初麥手作烘焙

营业中

休息中

好耐未食過咁厚實，仲唔膩嘅泡芙，水果啖啖肉，cream啱啱好，唔多唔少。麻薯味道恰到好處！下次真係要早啲起身嚟買芋泥包，價錢好適宜，性價比非常高。落班嗰陣過嚟太遲，就貝果仲有超多。

🥖🍮🥯北角手作烘焙店✅開心果布丁包- $24呢個布丁包上面有唔少開心果碎，雖然隔咗一日先食，但個布甸仲係好滑，好creamy, 同埋幾濃開心果味，可以凍食，亦都可以叮熱食，個包皮都做到好薄，吾會好難咬。唔係即日記得擺雪櫃。🆗伯爵茶麻糬條 -$7呢個麻糬係長條型，上面粉粉地，都香伯爵茶味，但口感未係好煙靭。🆗斑斕椰絲麻糬波波 -$6 波波都吾細個，綠色嘅外表好香斑斕味，入面亦都食到好多椰絲，同樣係口感差d

麵包控又出動啦，今次嚟到網上大熱提供芋泥布丁包，位於北角嘅「初麥手作烘焙」，除咗布丁包外，布丁撻、麻糬波波同貝果都係小店招牌產品；少過海嘅我梗係趁住機會買多幾款試吓；大熱店果然受歡迎，當日去到連俾錢都要排隊----------🔹芋泥布丁包 $19喺布丁面上寫上「芋」字，有誠意由於唔係即日食，所以放咗雪櫃，隔一日再用電飯煲翻熱切開見到芋泥份量都幾多又夠挺身，比例有接近一半，布丁份量大約有芋泥嘅三份一加熱咗嘅包好脆口有麥香，有一定厚度，唔會薄到冇口感；布丁夠軟滑有雲尼拿籽味道帶微微蛋香，芋泥好綿密仲好重芋香，個人好鍾意！加上整體甜度唔高，幾滿意🫶芋泥控應該唔會失望😆美味指數：9/10----------🔹開心果布丁包 $24加熱再切開之後，開心果布丁會跌出嚟😂包體同上；布丁包上灑上少量開心果碎，有開心果香但唔算濃郁；布丁部份同樣好軟滑，雲尼拿籽味道比較突出，開心果味道相對薄弱，而且個人口味覺得甜咗少少，相比芋泥布丁包較為失色美味指數：7/10----------🔹伯爵茶麻糬條 $7小店有幾款口味麻糬波波，唯獨伯爵茶味係條狀，都算幾大個入口伯爵茶味幾明顯，甜度都適中，口感就屬於正常麻糬水平，

佢個tirimisu好食到黐咗線囉～ 唔苦亦唔會好甜，所以唔會覺得滯/膩～ 勁香～ 個餅底好鬆香！擺一陣室溫就最好食！食一個唔夠喉啊！做散水餅/party勁啱！好味好味好味好味好味好味！

之前試過芋泥布丁包覺得好好味 所以今次咁啱經過諗住再encore 點知太夜已經賣灑🥹淨返原味布丁包 照買嚟試吓返到屋企即刻食 好足料 不過略嫌個包皮有啲韌 中間好滑 整體都係芋泥布丁包好味啲 可能因為多咗啲芋泥更加豐富 不過呢個都唔差嘅😋

呢間位於北角嘅手作烘焙店聽就聽得多，今次難得經過，我就買咗啲布丁撻試吓～ 布丁撻係曲奇餅皮嚟嘅，分別有「原味布丁撻」、「伯爵茶焦糖布丁撻」、「芋泥麻糬布丁撻」，有啲款好似係逢星期六、日及公眾假期先有得賣嘅，我今次咁啱weekend過去就三款都齊晒😍👍🏻 三款嘅味道都唔錯，原味充滿蛋香；茶味就真係好重伯爵茶味；芋泥軟滑，麻糬有拉絲效果但唔煙韌，有少少失望… 撻皮好鬆化，散發住滿滿嘅牛油香（記得唔係即刻食的話就一定要翻熱先食，試過冇翻熱食個撻皮偏硬）！整體嚟講的確係唔錯，而且個撻好足料，自己食晒一個我覺得好飽！🤣

北角開心果控必食-初麥手作烘焙之前試過呢間既布甸包好滑😊今次買左開心果千層包同埋其他味道嘅布甸包，竟然有開心果味，同埋芋頭味🤤開心果控要試吓啦😉開心果千層包除咗表面佈滿開心果，入面都係開心果餡料，有淡淡嘅開心果味，又唔會太甜😀另外試咗開心果布甸包，麵包表面係淋身，如果返屋企可以焗返脆嚟食😂入面滿佈開心果餡料，好滑好香😗如果預啱出爐時間，會排長龍架🙃

屋企人趁lunch 時間又買左呢個超好食既芋泥布甸包俾我食！ 真係世一好食！ 中午時間買，放工後7點左右先收到呢個包凍晒咁食都覺得佢超好食，屋企人仲話岩出爐果陣，成間麵包鋪都充斥香濃芋頭香氣。個包既表面印有巨型「芋」字，好布特色，問左屋企人先知原來仲有原味，不過知我鍾意食芋泥所以揀左芋泥味俾我！一啖咬開，中間澎湃的芋泥傾瀉而出，激流心綿滑芋泥帶有少少甜味，配埋Creamy布甸心，味道濃郁又不會太甜！而呢個包整體內餡份量頗多，層次好豐富。不過佢個麵包皮有啲難咬開，應該係為左承托到個芋泥布甸先做到韌啲。所以都係100分🤣🤣

近排好似中咗開心果毒咁，四出尋筧有關開心果嘅食物，例如蛋糕、麪包、開心果醬等。「初麥手作」更被開心果關註組煲得熱烘烘，可見當日都不少人是慕名而來。本身開心果布甸包是口袋內的No1 可惜因為自己不能夠當日吃而放棄，不過我仍有Plan B 鮮奶球$9150度3 分鐘拎上手幾油，烘至包頂微脆，牛油味比重多，吾太吃到牛奶味，感覺比較油。千層開心果酥$32100度3 分鐘聽講係要一層層咁撕開嚟食。上層由朱古力醬和開心菓組成，口感相當豐富，好鐘意同時吃到兩種味道，完來好夾。聽講要一層層撕開食，中間註滿開心菓醬，但味道怪怪地，吾人太似開心菓味，酥皮超重牛油味，所以食落幾膩下，仲會攪到成手油，不過酥皮嘅野預咗佢油。蟹柳包$13非同日吃，100 渡預焗5 分鐘麪包夠鬆軟，餡料是打孖上蟹柳、芝士，整體好食。

開心果布丁就話食過幾次可可愛愛嘅開心果麵包磚暫時都好少見🧱本豬帶大家試一試佢ฅ ˘ฅ✧ 開心果布丁包（$24）先講個餡 — 開心果custard💚開心果味濃冇得彈.ᐟ.ᐟ.ᐟ質地唔太實唔太流質啱啱好可以Q彈咁duang duang個包放咗一陣凍咗🍮雖然食落個包有啲靭🍞但佢個靭勁係好有咬口！而唔係平時咬完黐牙嗰種~(˶‾᷄ꈊ‾᷅˵)~好少覺得有包放耐咗都好食可能佢哋落多啲酵母？✧ 開心果細千層（$35）面層搽咗朱古力再黐開心果碎上去🍫呢層本豬覺得係最好食嘅！再撕多兩三層就好似打開咗個月光寶盒咁好似有個開心果水池咁⁽(◍˃̵͈̑ᴗ˂̵͈̑)⁽但唔好expect成磚都係開心果醬本豬突燈掀起俾大家睇不過估計係驚個醬向下滲個磚會穿掛最後本豬mit咗底冇醬嗰啲點返開心果水池🏝️其實啲醬都夠令到成個包有味嘅･◡･放咗成日先焗嚟食但整體酥皮都好脆～聽聞仲有開心果冰心包但今次見唔到下次一定會再嚟試下佢開心果cake同其他款(*¯︶¯*)

終於來到北角了，之前一路想試呢間手作烘焙，甘啱布丁撻啱啱出爐，熱辣辣軟腍腍，真係超好味，蛋香味十足，入口超順滑。又買左原味布丁包、芋泥布丁包，都係好好食，色香味俱全。

➲ 北角 初麥手作烘焙之前食過初麥嘅麻糬同芋泥布甸，麻糬同芋泥做得好出色，麻糬雖然無咩空氣感同蜂巢，口感同菠蘿皮好啱我口味，呢間嘅麻糬暫時係個人心目中最好食嘅，今次回購同試埋佢嘅新品！➳ 芋泥布丁蛋糕杯 ⁽⁶/¹⁰⁾雙層海綿蛋糕夾住芋泥層，配上布丁頂層，多重口感，芋泥夾層有芋頭顆粒，美中不足在分量少，有啲比海綿蛋糕蓋過咗。➳ 伯爵茶麻糬條 ⁽¹⁰/¹⁰⁾新品麻糬條條，一樣咁煙韌，茶味仲要好出，必試。➳ 小山園抹茶麻糬條 ⁽¹⁰/¹⁰⁾唔好睇佢外表扁咗，但好重抹茶味，真係好鍾意呢間嘅出品！⤵ 北角英皇道483-497號東寶大廈地舖

🌸葡撻｜$8千層酥皮夠脆香牛油味蛋漿部分好creamy表面夠焦所以焦香味好突出👍🏻🌸海鹽牛油卷｜$10底部脆卜卜麵包部分好煙韌牛油味會愈食愈出🌸蒜香乳酪飽｜$22蒜香新份系甜口既麵包口感煙韌乳酪系一舊固體狀食落微酸

.@jakenmebakery （北角）.一間又係成日聽日推介 但對於新界仔太唔就腳嘅Bakery..位於北角嘅「初麥」多得姊姊米粉 我有機會係聖誕收到呢份禮物🤣..感謝！但真心.. 我又幾surprised！好味wor！想同大家分享卡路里 & 味道究竟抵quota與否呢？.1.開心果細千層.呢個一望就好似label住「我好好味」嘅招牌..每層嘅千層透薄又夠質量環環相扣 承托住大家..焗後邊位脆 但內裡都ok軟熟 口感上好舒服！.開心果餡主要位於上part嘅內層..唔係濃郁底.. 但風味係食到嘅！感覺係食千層吐司為主 開心果味為輔！覺得係包香 & 麵粉奶香更突出.2.芋泥麻糬布甸包.呢個真係.. 好驚喜.. 份量滿滿！好重身！因為好足料！🔥芋泥香 麻糬煙韌舒服 奶香出..加埋葡撻香合格！！ 而家KFC都垃圾咗.. 好可惜..但佢嘅葡撻香係在水準的！所以成件事夾埋…幾種滿足！🥹.3.麻糬波波（班蘭椰絲 / 芝士原味 / 朱古力）.高質高質高質！呢間嘅麻糬波波我好鍾意！無論係口感 味道..尤其係班蘭我好推薦！！朱古力味45g 其他都係30g.so far呢幾樣我都覺得幾鍾意尤其麻糬波波 &

啊仔一見到就指定要貝果就話要買，原本係用湯種法製作，啊仔揀 三重芝士貝果 ，亦都係熱賣，我偷左啊仔個貝果幾啖，有彈性👍🏻濕潤度啱啱，煙韌富咬口之餘，不會太難咬開，好鬆軟，表面上焦香烤炙芝士，中間內餡藏著四四方方芝士粒，啊仔食完一整個係咁嘩好飽肚！我就好鍾意朱古力麻糬燒，麵包鬆軟，麻糬軟糯更有拉絲效果，加熱之後有流心效果，忍不住一口接一口🫶🏻再食蘿皮麻糬QQ，不太甜，幾好味。千層吐司🍞要搭配法國無鹽奶油製作，將麵糰交疊多層，長時間繁複手工製作而成，同時麵糰加入大量忌廉，令口感更加柔軟且帶奶香味。我就邊撕邊吃，外皮吃起來帶香酥口感，內餡絲滑綿密🥰