好慢,又掛住吹水慢慢黎..咁做法..梗係成朝到晚都大把人排隊啦味道始終各花入各眼,但係排咁耐買餅唔值咁既價錢的雞蛋仔,本人覺得唔值得囉

好像前天才看到報章雜誌話一底雞蛋仔有幾多幾多既糖份....今日經過北角雞蛋仔, 因為時間尚早, 中午都未到, 未見人龍, 已經將報章的報導拋諸腦後, 買番一底食先!依然係咁好食, 又不覺得太多油, 起碼食完後隻手唔會好肥膩, 外層脆卜卜....真係好好食呀~

放break既時候同朋友冇事做,慢慢行到北角,我提意去食雞蛋仔e度同tst一樣都係$12/1底不過e度既太脆喇,根本唔係太食到裡面既軟而且脆到有少少界口,但蛋味十足始終中意食尖咀果間多d

一直聽人講呢間野好好食 好出名今日一試 都係不外如是買左底雞蛋仔佢一o係個模度刮出黎 就比我lu~唔洗好似其他舖咁同風扇吹就咁比我都已經好脆只不過脆得黎刮得損你個口另外,完全冇蛋味個餡又唔滿邊邊o個d冇餡我都原諒佢但中間有餡o個d位都唔滿, 得一半最重要,係入面d餡濕濕地都唔熟o既 雞蛋仔個餡應該係好似蛋糕咁o既感覺ga maall in all呢檔雞蛋仔只係脆 冇其他優點可言我唔會再幫襯lu元朗有一間好食好多lor

伯父伯娘最近新居入伙,搬咗去北角,阿爸同阿媽之前己經睇過佢地間屋,之後...就問我去唔去睇,我話好呀.伯父伯娘既新居,好近呢間買雞蛋仔既舖頭,每次黎親北角,我都會排隊買一底黎食下.佢吸引之處既係...就係賣雞蛋仔都可以賣到出晒名,好多人都冒名而黎.點解咁多人排隊,咪因佢d雞蛋仔夠蛋味,咬落佢夠軟,旁邊d邊又夠脆,而且用上通窿既紙袋裝d雞蛋仔,唔駛佢咁快腍,確係抵讚.依家既售價比以前貴咗好多 22元2底,12元1底,搞到好多人都主動問前後d人夾唔夾份買,每人可以慳番一蚊,慳得一蚊得一蚊嘛.同埋...想識女仔係最佳時機.