利強記北角雞蛋仔

营业中

休息中

利強記北角雞蛋仔非常著名，分店早已在不同地區紮根，冰不時於尖沙咀店和灣仔店買雞蛋仔吃。這次，冰終於有機會幫襯其北角店哩。當時大約傍晚六時，正值公眾假期的周一 ，門外有一條短短的人龍。不消一會，冰已排到龍頭，購得一底雞蛋仔。這家雞蛋仔，只提供一款口味，就是最基本的原味，沒有任何光怪陸離的mix and match。雞蛋仔是新鮮出爐，熱騰騰，煮得恰到好處，是名符其實的外脆內軟，配以淡淡蛋香，教人再三回味。若然有機會路經此店，絕對值得一吃。

Reason for visiting:My family and I were waiting for a friend in North Point, so my sister decided to get something for us to snack on while waiting.  Environment & Hygiene:Hard to comment on since all I could really see were the paper clippings of how famous and "delicious" the place was.  It was kinda cool though because it was like a giant beautiful collage. Service:The lady was friendly and efficient. Taste & Value:Egg waffles bring back a lot of memories.  Although my mother never liked the

去完港運城food court晚餐，覺得唔夠滿足，所以熊大兔兔決定去附近的利強記買多底雞蛋仔食。不愧係雞蛋仔熱店，晚市都要排四五位先有得食！望住店員即叫即整，蛋漿一落烘夾就反轉，做到雞蛋仔半粒脆半粒軟，所以入口就外脆內軟喇！北角總店的雞蛋仔仲特別有蛋香，脆的程度仲好似食緊蛋卷咁~雖然通脹左要$15一底，不過呢種港式小食真係令人好滿足！

家住附近,由細食到大,由佢賣9蚊一底到依家十五蚊一底.好小見到唔洗排隊既時候..雞蛋仔外面好脆,裡面係一半空心一半實心,所以好有口感!試過食其他既雞蛋仔真係會覺得其他既好難食...小貼士:1) 買左就要即刻食! 咁係最好味既! 2) 放學時間最多人 (因為附近有間幼兒園, 小朋友鍾意食丫嘛!)

北角雞蛋仔，聽就成日聽人講話好好食喇，不過因為嫌佢太遠，所以真係咁多年未試過。今日過開黎做野就順便試下佢啦！門面有好多明星幫襯既相，亦都有好多人排隊。作為一個香港人，見到有人排隊自然就唔會執輸，冇錯，我地已經一支箭咁去左排隊。雖然人龍係幾長，不過佢地都幾快手，所以唔使等好耐已經到我地喇…雞蛋仔真係好香呀，熱辣辣，外脆內軟，入口後雞蛋既香味即刻走晒出黎其實，呢期好多人都話佢失左準，又話d料少左好多咁，當然都係果句啦，有時，可能做生意果個都身不由己，周圍加租加得咁緊要，佢地唔賺多都要番本既…而可能我個人易滿足d，其實周圍食雞蛋仔都要$12、3，質素仲要差一截距離，$15一底真係算ok架喇。

今日出北角做嘢~再次途經北角雞蛋仔..食過幾間利強記雞蛋仔.....佐敦店的最外脆內軟..而北角原店整得最唔好味..難得今日經過..頭先同事又同我提起..所以買左一底..試多佢一次喲~但係仲係咁難食..外皮有點烘過龍... 好硬...裡面既醬的硬曬了.. 完全無外脆內軟既感覺..亦因為太硬, 留唔住溫度...所以又乾又硬又快凍..同買人地台灣日本果啲PACKAGE好既厚厚雞蛋脆餅無分別！機會真係一次就夠.. 唔會再試的了！

利強記雞蛋仔,次次都很多人排隧,想食都不容易吃到,舖頭就貼了很多明星相今次朋友話要食,就乖乖排隧吧原來真係值得等,新鮮出爐,雞蛋仔外面很脆,裡面就很嫩,軟軟的,很香的奶味,蛋味也很濃,很甜!!給個笑臉吧!

成日話排長龍之一的雞疍仔店，終於今日來訪。晨早十一點三，我們絕對不是第一個光顧。雖然不用排隊，都要等了片刻。嚼口感覺是比市面上的一般脆，不厚身，可以食完再食都唔會有太填位而不能回家用膳的感覺，小食，零食就係需要這個特性。但味道對本人就嫌太甜。係咪口碑多於實質，真係見仁見智。

對上一次幫襯, 很失望!!! 但我始終對這幫襯了十多年的元袓店, 殘留一絲感情, 希望它上次是一時失手... 今天再來1次, 給它1次又1次的最後機會... 午飯時間, 未有人龍...店內其實有很多部雞蛋仔機, 只是透過窗口只能見到2部, 店員未有意欲清理雞蛋仔機上的殘餘物... 未落單前, 見到有2底已制好不知多久的雞蛋仔放在鐵架上, 本不欲購買, 但最後又買了...雞蛋仔單看外表, 不錯...雞蛋仔外皮很脆, 可惜... 內涵嚴重不足, 只填滿了3成, 入口鬆軟, 蛋香香濃...這一粒雞蛋仔的內涵更是嚴重... 俗語說有云空心老倌, 敢問這一粒是否空心老蛋?!! 我也知道, 通脹猛於虎, 但它的價錢不算便宜, 但也不應給我這種貨色?!! 我曾是你的忠實粉絲呀!!! 好懷念以前老細親手做的雞蛋仔, 當時覺得是全港最好味的, 人龍超長不特止, 排隊時經常遇到明星駕車前來購買... 時光可以倒流嗎?!!.

早已聞名 , 北角雞蛋仔, 各大電視台報章雜誌o既飲食專頁, 都不曾無報導過, 採訪過, 但北角對我黎講, 真係十年唔會去今日就因為早前團購左一個抵食雞煲二人餐, 所以先遠道而來一出地鐵站, 還未弄懂邊條街打邊條街, 要向左定向右 ....就o係馬路對面見到呢間利強記北角雞蛋仔, 立即搜尋一下,果然.... 原來就係呢間, 睇落舖面簡陋 , 如果唔係有人龍, 有鋪滿牆o既名人合照, 新聞剪報 , 加上香噴噴o既蛋味,再配合我呢唔識香港路要四圍搵街道名 , 我今日就會走寶喇即使巧合的遇上利強記 , 我地都係掙扎左一陣先買黎食o家食完簡直有種幸運又幸福o既感覺, 原來真係咁好味o家喎 !!呢底雞蛋仔, 應該係我食過最香最脆o既, 真係咬開會有卜一聲內裏小雞漿口感軟軟綿綿 , 如果再大粒少少就更好味,整個烘焗時間, 蛋漿面粉同糖o既比例都做得好出色, 果真佩服 !## 市面上己經出現左千奇百趣不同味道o既雞蛋仔, 相反呢度,一直就只賣原味同格仔餅, 又一令人佩服o既地方 !! 分店眾多下次去開旺角 , 記得都要去其分店試下同總店品質有否差異

今日放工後突然好想食北角的雞蛋仔，因為都已有一段時間無吃了到了利強記北角雞蛋仔門口，人龍十分長，而且每人更買了兩至三底才離開，我看見他們格仔餅也十分吸引，雖然要留個肚子食晚飯，但他們的香氣也使我忍不住手買了一底格仔餅和雞蛋仔，排了半小時多終於到我買了，熱騰騰的格仔餅和雞蛋仔十分好食，價錢方面也相平時食的格仔餅和雞蛋仔雖然略為昂貴一點，但也是十分值得一試及再試 不得不再提他們的雞蛋仔內裡外脆，感覺十分好食

一直住在東區，知道此店的雞蛋仔，亦經常途徑此店，卻一直未試過。主要原因係永遠都被那條8-10人的人龍嚇怕。之後，分店越開越多，喺其他分店總算一嘗滋味，但此北角總店還是未有機會。到前一陣子，跟女友一嘗筲箕灣的大街小作後，有友人表示北角利強記的比前者更好，促試二人一試的衝動！星期六7時多，途徑此店發現只有2~3人排隊，就衝了去排隊，等了大約10分鐘就有得食。通脹真的嚇人，如今一底雞蛋仔，索價$15底，$28/2底。因未食晚飯，一底雞蛋仔試過好了。賣相相當吸引，每一粒都漲扑扑，看似相當飽滿！咬開後，見每粒雞蛋仔內約6~7成滿，比坊間只有4~6成已算不錯。雞蛋仔外皮非常脆身，不是坊間其他雞蛋仔所能做到，是制作時間加上出品前用吹風機配合的效果吧！只可惜外表金碧輝煌，卻敗在其中！雞蛋仔毫無味道可言，既無雞蛋味，亦不是強烈麵粉味，令人難以理解蛋漿所用的材料，或許是蛋漿溝水過度所致之淡而無味。以$15/底的價錢，吃到如此質素的雞蛋仔，只可以說…排隊人龍的縮短解釋了一切。只靠名氣+外表，無相對的內涵，長遠而言只會趕客收場。更不用跟翌日巧遇炭爐雞蛋仔伯伯的驚喜作比較！

九龍人難得出香港區，剛好又經過北角呢間賣雞蛋仔賣到出哂名既鋪頭，為食妹為食所以買1底一試有幾好味…炎炎下午，喺鋪外排隊時望入去鋪裏真係有好多整雞蛋仔既餅模，加加埋埋起碼都有10個，如果多人時應該更快有得食。等咗10mins終於買到馳名雞蛋仔。熱辣辣的雞蛋仔不能即刻入口，吹咗一吹，就食第一粒…雞蛋仔表面很硬但脆，好似食緊薯片咁，內裏有一丁點餅肉軟綿綿的。但味道就好甜仲帶點香蕉味，食咗幾粒喉嚨開始起痰。雞蛋仔好快無咁熱，食啲雞蛋仔就越嚟越硬身了，所以試過就算。

公司於 2010 年尾由中環遷往北角，覓食路線，一下子向東移，由昔日慣常光顧的 「勝香園」、「蓮香樓」、「九記牛腩」換成了現在的「榮式」、「權發」及近期的飯堂「食為鮮」。但不是說：變幻才是永恆嗎？ 下星期要被掉派往九龍灣另一部門上班了，雖然可憑藉這機會發掘一些新的食肆，擴闊自己的飲食視野，但其實這一年下來，對北角這區的人和事，唔多唔少都已建立了一定的感情，現在要離開了著實是有點不捨。雖然北角離家不太遠，要來這區走動，實在是輕而易舉的事，但筆者為人慵懶，無事不登三寶殿，將來到這區覓食的次數肯定會大幅減少，就趁最後一天在北角上班，來「北角雞蛋仔」重温一吓兒時最愛的街頭小吃，雞蛋仔和格仔餅。 位於琴行街的「北角雞蛋仔」，中午的排隊人潮還沒太多，看看售價，嘩，升幅著實令人驚訝，記得去年初才賣 $13 一底，現在已升至 $15 一底，$28 兩底，反正不知要等多久，下次才會再來，就雞蛋仔和格仔餅各點一份。由於是現烤的，所以需要花點時間等候，那就利用這個空檔，細看一吓小小的窗口上貼滿的報章雜誌訪問。等了約十分鐘左右就可拿到手了，先吃那袋熱呼呼的雞蛋仔，外層入口超級酥脆，尤以邊邊位最為明顯，

以前返工成日經過~見到好多人排~點知有日得閒我都走去排一排... 10MINS後,終於在我手脆BOOMBOOM~ GOOD!! 最特別係佢個紙袋有lonelone可以疏氣~~但其實同我想像中差唔多... 不過雞蛋仔最緊要熱食je!! 一啖接一啖好快食晒太多明星介紹 開始整得唔好><d阿姐好似都唔係點理你..一句起兩句止~又買2底先平1蚊咁大把!我冇咩太大特別再去買~~真係行過想食先買囉!唔建議大家特登去食~